უმსხვილესი სამშენებლო კომპანიები მუშაობას შეუფერხებლად აგრძელებენ–მთავარი გამოწვევა  დოლარის კურსია და არა სამშენებლო მასალების დეფიციტი

უმსხვილესი სამშენებლო კომპანიები მუშაობას შეუფერხებლად აგრძელებენ–მთავარი გამოწვევა დოლარის კურსია და არა სამშენებლო მასალების დეფიციტი

access_time2020-03-25 10:50:13

კორონავირუსის გავრცელების შედეგებით საქართველოს ეკონომიკა მნიშვნელოვანი გამოწვევების წინაშე აღმოჩნდა.  საქართველოს მთავრობა სხვადასხვა გზებით ცდილობს, რომ ქვეყნის ეკონომიკა არ ჩამოიშალოს. სწორედ ამიტომ მათივე გადაწყვეტილებით, ამ დრომდე  ქვეყანაში ინფრასტრუქტურული პროექტების და მშენებლობების განხორციელება ნებადართულია.

 

 სააქციო საზოგადოება „ტრანსმშენს“ 5 აქტიური მშენებლობა აქვს. როგორც  სამშენებლო ორგანიზაციაში აცხადებენ, ხუთივე მშენებლობა ამ დროისთვის შეუფერხებლად მიმდინარეობს. შესყიდვების სამსახურის მენეჯერი გიორგი ტაბატაძე იმის საფრთხეს, რომ მშენებლობები  გაჩერდეს ვერ ხედავს , რადგან მისი თქმით, სამშენებლო მასალების მარაგები „ტრანსმშენს“ საკმარისად აქვს.

 

„ამ ეტაპზე არანაირი სამშენებლო მასალის დეფიციტი არ გვაქვს. ჩვენს ობიექტებზე ძირითადად ისეთ პროცესში ვართ, რომ ყველგან მონოლითი სამუშაოები მიმდინარეობს. ძირითადი საშუალებები რაც მონოლითს სჭირდება შესყიდული გაქვს. ბეტონის ქარხნები ჩვეულებრივ რეჟიმში გვაწვდიან ბეტონს, ჩვენი ბრიგადებიც ჩვეულებრივად აგრძელებენ ახალი კანონების ფარგლებში მუშაობას,  რომელიც სპეციალური აღჭურვილობით მუშაობას გულისხმობს. თუ არ მოხდა ბეტონის და ბლოკის მწარმოებელი ქარხნების გაჩერება, ჩვენ მუშაობას ჩვეულ რეჟიმში გავაგრძელებთ“, - აცხადებს გიორგი ტაბატაძე.

 

ქვეყანაში არსებული სიტუაციის გართულების შემთხვევაში კომპანიამ ანტიკრიზისული გეგმის შემუშავება დაიწყო.  როგორც „ტრანსმშენში“ „კომერსანტს“ განუცხადეს ყველაზე დიდ პრობლემებს ბიზნესს ამ ეტაპზე  გაუფასურებული ლარი უქმნის.

 


„ანტიკრიზისულ გეგმაზე ვმუშაობთ და ეს ძირითადად ლარის კურსს ეხება. ეროვნული ვალუტის გაუფასურება პრობლემას ყველა კომპანიას უქმნის. ძირითად მასალები იმპორტირებულია  და აქედან გამომდინარე კურსზე ბევრი რამეა დამოკიდებული. ჩვენ მოლაპარაკება გვაქვს სახელმწიფოსთან იმასთან დაკავშირებით, რომ კურსთა შორის სხვაობა გაითვალისწინონ და იმედი გვაქვს, რომ რაღაც თანხას აგვინაზღაურებენ. დღეს ჩვენთან დღის წესრიგში ეს საკითხი დგას, მთავარი გამოწვევა არის დოლარის კურსი და არა სამშენებლო მასალების დეფიციტი. მომავალში კი არ ვიცი რა როგორ შეიცვლება“ - განაცხადა გიორგი ტაბატაძემ.

 

ამ ეტაპზე მომარაგების პრობლემა არ აქვს არც სამშენებლო კომპანია „ანაგს“. როგორც კომპანიის პროექტების დირექტორი გოგა გუგავა აღნიშნავს,ანაგს არც ერთი მშენებლობა არ შეუჩერებია. მიუხედავად იმისა, რომ კომპანიას სამშენებლო მასალების მარაგიც აქვს, როგორც გოგა გუგავა ამბობს, პრობლემები არც შესყიდვების კუთხით შექმნით:

 

„ძირითადი ინგრედიენტები რაც არის მშენებლობაში ბეტონი, არმატურა , მსხვილი მასალები არაფრის დეფიციტი არ გვაქვს, თუმცა გრძელვადიან პერიოდში წარმოებას ან იმპორტს თუ შეექმნათ პრობლემები ეს ჩვენზეც აისახება. ანტიკრიზისული გეგმის დასახვა სამშენებლო მიმართულებით ცოტა რთულია, იმის მიხედვით ვიმოქმედებთ თუ როგორი ეკონომიკური მდგომარეობა იქნება ქვეყანაში, როგორც მასალების მოწოდების კუთხით ასევე კლიენტების მხრიდან პროექტების განხორციელების კუთხით“, - განმარტავს გოგა გუგავა.

 

ანაგის პროექტების დირექტორი გოგა გუგავა აცხადებს, რომ ლარის ყოველდღიური ცვალებადობა პრობლემურია, თუმცა, მნიშვნელოვნია გრძელვადიან პერიოდში როგორი განვითარდება პროცესები.

 

გრძელვადიან პერიოდში თუ ლარის კურსი დასტაბილურდება სექტორს პრობლემები არ შეექმნება, მოკლევადიან პერიოდში ლარის კურსის მერყეობა მშენებლობებზე მასშტაბურ გავლენას არ ახდენს. მაშინ როდესაც კრიზისია მთელ მსოფლიოში რთულია რამეზე იმსჯელო, რადგან პროცესები ასახვას ყველაფერზე ჰპოვებს. მაშ შემდეგ რაც, ის კრიზისული ფაქტორები რაც  ეროვნულ ვალუტაზე გავლენას ახდენს გადაივლის, ვფიქრობ რომ პრობლემა აღარ იქნება. თუ კრიზის გრძელვადიანი ეფექტი ექნება და გრძელვადიან პერიოდში ლარის კურსი არ დასტაბილურდება გარკვეული პრობლემები აუცილებლად შეგვექმნება“, - აცხადებს გოგა გუგავა.

 

 ბაჩო ადამია




დღის Top 10 საინტერესო ამბავი

დღის Top 10 საინტერესო ამბავი
access_time2020-12-03 21:30:03
დღის Top 10 საინტერესო ამბავი     1. „ქართველი ხალხი ასეთი ბნელი და გაუნათლებელი არასდროს ყოფილა, როგორიც ახლაა“ - ეპიდემიოლოგი     „ხალხი არ იცავს სოციალურ დისტანციას, აღარ იკეთებს ნიღაბს და არ ატარებს სადეზინფექციო საშუალებებს. შეხედეთ რა ხდება ქალაქში - 10-დან 9-ს ნიკაპზე უკეთია ნიღაბი....

Bloomberg: პანდემია კრიპტოვალუტებს აძლიერებს

Bloomberg: პანდემია კრიპტოვალუტებს აძლიერებს
access_time2020-12-03 21:00:49
2020 წელს ბიტკოინის კურსის ზრდამ ბევრი ჭკვიანი ადამიანი გააოცა. გასულ კვირას მთავარი კრიპტოვალუტის ღირებულება 20 000 დოლარამდე ავარდა, რამაც ბევრ სკეპტიკოსს აზრის შეცვლა აიძულა.   2018 წელს ცნობილმა ამერიკელმა ეკონომისტმა ნოელ რუბინიმ ბიტკოინს „კაცობრიობის ისტორიაში ყველაზე დიდი საპნის ბუშტი“ უწოდა, თუმცა, დღეს ვირტუალური ფულის წარმატების ფონზე, 2020 წლის ნოემბერში, ის აღიარებს, რომ კრიპტოვალუტას ზრდის პერსპექტივა აქვს.   მაშინ რა ხდება...

Forbes: როგორი იქნება 2021 წელი ნავთობის და გაზის ბარზებისთვის?

 Forbes: როგორი იქნება 2021 წელი ნავთობის და გაზის ბარზებისთვის?
access_time2020-12-03 20:00:16
2020 წელი ნავთობის და გაზის ბაზრებისთვის უნიკალური და წარმოუდგენლად რთული იყო - კორონავირუსის პანდემიამ და ოპეკ+ის შეთანხმების ჩაშლამ ნავთობზე ფასების უპრეცედენტო ვარდნა გამოიწვია. აპრილში საქმე იქამდეც კი მივიდა, რომ ნავთობი წამგებიანი გახდა, რაც აქამდე არასდროს მომხდარა.   2020 წელმა ისტორიაში პირველად მოხმარების შოკი მოიტანა. ბოლო 50 წლის მანძილზე მსოფლიოში მიწოდების შოკი საკმაოდ ხშირი მოვლენა იყო - მაგალითად, 1967 წელს ისრაელის მიერ წამოწყებული 6-დღიანი ომის დროს,...

3 დეკემბერი - რეგიონში ყველა ვალუტა გამყარდა

3 დეკემბერი - რეგიონში ყველა ვალუტა გამყარდა
access_time2020-12-03 19:30:09
კორონავირუსის უარყოფითი ეფექტი რეგიონში ყველაზე მკვეთრად ქართული ლარის კურსზე აისახა. 2020 წლის განმავლობაში, ქართული ლარი აშშ დოლართან მიმართებაში დაახლოებით 12%-ით გაუფასურდა. შედარებისთვის, დაახლოებით 11%-ით არის შემცირებული თურქული ლირა, სომხური დრამი და აზერბაიჯანული მანათი კი 2%-ის ქვემოთ მერყეობს. ეროვნული ბანკის მიერ 3 დეკემბრის ვაჭრობის შედეგად, ეროვნული ვალუტა აშშ დოლართან მიმართებით გამყარდა, რის შედეგადაც ერთი დოლარის ოფიციალური ღირებულება 3.3119 ლარი გახდა....

ასეულ მილიონიანი ფასნამატი ფარმაცევტულ პროდუქტზე - რა შემოსავალი აქვს „ავერსს“, „პსპ-სა“ და „ჯიპისის“

ასეულ მილიონიანი ფასნამატი ფარმაცევტულ პროდუქტზე - რა შემოსავალი აქვს „ავერსს“, „პსპ-სა“ და „ჯიპისის“
access_time2020-12-03 18:30:10
რამდენიმე ასეულობით მილიონი ლარის შემოსავალი და ასეულ მილიონიანი ფასნამატი ფარმაცევტულ პროდუქციაზე - ასეთი მონაცემები ჩანს ფარმაცევტული ბაზრის ლიდერი კომპანიების ფინანსური ანგარიშგებებიდან.   „ბიზნესპრესნიუსი“ დაინტერესდა, როგორია მსხვილი ფარმაცევტული კომპანიების ფინანსური მაჩვენებლები. 2019 წლის სავალდებულო ფინანსური აუდიტი კომპანიების ნაწილმა უკვე გაიარა. მათ შორის არის ფარმაცევტული სექტორის მონაწილე სამი კომპანია - „ავერსი“; „პსპ“ და „ჯიპისი“. როგორც ფინანსური...


მსგავსი სიახლეები

up