„ვაკის საცურაო აუზი” და მასში შემავალი სხვა სერვისები  6 ივლისიდან იხსნება“-ამის შესახებ „კომერსანტს“  საცურაო აუზის ადმინისტრაციაში განუხადეს.„მოგეხსენებათ,საერთო მსოფლიო პანდემიამ უდიდესი გავლენა მოახდინა გლობალურ ეკონომიკაზე, გამონაკლისი არც ჩვენი ქვეყანაა. დაწესებულმა შეზღუდვებმა კი ყველა კომპანია თავისი გავლენის ქვეშ მოაქცია, თუმცა უსაფრთხოების ნორმების დაცვით, ბიზნესი ჩვეულ სამუშაო პროცესს უბრუნდება. შეიცვალა,  “ვაკის საცურაო  აუზის“ დღის წესრიგიც.

გარდა საცურაო აუზისა,აქ ფუნქციონირებს ულტრათანამედროვე კომფორტული ფიტნესდარბაზები, მასაჟის კაბინეტები, საუნები და სხვა. რა თქმა უნდა უსაფრთხოება და ჰიგიენის ნორმები დაცული იქნება. ჯანდაცვის სამინისტრო,აუზის ადმინისტრაციის თხოვნით, ყოვეთვიურად ლაბორატორიულად ამოწმებდა წყალს და ეს ასე გაგრძელდება. გარდა ამისა, გვაქვს უამრავი სხვა ნორმა, რომელიც ჰიგიენას უკავშირდება., ყოველ ღამე აუზის ფსკერს ე.წ. რობოტი მტვერსასრუტი 2 საათის განმავლობაში ასუფთავებს, ყოველ მესამე დღეს კი აკვალანგისტები წმენდენ, სპეცდასუფთავების ჯგუფი ქიმიურად ამუშავებს და დეზინფექციას უტარებს აუზის მთლიან ტერიტორიას.ყველა რეკომენდაცია,რომელსაც მსოფლიო ჯანდაცვისა და ჩვენი სამედიცინო სფეროს მუშაკები გვთავაზობენ,ზედმიწევნით სრულდება.“-აცხადებენ „ვაკის საცურაო აუზის“ ადმინისტრაციაში.

მათი ინფორმაციით, ქვეყანაში კარანტინის გამოცხადებამ, სოციალური დისტანციისა და მთელი რიგი აკრძალვების დაწესებამ „ვაკის საცურაო აუზი“ ფინანსურად ძალიან  დააზარალა.  როგორც კომპანიაში აცხადებენ, საცურაო აუზი ორი თვის განმავლობაში სრულად გაჩერებული იყო, რაც 100%-იან ზარალს ნიშნავს.მათი თქმით, გამკაცრებული რეგულაციების მიუხედავად, აუზის საფასო პოლიტიკა არ შეიცვლება.

„არ ვაპირებთ ფასების არც შემცირებას არ მომატებას.  ჩვენი კლუბის წევრებიც გვეკითხებიან, რაზედაც სრული პასუხისმგებლობით ვაცხადებთ, რომ  მიუხედავად ფინანსური ზარალისა და დამატებითი ხარჯებისა,მომსახურების გაძვირებას არ ვგეგმავთ,“-აღნიშნა კომპანიის წარმომადგენელმა.

მათივე განმარტებით, ვირუსის პანდემიად გამოცხადებამ და მისმა მასშტაბებმა კომპანია ქვეყანაში დაწესებული კრძალვების სისწორეში დაარწმუნა. მათი თქმით, მთავრობის ყოველი ნაბიჯი, რომელიც პანდემიასთან ბრძოლას უკავშირდება დროული და მართებულია.  აკრძალვების მსგავსად დადებითად აფასებენ, მთავრობის მიერ შემუშავებულ ანტიკრიზისულ გეგმასაც. „ვაკის საცურაო აუზის“ ადმინისტრაციის განცხადებით,  მთავრობის ანტიკრიზისული გეგმით კომპანიამ თანამშრომლების სრულად შენარჩუნება შეძლო. კომპანიის მოლოდინი კი პოზიტიურია და იმედოვნებენ, რომ ქვეყანა სწრაფად მოახდენს ადაპტაციას.

„ვფიქრობ, ის გეგმა, რომელიც მთავრობამ წარმოადგინა ,ნამდვილად ვალიდურია და ხელს შეუწყობს კერძო სექტორის საქმიანობის ნელ-ნელა აღდგენასა და გაგრძელებას. აღსანიშნავია დახმარება დამსაქმებლებისთვის, რომლის მიხედვითაც, ყოველი შენარჩუნებული დასაქმებულის ხელფასზე, დამსაქმებელი სუბსიდირებას მიიღებს. ამან საშუალება მოგვცა, შეგვენერჩუნებინა თანამშრომლები, ეს ეხმარება,როგორც დასაქმებულებს, ისე -მეწარმეებს. ამ ყველაფრის ფონზე გვაქვს პოზიტიური მოლოდინი და ვიმედოვნებთ, რომ ქვეყანაში ეკონომიკური პრობლემებიც მალე დაიძლევა,“-ნათქვამია მათ განცხადებაში.

 ნათია ლომიძე