დღეს, 29 ივლისს აჭარის მთავრობის სახლთან უკრაინიდან ლტოლვილი რამდენიმე ათეული ადამიანი შეიკრიბა მთავრობის თავმჯდომარესთან, თორნიკე რიჟვაძესთან შეხვედრის და მისთვის დახმარების თხოვნის სურვილით.

მათი განცხადებით, გაზაფხულზე აჭარაში ჩამოსული 150- მდე უკრაინელი ლტოლვილი გონიოსა და ქობულეთის სასტუმროებში ცხოვრობს, აჭარის ტურიმზის დეპარტამენტის დაფინანსებით. სამ დღეში კი სასტუმროს დატოვება მოუწევთ, რადგან მათი ცხოვრებისა და კვების ხარჯის დაფინანსებას ადგილობრივი ხელისუფლება წყვეტს. ლტოლვილებზე ზრუნვას 1 აგვისტოდან გადაიბარებს საქართველოს ჯანდაცვის სამინისტრო.

აქციის მონაწილეები აცხადებენ, რომ წასასვლელი არსად აქვთ, სამინისტროს მიერ გათვალისწინებული შემწობა კი არასაკმარისია და ქუჩაში დარჩებიან. "ერთი თვე მაინც დაგვტოვონ სასტუმროებში. სამ დღეში ქუჩაში ვრჩები სამი მცირეწლოვან შვილთან ერთად. აგვისტოში წასასვლელს ვერსად ვნახავთ“,- თქვა აჭარის მთავორბის სახლთან მყოფმა ოქსანა ჟემიაკინამ.

"საქართველოს დევნილთა სამინისტროს პროგრამაში ახლა დავრეგისტრირდით, დახმარების დარიცხვა კი დღეს ხვალ არ მოხდება, დრო სჭირდება, მოგვცენ დრო, რომ საცხოვრებელი მოვიძიოთ ბათუმის შემოგარენში. ახლა ტურისტულად აქტიური სეზონია და ვერაფერი ვნახეთ“,- უთხრა რადიო თავისუფლებას ტატიანა პოდვენცოვამ.

აქციის მონაწილეებმა აჭარის მთავრობის თავმჯდომარესთან შეხვედრა ითხოვეს, თუმცა ისე დაიშალნენ, რომ უწტებიდან არავინ გამოხმაურებიათ.

31 ივლისს სრულდება, უკრაინელი ლტოლვილების საქართველოს სასტუმროში განთავსების პროგრამა. ამის შემდეგ სახელმწიფო პროგრამით გათვალისიწნებულია მომდევნო სამი თვის განმავლობაში თითუეულ ლტოლვილ ოჯახზე 300-ლარიანი და ერთ სულზე 45-ლარიანი დახმარება. საქართველოს მთავრობის თხოვნით, გაეროს ლტოლვილთა საქმეების უმაღლესი კომისარიატი (UNHCR) უკრაინიდან ლტოლვილებს, სამთავრობო პროგრამასთან ერთად, ასევე სულზე 235 ლარით, ორი თვის განმავლობაში დაეხმარება.

Radiotavisupleba.ge