უკრაინის პრემიერ-მინისტრი - საქართველოსთან ერთად ბევრის გაკეთება შეგვიძლია და ჩვენ მზად ვართ ერთობლივი მუშაობისთვის

უკრაინის პრემიერ-მინისტრი - საქართველოსთან ერთად ბევრის გაკეთება შეგვიძლია და ჩვენ მზად ვართ ერთობლივი მუშაობისთვის

access_time2019-12-13 18:30:32

ჩვენი დღევანდელი შეხვედრა არის საფუძველი, ჩვენი ურთიერთობები უფრო გაღრმავდეს და განვითარდეს, – ამის შესახებ უკრაინის პრემიერ-მინისტრმა, ალექსი გონჩარუკმა კიევში, საქართველოს პრემიერ-მინისტრთან შეხვედრის შემდეგ განაცხადა.


როგორც ალექსი გონჩარუკმა აღნიშნა, უკრაინა ძალისხმევას არ დაიშურებს საქართველოსთან ეკონომიკური ურთიერთობის გაღრმავებისთვის.


„პატივცემულო პრემიერ-მინისტრო, მოხარული ვარ, რომ გმასპინძლობთ უკრაინაში. ვფიქრობ, ჩვენი დღევანდელი შეხვედრა არის საფუძველი, ჩვენი ურთიერთობები უფრო გაღრმავდეს და განვითარდეს. უკრაინისთვის საქართველო სტრატეგიული პარტნიორია. ბოლო წლების განმავლობაში, რა თქმა უნდა, შეიძლებოდა, გვქონოდა უფრო ინტენსიური კავშირი, მაგრამ ყველაფერი წინ გვაქვს და ამისთვის ძალისხმევას არ დავიშურებთ. ჩვენ ყველაფერს გავაკეთებთ იმისთვის, რომ ჩვენს ქვეყნებს შორის გაიზარდოს ვაჭრობა, ტურისტების რაოდენობა, გაღრმავდეს და განვითარდეს ჩვენი ურთიერთობები ეკონომიკური მიმართულებით ტრადიციულად“, – განაცხადა უკრაინის პრემიერმა.


როგორც ალექსი გონჩარუკმა აღნიშნა, უკრაინა საქართველოს საერთაშორისო არენაზე ტერიტორიული მთლიანობისა და სუვერენიტეტის მხარდაჭერისთვის მადლობას უხდის.



„მადლობას ვუხდი საქართველოს საერთაშორისო არენაზე უკრაინის ტერიტორიული მთლიანობისა და სუვერენიტეტის მხარდაჭერისთვის. ჩვენ, სამწუხაროდ, საერთო გამოწვევები გვაქვს, მაგრამ დარწმუნებული ვარ, საერთო ძალისხმევით გავუმკლავდებით აგრესორს და წარმატებებს მივაღწევთ. მადლობას ვუხდი ქართულ მხარეს ოკუპირებულ ყირიმში ადამიანის უფლებებთან დაკავშირებული რეზოლუციის მხარდაჭერისთვის. ასეთი ნაბიჯები ჩვენს კავშირებს უფრო აძლიერებს. ასევე, მსურს, ყურადღება გავამახვილო ჩვენს ეკონომიკურ თანამშრომლობასა და კონკრეტულ მიმართულებებზე, რომლებზეც მუშაობას გავაგრძელებთ“, – განაცხადა ალექსი გონჩარუკმა.


უკრაინის პრემიერ-მინისტრმა ორ ქვეყანას შორის ტვირთბრუნვის გაზრდაზეც ისაუბრა.


„უკვე ამოქმედდა მთავრობათაშორისი სავაჭრო კომისია, რომელსაც ჩვენი მხრიდან თანათავმჯდომარეობს ინფრასტრუქტურის მინისტრი. მე მას უკვე მივეცი დავალებები, რომელიც ხელს შეუწყობს ტვირთბრუნვის გაზრდას ჩვენს ქვეყნებს შორის. ვფიქრობ, ამისათვის კარგი იქნებოდა ტრანსპორტის თვალსაზრისით ფოთი-ოდესის მიმართულებით განვითარება, განსაკუთებით იმის გათვალისწინებით, რომ ჩვენ, ბელარუს და პოლონელ კოლეგებთან ერთად ვაპირებთ შესაბამისი ინფრასტრუქტურის მშენებლობას, რათა დავაკავშიროთ შავი ზღვა და ბალტიის ზღვა. ძალიან საინტერესო იქნებოდა, უკვე ამ კონტექსტში აშენდეს დერეფანი კასპიის ზღვიდან – ბალტიის ზღვამდე, შავი ზღვის გავლით.


რა თქმა უნდა, ჩვენ, როგორც საქართველო, ვაპირებთ ჩვენს საქმიანობას ევროინტეგრაციის გზაზე და აქ ბევრი სამუშაო გვაქვს თქვენთან ერთად. ჩვენ მზადება დავიწყეთ ასოცირების შეთანხმებაში გარკვეული ცვლილებების შესატანად 2021 წლისთვის. ჩვენთვის მნიშვნელოვანია, აღმოსავლეთ პარტნიორობის ფარგლებში ურთიერთობები განვითარდეს. ვფიქრობ, კარგი იქნება თუ ჩვენ ამ კუთხით წინ წავწევთ სტრატეგიას და ჩვენი ქვეყნების უფრო სწრაფ ინტეგრაციას ევროპულ სივრცეში.


ვფიქრობ, ერთად ბევრის გაკეთება შეგვიძლია და ჩვენ მზად ვართ ერთობლივი მუშაობისთვის“, – განაცხადა უკრაინის პრემიერ-მინისტრმა.


1tv.ge





3 კომპანია საქართველოში, რომელიც 4-დღიან სამუშაო კვირაზე გადავიდა

3 კომპანია საქართველოში, რომელიც 4-დღიან სამუშაო კვირაზე გადავიდა
access_time2020-01-27 18:45:28
2019 წელს უმსხვილესმა ამერიკულმა კომპანიამ Microsoft ჩაატარა ექსპერიმენტი, რომლის მიხედვითაც კომპანიაში დასაქმებულებისთვის 4-დღიანი სამუშაო კვირა დააწესდა. კვლევის დასრულების შემდეგ აღმოჩნდა, რომ Microsoft-ის ახალი ინიციატივის შედეგად, დასაქმებულების პროდუქტიულობა 40%-ით გაიზარდა. Microsoft-ის შემდეგ ანალოგიური სამუშაო გრაფიკი სხვა საერთაშორისო კომპანიებმაც დააწესეს და მათ...

ახალი მოთამაშე იურიდიულ სფეროში - „კარდინალი“ - განსხვავებული მიდგომა ბიზნესებისა და ფიზიკური პირებისთვის

ახალი მოთამაშე იურიდიულ სფეროში - „კარდინალი“ - განსხვავებული მიდგომა ბიზნესებისა და ფიზიკური პირებისთვის
access_time2020-01-27 17:30:14
 „კარდინალი“ 30-მდე გამოცდილი და კვალიფიციური იურისტისგან დაკომპლექტებული იურიდიული კომპანიაა. მათი დამოუკიდებელი სამუშაო გამოცდილება საქართველოში 5-10 წლამდე ითვლის. „კარდინალის“ იურიდიული მომსახურების სფეროებს წარმოადგენს: საკონსულტაციო, სარეკომენდაციო (ზეპირსიტყვიერი) მომსახურება, იურიდიული აუდიტი, სასამართლო საარბიტრაჟო დოკუმენტაციის მომზადება და წარმომადგენლობა, კლიენტის ინტერესების შესაბამისად სახელმწიფო, იურიდიულ და ფიზიკურ პირებთან მოლაპარაკებების წარმოება,...

ჩინეთის სახალხო რესპუბლიკიდან ცოცხალი ცხოველების იმპორტი აიკრძალა

ჩინეთის სახალხო რესპუბლიკიდან ცოცხალი ცხოველების  იმპორტი აიკრძალა
access_time2020-01-27 17:35:38
საქართველოს ტერიტორიაზე, კორონავირუსის ახალი ტიპის (2019-nCoV) შემოტანის და გავრცელების თავიდან აცილების მიზნით, ჩინეთის სახალხო რესპუბლიკიდან ცოცხალი ცხოველების იმპორტი აიკრძალა. აკრძალვა ძალაშია ჯანმრთელობის მსოფლიო ორგანიზაციის (WHO) და ცხოველთა ჯანმრთელობის დაცვის საერთაშორისო ორგანიზაციის (OIE) მიერ ჩინეთის სახალხო რესპუბლიკის კორონავირუსიდან თავისუფალ ზონად გამოცხადებამდე. გადაწყვეტილების საფუძველი გახდა ჩინეთის სახალხო რესპუბლიკის სოფლის...

„კომერსანტის“ 27 იანვრის TOP 10 თემა

„კომერსანტის“ 27 იანვრის TOP 10 თემა
access_time2020-01-27 21:00:13
„კომერსანტის“ 27 იანვრის TOP 10 თემა 1.„ჩვენი სახელმწიფოს მიმზიდველობა, რის გამოც მსოფლიოში „დემოკრატიის შუქურად“ ვიწოდებოდით,ჩაქრა“ 2. „მიკროსაფინანსო ორგანიზაციების გაქრობა მცირე ზომის ბანკებისთვის დადებითი...

TOP-10 პროდუქტი, რომელსაც საქართველო ჩინეთში ყიდულობს

TOP-10 პროდუქტი, რომელსაც საქართველო ჩინეთში ყიდულობს
access_time2020-01-27 19:50:01
2019 წელს საქართველოში ჩინეთიდან 858,6 მლნ დოლარის პროდუქცია შემოვიდა. ყველაზე დიდი რაოდენობით განხორციელდა ბრტყელი ნაგლინი ნახშირბადიანი ფოლადისაგან სიგანით 600 მმ ან მეტი - სულ 30,8 მლნ დოლარის...


მსგავსი სიახლეები

up