ყოფილი ბროკერი ჯორდან ბელფორტი, რომლის ცხოვრების ისტორიაც სცენარისტებმა ფილმ „უოლ-სტრიტის მგელის“ სიუჟეტად გამომიყენეს, კინოფილმის შემქმნელებს - კომპანია Red Granite Pictures $300 მილიონს სთხოვს, ამის შესახებ BBC წერს.
ბელფორტმა კომპანიის წინააღმდეგ სასამართლოში სარჩელი უკვე შეიტანა. ის კომპანია Red Granite Pictures მალაიზიაში ფულის გათეთრებას ედავება და კინოფილმის გადაღებას ამ მიზანს უკავშირებს. ის ამტკიცებს, რომ მწარედ მოატყუეს, როცა თავისი ავტობიოგრაფიის ეკრანიზაციის უფლება გაყიდა.
ფინანსისტი აცხადებს, რომ მისთვის მაქინაციების შესახებ არ იყო ცნობილი.
2019 წლის ივლისში ფილმ „უოლ-სტრიტის მგელის“ პროდუსერი რიზა აზიზი დააკავეს მალაიზიაში ფულის გათეთრების ბრალდებით. სამართალდამცველები მას სახელმწიფო ფონდიდან $4,5 მილიარდის გათეთრებას ედავებიან. ფონდს მალაიზიის პრეზიდენტი ნაჯიბ რაზაკომი აკონტროლებს. აშშ-ის პროკურატურის მონაცემებით, ფული პოლიტიკოსის და მისი მეგობარი ფინანსისტი ჯოუ ლოუს მდიდრულ ცხოვრებაზე დაიხარჯა.
ხელისუფლება ასევე ფიქრობს, რომ ფული კომპანია Red Granite Pictures-მა ფილმ „უოლ-სტრიტის მგელის“გადაღებებზე დახარჯა.
ფილმი „უოლ-სტრიტის მგელი“ კინოეკრანებზე 2013 წელს გამოვიდა. ფილმი „ოსკარის“ 5 ნომინაციაზე იყო წარდგენილი, თუმცა ვერცერთი ვერ მიიღო. რაც შეეხება ჯორდან ბელფორტს მან 1990 წლების ბოლოს ფინანსურ მაქინაციებში ბრალდებით, თითქმის ორი წელი ციხეში გაატარა.
წყარო:imedinews