უნდა შეიზღუდოს თუ არა თბილისში ერთოთახიანი ბინების მშენებლობა – ლაშა პაპაშვილის ინიციატივას არც მერია და არც დეველოპერები არ იზიარებენ

უნდა შეიზღუდოს თუ არა თბილისში ერთოთახიანი ბინების მშენებლობა – ლაშა პაპაშვილის ინიციატივას არც მერია და არც დეველოპერები არ იზიარებენ

person access_time2016-04-05 15:30:51

ლაშა პაპაშვილის ინიციატივა ერთოთახიანი ბინების მშენებლობის შეზღუდვასთან დაკავშირებით თბილისის მერიაში არ განიხილება. დედაქალაქის მთავრობაში აცხადებენ, რომ ლაშა პაპაშვილმა ეს იდეა გასულ კვირას, თბილისის მერიის წარმომადგენლებსა და ბიზნეს ასოციაციის წევრებთან შეხვედრაზე გააჟღერა, თუმცა მთავრობა ინიციატივის განხილვას არ აპირებს.


ლაშა პაპაშვილმა „კომერსანტთან" განაცხადა, რომ თბილისი დღეს საცხოვრებელი სახლების განაშენიანების კუთხით გადაჭედილია და ამ ვითარებაში ერთოთახიანი ბინების მშენებლობაზე, რომლებიც ყველაზე კარგად იყიდება, შეზღუდვა უნდა დაწესდეს. 


„ერთ სადარბაზოში 80 ბინა რომ იქნება, დამღუპველია, მისი ფასი ვარდება. ამგვარი განაშენიანება დასავლეთში აკრძალულია და კანონი კრძალავს. ყურადღება მისაქცევია. მემგონი შემოიღებენ ამგვარ შეზღუდვებს, უკიდურესად საჩქაროა. ჩვენ აღარ ვაკეთებთ საცხოვრებელს. მეათე წელია ამ ბიზნესში ვართ და არცერთი არ გაგვიკეთებია"- განაცხადა პაპაშვილმა. მიუხედავად იმისა, რომ ბიზნესმენი მსგავსი შეზღუდვის ამოქმედებას საჩქაროდ მიიჩნევს, მერიაში მის განხილვას არ აპირებს.


„კომერსანტი“ სამშენებლო ბიზნესის სხვა წარმომადგენელთა პოზიციითაც  დაინტერესდა. არცერთი დეველოპერი, რომელსაც „კომერსანტი“ დაუკავშირდა, მსგავსი რეგულაციის შემოღებას არ ეთანხმება.



„მენაშენეთა ასოციაციის" ხელმძღვანელი ირაკლი როსტომაშვილი ლაშა პაპაშვილის ინიციატივას „სისულელეს“ უწოდებს და აცხადებს, რომ ამაში არანაირი ლოგიკა არ არის.


დეველოპერული კომპანია „რედკოს" დამფუძნებელი მირიან ქათამაძე განმარტავს, რომ საქართველოში ჯერჯერობით საზოგადოებას არ გააჩნია იმხელა თანხა, რომ შეძლოს მრავალკვადრატიანი, რამდენიმეოთახიანი ბინების ყიდვა. ქათამაძის განმარტებით, ამ შეზღუდვით დაზარალდება ორივე მხარე, დეველოპერიც და კლიენტიც.


„ვფიქრობ, აუცილებელია, ქვეყანაში ყველა სეგმენტისთვის და ყველა ფართის ბინა იყოს. ყველას არ შეუძლია 100 და მეტი კვადრატული ფართის შეძენა. ერთოთახიანების მშენებლობა-რეალიზაციის შეზღუდვა გამოსავალი ნამდვილად ვერ იქნება. ერთადერთი გამოსავალია ის, რომ რაიონებში შეიქმნას სამუშაო ადგილები. ჩვენ რომ ქალაქში ერთოთახიანი ბინების გაყიდვა ავკრძალოთ, ეს გამოიწვევს იმას, რომ ადამიანი აღარ ჩამოვა თბილისში. სულ ეს არის," - აცხადებს ქათამაძე.


ერთოთახიანი ბინების მშენებლობის შეზღუდვას არ ეთანხმება „ბლოკ ჯორჯიას" საინვესტიციო პროექტის ხელმძღვანელი თორნიკე ჯანაშვილიც. მისი თქმით, მისი კომპანია ორიენტირებულია აპარტ ოტელების მშენებლობაზე და შესაბამისად, ამოქმედების შემთხვევაში მათ ეს შეზღუდვა  არ შეეხებოდათ. მიუხედავად ამისა, მას მაინც აქვს თავისი მოსაზრება აღნიშნულ საკითხთან დაკავშირებით და თვლის, რომ საბაზრო ეკონომიკა თვითონ ადგენს თამაშის წესებს და ერთოთახიანი ბინები იმიტომ შენდება, რომ ყველაზე დიდი მოთხოვნა სწორედ ამ ტიპის საცხოვრებელ ფართებზეა.


დეველოპერის განმარტებით, დღეს, ეკონომიკური მდგომარეობიდან გამომდინარე ამ ტიპის საცხოვრებელი ფართი ყველაზე ხელმისაწვდომია და ეს გარკვეულ სოციალურ ფენაზეა გათვლილი. „ბევრი მათგანისთვის ეს ერთოთახიანი ბინები შემოსავლის წყარო ხდება ხოლმე, რადგან ხანდახან აქირავებენ და ამ შემოსავლით ცხოვრობენ," - აცხადებს ჯანაშვილი.


ნებისმიერი ტიპის ხელოვნურ რეგულაციას ეწინააღმდეგება დეველოპერული კომპანია „არქი ჯგუფის“ დამფუძნებელი ილია წულაიაც. მისი თქმით, სახელმწიფო არ უნდა ჩაერიოს ბიზნესში და არ უნდა დაუწესოს ხელოვნური ბარიერები. წულაია აცხადებს, რომ თუ ბაზარზე იქნება ერთოთახიანზე მოთხოვნა, დეველოპერული ბიზნესის მხრიდან შესაბამისი მიწოდება უნდა იყოს. „დღეს ბაზარზე 1–ოთახიან ბინებზე მოთხოვნა არ არის, რომ იყოს, ჩვენი ჯგუფი აუცილებლად ააშენებდა. ჩვენ ერთოთახიანი ბინები უკვე წლებია აღარ აგვიშენებია, თუმცა, ეს არ მაძლევს იმის საფუძველს, რომ ხელოვნური რეგულაციების მომხრე ვიყო“-აცხადებს წულაია.



დღის Top-10 საინტერესო ამბავი

დღის Top-10 საინტერესო ამბავი
access_time2020-07-07 21:30:29
დღის Top-10 საინტერესო ამბავი 1.ტამანის პორტი საქართველოს კონკურენტი ვერ გახდება - ბათუ ქუთელია „ამ ხელისუფლების პირობებში ანაკლიის პორტი არ აშენდება იმ მარტივი მიზეზის გამო, რომ ეს არის გეოპოლიტიკური პროექტი.როგორც ჩანს, „ქართული ოცნების“ ხელისუფლებისთვის რუსული გეოპოლიტიკური ინტერესები უფრო ანგარიშგასაწევია...

დამოუკიდებელი საქართველოს ისტორიაში სტრატეგიული პარტნიორისგან პირველი სანქცია მივიღეთ - ბათუ ქუთელია

დამოუკიდებელი საქართველოს ისტორიაში სტრატეგიული პარტნიორისგან პირველი სანქცია მივიღეთ - ბათუ ქუთელია
access_time2020-07-07 16:00:47
„ღიად და პირდაპირ,  „ქართული ოცნების“ მთავრობამ მიიღო პირველი სანქცია, რომელიც თავისი მასშტაბით არ არის დიდი, მაგრამ მნიშვნელობით არის კატასტროფული, — ასე აფასებს საერთაშორისო ურთიერთობების ექსპერტი ბათუ ქუთელია აშშ-ს კონგრესის კანონპროექტს საქართველოსთვის განკუთვნილი დახმარების 15 პროცენტის გაყინვის შესახებ.  ცოტა ხნის წინ ცნობილი გახდა, რომ აშშ-ის წარმომადგენელთა პალატამ ასიგნებების კომიტეტის მიერ წარდგენილი კანონპროექტი გამოაქვეყნა,...

მსოფლიო ბანკის მიერ დაფინანსებული პროექტი გორის მუნიციპალიტეტში 4 წლის განმავლობაში ვერ დასრულდა

მსოფლიო ბანკის მიერ დაფინანსებული პროექტი გორის მუნიციპალიტეტში 4 წლის განმავლობაში ვერ დასრულდა
access_time2020-07-06 16:00:47
მსოფლიო ბანკის მიერ მხარდაჭერილი პროექტის დასრულება ხიდისთავი-ატენი-ბოშურის 10 კმ-იან მონაკვეთზე ისევ გადაიდო. ამჯერად მისი განმახორციელებელი უწყება ვარაუდობს, რომ პროექტი, რომელიც ტენდერში გამარჯვებულმა უცხოურმა კომპანიამ 2016 წელს დაიწყო შემოდგომამდე დასრულდება. ხელშეკრულებით გათვალისწინებული პირობების დარღვევისთვის კი სამუშაოების განმახორციელებელ კომპანიას ჯარიმა დაეკისრა. ეს გადაწყვეტილება დამკვეთმა უწყებამ 2019 წლის 31 ოქტომბრის შემდეგ...

Handelsblatt: უკრაინას გაკოტრება ემუქრება

Handelsblatt: უკრაინას გაკოტრება ემუქრება
access_time2020-07-07 20:00:58
უკრაინის ეროვნული ბანკის პრეზიდენტი იაკოვ სმოლი მოულოდნელად გადადგა. ეს იმ დროს მოხვდა, როდესაც მთავრობამ 1, 7 მლრდ. დოლარის სახელმწიფო ობლიგაციების გამოშვება დაიწყო.უკრაინა, როგორც სახელმწიფო, ისევ გაკოტრების წინაშე დგას.მხოლოდ 2020 წელს კიევმა 17 მლრდ. დოლარის ოდენობის საგარეო დავალიანება ან უნდა დაფაროს, ან მისი რესტრუქტურიზება მოახერხოს.ამ მიზნით გამოშვებული ობლიგაციების გაყიდვა ლონდონის საფონდო ბირჟაზე იგეგმებოდა. თუმცა, ეროვნული ბანკის პრეზიდენტის...

ტურისტების გარეშე Hilton-ის გახსნას აზრი არ აქვს - ლაშა პაპაშვილი

ტურისტების გარეშე Hilton-ის გახსნას აზრი არ აქვს - ლაშა პაპაშვილი
access_time2020-07-07 13:30:27
თბილისში Hilton-ის ბრენდის პირველი სასტუმროს გახსნა კიდევ ერთხელ გადაიდო. პროექტი ბიზნესმენ ლაშა პაპაშვილის კომპანია „რედიქსს“ ეკუთვნის. ამის შესახებ ბიზნესმენმა „კომერსანტს“ თავად განუცხადა. მისი განმატებით, თბილისში, ჭავჭავაძის გამზირზე Hilton-ის ბრენდის პირველი სასტუმროს გახსნამ ტურისტების არარსებობის გამო, კიდევ ერთხელ გადაიწია. „Hilton-ის გახსნა გადადებულია. ფანჯარაში ვიხედებით, როდესაც მსოფლიოში კარგი სიტუაცია იქნება ანუ როცა ტურისტები შემოსვლას დაიწყებენ,...


მსგავსი სიახლეები

up