„ვალუტის გადამცვლელი ჯიხურების დახურვა სავალუტო ბაზარს შეზღუდავს, მაგრამ ლარის კურსზე მნიშვნელოვანი გავლენა არ ექნება“

„ვალუტის გადამცვლელი ჯიხურების დახურვა სავალუტო ბაზარს შეზღუდავს, მაგრამ ლარის კურსზე მნიშვნელოვანი გავლენა არ ექნება“

access_time2020-04-03 13:40:55

ქვეყანაში ახალი კორონავირუსის გავრცელების მასშტაბის შეზღუდვის მიზნით, საქართველოს მთავრობის გადაწყვეტილებით, სავალუტო ჯიხურები დროებით დაიხურა.მოსახლეობა ვალუტის გადაცვლას მხოლოდ ბანკებსა და მიკროსაფინანსო ორგანიზაციებში შეძლებს.


საქართველოს ეროვნული ბანკის ინფორმაციით, ქვეყნის მასშტაბით დროებით ჩერდება სამუშაო ოფისებიდან სესხის გამცემი სუბიექტების, ვალუტის გადამცვლელი პუნქტების, საკრედიტო კავშირების, საგადახდო მომსახურების პროვაიდერების, ფასიანი ქაღალდების დამოუკიდებელი რეგისტრატორების, აქტივების მმართველი კომპანიების, ცენტრალური დეპოზიტარის, სპეციალიზებული დეპოზიტარის, საფონდო ბირჟის, არასახელმწიფო საპენსიო სქემის დამფუძნებლის, საკრედიტო საინფორმაციო ბიუროს მუშაობა.


„კავკასიის უნივერსიტეტის“ ეკონომიკის სკოლის დეკანი სოსო ბერიკაშვილი „კომერსანტთან“ აღნიშნავს, რომ სავალუტო ჯიხურების დახურვა გარკვეულწილად სავალუტო ბაზრის შეზღუდვას ნიშნავს იმიტომ, რომ ბევრი მოთამაშე დროებით გადის ბაზრიდან, თუმცა,ბანკებს მონოპოლიის, შეთანხმების და მეტი სპეკულირების საშუალებას ეროვნული ბანკი არ მისცემს.



„რადგან ვალუტის გაცვლა სავალუტო ჯიხურებში აღარ მოხდება, ეროვნული ბანკისთვის მეტი კონტროლის საშუალება იქნება, თუმცა, ზოგადად ჩვენ ვიცით, რომ ლარის კურსის ხელოვნურად გაკონტროლება წარმოუდგენელი და ასევე კონტრპროდუქტიულია. არ ვთვლი, რომ ეს ფაქტი გრძელვადიან პერიოდში ლარის კურსზე მნიშვნელოვან გავლენას მოახდენს, ის საბოლოოდ მაინც წონასწორულ კურსზე დადგება. სავალუტო ჯიხურების დახურვა, გარკვეულწილად ნიშნავს, სავალუტო ბაზრის შეზღუდვას, იმიტომ რომ ბევრი მოთამაშე დროებით გადის ბაზრიდან და სიტუაცია ნაკლებად კონკურენტული ხდება, თუმცა, არ ვფიქრობ, რომ ბანკებს მონოპოლიის, შეთანხმების და მეტი სპეკულირების საშუალება ექნება, რადგან ბოლო-ბოლო რეგულაციები არსებობს და ეროვნულ ბანკს შეუძლია სიტუაციის გაკონტროლება. ბაზარზე კონკურენცია დაიკლებს და რა თქმა უნდა, ეს კარგი არ არის. ეკონომიკური კუთხით თუ შევაფასებთ,სავალუტო ჯიხურების დახურვა არ იყო აუცილებელი და სასურველი, თვითონაც აღნიშნეს რომ ამის მიზეზი ეპიდემიური სიტუაციაა, მაგრამ აქ მეორე საკითხიც დადგა, რომ ის ხალხი რომლებიც ჯიხურებში უნდა მისულიყო, ბანკებში მივა და უფრო მეტი ხალხი მოგროვდება, მაგრამ ეს მაინც სამედიცინო სფეროს წარმომადგენლების გადასაწყვეტია. აქვე აღვნიშნავ, რომ ლარის გამყარების ტენდენციის გააგრძელების მოლოდინი ნამდვილად არსებობს“, - განმარტა სოსო ბერიკაშვილმა.


ეროვნული ბანკის ყოფილი პრეზიდენტი, დეპუტატი რომან გოცირიძე კი სოციალურ ქსელში სავალუტო ჯიხურების დახურვის საკითხს მკაცრად აკრიტიკებს და აცხადებს, რომ  ვალუტის ყიდვა-გაყიდვა ექსკლუზიურად აღმოჩნდება მხოლოდ ბანკების ხელში, სადაც კურსი ისედაც მაღალი იყო და ნაკლებ კონკურენტულ პირობებში მომსახურებას კიდევ უფრო გააძვირებენ.


„დაუშვებელია ვალუტის გადამცვლელი პუნქტების დახურვა. მათი როლი ვირუსის გავრცელებაში გაცილებით ნაკლებია, ვიდრე ნებისმიერი სასურსათო მაღაზიის ან აფთიაქის. ვალუტის ყიდვა-გაყიდვა ექსკლუზიურად აღმოჩნდება მხოლოდ ბანკების ხელში, სადაც კურსი ისედაც მაღალი იყო ყოველთვის და ნაკლებკონკურენტულ პირობებში კიდევ უფრო გაუძვირებენ კლიენტებს მომსახურებას. ეს ასევე გამოიწვევს ბანკებში ადამიანების მიმართვიანობის ზრდას, რაც დახურულ სივრცეში ვირუსის გავრცელების უფრო მეტი რისკის შემცველია, ვიდრე ღია სივრცეში მომუშავე სავალუტო პუნქტების უმეტესობაში,“ - აღნიშნავს რომან გოცირიძე.

 

ნინო თამაზაშვილი

 




„ბიზნესი მზად არის თავისი წილი ვალდებულება აიღოს, მთავარია, მთავრობამ ეკონომიკა გახსნას“

„ბიზნესი მზად არის თავისი წილი ვალდებულება აიღოს, მთავარია, მთავრობამ ეკონომიკა გახსნას“
access_time2021-01-26 15:50:41
ბიზნეს სექტორი ეკონომიკის გახსნას ითხოვს. ივა ჭყონიას შეფასებით, ბიზნესის მრავალი სექტორი იმდენად მძიმე მდგომარეობაშია, რომ მათ არ იციან მომავალში როგორ შეიძლება ფუნქციონირება აღადგინონ. როგორც დისტრიბუტორთა ასოციაციის თავმჯდომარე აცხადებს, თუ მთავრობა მარტამდე რეგულაციების შემსუბუქების ან მოხსნის გადაწყვეტილებას არ მიიღებს მცირე და საშუალო ბიზნესის ბევრი წარმომადგნელი გაკოტრდება. დისტრიბუტორთა ასოციაციის თავმჯომარე ეკონომიკის მინისტრის მოადგილესთან...

საქართველოს ბიზნეს ასოციაციის წევრებისთვის „მეწარმეთა შესახებ“ ახალი კანონის პროექტის გარშემო ვებინარი ტარდება

საქართველოს ბიზნეს ასოციაციის წევრებისთვის „მეწარმეთა შესახებ“ ახალი კანონის პროექტის გარშემო ვებინარი ტარდება
access_time2021-01-26 13:00:01
საქართველოს ბიზნეს ასოციაციის, ევროკავშირისა და გერმანიის ეკონომიკური თანამშრომლობისა და განვითარების ფედერალური სამინისტროს (BMZ) თანადაფინანსებული პროექტის “საქართველოს კომერციული სამართლის და პრაქტიკის გაუმჯობესება” ფარგლებში საქართველოს ბიზნეს ასოციაციის წევრებისთვის „მეწარმეთა შესახებ“ ახალი კანონის პროექტის გარშემო სამდღიანი ვებინარი ტარდება.ვებინარი ევროკავშირისა და გერმანიის ეკონომიკური თანამშრომლობისა და განვითარების ფედერალური სამინისტროს (BMZ) თანადაფინანსებული პროექტის...

HYATT CENTRIC BOULEVARD BATUMI 2025 წელს გაიხსნება

HYATT CENTRIC BOULEVARD BATUMI 2025 წელს გაიხსნება
access_time2021-01-26 14:40:19
Hyatt-ი საქართველოში სასტუმრო Hyatt Centric Boulevard Batumi-ის მშენებლობას გეგმავს.საერთაშორისო სასტუმრო ბრენდი ინფორმაციით, უკვე გაფორმდა შპს „ალიანს სიტისთან“ მართვის ხელშეკრულება გააფორმა. ხელშეკრულება ბათუმში, ზღვის სანაპიროზე , სასტუმრო Hyatt Centric Boulevard Batumi-ის მშენებლობას ითვალისწინებს. 180-ნომრიანი სასტუმრო 2025 წლისთვის უნდა გაიხსნას. აღსანიშნავია, რომ Hyatt Centric-ის ბრენდი პირველად შემოდის საქართველოში, ევროპის მასშტაბით კი ეს...

გიორგი გახარია - თუ თბილისში დადებითობის მაჩვენებელი ჩამოცდება 4%-ს უახლოეს კვირაში, მუნიციპალური ტრანსპორტის გახსნაზეც უფრო სწრაფად უნდა ვისაუბროთ

გიორგი გახარია - თუ თბილისში დადებითობის მაჩვენებელი ჩამოცდება 4%-ს უახლოეს კვირაში, მუნიციპალური ტრანსპორტის გახსნაზეც უფრო სწრაფად უნდა ვისაუბროთ
access_time2021-01-26 12:55:00
თუ თბილისში დადებითობის მაჩვენებელი ჩამოცდება 4%-ს უახლოეს ერთ კვირაში, რა თქმა უნდა, მუნიციპალური ტრანსპორტის გახსნაზეც უნდა ვისაუბროთ უფრო სწრაფად და ეკონომიკის იმ დარგების გახსნაზეც, რომლის შესაძლებლობასაც ეპიდმდგომარეობა გვაძლევს, - ამის შესახებ საქართველოს პრემიერ-მინისტრმა გიორგი გახარიამ უწყებათაშორისი საკოორდინაციო საბჭოს დღევანდელ სხდომაზე განაცხადა. ინფორმაციას მთავრობის ადმინისტრაციის პრესსამსახური ავრცელებს. როგორც მთავრობის მეთაურმა აღნიშნა, როგორც კი...

„დეტალები, თუ რა წესებით ვიმუშავებთ, უცნობია“ - სავაჭრო მოლები მთავრობისგან ოფიციალურ დადგენილებას ელიან

„დეტალები, თუ რა წესებით ვიმუშავებთ, უცნობია“ - სავაჭრო მოლები მთავრობისგან ოფიციალურ დადგენილებას ელიან
access_time2021-01-26 13:30:15
1-ლი თებერვლიდან სავაჭრო მოლები მუშაობას განაახლებენ, თუმცა კონკრეტულად რა წესების დაცვით მოუწევთ მუშაობა, უცნობია. ცნობილია მხოლოდ ის, რომ სავაჭრო ცენტრები შაბათ-კვირას არ იმუშავებენ და ასევე სავალდებულო იქნება თანამშრომლების ტესტირება. როგორც „ბიზნესპრესნიუსთან“ საუბრისას „რითეილ გრუპ ჯორჯიას“ დირექტორი რეზო მაღალაშვილი აცხადებს, სხვა დეტალები ჯერჯერობით არ იციან. „დეტალები, თუ რა წესებით ვიმუშავებთ, ჯერ არ არის ცნობილი....


მსგავსი სიახლეები

up