პანდემიის გამო „უოლტ დისნეიმ“ 100 000-ზე მეტი თანამშრომლისთვის ხელფასების გაცემა შეაჩერა. მსოფლიოს უმსხვილესი გასართობი კორპორაცია თემატურ პარკებსა და სასტუმროებს აშშ-ში და აზიაში ფლობს.დასაქმებულთა თითქმის 50 პროცენტისთვის ანაზღაურების შეწყვეტა კორპორაციას 500 მილიონი აშშ დოლარის დაზოგვის საშუალებას აძლევს, ამის შესახებ Financial Times-ი წერს.
2019 წელს „დისნეის“ ბოლო სამი თვის შემოსავლიდან 1,4 მილიარდი გასართობი პარკებიდან და ღონისძიებებიდან შემოვიდა.კომპანია პერსონალს სრულ ჯანდაცვის პაკეტს სთავაზობს და მოუწოდებს, რომ გათავისუფლებულმა თანამშრომლებმა სახელმწიფოს დახმარების პროგრამით ისარგებლონ. ამჟამად, ამერიკელების რაოდენობა, ვინც უმუშევრებისთვის განკუთვნილ დახმარებას მიიღებს 6 მილიონს შეადგენს. აშშს ქუჩებში ეკონომიკის ამუშავების მოთხოვნით საპროტესტო აქციები იმართება.
ტურისტული სექტორი პირველი იყო, რომელსაც კორონავირუსის პანდემიამ დიდი დარტყმა მიაყენა. ავიახაზები გადარჩენისთვის იბრძვიან და მთავრობისგან ფინანსურ დახმარებას ითხოვენ.ამასობაში „დისნეის“ ონლაინ სტრიმინგი „დისნეი პლუსი“ საკმაოდ დიდი დატვირთვით მუშაობს, მას გააქტიურებიდან 5 თვეში უკვე 50 მილიონამდე გამომწერი ჰყავს.
მარტის თვეში „უოლტ დისნეიმ“ გააჟღერა, რომ კომპანიის აღმასრულებელმა დირექტორმა ბობ იგერმა მთელ თავის ანაზღაურებაზე უარი თქვა, გენერალური დირექტორის ბობ ჩაპეკის ხელფასი კი განახევრდა. იგერი ერთ-ერთი ყველაზე მაღალანაზღაურებადი დირექტორია გასართობ-სამეცნიერო დარგში, მხოლოდ გასულ წელს მან 47,5 მილიონი გამოიმუშავა.
როდესაც „დისნეის“ გასართობი თემატური პარკები გაიხსნება, ბობ იგერის თქმით, ვიზიტორებისთვის თერმოტესტი ნორმალური ყოველდღიური რუტინა გახდება.
BBC.COM
მოამზადა მარიამ მორგოშიამ