უკრაინის ბიზნესომბუდსმენის მოადგილე - ჩვენი მიდგომაა ქართველ კოლეგებთან თანამშრომლობა უფრო პრაქტიკული გავხადოთ

უკრაინის ბიზნესომბუდსმენის მოადგილე - ჩვენი მიდგომაა ქართველ კოლეგებთან თანამშრომლობა უფრო პრაქტიკული გავხადოთ

access_time2019-10-12 11:05:01

ჩვენი მიდგომაა, რომ ქართველ კოლეგებთან თანამშრომლობა უფრო პრაქტიკული გავხადოთ, რათა სხვა ქვეყნების ბიზნესებმა ნახონ, თუ რამდენად კარგად გვეხმარება ჩვენი უნიკალური მოდელი საქმიანობის ეფექტურად განხორციელებაში, – ამის შესახებ უკრაინის ბიზნესომბუდსმენის მოადგილე ტატიანა კოროტკომ საქართველოს პირველი არხის გადაცემა „ბიზნესპარტნიორში“ სტუმრობის დროს განაცხადა.


გადაცემაში საერთაშორისო ბიზნესომბუდსმენების კონფერენციის მნიშვნელობა განიხილეს, რომელიც საქართველოს ბიზნესომბუდსმენის ირაკლი ლექვინაძის ინიციატივით თბილისში ჩატარდა. კონფერენციის ფარგლებში პირველად ქვეყნის ისტორიაში საქართველოს ექვსი ქვეყნის – პოლონეთის, ალბანეთის, უკრაინის, ყაზახეთის, ყირგიზეთისა და უზბეკეთის ბიზნესომბუდსმენები ეწვივნენ.


გადაცემის მსვლელობისას საქართველოს ბიზნესომბუდსმენის მოადგილემ და გადაცემის თანაწამყვანმა ლევან კალანდაძემ ხაზი გაუსვა, რომ კონფერენციის მონაწილე ყველა ქვეყანაში ბიზნესომბუდმსენის ინსტიტუტის განსხვავებული მოდელი მოქმედებს. მან ხაზი გაუსვა, რომ გამორჩეულია უკრაინის დაფინანსების მოდელი, რომლის ბიუჯეტიც სახელმწიფოსაგან სრულიად დამოუკიდებელია და ევროკავშირისა და სხვა დონორი ორგანიზაციების დაფინანსებაზე მიბმული.


ტატიანა კოროტკომ განმარტა, რომ უკრაინის ბიზნესომბუდსმენის აპარატის მოდელი სხვა ქვეყნებშიც ინერგება და ის ბიზნესის განვითარებაზეა ორიენტირებული.




„ჩვენ სამი მხრიდან დაგვაარსეს. ეს გახლდათ უკრაინის ხუთი უმსხვილესი ბიზნესასოციაცია და ასევე უკრაინის მთავრობა. ძალიან ბევრი მხარე გვაფინანსებდა. ჩვენი დაფინანსება დონორთა ფონდმა განახორციელა და ევროპის განვითარებისა და რეკონსტრუქციის ბანკიც დაგვეხმარა. ჩვენ ვართ მედიატორები ბიზნესსა და ხელისუფლების წარმომადგენლებს შორის, რათა ხელი შევუწყოთ ბიზნესს, როდესაც მას სახელმწიფო სტრუქტურებთან და მუნიციპალურ ორგანოებთან პრობლემები ექმნებათ.


გარდა ამისა, რეკომენდაციებს ვაწვდით მთავრობას, რომ ქვეყანაში საინვესტიციო კლიმატი გაუმჯობესდეს. აქაც საკმაოდ წარმატებული ვართ. მოხარული ვართ, რომ შეგვიძლია ჩვენი გამოცდილება გაგიზიაროთ და ამავე დროს ჩვენი ოფისების განსხვავებულ მოდელებთან დაკავშირებით კომუნიკაცია გავაძლიეროთ. ჩვენი საბოლოო მიზანია, რომ ბიზნესს განვითარებაში დავეხმაროთ და ჩვენს ქვეყნებში უკეთესი ბიზნესგარემო შევქმნათ. ჩვენს მოდელს სხვა ქვეყნებშიც ვნერგავთ. ყირგიზეთმაც დაიწყო ბიზნესომბუდსმენის აპარატის უკრაინული მოდელის საფუძველზე შექმნა. ჩვენ საქმიანობის გაფართოების მრავალი გზა გვაქვს საერთაშორისო თანამშრომლობის კუთხით“, – განაცხადა კოროტკომ.


უკრაინის ბიზნესომბუდსმენის მოადგილე თვლის, რომ ქართველ კოლეგებთან თანამშრომლობის ფორმატი სამაგალითო უნდა იყოს.


„ჩვენ ასევე ვაძლიერებთ კომუნიკაციას ქართველ კოლეგებთან. ბევრად უფრო მარტივია მემორანდუმს მოვაწეროთ ხელი და დავდოთ მაგიდაზე, მაგრამ ჩვენი მიდგომაა, რომ ეს დოკუმენტი უფრო პრაქტიკული გავხადოთ, რათა სხვა ქვეყნების ბიზნესებმა ნახონ, თუ რამდენად კარგად ვეხმარებით და რამდენად კარგად გვეხმარება ჩვენი უნიკალური მოდელი საქმიანობის ეფექტურად განხორციელებაში“, – განუცხადა ტატიანა კოროტკომ „ბიზნესპარტნიორს“.


1ტვ





სალომე ზურაბიშვილი ხელისუფლებას და ოპოზიციას მიმართავს

სალომე ზურაბიშვილი ხელისუფლებას და ოპოზიციას მიმართავს
access_time2019-11-15 19:57:11
საქართველოს პრეზიდენტი სალომე ზურაბიშვილი შექმნილ მდგომარეობასთან დაკავშირებით განცხადებას ავრცელებს. „პირველ რიგში, მინდა, ხაზი გავუსვა იმას, რომ ჩვენს ქვეყანაში შექმნილი დაძაბულობიდან და პოლარიზაციიდან გამომდინარე, ჩვენი ერთობლივი მონაპოვრის - სტაბილურობის შენარჩუნება არის ჩემი მთავარი საზრუნავი და ხალხის მოთხოვნა. ამ მოთხოვნას ყველამ პატივი უნდა ვცეთ. ჩვენი საზოგადოება გადაიღალა მუდმივი სკანდალებითა და კრიზისებით. მას სჭირდება პერსპექტივის დანახვა...

საავიაციო სფეროს ახალი მოთამაშე შეემატა – Aero Georgia Group-ი რამდენიმე მიმართულებით იმუშავებს

საავიაციო სფეროს ახალი მოთამაშე შეემატა – Aero Georgia Group-ი რამდენიმე მიმართულებით იმუშავებს
access_time2019-11-15 18:17:34
საავიაციო სფეროს ახალი მოთამაშე შეემატა. ავიაკომპანია Myway Airlines-ის ყოფილმა მეწილემ და კომერციულმა დირექტორმა იგორ აფციაურმა თანამოაზრეებთან ერთად კომპანია Aero Georgia Group-ი ჩამოაყალიბა, რომელიც რამდენიმე მიმართულებით იმუშავებს, თუმცა მისი საქმიანობა მაინც ავიაციასთან იქნება მჭიდრო კავშირში. იგორ აფციაური ამბობს, რომ ავიაციის სფეროში მომუშავე საკუთარი კომპანიის დაფუძება დიდი ხანია სურდა. ქართული ავიაკომპანია Aero Georgia Group-ი საქმიანობა...

ეკონომიკა და ლარის კურსი მორიგი დიდი დარტყმის წინაშეა

ეკონომიკა და ლარის კურსი მორიგი დიდი დარტყმის წინაშეა
access_time2019-11-15 19:45:18
20 ივნისის შემდეგ, ქვეყანაში ვითარება 14 ნოემბერს დაიძაბა. სახელმწიფო კიდევ ერთი არასტაბილურობის საფრთხის წინაშეა. პოლიტიკური ვითარება რომ ჩიხშია, ფაქტია. ახლა მთავარია რა ეკონომიკურ ბერკეტს იპოვნის ხელისუფლება, რომ ქუჩის პროტესტმა ეროვნულ ვალუტას და მთლიანად ეკონომიკას მორიგი დარტყმა არ მიაყენოს. ახლა ყველაფერი პროტესტის მასშტაბსა და ხანგრძლივობაზეა დამოკიდებული. 2019 წლის 19 ივნისის მდგომარეობით, 1 აშშ დოლარის ღირებულება 2,7664 ლარის უტოლდებოდა. 20-21 ივნისს...

ოცდაექვსს მინუს ერთი - ჯანდაცვის სატარიფო რეფორმა, რომელიც მხოლოდ „ევექსისთვისაა“ მისაღები

ოცდაექვსს მინუს ერთი - ჯანდაცვის სატარიფო რეფორმა, რომელიც მხოლოდ „ევექსისთვისაა“ მისაღები
access_time2019-11-15 17:30:21
რამდენიმე დღის წინ კლინიკა „გულის“ დამფუძნებელმა ანზორ მელიამ „კომერსანტს“ განუცხადა, რომ სამედიცინო სფეროს წამყვანი სპეციალისტები იმ რეფორმის გადავადებას ითხოვენ, რომლის მიხედვითაც საყოველთაო ჯანდაცვის პროგრამაში ჩართული კლინიკებისთვის ერთიანი ტარიფი ამოქმედდება. როგორც მელიამ განგვიცხადა, პრემიერ მინისტრს, საქართველოს პარლამენტის თავმჯდომარეს, ჯანდაცვის კომიტეტის თავმჯდომარეს, ჯანდაცვის...

მაჭავარიანი: ბევრი ევროპული ქვეყანა ისურვებდა, ვალის ასეთი დაბალ მაჩვენებელს

მაჭავარიანი: ბევრი ევროპული ქვეყანა ისურვებდა, ვალის ასეთი დაბალ მაჩვენებელს
access_time2019-11-15 14:30:45
„დღეის მდგომარეობით, მთლიან შიდა პროდუქტთან მიმართებაში ვალი 45 პროცენტია. 41 პროცენტიდან ზრდა კურსის ვარდნამ გამოიწვია“, – ეს განცხადება საქართველოს ფინანსთა მინისტრმა ივანე მაჭავარიანმა,პარლამენტის სხდომაზე 2020 წლის ბიუჯეტის წარდგენისას გააკეთა. მისი თქმით, ბევრი ევროპული ქვეყანა ისურვებდა, საქართველოს მსგავსად ვალის ასეთი დაბალი მაჩვენებელი ჰქონდეს: „რამდენად საგანგაშოა ამჟამად არსებული ვალის ნიშნული? ჩვენ ვამბობთ, რომ ეს ნიშნული არ არის...


მსგავსი სიახლეები

up