უნივერსიტეტებში ახალი სპეციალობის - სამოქალაქო ინჟინერიის სწავლება დაიწყება

უნივერსიტეტებში ახალი სპეციალობის - სამოქალაქო ინჟინერიის სწავლება დაიწყება

access_time2018-08-10 19:30:24


უნივერსიტეტებში ახალი სპეციალობის – სამოქალაქო ინჟინერიის სწავლება დაიწყება. განათლების ხარისხის განვითარების ეროვნული ცენტრის ინფორმაციით, შესაბამისი ცვლილება ეროვნულ საკვალიფიკაციო ჩარჩოში უკვე შევიდა.


დღემდე, ქართულ უნივერსიტეტებში მხოლოდ მშენებლობის სპეციალობა ისწავლება და სამოქალაქო ინჟინერია, როგორც კვალიფიკაცია, არ არსებობს. საქართველოს ტექნიკური უნივერსიტეტისა და ილიას სახელმწიფო უნივერსიტეტის მიმართვის საფუძველზე კი, უმაღლესი განათლების დარგობრივმა საბჭომ საკითხი განიხილა და დადებითი გადაწყვეტილება მიიღო.


განათლების ხარისხის განვითარების ეროვნული ცენტრის დირექტორის, თამარ სანიკიძის განცხადებით, სამოქალაქო ინჟინერია მშენებლების მომზადებასთან დაკავშირებით სრულიად ახალ მიდგომებს გულისხმობს და ამ კვალიფიკაციის ადამიანი მშენებლობის სპეციალისტისგან განსხვავებული იქნება.


„ამ ახალი სპეციალობის თავისებურებაა, რომ სამოქალაქო ინჟინერიის შემთხვევაში, თანამედროვე ბაზრის მოთხოვნები უფრო მკაფიოდ ფიგურირებს. სამოქალაქო ინჟინერია მოიცავს ზოგადად მშენებლობას, ასევე დაგეგმარებას, პროექტირებას, ტესტირებას, მშენებლობის ხელმძღვანელობას, რაც ძალიან მნიშვნელოვანი განსხვავებაა მშენებლობის მიმართულებისგან“, – განაცხადა თამარ სანიკიძემ.



მისი განმარტებით, სამოქალაქო ინჟინერია თავისი არსით უფრო სივრცითი მოწყობაა და მასში გათვალისწინებულია ისეთი კომპონენტები, როგორიცაა: ჰიდროტექნიკური მშენებლობა, სატრანსპორტო სისტემები, წყალმომარაგების სისტემები, ინჟინერია.


ამასთან, თამარ სანიკიძის თქმით, მშენებლობის სპეციალიზაციის პრობლემაა, რომ აღნიშნული სპეციალობის კადრების მიმართ ინდუსტრია ინტერესს არ იჩენს. დარგი ვითარდება, ჩნდება ახალ უნარებზე მოთხოვნა, მშენებლობის სპეციალიზაცია კი, ამ გამოწვევებს ვერ პასუხობს.


სამოქალაქო ინჟინერია შეისწავლება, როგორც ბაკალავრიატის, ისე მაგისტრატურის საფეხურებზე.


სამოქალაქო ინჟინერიის სპეციალობაზე პროგრამები უმაღლესმა სასწავლებლებმა უნდა შეადგინონ და შესაბამისი აკრედიტაცია მოიპოვონ.


TV1






“საქართველოს ხელისუფლებამ მაქსიმალურად უნდა გაითვალისწინოს საერთაშორისო სავალუტო ფონდის რჩევები“ - დარგის სპეციალისტები კრისტინ ლაგარდის ვიზიტს “კომერსანტთან“ აფასებენ

“საქართველოს ხელისუფლებამ მაქსიმალურად უნდა გაითვალისწინოს საერთაშორისო სავალუტო ფონდის რჩევები“ - დარგის სპეციალისტები კრისტინ ლაგარდის ვიზიტს “კომერსანტთან“ აფასებენ
access_time2019-05-20 19:00:52
...

Google Amazon-ს კონკურენციას გაუწევს

Google Amazon-ს  კონკურენციას გაუწევს
access_time2019-05-20 20:00:13
რამდენიმე დღის წინ Google-მა განაახლა სერვისები, რომლებიც დაკავშირებულია ონლაინ ვაჭრობასთან. განახლებული Google Shopping და Google Express დაეხმარება კლიენტებს საქონლის მოძიებაში და ფასების შედარებაში სხვადასხვა გამყიდველებთან. ექსპერტების აღნიშნავენ, რომ ეს არის ახალი ტენდენცია - Google აქტიურად იწყებს ბრძოლას ონლაინ-ვაჭრობის ბაზარზე პირველობისთვის. 16 წლის წინ კომპანიამ, რომელიც ჯერ ბირჟაზეც კი არ იყო გასული,...

თემურ ბასილია: „მიდგომა, რომელიც დღეს ქვეყანაში საპენსიო სისტემასთან დაკავშირებით არსებობს, სწორია“

თემურ ბასილია: „მიდგომა, რომელიც დღეს ქვეყანაში საპენსიო სისტემასთან დაკავშირებით არსებობს, სწორია“
access_time2019-05-20 18:00:16
„საპენსიო რეფორმის წარმატება დამოკიდებულია იმაზე, როგორ მოხდება ამ რესურსების მართვა,“— ასე აფასებს  2019 წლის 1 იანვარს ამოქმედებულ  საპენსიო რეფორმას საქართველოს ყოფილი ყოფილი ვიცე პრემიერი, ყოფილი პრეზიდენტის ეკონომიკური მრჩეველი თემურ ბასილია „კომერსანტთან“  ექსკლუზიურ ინტერვიუში. როგორც ბასილია განმარტავს, მიდგომა, რომელიც დღეს ქვეყანაში საპენსიო სისტემასთან დაკავშირებით არსებობს, სწორია. მისივე...

მერიის ტრანსპორტის საქალაქო სამსახურის უფროსი: ე.წ. სტაიანშიკების მიმართ მოწყალებას ვიჩენთ

მერიის ტრანსპორტის საქალაქო სამსახურის უფროსი: ე.წ. სტაიანშიკების მიმართ მოწყალებას ვიჩენთ
access_time2019-05-20 17:00:16
წელიწადზე მეტია, რაც საპარკინგე ადგილების ადმინისტრირება თბილისის სატრანსპორტო კომპანიის დაქვემდებარებაში გადავიდა, თუმცა არჩევნებამდე დაპირებული პარკირების  პრობლემა არათუ მოგვარდა, კიდევ ურო დამძიმდა. უამრავ მიზეზებთან ერთად “კომერსანტთან“ ექსპერტები ე.წ. სტაიანშიკებსაც ასახელებენ, რომლებიც დედაქალაქში თვითნებურად მუშაობენ და საკუთარ წესებს ადგენენ. თბილისის მერიის ტრანსპორტის საქალაქო სამსახურის უფროსი მამუკა მუმლაძე ამ თემაზე...

„m²“ ამერიკის სავაჭრო პალატის წევრებს სასტუმროების ქსელის განვითარების კონცეფცია გააცნო

„m²“ ამერიკის სავაჭრო პალატის წევრებს სასტუმროების ქსელის განვითარების კონცეფცია გააცნო
access_time2019-05-20 13:25:06
ა/წ 17მაისს, 18:00 საათზე, სასტუმრო „რუმს ჰოტელ თბილისში“ დეველოპერულმა კომპანია „m²“-მა, ამერიკის სავაჭრო პალატასთან ერთად, მიღება გამართა და სავაჭრო პალატის წევრ კომპანიებს სასტუმროების ქსელის განვითარების ახალი მიმართულებისკონცეფცია წარუდგინა. ამ ეტაპზე, სასტუმროების ქსელის განვითარების მიმართულებით, საქართველოს მასშტაბით, 10 სასტუმროს გახსნა იგეგმება, რომლებიც,საერთო ჯამში,1,000-ზე მეტ ნომერს გააერთიანებს.სრული ინვესტიცია სასტუმროების განვითარების...


მსგავსი სიახლეები

up