უკრაინელმა მაკსიმ პოლიაკოვმა, აშშ–ის მთავრობის მოთხოვნით, აეროკოსმოსური კომპანიის Firefly Aerospace წილი 58% $1–ად გადასცა მის თანადამფუძნებელს თომას მარკუსიკს. ამის შესახებ პოლიაკოვი სოციალურ ქსელში წერს.
„მე $1–ად გადავცემ Firefly–ს წიოის 50%–ს ჩემ თანადამფუძნებელს და პარტნიორს ბატონ თომასს“, – წერს ბიზნესმენი ფეისბუქზე.
Firefly – კერძო სარაკეტო კომპანიაა, რომელიც აშშ–ში, ტექსასის შტატში, ოსტინში მდებარეობს. მას რამდენიმე წელი აფინანსებდა პოლიაკოვი, რომელმაც მანამდე უკრაინაში IT–იმპერია ააშენა.
ბიზნესმენი Firefly–ს მსხვილ აეროკოსმოსურ კომპანიად გადაქცევაზე ოცნებობდა, რომელიც აშშ–დან და უკრაინიდან საუკეთესო ინჟინრებს გააერთიანებდა. კომპანიის პერსპექტივა იყო დიდი რაკეტების ფლოტის შექმნა, რომლებსაც ორბიტაზე ბევრი თანამგზავრის გაყვანის შესაძლებლობა ექნებოდათ, ხოლო შემდეგ მთვარეზე გაფრენაც იგეგმებოდა.
კომპანიამ NASA–ს, DARPA–სა და აშშ–ის სამხედრო საჰაერო ძალების რამდენიმე კონტრაქტი მოიგო, რომლებიც სხვადასხვა მისიების შესრულებას ითვალისწინებდნენ. მანვე მიიღო ნებართვა, უკრაინა–აშშ–ს შორის ტექნოლოგიების გაცვლის შესახებ. Firefly Aerospace უკრაინის ქალაქ დნეპრში შვილობილ კომპანიასაც მართავს.
პრობლემა მას შემდეგ წამოიჭრა, რაც ამერიკის მთავრობისა და აეროკოსმოსური მრეწველობის წარმომადგენლებმა გამოთქვეს შიში, რომ ფასეული კოსმოსური ტექნოლოგიები შესაძლოა უკრაინის, რუსეთის ან სხვა ქვეყნის ხელში აღმოჩნდეს, რომლებიც სარაკეტო პროგრამებზე მუშაობენ.
Delo.ua