უმთავრესია შეჩერდეს ეს ქაოტური მშენებლობები - ბათუმის გენგეგმაზე კონკურსი უკვე მეორედ სექტემბერში გამოცხადდება

უმთავრესია შეჩერდეს ეს ქაოტური მშენებლობები - ბათუმის გენგეგმაზე კონკურსი უკვე მეორედ სექტემბერში გამოცხადდება

access_time2019-07-11 17:00:13


როგორც „კომერსანტს“ ბათუმის არქიტექტურის სამსახურის უფროსმა მირიან მეტრეველმა განუცხადა, ბათუმის გენერალური გეგმაზე კონკურსი სექტემბრის პირველ დეკადაში გამოცხადდება. ამ ეტაპზე დამუშავების პროცესშია ტექნიკური დავალება და აგვისტოში დასრულდება.


„ბათუმის სივრცითი ტერიტორიული დაგეგმვის დოკუმენტაციაზე კონკურსს ოფიციალურად გამოაცხადებს ბათუმის მერია. აღსანიშნავია, რომ ტექნიკურ დავალებას ვამუშავებთ თავიდან და ის იქნება სრულად მორგებულ განახლებულ კანონმდებლობას (მოგეხსენებათ სამშენებლო მიმართულებით გარკვეული ცვლილებები ამოქმედდა). თავად კონკურსი გახლავთ ორეტაპიანი: ჯერ უნდა მოხდეს კვლევების წარმოება და დადგინდეს არსებული პრობლემები, შემდეგ კი არსებული მოცემულობის განვითარების დაგეგმარება. პროცესი ორწლიანია და საბოლოოდ, გენგეგმა ორ წელში იქნება მზად“,-- განმარტავს მირიან მეტრეველი.


იმის გათვალისწინებით, რომ ბათუმის გენერალურ გეგმაზე კონკურსი უკვე მეორედ გამოცხადდა, კითხვაზე  რამდენად არსებობს ალბათობა, რომ ახლაც  ჩაიშალოს -  მეტრეველი გვპასუხობს, ყველაფერი შესაძლებელია, თუმცა ამჯერად ტექნიკური დავალება ბევრად გამართულია:


„ზუსტად ვერ გეტყვით პირველად, გაზაფხულზე გამოცხადებულ კონკურსში, რატომ არ მიიღო არავინ  მონაწილეობა. შეიძლება იმიტომ, რომ ერთმანეთს დაემთხვა კანონმდებლობის შეცვლა და კონკურსის გამოცხადება... თუმცა ახლა ეს ნაწილი გათვალისწინებულია და გვაქვს მოლოდინი, რომ შესაბამისი სექტორი დაინტერესდება“.


„კომერსანტი“ დეტალების გასარკვევად და დასაზუსტებლად  „სითი ინსტიტუტის“ ხელმძღვანელ მამუკა სალუქვაძეს დაუკავშირდა. როგორც მან ჩვენთან საუბარში აღნიშნა, გაზაფხულზე ბათუმის გენგეგმაზე გამოცხადებული კონკურსში მონაწილეობა არ მიუღიათ, რადგან ტექნიკური დავალება  იყო ბუნდოვანი და სუსტი. 


„თავის დროზე ტექნიკურ დავალებაში ბევრი უზუსტობა იყო, მაგალითად თანხის გადაცემის პირობები, რომელის მეორე ეტაპის დასრულებამდე შეუძლებელი იყო. ასევე პროფესიონალური საკითხებიც გაურკვეველი გახლდაც -  მაგალითად, დოკუმენტში ზღვა იყო მხოლოდ ერთხელ ნახსენები და თითქოს საერთოდ სხვა ქალაქზე იყო მსჯელობა. მაგალითისთვის კი მოყვანილი ჰქონდათ თელავის გენგეგმა...მოკლედ ბევრი რამ იყო დაულაგებელი და ამიტომ ყველამ თავი შევიკავეთ პირველ ჯერზე, ახლა ვნახოთ. ზოგადად ჯობს, რომ ტექნიკური დავალებაზე მსჯელობა საჯარო იყოს და ასე უფრო გაუადვილდებათ დოკუმენტზე მუშაობაც (კონკურსიც არ ჩავარდება), მაგრამ მაინც დაველოდოთ სექტემბერს“.


როგორი იქნება ბათუმის გენგეგმა და რა ცვლილებები შევა დოკუმენტში? - მამუკა სალუქვაძე მთავარ აქცენტს მშენებლობის  ნაწილზე აკეთებს.


„აქ ბევრი რამეა მნიშვნლოვანი, მაგრამ ალბათ უმთავრესია შეჩერდეს ეს ქაოტური მშენებლობები, რამაც შეჭამა ბათუმი. ეს ბეტონის მაღალსართულიანი სახლები კედელივით აეფარა ზღვისპირა ზოლს და გადაკეტა ყველაფერი. არადა განაშენიანება, პირველ რიგში, უნდა გულისხმობდეს იმას, რომ სახლები მთებიდან ეშვებოდეს ჰარმონიულად და შენარჩუნდეს ბალანსი.  ამიტომ გენგეგმაში ეს საკითხი აუცილებლად დარეგულირდება. ასევე მნიშვნელოვანია ტრანსპორტირების ნაწილიც... რა თქმა უნდა, რთულია ქალაქის უკვე დაზიანებული  მხარის აღდგენა, მაგრამ დოკუმენტი ბიძგს მოგვცემს ბათუმის სწორად განვითარებისკენ“.




სალომე ლემონჯავა




„საკმაოდ პესიმისტური პროგნოზი გვაქვს, ალბათ, რესტორნების დიდი ნაწილი ასეთ რეგულაციებს ვერ გაუძლებს“

 „საკმაოდ პესიმისტური პროგნოზი გვაქვს, ალბათ, რესტორნების დიდი ნაწილი ასეთ რეგულაციებს ვერ გაუძლებს“
access_time2020-05-24 19:00:27
„საკმაოდ პესიმისტური პროგნოზი გვაქვს. ალბათ, რესტორნების დიდი ნაწილი ასეთ რეგულაციებს ვერ გაუძლებს“,- ამის შესახებ საქართველოს რესტორატორთა ასოციაციის პრეზიდენტმა კოტე გაბრიჩიძემ „ბიზნესპრესნიუსთან“ საუბრისას განაცხადა. აღნიშულით ის covid19-თან დაკავშირებით მიღებულ...

საზოგადოებრივი ტრანსპორტით გადაადგილების შეზღუდვა 15 ივლისამდე გაგრძელდება

საზოგადოებრივი ტრანსპორტით გადაადგილების შეზღუდვა 15 ივლისამდე გაგრძელდება
access_time2020-05-24 10:00:55
საზოგადოებრივი ტრანსპორტით გადაადგილების შეზღუდვა 15 ივლისამდე გაგრძელდება. შესაბამისი გადაწყვეტილება საქართველოს მთავრობის N322 დადგენილებაშია ასახული.  ჩერდება: სარკინიგზო ტრანსპორტით მგზავრთა გადაყვანა, გარდა სამომსახურეო სარკინიგზო მიმოსვლისა, რომლის ფარგლებში სატვირთო გადაზიდვების შეუფერხებლად წარმოების მიზნით ხდება სს „საქართველოს რკინიგზის“ მიერ შემუშავებული გრაფიკით თანამშრომლების გადაადგილება/გადაყვანა საცხოვრებელი...

ქართულ ეთერზეთს უკვე ევროპაშიც ყიდიან

ქართულ ეთერზეთს უკვე ევროპაშიც ყიდიან
access_time2020-05-24 18:00:45
წლების განმავლობაში საქართველოში მრეწველობის ისეთი მნიშვნელოვანი დარგიც განადგურდა, როგორიც ეთერზეთების წარმოებაა, არადა, ევროპის ბაზარზე ამ პროდუქციაზე დიდი მოთხოვნაა. მას იყენებენ პარფიუმერიაში, მედიცინაში, კულინარიასა თუ ქიმიურ მრეწველობაში. თავის დროზე საბჭოთა კავშირი რამდენიმე სახეობის ეთერზეთს სწორედ საქართველოდან გზავნიდა....

ფრანგები თვეში საშუალოდ 5.9 მლრდ ევროს ზოგავდნენ, მარტში ეს მაჩვენებელი 19,6 მლრდ. ევრომდე გაიზარდა - პანდემიის შემდეგ ფრანგები ცხოვრების წესს ცვლიან

ფრანგები თვეში საშუალოდ 5.9 მლრდ ევროს ზოგავდნენ, მარტში ეს მაჩვენებელი 19,6 მლრდ. ევრომდე გაიზარდა - პანდემიის შემდეგ ფრანგები ცხოვრების წესს ცვლიან
access_time2020-05-24 20:00:33
  გასულ კვირას საფრანგეთში იზოლაციის რეჟიმიდან გასვლა დაიწყო - მოქალაქეებს მოხმარების და გადაადგილების გაცილებით მეტი შესაძლებლობები გაუჩნდა.   თუმცა, კვლევების თანახმად, ფრანგები სამომხმარებლო ქცევის შეცვლას და მეტ ფულის დაზოგვას გეგმავენ. პრიორიტეტების იცვლება - ზოგი მეტად ადგილობრივი საქონლის შეძენას, ზოგი ჰიპერმარკეტებში ვაჭრობაზე უარის თქმას, ზოგი ონლაინ-ყიდვების გააქტიურებას, ზოგი - ჯანმრთელობაზე დანახარჯების ზრდას აპირებს.   ეს...

The Telegraph: ზამთარში ევროპას კორონავირუსის უფრო მძიმე ტალღა ელის

The Telegraph: ზამთარში ევროპას კორონავირუსის უფრო მძიმე ტალღა ელის
access_time2020-05-24 16:00:00
  ევროპა კორონავირუსის მეორე, უფრო მძიმე და მომაკვდინებელი ტალღისთვის უნდა მოემზადოს, რადგანაც, პანდემია ჯერ არ დასრულებულა - განაცხადა ჯანდაცვის მსოფლიო ორგანიზაციის დირექტორმა ევროპაში ჰანს კლიუგემ.   მან გააფრთხილა ევროპის ქვეყნები, რომლებიც შეზღუდვებს ხსნიან - „დღეს არა ზეიმის, არამედ მომზადების დროა“.   მისი თქმით კორონავირუსით დაავდების შემთხვევების რაოდენობა ევროპის ქვეყნებში აშკარად შემცირდა, თუმცა, ეს პანდემიის დასრულებას...


მსგავსი სიახლეები

up