ზაფხული საუკეთესო დროა მოგზაურობის დასაგეგმად და სასურველი ადგილების მოსანახულებლად. თუმცა არ უნდა დაგვავიწყდეს, რომ წლის ამ პერიოდში მობილობა მაქსიმალურად იმატებს და შორ გზაზე უსაფრთხოდ გადასაადგილებლად გამართული ავტომობილი მნიშვნელოვანია. სწორედ საგზაო მოძრაობის უსაფრთხოებას ეხება „თეგეტა მოტორსის“ ახალი კამპანია, რომლის ფარგლებში კომპანიამ ავტომფლობელებს „უსაფრთხოების დღეების“ შეთავაზებები მოუმზადა.

ავტომობილის შემოწმებისას არსებობს სტანდარტული პარამეტრები, რომელიც რამდენიმე პუნქტს მოიცავს. რეკომენდებულია შემოწმდეს სავალი ნაწილი და ავტომობილის დეტალები. „თეგეტა მოტორსში“ აქციის ფარგლებში 10 ლარად შესაძლებელია სერვისების ნაკრებით სარგებლობა: სავალი ნაწილის დათვალიერება, ძრავის ზეთის, სამუხრუჭე სითხის და გაგრილების სისტემის შემოწმება.

შორ გზაზე მოგზაურობისთვის მნიშვნელოვანია ახალი და გამართული საბურავებიც. მოძველებული და სეზონისთვის შეუსაბამო საბურავები სამუხრუჭე დისტანციას აგრძელებს და ავტოსაგზაო შემთხვევების რისკს ზრდის. თუ თქვენს ავტომობილს საბურავების შეცვლა ან გამართვა ესაჭიროება  „თეგეტა მოტორსში“ შეგიძლიათ 4 საბურავი 3 საბურავის ფასად შეცვალოთ. შეთავაზება ეხება როგორც ზაფხულის ასევე ყველა სეზონის საბურავებს.

,,უსაფრთხოების დღეების“ შეთავაზება აკუმულატორებზეც ვრცელდება. აკუმულატორის შემოწმება ცივი ზამთრის შემდგე აუცილებელია, რადგან ტემპერატურის ცვალებადობა მისი მწყობრდან განსვლის ერთ ერთი მიზეზია. „თეგეტა მოტორსში“ FIAMM-ისა და BEX-ის აკუმულატორებზე 25%-იანი ფასდაკლება ვრცელდება. იგივე შეთავაზება ეხება BREMBO-სა და CTR-ის სამუხრუჭე ხუნდებსაც.

„უსაფრთხოების დღეების“ შეთავაზებებით სარგებლობა ნებისმიერ ავტომფლობელს ივლისის ბოლომდე შეუძლია.

თეგეტა მოტორსის შესახებ: ავტოინდუსტრიის ლიდერი კომპანია თეგეტა მოტორსი 1995 წლიდან საქმიანობს ქართულ ბაზარზე და მომხმარებელს ავტომომსახურების სრულ სპექტრს სთავაზობს. კომპანიას მთელი ქვეყნის მასშტაბით 29 ფილიალი აქვს, რომელიც 400 000-მდე საცალო და 35 000 -მდე კორპორაციულ მომხმარებელს ემსახურება. თეგეტა მოტორსი 300-მდე მსოფლიო ბრენდის წარმომადგენელია საქართველოში, მათ შორის არის Bridgestone, Michelin, Varta, Shell, Motul, Hengst და სხვა.

(R)