უნაღდო გადახდის ინსტრუმენტების გამოყენება გააქტიურდა - როგორ შეიცვალა მომხმარებელთა ქცევა

უნაღდო გადახდის ინსტრუმენტების გამოყენება გააქტიურდა - როგორ შეიცვალა მომხმარებელთა ქცევა

access_time2021-01-23 13:00:10

ეროვნული ბანკის ინფორმაციით, უნაღდო გადახდის ინსტრუმენტების გამოყენებასთან დაკავშირებით მომხმარებელთა ქცევა საგრძნობლადაა შეცვლილი. ბოლო პერიოდში ბარათით განხორციელებული ოპერაციების რაოდენობის წლიური ზრდა 45%-ს აჭარბებს და ბოლო მონაცემებით უნაღდო გადახდების 80%-ზე მეტია.

საფინანსო ინსტიტუტების მარეგულირებელში განმარტავენ, რომ მზარდია საბანკო გადარიცხვების გამოყენებაც. "ბიზნესპარტნიორის" კითხვებს ეროვნულ ბანკში პასუხობენ:

- როგორია სტატისტიკა მომხმარებელთა ქცევის თვალსაზრისით?

- უკანასკნელი წლების განმავლობაში, შეინიშნება მომხმარებლების ქცევის ცვლილება უნაღდო გადახდის ინსტრუმენტებთან მიმართებაში. ამ მხრივ მომხმარებლებში ყველაზე პოპულარულია საბარათე ინსტრუმენტები, რომლებიც ძირითადად მცირე თანხების გადასახდელად გამოიყენება. ბოლო პერიოდში ამ ინსტრუმენტით განხორციელებული ოპერაციების რაოდენობის წლიური ზრდა 45%-ს აჭარბებს და ბოლო მონაცემებით უნაღდო გადახდების 80%-ზე მეტია. ასევე იზრდება საბანკო გადარიცხვების გამოყენება. მათი რაოდენობა წელიწადში საშუალოდ 18-20%-ით იზრდება, თუმცა თანხობრივად უნაღდო გადახდების 70%-ს აჭარბებს. ამგვარად მომხმარებელი შედარებით მსხვილი გადახდებისას უპირატესობას ანიჭებს საბანკო გადარიცხვებს, სადაც ძირითადი წილი ინტერნეტ-ბანკის გადახდებზე მოდის, ხოლო თანხობრივად შედარებით მცირე, საცალო გადახდებისას ძირითადად საბარათე ინსტრუმენტებს იყენებს.

რაც შეეხება ნაღდი ფულის გამოყენებას, ვხედავთ, რომ ბოლო წლების განმავლობაში საბანკო ანგარიშებიდან (მათ შორის ბანკომატებიდან) თანხის გატანა გაცილებით უფრო ნელი ტემპებით იზრდება, ვიდრე უნაღდო გადახდები, რაც ვფიქრობთ, ასევე ასახავს ზოგად ტენდენციას, რომ მომხმარებლის ქცევა იცვლება უნაღდო გადახდების მიმართ.

- რამდენად პერსპექტიულია ლარის გაციფრულება?

- ვალუტის გაციფრულება საკმაოდ ფართო ცნებაა. უნაღდო დისტანციური საშუალებების გამოყენებით გადახდები უკვე ლარის გაციფრულებისაკენ გადადგმული მნიშვნელოვანი ნაბიჯებია, სადაც წამყვან როლს ინტერნეტ-ბანკი, მობილური ბანკინგი და საბარათე გადახდები თამაშობენ და გადახდების მნიშვნელოვანი ნაწილი უკვე სრულად ციფრულ სამყაროში ხორციელდება. თუმცა, კრიპტოგრაფიული აქტივების გაჩენასთან ერთად კიდევ უფრო მეტი შესაძლებლობა გაჩნდა საგადახდო სფეროში ციფრული ტრანსფორმაციისათვის, მათ შორის განაწილებული რეესტრის ტექნოლოგიით (ე.წ. DLT) ტრანზაქციების დეცენტრალიზებულად განხორციელების თვალსაზრისით. ამ მხრივ ეროვნული ბანკი აკვირდება/ სწავლობს საერთაშორისო პრაქტიკას და მუშაობს ცენტრალური ბანკის ციფრული ვალუტის დანერგვით საგადახდო სფეროს ეფექტიანობისა და უსაფრთხოების გაზრდის შესაძლებლობებსა და ასევე ამ პროექტის ტექნიკურად განხორციელების ალტერნატივებზე, მათ ძლიერ მხარეებსა და მოსალოდნელ რისკებზე.

- რამდენად უწყობს ხელს პანდემია უნაღდო გადარიცხვების გააქტიურებას?


- როგორც უკვე აღვნიშნეთ, უნაღდო გადახდები პანდემიამდეც საკმაოდ მაღალი ტემპებით ვითარდებოდა, 2020 წლის აპრილ-მაისში გადახდების საერთო მოცულობის მნიშვნელოვანი შემცირების მიუხედავად, უნაღდო გადახდებმა საკმაოდ მალე აღადგინეს პანდემიამდელი ზრდის ტემპები. უკვე ივლისიდან ოქტომბრის ჩათვლით წინა წლის შესაბამის პერიოდთან შედარებით საბანკო გადარიცხვების რაოდენობის ზრდა მნიშვნელოვნად უფრო მაღალი იყო, ვიდრე წინა წლებში ფიქსირდებოდა. მართალია ჯერ საბოლოო შეფასებისათვის ადრეა, თუმცა არის ნიშნები, რომ პანდემიამ გარკვეულწილად დააჩქარა უნაღდო გადახდების ზრდის ტემპები.


- ტექნოლოგიურად რამდენად მზად შეხვდა საბანკო სექტორი უნაღდო ანგარიშსწორების ტენდენციის ცვლილებას?

- უნაღდო გადახდის დისტანციური საშუალებები საკმაოდ კარგად იყო განვითარებული საქართველოში. ყველა ბანკის მომსახურების მიღება შესაძლებელია ინტერნეტ-ბანკინგის საშუალებით. ასევე ბანკების უმრავლესობას განვითარებული აქვს მობილური ბანკინგი. უნდა აღინიშნოს, რომ ბოლო სამი წლის განმავლობაში, განსაკუთრებით სწრაფად სწორედ მობილური ბანკინგი ვითარდება, რაც მომხმარებლისთვის უფრო მოსახერხებელს ხდის საბანკო მომსახურების დისტანციურად მიღებას..

ბანკები ინტენსიურად მუშაობენ თავიანთი დისტანციური მომსახურების არხებში ახალი პროდუქტების დანერგვაზე, რაც უფრო უკეთესად უპასუხებს პანდემიის გამოწვევებსა და ხელს შეუწყობს უნაღდო დისტანციური გადახდების განვითარებას.


- როგორია ვითარება რეგიონებში ამ თვალსაზრისით?

- მართალია დიდ ქალაქებთან შედარებით რეგიონებში ნაკლებადაა განვითარებული საბარათე ინფრასტრუქტურა, თუმცა ამ მიმართულებითაც შეიმჩნევა დადებითი ტენდენცია და იზრდება საბარათე გადახდის ტერმინალების რაოდენობა რეგიონებშიც. ასევე აღსანიშნავია, რომ ინტერნეტზე წვდომის გაუმჯობესება და ინტერნეტ-ბანკის და მობილური ბანკინგის განვითარება ასევე ხელს შეუწყობს რეგიონებში უნაღდო გადახდების განვითარებას.


business-partner.ge




The Wall Street Journal: ნავთობი სწრაფად ძვირდება

The Wall Street Journal: ნავთობი სწრაფად ძვირდება
access_time2021-03-08 20:30:41
OPEC+-მა ახალ შეთანხმებას მიაღწია, რომელიც მოკლევადიან პერიოდში ნავთობის ბაზარზე მნიშვნელოვან გავლენას მოახდენს - ალიანსის ქვეყნები მოპოვების მაჩვენებელს უცვლელად დატოვებენ. გამონაკლისის სახით, რუსეთს და ყაზახეთს ჯამური მოპოვების დღე-ღამეში 150 000 ბარელით გაზრდის უფლება მიეცა.შესაბამისად, პადნემიამდელ პერიოდთან შედარებით მოპოვების შემცირდება 6,9 მლნ. ბარელი იქნება, მაშინ, როდესაც აპრილში ეს მაჩვენებელ 9 მლნ.-ს...

Focus: ევროკავშირის ერთიანობა ვაქცინაციას ეწირება

Focus: ევროკავშირის ერთიანობა ვაქცინაციას ეწირება
access_time2021-03-08 19:00:31
ევროკავშირის ერთიანი ვაქცინაციის ფრონტი, არასაიმედოობის გამო, იშლება - სულ უფრო ხშირად სხვადასხვა ქვეყნები ინიციატივას საკუთარ თავზე იღებენ. ეს არა მხოლოდ ვაქცინაციის პრობლემებთან, არამედ ევროკავშირში ძალის ახალი ცენტრების გამოჩენასთანაცაა დაკავშირებული.კერძოდ, ავსტრია და დანია ისრაელთან ე.წ.  სავაქცინო ალიანსის შექმნას გეგმავენ. ევროკავშირის რეაქცია ამ დემარშზე მოზომილი იყო - ევროკომისიის წარმომადგენლის ერიკ მამერის თქმით, „ევროკავშირის...

"კომენდანტის გადაწევის შემთხვევაში შეიძლება რესტორნებს რამე ეშველოს" - გურამ ბაღდოშვილი

access_time2021-03-08 14:30:54
სარესტორნო ქსელ „ჩვენის“ დამფუძნებელი, გურამ ბაღდოშვილი „ბიზნესპარტნიორთან“ რესტორნების შიდა სივრცეებში მუშაობის დღეიდან განახლებას ეხმაურება და აცხადებს, რომ შიდა სივრცეებისთვის გამკაცრებული რეგულაციები ისეთია, რომ შესაძლოა რესტორნების ნაწილი არც გაიხსნას.   „ზოგიერთ რესტორანს შიდა სივრცის ნაწილი ძალიან მცირე აქვს, აქედან გამომდინარე მგონია გახსნა არ უღირს. წარმოიდგინეთ, თუ 50 კვადრატული მეტრის ფართი გაქვს, სულ 5-6 ადამიანის მასპინძლობა შეგიძლია,“ - აცხადებს...

ეკვადორი, სომხეთი, კენია - სად ვყიდით და ვყიდულობთ ცოცხალ ყვავილებს

ეკვადორი, სომხეთი, კენია - სად ვყიდით და ვყიდულობთ ცოცხალ ყვავილებს
access_time2021-03-08 16:00:00
საქართველოდან ცოცხალი ყვავილების ექსპორტი გაიზარდა, ქვეყანაში იმპორტი კი შემცირდა. კერძოდ, სტატისტიკის ეროვნული სამსახურის მონაცემებით, 2020 წელს საქართველოდან 39 870 აშშ დოლარის ცოცხალი ყვავილები გავიდა, ხოლო 2019 წელს - 28 830 აშშ დოლარის. რაც შეეხება იმპორტს, 2019 წელს საქართველომ 2,531 მლნ დოლარის ყვავილები შეიძინა, ხოლო 2020 წელს - 1,518 მლნ აშშ დოლარის. „ბიზნესპრესნიუსი“ დაინტერესდა, სად ვყიდით და ვყიდულობთ ცოცხალ...

როგორი იქნება გერმანიაში ლეგალურად დასაქმებულების ანაზღაურება?!

როგორი იქნება გერმანიაში ლეგალურად დასაქმებულების ანაზღაურება?!
access_time2021-03-08 12:28:25
საზღვარგარეთ დროებითი დასაქმების მსურველი საქართველოს მოქალაქეებისთვის სარეგისტრაციო პორტალი მიმდინარე წლის 15 თებერვალს ამოქმედდა და გერმანიაში სოფლის მეურნეობის სექტორში, სეზონურ სამუშაოზე ლეგალური დასაქმების მიზნით, საქართველოს 95 000-ზე მეტი მოქალაქე უკვე დარეგისტრირდა.როდის და რა პირობებით შეძლებენ საქართველოს მოქალაქეები გერმანიაში დასაქმებას, როგორია შერჩევის კრიტერიუმები და კიდევ რომელი ქვეყნების დამატება მოხდება...


მსგავსი სიახლეები

up