ვანო მაჭავარიანი - აზერბაიჯანი ესაუბრება თურქეთს, სომხეთი - რუსეთს და ვის ესაუბრება საქართველო, რომ რეგიონალურ კონფლიქტში, რომელიც კარს არის მომდგარი, მიიღოს გარანტიები სამხედრო უსაფრთხოების თვალსაზრისით?!

ვანო მაჭავარიანი - აზერბაიჯანი ესაუბრება თურქეთს, სომხეთი - რუსეთს და ვის ესაუბრება საქართველო, რომ რეგიონალურ კონფლიქტში, რომელიც კარს არის მომდგარი, მიიღოს გარანტიები სამხედრო უსაფრთხოების თვალსაზრისით?!

access_time2020-09-28 23:00:12

აზერბაიჯანი ესაუბრება თურქეთს, სომხეთი ესაუბრება რუსეთს და ვის ესაუბრება საქართველო, რომ ამ რეგიონალურ კონფლიქტში, რომელიც კარს არის მომდგარი, მიიღოს გარანტიები სამხედრო უსაფრთხოების თვალსაზრისით?! - ამის შესახებ უშიშროების საბჭოს მდივნის ყოფილმა მოადგილემ, ვანო მაჭავარიანმა , „ინტერპრესნიუსთან“ განაცხადა.

მაჭავარიანი თვლის, რომ სომხეთ-აზერბაიჯანის დაპირისპირება სახიფათო ნიშნულზე მივიდა და საქართველო ამ სიტუაციას სრულიად მოუმზადებელი ხვდება.

მისი შეფასებით, ხელისუფლებას აქვს იმედი, რომ ეს დაპირისპირება საქართველოს გვერდს აუვლის.

„ფართომასშტაბიან ომში გადაზრდის დიდი შანსი არსებობს. ეს არ იქნება მხოლოდ ორ ქვეყანას შორის დაპირისპირება. მან, შესაძლოა, რეგიონალური ხასიათი მიიღოს და ამაზე მიუთითებს თურქეთის განცხადებები, რუსეთის პოზიცია და სომხეთის მოწოდება რუსეთის მიმართ, რომ დაეხმაროს აზერბაიჯანის წინააღმდეგ.

გარდა ამისა, ამაზე საუბრობს ამერიკის პრეზიდენტი, რომ მნიშვნელოვანია თავიდან ავირიდოთ რეგიონალურად ამის განვითარება. საქართველო ამ სიტუაციას, სამწუხაროდ, სრულიად მოუმზადებლად ხვდება და მხოლოდ და მხოლოდ სესიაშვილის განცხადებებით შემოიფარგლება, რომელიც არასერიოზულია.

4 ივლისიდან მოყოლებული პირველი სამხედრო დაპირისპირებიდან ყველა ნიშანი იყო, რომ ორივე მხარე სერიოზული სამხედრო დაპირისპირებისთვის ემზადებოდა. ეს 27 სექტემბერს სერიოზულ სამხედრო დაპირისპირებაში გადაიზარდა და აზერბაიჯანის პრეზიდენტის განცხადებები, რომ ის მზად არის დაიბრუნოს სომხეთის მიერ ოკუპირებული ტერიტორიები, საკმაოდ სერიოზულია და ასევე, სერიოზულია თურქეთის განცხადება, რომ მზად არის აზერბაიჯანს გვერდით დაუდგეს. საქართველოს ხელისუფლებას უბრალოდ გამორჩათ ეს საკითხი და არასერიოზულად მიუდგნენ და მხოლოდ იმის იმედი აქვთ, რომ ეს სამხედრო დაპირისპირება ჩაცხრება და საქართველოს გვერდს აუვლის“, - განაცხადა ვანო მაჭავარიანმა.


მისივე თქმით, ხელისუფლებამ აშშ-სთან საუბარი, რაც შეიძლება სწრაფად უნდა დაიწყოს, რადგან საქართველოს მხარდაჭერა სჭირდება და ჩვენი უსაფრთხოების ერთადერთი გარანტი სწორედ შტატებია.

„20 ივლისიდან მოყოლებული საქართველოს ხელისუფლებას ძალიან მნიშვნელოვანი ნაბიჯები უნდა გადაედგა ჩვენს სტრატეგიულ პარტნიორთან ამერიკასთან და ევროკავშირთან ამ თემაზე. თუ ეს დაპირისპირება ომში გადაიზარდა, საქართველოს გარეშე სამხედრო მოქმედებების განხორციელება წარმოუდგენელი იქნება და ამიტომ არის მნიშვნელოვანი, რომ საქართველოს ხელისუფლებას ძალიან აქტიურად ესაუბრა ჩვენს სტრატეგიულ პარტნიორთან ამერიკასთან, რომელიც არის ერთადერთი გარანტი საქართველოს უსაფრთხოების და დაცულობის. სხვა მოსაუბრე და მოკავშირე საქართველოს არ ჰყავს. ეს მომენტი ხელიდან იქნა გაშვებული და მნიშვნელოვანია, ეს პროცესი, რაც შეიძლება, მალე დაიწყოს და დრო არ დაიკარგოს, რადგან ჩვენ გვჭირდება მხარდაჭერა იმისთვის, რომ არ აღმოვჩნდეთ ჩათრეული რეგიონალურ კონფლიქტში თუ აზერბაიჯანს მხარში ამოუდგა თურქეთი და სომხეთს რუსეთი, რისი საშიშროებაც, რა თქმა უნდა, არ უნდა გამოვრიცხოთ“, - განაცხადა მაჭავარიანმა.

შეგახსენებთ, მეორე დღეა მთიან ყარაბაღში სომეხ და აზერბაიჯანელ სამხედროებს შორის შეიარაღებული დაპირისპირება მიმდინარეობს. მხარეები მძიმე არტილერიის გამოყენებაში ერთმანეთს ადანაშაულებენ. Reuters-ის ინფორმაციით, კონფლიქტის შედეგად ამ დრომდე დაღუპულია 21 და დაშავებულია ასობით ადამიანი. აღსანიშნავია, რომ დაღუპულებსა და დაშავებულებს შორის მშვიდობიანი მოქალაქეებიც არიან.

ასევე, საქართველოს თავდაცვისა და უშიშროების კომიტეტის თავმჯდომარემ ირაკლი სესიაშვილმა განაცხადა, რომ თუ დაპირისპირებულ მხარეებს სურვილი ექნებათ, რომ საქართველო სამშვიდობო მოლაპარაკებების პროცესში ჩართული იყოს - ეს საქართველოს ინტერესიც არის და ასეც იქნება, თუმცა, ამის ნიშნები არ ჩანს.


IPN.GE






ნათია მეზვრიშვილი - ბოლო 24 საათში კორონავირუსის 1 673 ახალი შემთხვევა გამოვლინდა, ხოლო 2 881 პირი გამოჯანმრთელდა

ნათია მეზვრიშვილი -  ბოლო 24 საათში კორონავირუსის 1 673 ახალი შემთხვევა გამოვლინდა, ხოლო  2 881 პირი გამოჯანმრთელდა
access_time2020-10-31 10:49:45
დღეის მდგომარეობით, ბოლო 24 საათის განმავლობაში გამოვლენილია ინფექციის 1 673 ახალი დადასტურებული შემთხვევა, - ამის შესახებ საქართველოს მთავრობის ადმინისტრაციის უფროსმა ნათია მეზვრიშვილმა, მთავრობის ადმინისტრაციაში გამართულ ბრიფინგზე განაცხადა.       მან კორონავირუსთან დაკავშირებით უახლეს სტატისტიკურ მონაცემებსა  და ბოლო 24 საათში მთავრობის მიერ გატარებული ღონისძიებების შესახებ ისაუბრა.       „დღეის...

როგორ უნდა მივცეთ ხმა კორონავირუსის პანდემიის პირობებში [ვიდეო]

როგორ უნდა მივცეთ ხმა კორონავირუსის პანდემიის პირობებში [ვიდეო]
access_time2020-10-31 08:32:01
ცენტრალური საარჩევნო კომისია ავრცელებს ვიდეოინსტრუქციას, თუ როგორ უნდა მივცეთ ხმა კორონავირუსის პანდემიის პირობებში.   ცესკო-ში აღნიშნავენ, რომ კენჭისყრის პროცესი უსაფრთხოა და კენჭისყრის შენობაში გათვალისწინებულია ინფექციის გავრცელების ყველა პრევენციული ღონისძიება.   „საარჩევნო უბანზე მისვლისას გაიარეთ მარკირების შემოწმების პროცედურა; კენჭისყრის ოთახში შესვლამდე დაიმუშავეთ ხელები შესასვლელში განთავსებული სადეზინფექციო სითხით; ნაკადის მომწესრიგებელს...

საქართველოში საპარლამენტო არჩევნები მიმდინარეობს

საქართველოში საპარლამენტო არჩევნები მიმდინარეობს
access_time2020-10-31 08:05:56
საქართველოში დღეს, 31 ოქტომბერს, საპარლამენტო არჩევნები იმართება. ქვეყნის მოსახლეობა მე-10 მოწვევის პარლამენტს აირჩევს. 150 წევრიან პარლამენტში 120 პროპორციული წესით, ხოლო 30 - მაჟორიტარული საარჩევნო სისტემის საფუძველზე იქნება არჩეული.   ცენტრალური საარჩევნო კომისიის მონაცემებით, 2020 წლის 31 ოქტომბრის არჩევნებისთვის 3 526 023 ამომრჩეველია რეგისტრირებული. მათ შორის საზღვარგარეთ – 14 170, ხოლო საქართველოში 3 511 853 ამომრჩეველი.   მთელი ქვეყნის...

დღის Top 10 საინტერესო ამბავი

დღის Top 10 საინტერესო ამბავი
access_time2020-10-30 21:00:03
დღის Top 10 საინტერესო ამბავი     1. რას გვპირდებოდა და რა შეასრულა - „ქართული ოცნების“ ყველა ეკონომიკური დაპირება, რომელიც მათ საარჩევნო პროგრამაში ჰქონდათ   „თავისუფლება, სწრაფი განვითარება, კეთილდღეობა!“ - სწორედ ეს იყო 2016 წლის საპარლამეტო არჩევნების წინ ქართული ოცნების ლოზუნგი....

ევროზონა უმძიმეს კრიზისულ პერიოდს ვერ უმკლავდება

ევროზონა უმძიმეს კრიზისულ პერიოდს ვერ უმკლავდება
access_time2020-10-30 19:00:31
გერმანიაში ინდექსი DAX —  გერმანული ეკონომიკის ბარომეტრი - უკვე 4%-ით, საფრანგეთს ძირითადი საბირჟო ინდექსი CAC- 40 კი 3,3%- ით შემცირდა და ამა წლის მარტ-აპრილის დონეს მიუახლოვდა.   საფონდო ინდექსების ვარდნა მთელს ევროპაში მიმდინარეობს.   რა არის ეს? შეშინებული ტრეიდერების გადაჭარბებული რეაქცია? ესეც, ოღონდ არა მხოლოდ ეს. საქმე იმაშია, რომ საფონდო ბაზარმა დაინახა ის, რასაც მოსახლეობა ჯერ ვერ ამჩნევს - ევროზონა პანდემიის მეორე...


მსგავსი სიახლეები

up