ვანო მაჭავარიანი - კობი-გუდაურის ჩქაროსნული მაგისტრალი საქართველოსთვის უფრო მეტ სამხედრო საფრთხეებს შეიცავს, ვიდრე ფინანსურ, ეკონომიკურ თუ სავაჭრო სარგებელს

ვანო მაჭავარიანი - კობი-გუდაურის ჩქაროსნული მაგისტრალი საქართველოსთვის უფრო მეტ სამხედრო საფრთხეებს შეიცავს, ვიდრე ფინანსურ, ეკონომიკურ თუ სავაჭრო სარგებელს

access_time2019-08-15 13:39:42

უშიშროების საბჭოს მდივნის ყოფილი მოადგილის, ვანო მაჭავარიანის აზრით, კობი-გუდაურის ჩქაროსნული მაგისტრალი საქართველოსთვის უფრო მეტ გეოპოლიტიკურ და გეოსამხედრო საფრთხეებს შეიცავს, ვიდრე ფინანსურ, ეკონომიკურ თუ სავაჭრო სარგებელს.


როგორც მან „ინტერპრესნიუსთან“ საუბრისას განაცხადა, დღევანდელმა ხელისუფლებამ საქართველოს მოსახლეობას უნდა აუხსნას, თუ რა ფინანსურ, ეკონომიკურ და კომერციულ სარგებელს მოუტანს ამ მონაკვეთზე ამხელა თანხის დახარჯვა.


“კობი-გუდაურის მიმართულებას წლებია სომხეთი და რუსეთი ლობირებს, იმისთვის, რომ მათ შორის დამაკავშირებელ სატრანსპორტო, სავაჭრო თუ სამხედრო გზა არსებობდეს და მათ შორის მიმოსვლას არანაირი პრობლემა არ შეექმნას. ეს ლობირება კი აზიის განვითარების ბანკისა და სხვა ბანკების მეშვეობით ხდებოდა, რომლისთვისაც საქართველოს საკმაოდ დიდი სესხი უნდა აეღო. დღევანდელმა ხელისუფლებამ უნდა აუხსნას საქართველოს მოსახლეობას, თუ რა ფინანსური, ეკონომიკური და კომერციული სარგებელი მოაქვს ამ მონაკვეთზე ამხელა თანხის დახარჯვას მაშინ, როდესაც შავი ზღვის პორტებიდან საქართველოს დანარჩენ ტერიტორიაზე, მათ შორის, ჩვენს მეზობელ ქვეყნებთან, სატრანსპორტო-საგზაო კომუნიკაციები დღესაც არ არის მოწესრიგებული. ამის ერთ-ერთი ყველაზე ნათელი მაგალითია ანაკლიის პორტი, რომელიც პრიორიტეტული უნდა ყოფილიყო, დღეს კი ის არამარტო ჩაშლის პირასაა, არამედ ის საგზაო თუ სარკინიგზო კომუნიკაციები, რომელიც უნდა მოწესრიგებულიყო, კიდევ არ არის მოწესრიგებული,“ - განაცხადა ვანო მაჭავარიანმა.


მისივე განმარტებით, საკმაოდ დიდი რისკები არსებობს, რომ ეს ჩქაროსნული მაგისტრალი რუსული გეოპოლიტიკური მიზნებისთვის იქნება გამოყენებული.



„არსებობს სამხედრო უსაფრთხოებისა თუ გეოპოლიტიკური რისკები, რომ ეს გვირაბი თუ ჩქაროსნული მაგისტრალი რუსული გეოპოლიტიკური და გეო-სამხედრო სტრატეგიებისთვის იქნება გამოყენებული, ვინაიდან მათ საქართველოს ტრანზიტით პირდაპირ სომხეთთან აკავშირებს. სწორედ ეს არის მათი ძირითადი მიზანი. აქედან გამომდინარე, საქართველოს ხელისუფლებამ საქართელოს საზოგადოებას ძალიან კონკრეტულად უნდა აუხსნას, თუ რა რისკებთან არის ეს მონაკვეთი დაკავშირებული და როგორ აპირებს ამ რისკების მინიმალიზაციას და რა კომერციულ სარგებელს მოიტანს აღნიშნული მაგისტრალი საქართველოსთვის, რადგან საქართველოს ხელისუფლებამ უნდა აიღოს კრედიტი და ეს ვალი საქართველოს მოსახლეობამ უნდა დააბრუნოს“, - აღნიშნა ვანო მაჭავარიანმა.



შეგახსენებთ, რომ საქართველოს მესამე პრეზიდენტმა მიხეილ სააკაშვილმა კობი-გუდაურის ჩქაროსნული მაგისტრალის პროექტს “ახალ როკის გვირაბი“ უწოდა და როგორც მან აღნიშნა, ავტობანის აშენების შემთხვევაში, რუსეთს თბილისის სწრაფი აღებისათვის სამხედრო გზა გაეხსნება.


IPN






Startup Grind-ის მთავარი სპიკერი GLOVO-ს თანადამფუძნებელი იქნება

Startup Grind-ის მთავარი სპიკერი GLOVO-ს თანადამფუძნებელი იქნება
access_time2019-10-18 13:55:46
2019 წლის 8-10 ნოემბერს, თბილისში, Startup Grind-ის რეგიონული ღონისძიება გაიმართება. Startup Grind Europe-Asia Connect-ი საქართველოს ინოვაციების და ტექნოლოგიების სააგენტოსთან პარტნიორობით იმართება და მას 1 500-ზე მეტი მონაწილე დაესწრება. საქართველოში დაგეგმილი რეგიონული ღონისძიება Startup Grind-ის ფარგლებში გამართული მესამე ყველაზე მასშტაბური ღონისძიება იქნება „სილიკონ ველისა“(8000 დელეგატი) და ლონდონის (3000 დელეგატი) შემდეგ. კონფერენცია აერთიანებს 30-ზე მეტ სპიკერს, 20-ზე მეტი...

„ჯიპიაი ჰოლდინგი“ ყველა ავტომფლობელს სტიქიური რისკებისგან დაზღვევას უფინანსებს

„ჯიპიაი ჰოლდინგი“ ყველა ავტომფლობელს  სტიქიური რისკებისგან დაზღვევას უფინანსებს
access_time2019-10-18 13:50:03
„ჯიპიაი ჰოლდინგი“ ყველა ავტომფლობელს სტიქიური რისკებისგან დაზღვევას უფინანსებს. პროგრამა მთელ საქართველოზე ვრცელდება. ჯიპიაი პროგრამას აგრძელებს და რეგიონების მაქსიმალურად ჩართვას გეგმავს.პროგრამაში უკვე ჩართულია 95 000 ავტომფლობელი. საჩუქრად მიღებული პოლისებით ჯიპიაიმ მხოლოდ წელს დაზღვეულებს 70 000 ლარამდე ზარალი აუნაზღაუარა. სადაზღვევო კომპანია “ჯიპიაი ჰოლდინგის” გენერალურმა დირექტორმა პაატა ლომაძემ მასშტაბური სოციალური პროგრამის მეორე ეტაპის შესახებ...

არჩილ მესტვირიშვილი:„ეროვნული ბანკის ამჟამინდელი ოფისი რამდენიმე წელიწადში კიდევ უფრო შეგვიქმნის პრობლემებს“

არჩილ მესტვირიშვილი:„ეროვნული ბანკის  ამჟამინდელი ოფისი რამდენიმე წელიწადში კიდევ უფრო შეგვიქმნის პრობლემებს“
access_time2019-10-18 15:00:00
„საქართველოს ეროვნულ ბანკს ფუნქციები ეზრდება და გაიზრდება მომავალში კადრების რაოდენობაც,რაც იწვევს საოფისე ფართის მკვეთრ უკმარისობას. ჩვენი თანამშრომლების 1/3 ნაქირავებ ოფისში მუშაობს, ეს ცალკე პრობლემას ქმნის, იმის გარდა,რომ ორ სხვადასხვა ადგილას ვართ განთავსებულები, გვაქვს ხარჯიც“-ამის შესახებ საქართველოს ეროვნული ბანკის ვიცე–პრეზიდენტმა, არჩილ მესტვირიშვილმა რადიო „კომერსანტის“ გადაცემაში „ეკონომისტის დრო ლევან ქისტაურთან ერთად“ სებ-ის ახალი ოფისის მშენებლობის შესახებ...

ჯაფარიძე საპატრიარქოს - ბიზნეს მოდელი გაქვთ შესაცვლელი

ჯაფარიძე საპატრიარქოს - ბიზნეს მოდელი გაქვთ შესაცვლელი
access_time2019-10-18 13:07:38
ზურაბ გირჩი ჯაფარიძე, სოციალური ქსელით, საქართველოს კათოლიკოს პატრიარქისა და პოლიტიკური პარტიების შეხვედრების თემას ეხმიანება და საპატრიარქოს წინასაარჩევნოდ რჩევებს აძლევს: საქართველოს საპატრიარქო საქართველოს კათოლიკოს პატრიარქს. არჩევნებამდე პოლიტიკოსების რიგი იქნება...

onoff.ge- ახალი, ინოვაციური ონლაინ პლატფორმა ლიბერთი ბანკის მხარდაჭერით შეიქმნა

onoff.ge- ახალი, ინოვაციური ონლაინ პლატფორმა ლიბერთი ბანკის მხარდაჭერით შეიქმნა
access_time2019-10-18 11:55:51
onoff.ge ონლაინ პლატფორმა, საყოფაცხოვრებო მსხვილი და წვრილი ტექნიკის სახლიდან გაუსვლელად შერჩევის, შეძენისა და საკურიერო მომსახურებით სარგებლობის საშუალებას წარმოადგენს. ამ ეტაპზე onoff.ge-ს ონლაინ კატალოგში. 100 000-ზე მეტი პროდუქტია განთავსებული და 100-ზე მეტი მაღაზიის შეთავაზების გაცნობაა შესაძლებელი. Onoff.ge –ზე საკუთარი პროდუქციის დამატება შეუძლია ნებისმიერი ტიპის და ზომის კომპანიას, რომელიც მობილური ტელეფონების, აქსესუარების, კომპიუტერული ტექნიკის,...


მსგავსი სიახლეები

up