ვალერი ჩეხერიამ და ლევან ბერულავამ “აჭარა ჯგუფი“ ოფიციალურად დატოვეს

ვალერი ჩეხერიამ და ლევან ბერულავამ “აჭარა ჯგუფი“ ოფიციალურად დატოვეს

access_time2021-02-20 14:00:26

„აჭარა ჯგუფი” დირექტორთა საბჭოს თავმჯდომარემ ვალერი ჩეხერიამ და მმართველმა დირექტორმა ლევან ბერულავამ დატოვეს, ამის შესახებ ვალერი ჩეხერია ფეისბუქ სტატუსში წერს.

”კომერსანტი” განცხადებას უცვლელად გთავაზობთ. 

“სალამი, მეგობრებო.

დასრულდა ჩვენი და აჭარა ჯგუფის, ათწლიანი, საქმიანი და ძალიან წარმატებული ურთიერთობა. მე 10 წლის წინ თემურ უგულავას ბიზნესს შემოვუერთდი და ერთმანეთის მხარდამხარ, თავდაუზოგავი შრომით და უდიდესი შემართებით, შევქმენით ინოვაციური კომპანია, რომელმაც არა მხოლოდ საქართველოში, არამედ მთელ რეგიონში უდიდესი აღიარება მოიპოვა.
მინდა, მადლობა გადავუხადო გუნდს, რომელიც 2011 წლიდან ლევან ბერულავასთან ერთად ჩამოვაყალიბე და რომელმაც შექმნა საქართველოს ისტორიაში ყველაზე თანამედროვე, ხოლო რეგიონში უპირობოდ ლიდერი კომპანია.
ჩვენს გუნდთან ერთად მოვახერხეთ სრულად შეგვეცვალა საქმისადმი ახალგაზრდების დამოკიდებულება. დავამკვიდრეთ თანასწორობის პრინციპს, სოციალურ პასუხისმგებლობას, კორპორაციულ კულტურასა და ერთმანეთის შრომის პატივისცემაზე დაფუძნებული ახალი სტანდარტი.
ფუნდამენტურ ფასეულობებზე დაყრდნობით, შევქმენით იდეა, რომელმაც კომპანიის ყველა თანამშრომელს განვითარებისა და წინსვლისთვის თანაბარი შანსი მისცა, მიუხედავად შეხედულებისა, რასისა, მრწამსისა, სქესისა თუ კომპანიაში დაკავებული პოზიციისა. იდეა, რომელმაც შრომა გახადა საამაყო და თითოეული თანამშრომელი აქცია იმ უდიდესი წარმატების ნაწილად და შემოქმედად, რომელსაც ამ წლების განმავლობაში კომპანიამ მიაღწია.
განსხვავებული და თანამედროვე მართვის სტილი, რომელიც აჭარა ჯგუფში დავამკვიდრეთ, მალევე გახდა წარმატების მაგალითი არა მხოლოდ საქართველოში, არამედ მთელ რეგიონში.
ნდობა, რომელიც ბიზნეს პარტნიორების, საელჩოების, საერთაშორისო საფინანსო ინსტიტუტების, ბანკების და საერთაშორისო ორგანიზაციებისგან მოვიპოვეთ, არის ფუნდამენტური საფუძველი, რომელზეც კომპანიის წარმატება დავაშენეთ.
ეს არ არის მხოლოდ ერთი კომპანიის, სასტუმროს, ბიზნესის ან ჰოლდინგის ისტორია, ეს ჩვენს თანამოაზრეებთან, ქართველ თუ უცხოელ სტუმრებთან ერთად შექმნილი თანამედროვე ცხოვრების წესია, რომელმაც ჩვენი ქვეყანა სრულიად ახალი მხრიდან დაანახა მთელ მსოფლიოს.
მადლობა თითოეულ სტუმარს, რომელიც ამ წლების განმავლობაში გვენდობოდა, გვგულშემატკივრობდა და ჩვენთან ერთად ქმნიდა არა მხოლოდ აჭარა ჯგუფის, არამედ საქართველოს უახლეს ისტორიას.
ჩვენ მივეცით ფერმერებს მოტივაცია, დაბრუნებოდნენ თავის საქმიანობას და ეწარმოებინათ უმაღლესი ხარისხის ქართული პროდუქტი, რომელსაც სასტუმროებსა და რესტორნებში მომხმარებელს ვთავაზობდით და ხელს ვუწყობდით სოფლის მეურნეობის გაძლიერებას.
უდიდესი შრომის, პირადი კონტაქტების და უცხოელი მეგობრების დახმარებით შევძელით და მოვიპოვეთ საერთაშორისო აღიარება, ჩავატარეთ სხვადასხვა ტიპის მასშტაბური ღონისძიებები, რომლითაც წავახალისეთ ტურიზმი საქართველოში. უამრავი ჯილდოთი და გამარჯვებით კი მოვხვდით მსოფლიოს საუკეთესო სასტუმროების ათეულში და მივიპყარით საერთაშორისო პრესის ყურადღება.
2019 წლის ბოლოს საქართველოში დავგეგმეთ და ჩავატარეთ მსოფლიოში წარმატებული სასტუმროების კონფერენცია, რომელმაც ქვეყნის ტურისტულ პოტენციალი თვისებრივად მაღალ საფეხურზე აიყვანა.
აჭარა ჯგუფში მკაცრად დაცული გენდერული ბალანსის გამო, პირველად საქართველოში, გაეროს ქალთა ორგანიზაციამ, ქალთა უფლებების დაცვის თვალსაზრისით, ლიდერ კომპანიად გვაღიარა.
ეს ყველაფერი, ცხადია, აჭარა ჯგუფის სახელით გაკეთდა, თუმცა ჩვენთვის ეს კომპანია მხოლოდ სამსახური არ ყოფილა. ეს იყო იდეა, რომლის განხორციელებასაც მთელი ჩვენი ცოდნა, გამოცდილება, ენერგია და ძალისხმევა მოვახმარეთ. 100 თანამშრომლით დაწყებული კომპანია, ჩვენი ხელმძღვანელობით ერთ-ერთი ყველაზე მსხვილი და მოთხოვნადი დამსაქმებელი გახდა.
ამ გზაზე უამრავი სირთულე და გამოწვევა გვქონდა, მაგრამ ჩვენი და გუნდის ძალისხმევით ბიზნესი გაასმაგდა და შეიქმნა ახალი სტანდარტი, რომლითაც არა მარტო ჩვენ, არამედ მთელი ქვეყანა ამაყობს.
ჩვენ კი, წინ უამრავი საინტერესო და მასშტაბური პროექტი გველის, რომლის შესახებაც დეტალებით მალე დაგიბრუნდებით.
წავედით აჭარა ჯგუფიდან, მაგრამ ვრჩებით მის გულშემატკივრებად და წარმატებას ვუსურვებთ მთელ გუნდს.
კიდევ ერთხელ, ამ 10 წლისთვის დიდი მადლობა ყველას! შევხვდებით მალე.”  ნათქვამია განცხადებაში 







The Wall Street Journal: ნავთობი სწრაფად ძვირდება

The Wall Street Journal: ნავთობი სწრაფად ძვირდება
access_time2021-03-08 20:30:41
OPEC+-მა ახალ შეთანხმებას მიაღწია, რომელიც მოკლევადიან პერიოდში ნავთობის ბაზარზე მნიშვნელოვან გავლენას მოახდენს - ალიანსის ქვეყნები მოპოვების მაჩვენებელს უცვლელად დატოვებენ. გამონაკლისის სახით, რუსეთს და ყაზახეთს ჯამური მოპოვების დღე-ღამეში 150 000 ბარელით გაზრდის უფლება მიეცა.შესაბამისად, პადნემიამდელ პერიოდთან შედარებით მოპოვების შემცირდება 6,9 მლნ. ბარელი იქნება, მაშინ, როდესაც აპრილში ეს მაჩვენებელ 9 მლნ.-ს...

Focus: ევროკავშირის ერთიანობა ვაქცინაციას ეწირება

Focus: ევროკავშირის ერთიანობა ვაქცინაციას ეწირება
access_time2021-03-08 19:00:31
ევროკავშირის ერთიანი ვაქცინაციის ფრონტი, არასაიმედოობის გამო, იშლება - სულ უფრო ხშირად სხვადასხვა ქვეყნები ინიციატივას საკუთარ თავზე იღებენ. ეს არა მხოლოდ ვაქცინაციის პრობლემებთან, არამედ ევროკავშირში ძალის ახალი ცენტრების გამოჩენასთანაცაა დაკავშირებული.კერძოდ, ავსტრია და დანია ისრაელთან ე.წ.  სავაქცინო ალიანსის შექმნას გეგმავენ. ევროკავშირის რეაქცია ამ დემარშზე მოზომილი იყო - ევროკომისიის წარმომადგენლის ერიკ მამერის თქმით, „ევროკავშირის...

"კომენდანტის გადაწევის შემთხვევაში შეიძლება რესტორნებს რამე ეშველოს" - გურამ ბაღდოშვილი

access_time2021-03-08 14:30:54
სარესტორნო ქსელ „ჩვენის“ დამფუძნებელი, გურამ ბაღდოშვილი „ბიზნესპარტნიორთან“ რესტორნების შიდა სივრცეებში მუშაობის დღეიდან განახლებას ეხმაურება და აცხადებს, რომ შიდა სივრცეებისთვის გამკაცრებული რეგულაციები ისეთია, რომ შესაძლოა რესტორნების ნაწილი არც გაიხსნას.   „ზოგიერთ რესტორანს შიდა სივრცის ნაწილი ძალიან მცირე აქვს, აქედან გამომდინარე მგონია გახსნა არ უღირს. წარმოიდგინეთ, თუ 50 კვადრატული მეტრის ფართი გაქვს, სულ 5-6 ადამიანის მასპინძლობა შეგიძლია,“ - აცხადებს...

ეკვადორი, სომხეთი, კენია - სად ვყიდით და ვყიდულობთ ცოცხალ ყვავილებს

ეკვადორი, სომხეთი, კენია - სად ვყიდით და ვყიდულობთ ცოცხალ ყვავილებს
access_time2021-03-08 16:00:00
საქართველოდან ცოცხალი ყვავილების ექსპორტი გაიზარდა, ქვეყანაში იმპორტი კი შემცირდა. კერძოდ, სტატისტიკის ეროვნული სამსახურის მონაცემებით, 2020 წელს საქართველოდან 39 870 აშშ დოლარის ცოცხალი ყვავილები გავიდა, ხოლო 2019 წელს - 28 830 აშშ დოლარის. რაც შეეხება იმპორტს, 2019 წელს საქართველომ 2,531 მლნ დოლარის ყვავილები შეიძინა, ხოლო 2020 წელს - 1,518 მლნ აშშ დოლარის. „ბიზნესპრესნიუსი“ დაინტერესდა, სად ვყიდით და ვყიდულობთ ცოცხალ...

როგორი იქნება გერმანიაში ლეგალურად დასაქმებულების ანაზღაურება?!

როგორი იქნება გერმანიაში ლეგალურად დასაქმებულების ანაზღაურება?!
access_time2021-03-08 12:28:25
საზღვარგარეთ დროებითი დასაქმების მსურველი საქართველოს მოქალაქეებისთვის სარეგისტრაციო პორტალი მიმდინარე წლის 15 თებერვალს ამოქმედდა და გერმანიაში სოფლის მეურნეობის სექტორში, სეზონურ სამუშაოზე ლეგალური დასაქმების მიზნით, საქართველოს 95 000-ზე მეტი მოქალაქე უკვე დარეგისტრირდა.როდის და რა პირობებით შეძლებენ საქართველოს მოქალაქეები გერმანიაში დასაქმებას, როგორია შერჩევის კრიტერიუმები და კიდევ რომელი ქვეყნების დამატება მოხდება...


მსგავსი სიახლეები

up