გარდაბანში შეჩერებული პროექტები, გამქრალი ფული და უწყლოდ დარჩენილი 5 სოფლის მოსახლეობა

გარდაბანში შეჩერებული პროექტები, გამქრალი ფული და უწყლოდ დარჩენილი 5 სოფლის მოსახლეობა

access_time2018-11-07 11:00:03

უწყლოდ დარჩენილი და მოტყუებული 5 სოფლის მოსახლეობა. „კომერსანტს“ რამდენიმე დღის წინ ერთ-ერთი მკითხველი დაუკავშირდა, რომელმაც გარდაბნის მუნიციპალიტეტში არსებულ სავარაუდო კორუფციის სქემაზე უამბო. თეა მაღალდაძის თქმით, 2017 წელს დაგეგმილი სასმელი წყლის მოწყობის მასშტაბური პროექტი გარდაბანში, ამ დრომდე არ დაწყებულა. როგორც მაღალდაძე გვიყვება, გარდაბანში გამგებლის შეცვლას პროექტის შეჩერება და ფულის გაქრობა მოჰყვა.

 

„მარტყოფში აგარაკი მაქვს, სულ ვკითხულობ ამ პრობლემის შესახებ, იქნებ როგორმე მოგვარდეს, თუმცა 4 წელია ხალხს არაფერი  აღირსეს. რამდენიმე დღის წინ, მარტყოფელები შემხვდნენ და მითხრეს, რომ გზის დაგების სამუშაოები მიმდინარეობსო. როდესაც ვკითხე ჯერ წყალი არ უნდა გაკეთდეს და მერე გზა არ უნდა დაიგოს მეთქი, თვითონ ადგილზე მომუშავე ხალხს უთქვამთ, ფული დაიტაცეს და წავიდნენ, არ ვიცით რა იქნებაო. ხუთივე სოფელი მიგდებულია, არავინ არაფერს კითხულობს, როდემდე შეიძლება ეს პრობლემა მოუგვარებელი იყოს“,- აცხადებს თეა მაღალდაძე.

 

 

 

თეა მაღალდაძე ყვება, რომ გარდაბნის რაიონში ინფრასტრუქტურული პრობლემების შესახებ „ქართული ოცნების“ ყველა მთავრობას წერდა. არსებული პრობლემის შესახებ ინფორმაცია გარდაბნის მუნიციპალიტეტის მერსაც აქვს. მაღალდაძის თქმით, წერილობით ყველა უწყება ადასტურებს, რომ ადგილზე სამუშაოები მიმდინარეობს, თუმცა, საქმით არაფერი კეთდება.


 

 


 

„2014 წელს მივწერე ღარიბაშვილს წყალმომარაგების საკითხზე, გზაზე და ინფრასტრუქტურულ პროექტზე. 2014 წლიდან ვწერ- ვწერ და მომდის დადებითი პასუხები- წელს იქნება, მომავალ წელს იქნება. კვირიკაშვილის პერიოდშიც, გვპირდებოდნენ ხუთივე სოფლის წყალმომარაგებას, 2017 წელიც ამოიწურა. შემდეგ ცქიტიშვილი დაინიშნა, ისიც ამბობს პროექტები აუცილებლად გაგრძელდებაო. რამდენი ხანი უნდა გვატყუონ? 2017 წელს უნდა დასრულებულიყო და 2018 წლამდე გადაწიეს ვადები, სავარაუდოდ ამ მთავრობის პირობებშიც არაფერი გაკეთდება“, განაცხადა თეა მაღალდაძემ.

 

 


 

როგორც კომერსანტმა გაარკვია, პროექტი რომლის ჯამური ღირებულება 22 მლნ ლარს შეადგენს 2017 წლის 29 დეკემბერს უნდა დასრულებულიყო, ხელშეკრულება მაშინ შპს „ საქართველოს გაერთიანებული წყალმომარაგების კომპანიასთან“ გაფორმდა. თუმცა ახალსოფელში, ნორიოში, ვაზიანში, ახალ სამგორში და მარტყოფში ინფრასტრუქტურა  დღესაც მოუწესრიგებელია. გაერთიანებული წყალმომარაგების კომპანიის დირექტორის მოადგილე ზაზა სიხარულიძემ კომერსანტს განუცხადა, რომ არსებული პროექტი დახარვეზდა, რის გამოც ინფრასტრუქტურული პროექტი გადაიდო. როგორც სიხარულიძე განმარტავს, გაერთიანებული წყალმომარაგების კომპანია სამუშაოების დასაწყებად მზადაა, უბრალოდ  პროექტის დამტკიცებას ელოდებიან.


 კომპანიის დირექტორის მოადგილე „კომერსანტთან“ პირველ ეტაპზე განსახორციელებელ სამუშაოებზე საუბრობს:

 

 


 

„პირველი ეტაპის სამშენებლო სამუშაოები მოიცავს სათავე ნაგებობის ნაწილობრივი მოწყობას, ჭაბურღილების და მათი შემკრები კოლექტორის, შემკრები რეზერვუარის, მდინარისგან დამცავი გაბიონების და სატუმბი სადგურის მოწყობას. საქლორატოროს მოწყობა და მაგისტრალური წყალსადენის ნაწილობრივი მოწყობას“,- განაცხადა ზაზა სიხარულიძემ.

 

დახარვეზებულ ტექნიკურ დოკუმენტზე საუბრობენ გარდაბნის მუნიციპალიტეტშიც. მათი ინფორმაციით პროექტი თავიდანვე არასწორად იყო დაგეგმილი. პრესამსახურის ინფორმაციით, იმისათვის, რომ სამშენებლო სამუშაოები გაგრძელებულიყო, პროექტში ტექნიკური ხასიათის ცვლილებები უნდა შეეტანათ, რასაც მუნიციპალიტეტმა დაახლოებით ერთი წელი მოანდომა. აღსანიშნავია ისიც, რომ გარდაბნის მუნიციპალიტეტში განმარტავენ, რომ პროექტი პირველი ეტაპი უკვე დაწყებულია:

 

 

 „ამ დროისათვის პირველი ეტაპის ფარგლებში, რომლისთვისაც 8 მილიონი ლარი გაიწერა, სოფელ ხაშმში (მილსადენის სათავე-ნაგებობაზე) დასრულდა ჭაბურღილების, საქროლატორო ნაგებობების და მთავარი ავზის მოწყობის სამშენებლო სამუშაოები. ასევე განხორციელდა 5კმ-იანი  სასმელი წყლის მაგისტრალური ხაზის მშენებლობის პროცესი.

 

პირველი ეტაპის, მეორე ნაწილის ფარგლებში, მიმდინარე წლის 15 ნოემბრიდან პროექტში შეტანილი ცვლილებების თანახმად (რომელიც ძირითადად ტექნიკური ხასიათისაა) ადგილზე განახლდება სამშენებლო სამუშაოები, რომელსაც საზედამხედველო ინსპექტირებას შპს „ოპტიმალ+“ გაუწევს. 

 

ამავდროულად მიმდინარე წლის დეკემბერში, მეორე ეტაპის სამშენებლო სამუშაოებზე ტენდერს გამოაცხადებს „მუნიციპალური განვითარების ფონდი“,  რომლის ღირებულებაც 18 მილიონ ლარს შეადგენს. აღნიშნულის ფარგლებში  სოფლებში მოხდება სასმელი წყლის მოცულობითი ავზების მოწყობა და მთავარი მაგისტრალური მილსადენის ხუთივე სოფლამდე მიყვანა.

 

მასშტაბური პროექტის მესამე ეტაპი, რომელიც 2019 წლის ბოლოსთვის იგეგმება,  მოიცავს აბონენტების ინდივიდუალურ დაქსელვას და გამრიცხველიანებას.

 

პროექტის დასრულება 2020 წლისთვის იგეგმება, რის შემდეგაც ხუთი სოფლის მარტყოფის, ნორიოს, ახალსოფლის, ვაზიანისა და ახალი სამგორის მოსახლეობა 24 საათიანი წყალმომარაგებით უზრუნველყოფას შეძლებს“, - განმარტავენ გარდაბნის მუნიციპალიტეტში.

 


ავტორი: ბაჩო ადამია





კრემლი დონბასში რუსული პასპორტების დარიგებას იწყებს - რა იქნება ხვალ?

კრემლი დონბასში რუსული პასპორტების დარიგებას იწყებს - რა იქნება ხვალ?
access_time2019-04-25 20:30:24
24 აპრილს ვლადიმერ პუტინმა  ხელი მოაწერა ბრძანებას დონეცკის და ლუგანსკის არაღიარებული რესპუბლიკების მოსახლეობისთვის რუსული პასპორტების გამარტივებული წესებით დარიგების თაობაზე. დადგენილებაში ნათქვამია, რომ განაცხადების განხილვის პროცედურა  3 თვემდე შემცირდა და წესები იქნება გაცილებით უფრო მარტივი, ვიდრე ჩვეულებრივად - მოქალაქეობის მისაღებად არ იქნება აუცილებელი სპეციალური გამოცდის ჩაბარება და რუსეთში 5 წლის მანძილზე...

გერმანული Deutsche Bank და Commerzbank გაერთიანებაზე ვერ შეთანხმდნენ

გერმანული Deutsche Bank და Commerzbank გაერთიანებაზე ვერ შეთანხმდნენ
access_time2019-04-25 19:30:07
გერმანიის ორი უმსხვილესი ბანკი გაერთიანდებაზე ვერ შეთანხმდა. როგორც Deutsche Bank-ის და Commerzbank-ის წარმომადგენლებმა განაცხადეს, მათ უკვე დაასრულეს შესაძლო გაერთიანების შესახებ მოლაპარაკებები. როგორც კომპანიების მიერ ერთობლივად გავრცელებულ განცხადებაში წერია, ანალიზის შედეგად მხარეები მივიდნენ დასკვნამდე, რომ ეს გაერთიანება ბანკებს სარგებელს არ მოუტანდა. შედეგად ორივე ბანკმა გადაწყვიტა დაესრულებინათ დისკუსიები. გერმანიის ხელისუფლება, რომელიც...

კუს ტბის ადმინისტრაციამ მერიაში განაშენიანების ახალი, სამი პროექტი წარადგინა - უარის შემთხვევაში პასუხს გასაჩივრებთ

კუს ტბის ადმინისტრაციამ მერიაში განაშენიანების ახალი, სამი პროექტი წარადგინა -  უარის შემთხვევაში პასუხს გასაჩივრებთ
access_time2019-04-25 16:30:20
კუს ტბის ადმინისტრაციამ მერიაში ტერიტორიის განაშენიანების ახალი გეგმა წარადგინა. სივრცის მოწყობის გენერალური გეგმა, რომელიც დედაქალაქის მთავრობაში თითქმის ერთი წლის  წინ შევიდა, დღემდე გაჩერებულია. როგორც კომერსანტს კუს ტბის გენერალურმა დირექტორმა ნინო ბადაგაძემ განუცხადა, დღემდე უცნობია, რა მიზეზით არის გაჩერებული წინა, მასშტაბური  პროექტი. ამჟამად კი  მერიას  ცალ-ცალკე, სამი დამოუკიდებელი პროექტი...

არქიმანდრიტი კირიონი - რაც ხალხი აღელდა, საგარეომ და შსს-მ გამოიღვიძა, დამპირდნენ, რომ ხვალისთვის დავით გარეჯში პრობლემა მოგვარდება

არქიმანდრიტი კირიონი - რაც ხალხი აღელდა, საგარეომ და შსს-მ გამოიღვიძა, დამპირდნენ, რომ ხვალისთვის დავით გარეჯში პრობლემა მოგვარდება
access_time2019-04-25 15:31:13
სულ გვაწყნარებენ, გეგონება ჩვენ გიჟები ვართ,  და ეგენი ჭკვიანები და მშვიდები, - ამის შესახებ „ინტერპრესნიუსს“ დავით გარეჯის არქიმანდრიტმა კირიონმა განუცხადა, რითაც ემოციური ქმედებებისა და განცხადებების თავშეკავებაზე საგარეო საქმეთა სამინისტროს მოწოდებას უპასუხა. არქიმანდრიტი ამბობს, რომ მას ჰქონდა ხელისუფლებასთან კომუნიკაცია და დაპირდნენ, რომ ხვალისთვის პრობლემა, რომელიც დავით გარეჯშია შექმნილი, მოგვარდება. „უცხო სახელმწიფო რომ ჩაკეტავს ჩვენს...

მონღოლეთში ქართული სახლის გახსნა იგეგმება - რა პოტენციალი აქვს და რატომ უნდა დაინტერესდნენ ქართველი ბიზნესმენები მონღოლური ბაზრით (ინტერვიუ მონღოლეთში სავაჭრო სამრეწველო პალატის ოფიციალურ წარმომადგენელთან)

მონღოლეთში  ქართული სახლის გახსნა იგეგმება - რა პოტენციალი აქვს და რატომ უნდა დაინტერესდნენ ქართველი ბიზნესმენები მონღოლური ბაზრით (ინტერვიუ მონღოლეთში სავაჭრო სამრეწველო პალატის ოფიციალურ წარმომადგენელთან)
access_time2019-04-25 17:30:28
უკვე ერთი წელია საქართველო მონღოლეთთან სავაჭრო ურთიერთობით და ქვეყანაში ინვესტიციების მოზიდვით...


მსგავსი სიახლეები

up