„ევროკავშირი ომის შემდეგ უკრაინის აღდგენის კოორდინაციისთვის პლატფორმას შექმნის“

„ევროკავშირი ომის შემდეგ უკრაინის აღდგენის კოორდინაციისთვის პლატფორმას შექმნის“

access_time2022-07-04 19:00:00

ევროკავშირი ომის შემდგომ უკრაინის აღდგენის კოორდინაციისთვის პლატფორმას შექმნის, – ამის შესახებ ევროკომისიის პრეზიდენტმა ურსულა ფონ დერ ლაიენმა განაცხადა, რომელიც შვეიცარიის ქალაქ ლუგანოში უკრაინის აღდგენის კონფერენციას ესწრება.


ევროკომისიის ხელმძღვანელის თქმით, პლატფორმას გამოიყენებენ ინვესტიციების საჭიროების განსაზღვრისთვის, ქმედებების კოორდინირებისა და რესურსების განაწილებისთვის.


„ომის დაწყების შემდეგ ევროკავშირმა ფინანსური დახმარების სახით 6.2 მილიარდი ევროს მობილიზება მოახდინა და კიდევ მეტი იქნება. ჩვენ აქტიურად ჩავერთვებით საშუალოვადიან და გრძელვადიან რეკონსტრუქციაში“, – განაცხადა ურსულა ფონ დერ ლაიენმა.


როგორც სააგენტო „როიტერი“ წერს, უკრაინის რეკონსტრუქციის კოორდინაციის პლატფორმა გააერთიანებს ქვეყნებს, ინსტიტუტებს, კერძო სექტორს და სამოქალაქო საზოგადოებას. პლატფორმის მუშაობაში ასევე ჩაერთვებიან ორგანიზაციები, როგორებიც არიან, რეკონსტრუქციისა და განვითარების ევროპული ბანკი და ევროპის საინვესტიციო ბანკი.



„რეკონსტრუქციის პლატფორმის საშუალებით ევროკომისიას შეუძლია, შესთავაზოს თავისი ფართო გამოცდილება პროგრამების განხორციელებაში, რომლებიც მოიცავს რეფორმებსა და ინვესტიციებს. ამასთან ერთად, ჩვენ დიდი ხანია, უკრაინასთან მჭიდროდ ვმუშაობთ. ეს მუშაობა კიდევ უფრო გააქტიურდება ახლა, როდესაც უკრაინა ფორმალურად გახდა ევროკავშირში გაწევრიანების კანდიდატი“, – განაცხადა ურსულა ფონ დერ ლაიენმა.


ევროკომისიის პრეზიდენტის თქმით, ევროპას აკისრია განსაკუთრებული პასუხისმგებლობა და აქვს სტრატეგიული ინტერესი, რომ უკრაინის გვერდით იყოს.


„კრემლის მიზანია უკრაინის სამხედრო, პოლიტიკური და ეკონომიკური განადგურება. მათ სურთ, ძირი გამოუთხარონ თავად უკრაინის, როგორც სახელმწიფოს არსებობას. ჩვენ ვერ და არ დავუშვებთ, რომ ეს მოხდეს“, – აღნიშნა ურსულა ფონ დერ ლაიენმა ლუგანოში.


1tv.ge





ხელნაკეთი მოსაწვევები & საქორწილო აქსესუარები: მოთხოვნა პანდემიამდელ ნიშნულს უბრუნდება

ხელნაკეთი მოსაწვევები & საქორწილო აქსესუარები: მოთხოვნა პანდემიამდელ ნიშნულს უბრუნდება
access_time2022-08-12 23:55:40
ლიკუნა კოტეტიშვილს საქორწილო აქსესუარების დამზადების იდეა საკუთარი ქორწილის შემდეგ გაუჩნდა. დღეს კი კომპანია მომხმარებელს სხვადსხვა სახის საქორწილო მომსახურებასა და აქსესუარებს სთავაზობს.   როგორც "ხელნაკეთი მოსაწვევები & საქორწილო აქსესუარების" დამფუძნებელი "ბიზნესპარტიორთან" ყვება, ქორწილში მის მიერ დამზადებულმა დეკორაციამ დიდი მოწონება დაიმსახურა და სწორედ აქედან წამოვიდა იდეა ეს ყველაფერი ბიზნესად ექცია.   "პირადად ჩემთვის, ეს არის სფერო,...

ბაიდენის მრჩევლები მოითხოვენ მისი 2024 წლის საპრეზიდენტო კამპანიის ადრეულ დაწყებას

ბაიდენის მრჩევლები მოითხოვენ მისი 2024 წლის საპრეზიდენტო კამპანიის ადრეულ დაწყებას
access_time2022-08-12 23:00:51
Reuters-ის სააგენტოს ცნობით, რამდენიმე წყაროს თანახმად, აშშ-ის პრეზიდენტმა, ჯო ბაიდენმა, უნდა გამოაცხადოს თავისი კანდიდატურის ხელახლა წამოყენების შესახებ უფრო ადრე, ვიდრე ჩვეულებრივ, ნოემბრის რბოლამდე კონგრესში, რათა გააქარწყლოს სპეკულაციები დემოკრატების გეგმების შესახებ 2024 წლის საარჩევნო კამპანიის წინ.   ბაიდენი, რომელიც 8 ნოემბრის შუალედური არჩევნების შემდეგ 80 წლის გახდება, სულ უფრო მეტი შეკითხვის წინაშე დგას თავისი პოლიტიკური მომავლის შესახებ, მიუხედავად იმისა, რომ...

„სომხეთმა თხოვნით მიმართა საქართველოს, რომ ლარსის სასაზღვრო-გამშვები პუნქტის ალტერნატივად განხილულიყო საზღვაო ტრანსპორტიც“

„სომხეთმა თხოვნით მიმართა საქართველოს, რომ ლარსის სასაზღვრო-გამშვები პუნქტის ალტერნატივად განხილულიყო საზღვაო ტრანსპორტიც“
access_time2022-08-12 20:02:05
„სომხეთმა თხოვნით მიმართა საქართველოს, რომ ლარსის სასაზღვრო-გამშვები პუნქტის ალტერნატივად განხილულიყო საზღვაო ტრანსპორტიც“ -  ამის შესახებ ინფორმაციას  საზღვაო ტრანსპორტის სააგენტო სოციალურ ქსელში ავრცელებს. „კომერსანტი“ საზღვაო ტრანსპორტის სააგენტოს განცხადებას უცვლელად გთავაზობთ. „საქართველოს სატრანზიტო კორიდორი გადატვირთულ რეჟიმში აგრძელებს მუშაობას.  მიუხედავად იმისა, რომ შესაბამისი სახელმწიფო ორგანოები უწყვეტად, 24-საათიან რეჟიმში მუშაობენ,...

ბუნებრივია საქართველო ამით მიიღებს საკმაოდ კარგ ბენეფიტებს - გია არაბიძე საქართველოს გავლით ყაზახური ნავთობის გატარებაზე

ბუნებრივია საქართველო ამით მიიღებს საკმაოდ კარგ ბენეფიტებს - გია არაბიძე საქართველოს გავლით ყაზახური ნავთობის გატარებაზე
access_time2022-08-12 17:58:05
ბუნებრივია საქართველო ამით მიიღებს საკმაოდ კარგ ბენეფიტებს, როგორ მილსადენიდან ასევე რკინიგზიდან, აცხადებს ექსპერტი ენერგეტიკის საკითხებში გია არაბიძე, რითაც ის ყაზახური ნავთობის, რუსეთის გვერდის ავლით, ბაქო-თბილისი-ჯეიჰანისა და ბაქო-სუფსის ნავთობსადენების გამოყენებით დაწყებას გამოეხმაურა. როგორც...

ლარის კურსი დოლართან მიმართებით გაუფასურდა, ევროსთან კი გამყარდა

ლარის კურსი დოლართან მიმართებით გაუფასურდა, ევროსთან კი გამყარდა
access_time2022-08-12 17:30:06
12 აგვისტოს ვაჭრობის შედეგად აშშ დოლარი გამყარდა და 2.7089 ლარი შეადგინა. კურსი, რომელიც დღეს მოქმედებდა, 2.7016 ლარი იყო. შესაბამისად, დოლარის ცვლილებამ ეროვნულ ვალუტასთან მიმართებაში -0.73 თეთრი შეადგინა. გაუფასურდა ევრო, რომლის კურსი 2.7880 ლარია. მაშინ როცა დღეს მოქმედი კურსი 2.7916 ლარს შეადგენდა. შესაბამისად, ევროს ცვლილებამ 0.36 თეთრი შეადგინა. გამყარდა თურქული ლირა, რომელიც 0.1508 ლარს შეადგენს, ხოლო გაუფასურდა ფუნტი და 3.2829 ლარი...


მსგავსი სიახლეები

up