უკრაინის ხელისუფლებას დიდი ხანია „შავი სია“ აქვს, სადაც ის ადამიანები არიან თავმოყრილი, ვინც უკრაინის ეროვნული უსაფრთხოებისთვის რაიმე საშიშროებას წარმოადგენენ. „შავ სიაში“ 210 ადამიანია.

სიაში 4 ქართველიც მოხვდა: ქართული წარმომავლობის მომღერალი გრეგორი ლეპსი, მხატვარი და მოქანდაკე ზურაბ წერეთელი, ბალერონი ნიკოლოზ ცისკარიძე, მომღერალი ბესარიონ შპეტიშვილი. 

სია უკრაინის ეროვნული უსაფრთხოებისა და თავდაცვის საბჭომ, უკრაინის უშიშროების სამსახურისა და ტელევიზიისა და რადიომაუწყებლობის უკრაინის ეროვნული საბჭოს მიმართვების საფუძველზე, შედგენილია.

კულტურის სამინისტრო ასევე იუწყება, რომ „კინემატოგრაფიის შესახებ“ კანონი ითვალისწინებს, რომ სახელმწიფო კინოს სააგენტო უარს ამბობს იმ ფილმების დისტრიბუციასა და ჩვენებაზე თუ ამ ფილმში მონაწილე მსახიობი ან ხელოვანი „შავ სიაშია“.

სიაში მოხვდნენ: რუსი მომღერალი ნადეჟდა ბაბკინა; მეწარმე, მოსკოვის ყოფილი მერის იური ლუჟკოვის ცოლი ელენა ბატურინა; მსახიობი სერგეი ბეზრუკოვი; მსახიობი მიხეილ ბოიარსკი; მომღერალი ოლეგ გაზმანოვი; დირიჟორი ვალერი გერგიევი; ფრანგი მსახიობი ჟერარ დეპარდიე; რუსი პოლიტოლოგი ალექსანდრე დუგუნი; მომღერალი ლარისა დოლინა; რუსი ჟურნალისტი დიმიტრი კისილიოვი; ქართული წარმომავლობის მომღერალი გრეგორი ლეპსი ლეფსვერიძე; რეჟისორი ნიკიტა მიხალკოვი; კომპოზიტორი ალექსანდრე როზენბაუმი; ამერიკელი ბოქსიორი როი ჯონსი; მსახიობი სტივენ სიგალი; რუსი წამყვანი ვლადიმერ სოლოვიოვი; რეჟისორი ოლეგ ტაბაკოვი; ქართველი მხატვარი და მოქანდაკე ზურაბ წერეთელი; რუსი როკ-მომღერალი იულია ჩიჩერინა; ქართველი ბალერონი ნიკოლოზ ცისკარიძე; ქართველი მომღერალი ბესარიონ შპეტიშვილი.