,,უთიხესი“ (UTIKHESI) – კერამიკული ნაკეთობები და მასტერკლასი გამოცდილი კერამიკოსისგან

,,უთიხესი“ (UTIKHESI) – კერამიკული ნაკეთობები და მასტერკლასი გამოცდილი კერამიკოსისგან

access_time2021-10-08 14:00:01

,,უთიხესი“ ქართული ბრენდია, რომელიც სულ ახლახან შეიქმნა და მალევე მიიქცია კერამიკის მოყვარული საზოგადოების ყურადღება. თუკი თიხა ადამიანში სიძველესთან ასოცირდება,  კერამიკოსმა ტატა რობიტაშვილმა შეძლო,  დიზაინში თანამედროვე ხასიათი შეეტანა და საკუთარი კერამიკული სტილი ჩამოეყალიბებინა. საკუთარ გამოცდილებას კი კერამიკოსი  სახელოსნოს ბაზაზე ჩატარებულ მასტერკლასებზე უზიარებს ნებისმიერ მსურველს.

 


როგორც ტატა რობიტაშვილი ,,კომერსანტთან“ ამბობს, საყვარელ საქმეს,  დარგში არსებული ნეგატიური  პროცესების გამო, დიდი ხნით ჩამოშორებული იყო. მესამე წელია, რაც დედასთან და მეგობრებთან ერთად კერამიკული მცირე სახელოსნო ჩამოაყალიბა.  ნაკეთობებს ონლაინ ყიდის. რამდენიმე თვის წინ საკუთარი ბრენდიც შექმნა.

 


,,ქართული კერამიკა იმსახურებს, გახდეს ჩვენი ისტორიისა და კულტურის ერთ-ერთი მნიშვნელოვანი ნაწილი. ვაგრძელებთ ტრადიციას და ამავე დროს ვქმნით  თანამედროვე ნიმუშებს, რათა არ ჩამოვრჩეთ მსოფლიოში გავრცელებულ ტენდენციებს. თუკი რაიმე სიახლეს არ სთავაზობ საზოგადოებას, ინტერესსაც კარგავენ, ამიტომ არ უნდა გაჩერდე და სულ ახალ-ახალი იდეების ძიებაში იყო.

ასე გაჩნდა ჩვენს კოლექციაში კერამიკის რამდენიმე ნიმუში - ჯამ-ჭურჭელი, სხვადასხვა სუვენირი, ჭადრაკის ფიგურები და სხვა. საქმიანობის დაწყებამ რთულ პერიოდში მომიწია, როცა 90-იან წლებში, საბჭოთა კავშირის დაშლის შემდეგ ქარხნები დაიკეტა და ქართველ კერამიკოსებს ურთულესი პერიოდი დაგვიდგა. ელემენტარულად, ნედლეულ არ იყო ქვეყანაში, ამიტომ რამდენიმე წლით ჩამოვშორდი საყვარელ საქმეს. ვცდილობ, კოლექციას  უფრო და უფრო მეტი შევმატო. პარალელურად ვატარებ მასტერკლასებს. ამ დარგით დაინტერესებულთა წრე თანდათან ფართოვდება“, – ამბობს კერამიკოსი.



რაც შეეხება ნედლეულს, როგორც ტატა რობიტაშვილი ამბობს, გამოიყენება როგორც ქართული, ასევე  იმპორტული ნაწარმი, მათ შორის თიხა და სხვადასხვა პიგმენტი.




იმისთვის, რომ ნაკეთობა ტექნოლოგიურად დაიხვეწოს, კერამიკოსს საკუთარი დედა, პროფესიით ქიმიკოსი ელენე კოშევაია-რობიტაშვილი ეხმარება.



,,თიხასთან ერთად ვიყენებთ  განსხვავებული მასალას, რასაც ინტერნეტ მაღაზიებში ვუკვეთავთ. მომხმარებელს  ვთავაზობთ განსხვავებულ ტექნოლოგიას, რომელიც საქართველოში არ იყიდება. ეს არის სხვადასხვა პიგმენტები, რომელიც ფაქტობრივად ,,მიწიდან ამოვთხარეთ“.  საბოლოოდ მივაღწიეთ ტექნიკას, რაც ნიმუშებს უფრო დახვეწილს და სრულყოფილს  ხდის. ამაში ქიმიკოსი დედა დამეხმარა, რომელიც თავდაუზოგავად ჩაერთო ამ საქმეში. მისი მეშვეობით ტექნოლოგიურადაც წინ წავიწიეთ, როგორიცაა  ჭიქურის და პიგმენტის შეფერილობა. რასაც ვაკეთებთ, სრულ ენთუზიაზმზე დაფუძნებული იდეაა, რომელშიც დიდი ენერგია და რესურსი ჩავდეთ“, - ამბობს ტატა რობიტაშვილი.



რაც შეეხება ფასებს, ,,უთიხესის“ ბრენდით ქართული კერამიკული ნიმუშების საწყისი ფასი 25-30 ლარია და მატულობს მასალის მოცულობის და შესრულებული სამუშაოს სირთულის შესაბამისად.



საწარმოს წარმომადგენლებს დაგეგმილი ჰქონდათ თიხის ფესტივალის ჩატარება, რომლის ფარგლებშიც მოეწყობოდა მასტერკლასი, ასევე შესაძლებელი გახდებოდა კერამიკის ისტორიის გაცოცხლება. პანდემიის გამო ჩანაფიქრი ვერ განახორციელეს.



კერამიკის  მინი სახელოსნო  ,,უთიხესი“ (UTIKHESI)  ამ ეტაპზე სპონსორის ძიებაშია, წარმოების გასაფართოებლად.  


 

 


 მარი ჩიტაია






საქართველოში ხვალიდან „მწვანე პასპორტი“ ამოქმედდება

საქართველოში ხვალიდან „მწვანე პასპორტი“ ამოქმედდება
access_time2021-11-30 20:55:41
ხვალიდან საქართველოში "მწვანე პასპორტი" ამოქმედდება.შეგახსენებთ, რომ მოქალაქეს მწვანე სტატუსი მიენიჭება იმ შემთხვევაში თუ ის აკმაყოფილებდეს შემდეგი კრიტერიუმებიდან ერთ-ერთს:• არის სრულად ვაქცინირებული;• გადატანილი აქვს Covid-19 და ვირუსის დადასტურებიდან გასულია 14 დღე;• ჩატარებული აქვს 72-საათიანი ვალიდურობის PCR ტესტი;• ჩატარებული აქვს 24-საათიანი ვალიდურობის ანტიგენ ტესტი;პანდემიის ეფექტური მართვისა და ბიზნესისა და მოქალაქეების მიერ...

„საპარტნიორო ფონდს“ დიდი სიკეთის მოტანა შეუძლია და ეს რესურსი ქვეყანამ კარგად უნდა გამოიყენოს – დავით საგანელიძე

„საპარტნიორო ფონდს“ დიდი სიკეთის მოტანა შეუძლია და ეს რესურსი ქვეყანამ კარგად უნდა გამოიყენოს – დავით საგანელიძე
access_time2021-11-30 16:55:17
„მოხარული ვარ, რომ საქართველოს მთავრობამ, პრემიერ ღარიბაშვილის ინიციატივით, „საპარტნიორო ფონდის“ რეორგანიზაციის პროცესის მოკლე დროში დასრულების გადაწყვეტილება მიიღო. ფონდს ქვეყნის ეკონომიკისთვის დიდი სიკეთის მოტანა შეუძლია და ეს რესურსი ქვეყანამ კარგად უნდა გამოიყენოს“, – ამის შესახებ „საპარტნიორო ფონდის“ აღმასრულებელმა დირექტორმა, დავით საგანელიძემ ექსპერტებთან შეხვედრაზე განაცხადა. შეხვედრა, სადაც „ფონდის რეორგანიზაციის“ გზებსა და ვარიანტებზე იმსჯელეს „ახალგაზრდა ფინანსისტთა და...

ლარი დოლართან და ევროსთან გაუფასურდა, ლირასთან გამყარდა

ლარი დოლართან და ევროსთან გაუფასურდა, ლირასთან გამყარდა
access_time2021-11-30 18:00:39
30 ნოემბრის ვაჭრობის შედეგად ლარი აშშ დოლართან მიმართებაში 3.12 თეთრით 3.1179-მდე გაუფასურდა. Bloomberg-ის პლატფორმაზე დღის ბოლოს კურსმა 3.1200 შეადგინა. საერთაშორისო ვალუტებიდან ლარი ევროსთან 6.02 თეთრით 3.5451-მდე, ბრიტანულ ფუნტთან 4.32 თეთრით 4.1636-მდე, 1000 სომხურ დრამთან 3.38 თეთრით 6.3916-მდე, აზერბაიჯანულ მანათთან 1.95 თეთრით 1.8348-მდე, 100 რუსულ რუბლთან 4.60 თეთრით 4.1660-მდე გაუფასურდა. ლარი თურქულ ლირასთან 0.54 თეთრით 0.2387-მდე...

საპენსიო სააგენტო ფასიან ქაღალდებში ინვესტირებას იწყებს - სამიზნე თეგეტა და ნიკორაა

საპენსიო სააგენტო ფასიან ქაღალდებში ინვესტირებას იწყებს - სამიზნე თეგეტა და ნიკორაა
access_time2021-11-30 16:55:10
საქართველოს საპენსიო სააგენტო ადგილობრივ ბაზარზე კომპანიების ფასიან ქაღალდებში ინვესტირებას იწყებს. ამის შესაძლებლობა ფონდს, 1-ელ ოქტომბერს, სპეცდეპოზიტარად საქართველოს ბანკის შერჩევის შემდეგ...

საგანელიძე: გამოვიცვალეთ ოთხი პრემიერი და ისევ იქ ვიყავით

საგანელიძე: გამოვიცვალეთ ოთხი პრემიერი და ისევ იქ ვიყავით
access_time2021-11-30 16:49:49
საპარტნიორო ფონდის დირექტორი დავით საგანელიძე ფონდის რეფორმასთან დაკავშირებით ირაკლი ღარიბაშვილს მადლობას უხდის. „მადლობა ირაკლი ღარიბაშვილს. ის რომ არა, ისევ ვიქნებოდით გაურკვევლობაში. გამოვიცვალეთ ოთხი პრემიერი და ისევ იქ ვიყავით - ყველა ამბობდა კი, მაგრამ ის, რაც მან თქვა, არავის უთქვამს, რეფორმა ადგილიდან არ დაძრულა“, - აცხადებს საგანელიძე. საგანელიძე შეურაცხმყოფელს უწოდებს ფონდის საქმიანობის გამჭვირვალობასთან...


მსგავსი სიახლეები

up