უკრაინაში აზარტული თამაშების ლეგალიზება იგეგმება

უკრაინაში აზარტული თამაშების ლეგალიზება იგეგმება

access_time2019-08-13 20:00:26


სათამაშო ბიზნესი უკრაინაში ჯერ კიდევ 2009 წლიდან არის აკრძალული, თუმცა, კაზინოების უმრავლესობა არალეგალურად აგრძელებს მუშაობას ქვეყნის მთელს ტერიტორიაზე - ინტერნეტ-კლუბების ნიღბებს ამოფარული სლოტ-კლუბები მოქმედებს თითქის ყველა ქალაქში თუ რაიონში.


უკრაინის პრეზიდენტმა ვლადიმერ ზელენსკიმ თურქეთში ვიზიტის დროს გაახმოვანა სათამაში ბიზნესის ლეგალიზაციის იდეა.


„ჩვენ ვაპირებთ კაზინოების ლეგალიზებას 5-ვარსკლავიან სასტუმროებში, რაც შეუწყობს ხელს შავი ზღვის კურორტების განვითარებას. ჩვენ ვხედავთ თურქულ ბიზნესში არა კონკურენტებს, არამედ პარტნიორებს. მოდით, ერთად ავაღორძინოთ შავი ზღვის ტურისტული ბრენდი მთელს მსოფლიოში,“ - განაცხადა პრეზიდენტმა ანკარაში,


დღეს 45-მილიონიან უკრაინაში მოქმედებს მხოლოდ 9 ხუთვარსკლავიანი სასტუმრო - მათ შორის 2 კიევში და 2 ქვეყნის შავი ზღვის სანაპიროს მთავარ ქალაქ ოდესაში, რაც საკმაოდ დაბალი მაჩვენებელია.


ექსპერტების შეფასებით, ამ ინიციატივით უკრაინის ბიუჯეტს შეუძლია მიიღოს დამატებით 400 მლნ. დოლარი.


როგორ მუშაობს ეს სხვა ქვეყნებში?


ანალიტიკოსების შეფასებით, გლობალური სათამაშო ინდუსტრიის წლიური მოგება შეადგენს 130 მლრდ, დოლარს.



კაზინოების სიმრავლე იწვევს ასევე ტურისტების სიმრავლეს - მაგალითად, ლას-ვეგასში წლიურად ჩამოდის 42 მლნ. ტურისტი. ისინი საშუალოდ ხარჯავენ კაზინოში 540 დოლარს, ხოლო დანარჩენ მომსახურეობაზე 380-ს. მთლიანობაში ტურისტები ტოვებენ ვეგასის კაზინოებში წელიწადში 22,6 მლრდ. დოლარს, ხოლო ჯამური ხარჯები აღწევს 39 მლრდ.-ს.


ლას-ვეგასის სათამაში ბიზნესში საშუალო ხელფასი შეადგენს წელიწადში 47 000 დოლარს, ასეთი თანამშრომელი კი 160 000-ა.


ყოველწლიურად ვეგასის სასტუმროები და კაზინოები იხდიან 1 მლრდ. დოლარის გადასახადებს. ასევე იბეგრება კაზინოში მოგებული თანხაც.


ჩინეთში არის ერთადერთი ქალაქი, სადაც სათამაშო ბიზნესი ლეგალიზებულია - მაკაოა, რომლიც მშპ-ს 40% მოაქვს ტურიზმს, ხოლო შემოსავალი სათამაშო ინდუსტრიიდან შეადგენს 37,6 მლრდ. დოლარს.


მაკაოს შრომისუნარიანი მოსახლეობის 70% დასაქმებულია სწორედ სათამაშო ინდუსტრიაში, კაზინოებს კი მოაქვს ქალაქის საბიუჯეტო შემოსავლების 80%, ანუ. 12,3 მლრდ. დოლარი.


კაზინოებითაა განთქმული ქალაქი-სახელმწიფო მონაკო - საგულისხმოა, რომ თავად მონაკოს მოქალაქეებისთვის აზარტული თამაშები აკრძალულია, თუმცა ეს არ ეხება უცხოელებს.


მონაკოს 4 კაზინოს წლიური მოგება შეადგენს 210 მლნ. ევროს, მათში დასაქმებულია ქალაქის 1300 მაცხოვრებელი.


თავისთავად სათამაშო ინდუსტრიის წილი ქალაქ-სახელმწიფოს მშპ-ში მცირეა - მხოლოდ 6%, თუმცა, სწორედ კაზინოები იზიდავს მონაკოში მილიონობით ტურისტს, მათ შორის მსოფლიოს უმდიდრეს ადამიანებს, შოუ-ბიზნესის და სპორტის ვარსკლავებს და ა.შ.


უკრაინისთვის უფრო ახლო მაგალითია ლეგალური სათამაშო ბიზნეს საქართველოში. ქვეყანაში კაზინოს გასახსნელად ინვესტორმა უნდა გადაიხადოს პირველადი შენატანი - 1,7 მლნ. დოლარი.


ხელისუფლება ახალისებს ახალი ობიექტების გახსნას ტურისტულ ქალაქებში, მაგალითად, ბათუმში. საქართველოში სათამაშო ბიზნესს მოაქვს წლიურად 2,2 მლრდ. დოლარი - მშპ-ს 14%, ხოლო საბიუჯეტო გადასახადებმა ამ სექტორიდან შეადგინა 2018 წელს 46,6 მლნ. დოლარი.


Correspondent.net





ფულის დაბანდების პრაქტიკა ჩვენთან პრიმიტიულ დონეზეა - ბიზნესმენები კაპიტალის ბაზარზე

ფულის დაბანდების პრაქტიკა ჩვენთან პრიმიტიულ დონეზეა - ბიზნესმენები კაპიტალის ბაზარზე
access_time2020-09-28 11:00:13
 „ვფიქრობ, რომ უახლოეს პერსპექტივაში კაპიტალის ბაზარი  არ განვითარდება.  ადამიანები მაინც  ენდობიან ბანკში ფულის განთავსებას და იქიდან სტაბილურ შემოსავალს, მცირეს მაგრამ მაინც,   ვიდრე იმის გარისკვას, რომ ბიზნესი ან აქცია  შეიძინონ,...

გიორგი ვაშაძე - საქართველო რეგიონში ერთადერთი ქვეყანაა, სადაც ეროვნული ვალუტა სულს ღაფავს

გიორგი ვაშაძე - საქართველო რეგიონში ერთადერთი ქვეყანაა, სადაც ეროვნული ვალუტა სულს ღაფავს
access_time2020-09-27 18:00:55
„სტრატეგია აღმაშენებლის“ ლიდერის, გიორგი ვაშაძის განცხადებით, ქვეყნაში მძიმე ეკონომიკური მდგომარეობაა, რაც მისი თქმით, „ჩაფლავებული მთავრობის ჩაფლავებული გეგმის...

სომხეთისა და აზერბაიჯანის საზღვარზე ვითარება უკიდურესად დაიძაბა, მხარეები სამხედრო შეტაკებებისა და მსხვერპლის შესახებ იუწყებიან

სომხეთისა და აზერბაიჯანის საზღვარზე ვითარება უკიდურესად დაიძაბა, მხარეები სამხედრო შეტაკებებისა და მსხვერპლის შესახებ იუწყებიან
access_time2020-09-27 15:22:10
სომხეთისა და აზერბაიჯანის საზღვარზე ვითარება უკიდურესად დაიძაბა. მხარეები სამხედრო შეტაკებების და მსხვერპლის შესახებ...

საქართველოდან ლოკოკინების ექსპორტი 3-ჯერ იზრდება - რამ განაპირობა პროდუქტზე მოთხოვნა

საქართველოდან ლოკოკინების ექსპორტი 3-ჯერ იზრდება -  რამ განაპირობა პროდუქტზე მოთხოვნა
access_time2020-09-27 20:00:35
საქართველოდან ლოკოკინების ექსპორტი წელს 3-ჯერ გაიზრდება. როგორც შპს „ნადი გრუპის“ ხელმძღვანელმა მერაბ ნადარაიამ „ბიზნესპრესნიუსთან“ საუბრისას განაცხადა, თუ შარშან იტალიაში 15 ტონა პროდუქტი გავიდა, წელს დეკემბერში 45 ტონამდე იქნება. მისი თქმით, მოთხოვნის ზრდა,...

არტ შემოდგომა ამბასადორი კაჭრეთში - პირველად საქართველოში ციფრული თეატრის დღეები სასტუმროს ტერიტორიაზე გაიმართება

არტ შემოდგომა ამბასადორი კაჭრეთში - პირველად საქართველოში ციფრული თეატრის დღეები სასტუმროს ტერიტორიაზე გაიმართება
access_time2020-09-27 10:30:29
  ეპიდემიოლოგიური მდგომარეობიდან გამომდინარე ჯერ კიდევ მარტში დახურული თეატრების კარი ამ დრომდე დაკეტილია. მსახიობებს რეალიზაციის საშუალება არ აქვთ, მაყურებლებს და გულშემატკივრებს კი კულტურული ღონისძიების დანაკლისი გაუჩნდათ.   სასტუმრო ამბასადორი კაჭრეთი მუდმივად ცდილობს სპორტისა და ხელოვნების ხელშეწყობას, ამიტომ 1 ოქტომრიდან 17 ოქტომბრამდე ციფრული თეატრს უმასპინძლებს.   „ჩვენ მუდმივად ვართ ჩართული კულტურული ღონისძიებების ხელშეწყობაში,...


მსგავსი სიახლეები

up