ვაჟა ბერიძე – რუსული სპეცსამსახურების წარმატებული სპეცოპერაცია თბილისში

ვაჟა ბერიძე – რუსული სპეცსამსახურების წარმატებული სპეცოპერაცია თბილისში

access_time2019-06-21 23:29:17

“მიზანი მიღწეულია – დესტაბილიზაციამდე ერთი ნაბიჯია” – ამ სათაურით ანალიტიკოსი ვაჟა ბერიძე სოციალურ ქსელში პოსტს აქვეყნებს. კომერსანტი  პოსტს უცვლელად გთავაზობთ:

“მიზანი მიღწეულია – დესტაბილიზაციამდე ერთი ნაბიჯია. ბოლო დღეებში ფეისბუქზე არ ვაქტიურობ, ჩემი ფეისბუქ–მეგობრები მეხმიანებიან და მთხოვენ მიმდინარე მოვლენები შევაფასო. არ ვაქტიურობ, არა იმიტომ რომ თავპატიჟს ვიდებ, არამედ მიმაჩნია, რომ ამიერიდან ჩვენს აქტიურობას ნაკლები ფასი აქვს.ჩვენი საზოგადოების უგუნურმა ნაწილმა და საზღვრებს გარეთ ბევრმა მტერმა და მოყვარემ ჩათვალა, რომ გამოსავალი საქართველოში შექმნილი ვითარებიდან დესტაბილიზაციაა.როცა ამდენი შიდა და გარე მოთამაშის ინტერესები ემთხვევა, შეუძლებელია პრობლემებით დახუნძლულ ისეთ ქვეყანაში, როგორიც ჩვენია, არ მოხდეს დესტაბილიზაცია და არ შეიქმნას ქაოსი, რომელსაც მავანნი “მართვად ქაოსად” აქცევენ და თავიანთ მიზნებსაც მიაღწევენ.


მოვლენათა შესაძლო განვითარებაზე ბოლო რამდენიმე წელია სულ ვსაუბრობ ხელისუფლებასთან, მათ შორის მის ოპოზიციურ ნაწილთან ვოპონირებ კონსტრუქციული კრიტიკის ფორმატით და ეს ყველაფერიც ნაწინასწარმეტყველევი და დაპროგნოზებული მაქვს, თან არაერთ გზის. არ მაქვს საკუთარ თავზე იოტისოდენა წარმოდგენაც კი, არც ნათან ბრძენი ვარ, არა იერებია და არც იეზეკიელი, მაგრამ ვარ რა ამ ქვეყნის ერთი მოქალაქე და ანალიტიკოსი, გაჩუმება ღალატის ტოლფასად მიმაჩნია. ამიტომ, მოდით შევაფასოთ, რა ხდება ჩვენს თავს.


რუსული სპეცსამსახურების წარმატებული სპეცოპერაცია თბილისში არც პრორუსი ვარ და არც რუსთმოძულე, მაგრამ ის ნიჰილიზმი, რომლითაც ჩვენ რუსეთს და მის შესაძლებლობებს ვეკიდებით, განსაკუთრებით ჩვენი სპეცსამსახურები, უბრალოდ, დაუშვებელია. რუსეთი ერევა აშშ–ის არჩევნებში, ტრამპთან აქვს “ფარული ალიანსი”, რასაც იქ დღემდე იძიებენ და რუსეთს ამერიკის არჩევნებზე ზემოქმედების მოხდენაში ადანაშაულებენ, რუსეთი ერევა ბრექსიტში, მწვანე ჟილეტიანების ამბოხსაც საფრანგეთში მას მიაწერენ და არ ერევა საქართველოში პოლიტიკური პროცესების მართვაში? სასაცილოა! თუ ვინმემ ვერ გაიგო ერთ მშვენიერ დღეს რატომ დაიწყო და რატომ მიება ერთმანეთს პანკისი, დავით გარეჯი, ლგბტ საპროტესტო მოძრაობა და სახალხო ფორმირებების შექმნის დაანონსება, მუსულმანებთან დიალოგის დაწყება მეჩეთის მშენებლობის დაწყების თაობაზე ბათუმში და აჰა, კიდევ მართლმადიდებელი ქვეყნების საპარლამენტო ასამბელა თბილისში და კომუნისტ გავრილოვის წამოსკუპება პარლამენტის თავმჯდომარის სავარძელში, იმასთან რუსეთიდან მართულ პროცესებზე საუბარი არ ღირს.


მე არ მძულს რუსეთი, პირიქით, ვაფასებ რუს ხალხს და რუსულ კულტურას, მაგრამ საქართველოს თავისუფლება და დამოუკიდებლობა იმდენად დიდი მიზანია ჩემთვის, რომ რეალობაზე თვალს ვერ დავხუჭავ. დიახ, რუსეთი მსოფლიო პოლიტიკის ერთ–ერთი წამყვანი მოთამაშეა, დეზინტეგრაციის და ეკონომიკის დაცემის პროცესი შეაჩერა, იმპერიული იდეა მოიმარჯვა, რომლის საყრდენი მართმადიდებლობა და “მესამე რომია”, ააჟღარუნა უზარმაზარი ატომურ–კოსმოსური პოტენციალი და საბჭოთა კავშირის დროინდელი გავლენის აღდგენას ცდილობს, ჯერ პოსტ–საბჭოთა, მერე ალბათ პოსტ–სოციალისტურ ქვეყნებში.


ხომ არ გაუცრუა იმედი ბიძინა ივანიშვილმა პუტინს? ხომ არ ეგონა, რომ რუსეთში ნაშოვნი მილიარდების გამო მალე და უცებ შეაბრუნებდა საქართველოს რუსულ ორბიტაზე, ვთქვათ, „ევრაზიული კავშირისკენ“. ხომ არ ჩაიქნია მასზე ხელი? ნახეთ, მიშა თავისი ანტირუსული რიტორიკის მიუხედავათ რაოდენ სასარგებლო აღმოჩნდა რუსეთისთვის. 1999 წლის სტამბულის შეთანხმებით, საქართველოდან რის ვაივაგლახით გაყვანილი სამხედრო ბაზები 2008 წლის ომის შემდეგ აფხაზეთსა და ე.წ. სამხრეთ ოსეთში შემოაბრუნა, სერიოზული ეკონომიკური აქტივები ჩააბარა რუსულ კაპიტალს, მეტი ამ ეტაპზე რუსეთს არც უნდა. აი, მართმადიდებლური ფორუმის მერე, ტურისტულ ნაკადს რუსეთიდან და ქართული პროდუქციის რუსეთში ექსპორტს დაემუქრა. თუმცა, ბოლო დრომდე საქართველოში დესტაბილიზაციის მოწყობის მცდელობა არ ჰქონია.


ახლა კბილი მოუსინჯა სიტუაციას პანკისში, დავიჯ გარეჯში, პრაიდის თემაც ეფექტურად მოიმარჯვა, ახალქალაქი და ბათუმიც მარქაფში აქვს.


ჩვენ კი ქუჩებში გამოვედით და ერთმანეთს გაზი, რეზინის ტყვიები, ქვები, პლასტმასის ბოთლები დავუშინეთ. ამჯერად ამით შემოვიფარგლები. ამაზე დაფიქრება გვმართებს.



პარლამენტის შტურმით აღების მცდელობა კანონის ველიდან ცალსახა გასვლა იყო.


პოლიციის საპასუხო მოქმედება პრინციპში ადექვატური იყო, რეზინის ტყვიების გამოყენების ფაქტი კი უფლებამოსილების გადამეტების გამოხატულება. რეზინის ტყვიების გამოყენებას თავისი წესი აქვს, რომელიც დაცული არ ყოფილა.


ახლა ინიციატივა „ნაციონალების“ და მათი მხარდამჭერების ხელშია. ისინიც და ჩვენც, ყველანი საქართველოს მოქალაქეები ვართ. ნუ წამოვეგებით ძალიან ძლიერი რუსული სპეცსამსახურების კარგად გათვლილ პროვოკაციას.
და შესაძლოა არამხოლოდ რუსული სპეცსამსახურების. შეიძლება არც ჩვენს მეგობარ სტრატეგიულ პარტნიორებს აძლევდეთ ხელს ქართული დემოკრატიის დღევანდელი რეალური შინაარსი. ამაზეც დავფიქრდეთ.


მე სკეპტიკურად ვარ განწყობილი. როგორც არასდროს ბოლო 30 წლის განმავლობაში.


ერთადერთი თბილისის სახელმწიფო უნივერსიტეტთან მიმდინარე სტუდენტური აქცია, მისი შინაარსი და ქართული საზოგადოების შორსმჭვრეტელობის იმედი მაქვს.


ყოველდღიურად შემოგეხმიანებით ფეისბუქზე. თქვენს პოსტებსაც დიდი ყურადღებით ვკითხულობ.


მინაწერე – ახლახანს გავრცელდა ინფორმაცია, რომ რუსეთის პრეზიდენტმა მთავრობას დაავალა აკრძალონ ავია გადამზიდავები საქართველოში 8 ივლისიდან, ხოლო ტურისტულ კომპანიებს ურჩია საქართველოში გასამგზავრებლად აღარ გაყიდონ საგზურები. ეს, როგორც ვხვდებით, სერიოზულად დააზარალებს ტურისტულ სეზონს.


ასე რომ, ზემოთქმულის კონტექსტში ცხადია ეს ყველაფერი სამწუხაროდ, იყო ჟურნალი. კინო აწი დაიწყება. უნდა ვიყოთ მზად”, – წერს ბერიძე.


კომერსანტი





პროკრედიტ ბანკმა საკუთარი მზის ელექტროსადგური წარადგინა

პროკრედიტ ბანკმა  საკუთარი მზის ელექტროსადგური წარადგინა
access_time2020-07-02 10:40:14
პროკრედიტ ბანკმა მორიგი ინოვაციური მწვანე პროექტი დანერგა. თბილისის ცენტრში, ალექსანდრე ყაზბეგის #21, ბანკის სათაო ოფისის სახურავზე 500 კვ.მ ტერიტორიაზე განთავსებულმა მზის პანელებმა ელექტროენერგიის გამომუშავება უკვე დაიწყო.  განხორციელებული მწვანე ინვესტიციის შედეგად, დაგეგმილია წლიურად 130,000კვტ.სთ. სუფთა ენერგიის გამომუშავება, რითაც ბანკი მოხმარებული სრული ენერგიის 12%-ის ალერნატიულით  ჩანაცვლებას მოახდენს.   პროექტის ფარგლებში,...

წილების გარშემო 12 წლიანი დავა ჩემი ოჯახის გამარჯვებით დასრულდა - მაკა ასათიანი

წილების გარშემო 12 წლიანი დავა ჩემი ოჯახის გამარჯვებით დასრულდა - მაკა ასათიანი
access_time2020-07-02 10:25:38
„საქართველოში მერსედეს ბენცის წარმომადგენლობის“ წილების გარშემო მიმდინარე 12 წლიანი პროცესი უზენაეს სასამართლოში მაკა ასათიანის და მისი ოჯახის გამარჯვებით დასრულდა. ამასთან დაკავშირებით, მაკა ასათიანი განცხადებას ავრცელებს, რომელსაც „კომერსანტი“ უცვლელად გთავაზობთ: „საქართველოში მერსედეს ბენცის წარმომადგენლობის“ წილების გარშემო მიმდინარე 12 წლიანი პროცესი უზენაეს სასამართლოში ჩემი და ჩემი ოჯახის გამარჯვებით დასრულდა. ვფიქრობ, ეს მრავალწლიანი დავა...

Wizzair-ი ქუთაისის გარდა სხვა ბაზის გახსნისთვის მზადყოფნას გამოთქვამს

Wizzair-ი ქუთაისის გარდა სხვა ბაზის გახსნისთვის მზადყოფნას გამოთქვამს
access_time2020-07-01 16:45:56
უნგრული დაბალბიუჯეტური კომპანია Wizzair-ი ქუთაისის ბაზის მუშაობას დროებით აჩერებს - ამის შესახებ ინფორმაცია ცოტა ხნის წინ პრესკონფერენციაზე Wizz Air-ის კომუნიკაციების ხელმღვანელმა ანდრაშ რადომ დაადასტურა. მანვე აღნიშნა, რომ ბაზის აღდგენის თარიღი ჯერჯერობით უცნობია. „ჩვენ დროებით შევწყვიტეთ ქუთაისის ბაზის ფუნქციონირება, ჩვენ არ ვაუქმებთ ქუთაისის ბაზას. ამ დროისთვის სამომავლო გეგმების დაკონკრეტება რთული იქნება.  შევხედავთ გლობალურ სიტუაციას და ამის მერე მივიღებთ...

„თუ საპარტნიორო ფონდიდან გამოირიცხება რკინიგზის და ელექტროსისტემის ზარალი,ფონდის საქმიანობა მომგებიანია“ - ირაკლი იაშვილი

„თუ საპარტნიორო ფონდიდან გამოირიცხება რკინიგზის და ელექტროსისტემის ზარალი,ფონდის საქმიანობა მომგებიანია“ - ირაკლი იაშვილი
access_time2020-07-02 10:00:33
„საპარტნიორო ფონდთან დაკავშირებით საკითხი დგას ისე, რომ წამგებიანია და ბიუჯეტმა უნდა დააფინანსოს, რაც ასე არ არის, ბიუჯეტი არაფერს არ აძლევს, უნდა მოხდეს რეორგანიზება და სამართლებრივად სწორი ფორმა მიიღოს. დღეს არის არამოქნილი, რადგან სამეთვალყურეო საბჭოში მინისტრები არიან და გადაწყვეტილებებს ვერ იღებენ, ამიტომ გაუგებარი სიტუაციაა. ეს თუ არ გამოჯანსაღდა, ფონდი ვერც პროექტებს ვერ გააჯანსაღებს. ასე ხელაღებით იმის თქმა, როგორც სჩვევიათ ხოლმე, რომ უნდა გავაუქმოთ და არ არის საჭირო ორგანიზაცია,...

კომპანია „სოკარ ჯორჯია პეტროლეუმი“ დიზელის ფასის ცვლილებასთან დაკავშირებით განცხადებას ავრცელებს

კომპანია „სოკარ ჯორჯია პეტროლეუმი“ დიზელის ფასის ცვლილებასთან დაკავშირებით განცხადებას ავრცელებს
access_time2020-07-01 15:10:06
2020 წლის 1 ივლისიდან, კომპანიის „სოკარ ჯორჯია პეტროლეუმი“ ავტოგასამართი სადგურების ქსელში აგროდიზელის ფასმა 1,36 ლარი შეადგინა. აღნიშნული ფასი ქსელში, სავარაუდოდ, 10 ივლისამდე შენარჩუნდება. „სოკარ ჯორჯია პეტროლეუმი“ განმარტავს, რომ აგროდიზელის ფასის 20 თეთრით გაძვირების მიზეზი საერთაშორისო ბაზარზე ფასების მკვეთრი ზრდაა. კერძოდ, 2020 წლის ივნისის საშუალო საერთაშორისო ფასი ბაზარზე (პლაცი) არის 77%-ით მეტი 2020 წლის აპრილის საშუალო ფასთან შედარებით და 40% მეტი, ვიდრე 2020 წლის...


მსგავსი სიახლეები

up