Ukraina.ru - შეარიგებს თუ არა გახარია რუსეთს და საქართველოს?

Ukraina.ru - შეარიგებს თუ არა გახარია რუსეთს და საქართველოს?

access_time2019-09-04 20:00:43


საქართველოს პრემიერ-მინისტრის პოსტს სექტემბრის შუა რიცხვებში დაიკავებს ქვეყნის შინაგან საქმეთა ყოფილი მინისტრი გიორგი გახარია, რომელმაც 2000 წელს პუტინის ბრძანებით მიიღო რუსული პასპორტი.


2 სექტემბერს მთავრობის მეთაური მამუკა ბახტაძე გადადგა და განაცხადა, რომ მიაღწია თავის სტრატეგიულ ამოცანას  - ქვეყნის განვითარების სტრატეგიული ვექტორის განსაზღვრას, და ამიტომ, მშვიდად შეუძლია წავიდეს.


კონსტიტუციის მიხედვით, მმართველი პარტია ირჩევს პრემიერ-მინისტრს, რომელიც შემდგომ წარადგენს ახალ მთავრობას - თუმცა, ეს ფორმალური პროცედურაა და ხშირად პარლამენტს წარედგინება ძველ მთავრობა, თითქმის შეუცვლელი შემადგენლობით.


რეგლამენტის მიხედვით, მთელი პროცედურა სრულდება 2 კვირაში, თუმცა საქართველოს პარლამენტის პროცედურული საკითხების კომიტეტის თავმჯდომარის გიორგი კახიანის თქმით, საკითხი გადაწყდება კვირის ბოლომდე.


დაწინაურება გადადგომის ნაცვლად


 
სოციოლოგიური გამოკითხვების თანახმად, გიორგი გახარია ინარჩუნებს გარკვეულ პოპულარობას მოსახლეობაში, იმის მიუხედავად, რომ უკვე 3 თვე თბილისში მიმდინარეობს აქცია მისი გადადგომის მოთხოვნით. ოპოზიციონერი პოლიტიკოსები და მოძრაობა „სირცხვილია“-ს აქტივისტები უკმაყოფილოები არიან იმით, რომ ივნისში მინისტრმა დაარბია საპროტესტო აქცია,  რომელზეც დაზარალდა 200-ზე მეტი ადამიანი, მათ შორის 2-მა მოქალაქემ დაკარგა თვალი.



დღევანდელი ხელისუფლების მომხრეები და მიხეილ სააკაშვილის მოწინააღმდეგეები მიესალმებიან გახარიას დანიშვნას პრემიერ-მინისტრის პოსტზე.  პოლიტოლოგ პეტრე მამრაძეს თქმით, მთავრობის ახალი მეთაური არის საკმაოდ ძლიერი პიროვნება და მან გამოავლინა ეს იმ დროს, როდესაც „ნაციონალებმა ივნისში გამოიყენეს უმნიშვნელო საბაბი და შექმნეს პოლიტიკური მოვლენა“.



„რაც შეეხება საპროტესტო აქციებს გახარიას წინააღმდეგ, ვერაფრით ვერ დავეთანხმები იმათ, ვინც მიიჩნევს ამ მოძრაობს მასობრივად - ჩვენ ყველას კარგად გვახსოვს, რომ ეს პროტესტები მიილია“  - თვლის მამრაძე.



ქართველი პოლიტიკოსის რუსული ცხოვრება



2000-ანების დასაწყისში გიორგი გახარიას ცხოვრება მჭიდროდ იყო დაკავშირებული რუსეთთან. 2000 წელს ის ამთავრებს მოსკოვის სახელმწიფო უნივერსიტეტის პოლიტოლოგიის ფაკულტეტს, 2004-ში კი - იმავე უნივერსიტეტის ბიზნეს სკოლას. ამის შემდეგ მომავალი პოლიტიკოსი არ ჩქარობდა რუსეთის დატოვებას - 2004 -2008 წლებში ის მუშაობდა კომპანია СФК Групп-ის დირექტორად, 2006-2009 წლებში კითხულობდა მოსკოვის უნივერსიტეტში ლექციებს გამოყენებითი ბიოტექნოლოგიების დარგში.


2000 წლის 5 აგვისტოს რუსეთის პრეზიდენტმა ვლადიმერ პუტინმა მიანიჭა ქვეყნის მოქალაქეობა „საქართველოში დაბადებულ და ივანოვოს ოლქში მცხოვრებ გიორგი ზაურის ძე გახარიას“.



2008-2013 წლებში ის იყო გერმანული ავიაკომპანია Lufthansa-ს რუსეთის და დსთ-ს ქვეყნების ფილიალის განვითარების დირექტორი.


გახარიას კარიერა ქართულ პოლიტიკაში დაიწყო 2013 წლის მარტში, ბიზნესომბუდსმენის თანამდებობიდან, შემდეგ ის იყო საქართველოს მთავრობასთან არსებული ეკონომიკური საბჭოს მდივანი, ეკონომიკის მინისტრი, ხოლო 2017 წლის ნოემბრიდან დღევანდელ დღემდე   - შინაგან საქმეთა მინისტრი და ეროვნული უშიშროების საბჭოს თავჯდომარე.


2019 წლის მაისში, პარლამენტში გამოსვლისას მან განაცხადა, რომ არ გააჩნია ორმაგი მოქალაქეობა.



„მე ვარ მხოლოდ საქართველოს მოქალაქე, რუსეთის მოქალაქეობაზე კი უარი ვთქვი. სხვათა შორის ქართული პასპორტი მე გადმომცა მიხეილ სააკაშვილმა, ძალიან დიდი ხნის წინ“ - იმართლებს თავს ქვეყნის მომავალი პრემიერი.



მართლაც, მისი სიტყვები დასტურდება დოკუმენტებით. ქართულმა გამოცემა „ლიბერალმა“ გამოაქვეყნა ცნობა, რომელიც გასცა საქართველოში შვეიცარიის საელჩოს რუსეთის ინტერესების სექციის მიერ გახარიასთვის რუსეთის მოქალაქეობის ჩამორთმევის თაობაზე 2016 წლის 14 ნოემბერს, ანუ, ეკონომიკის მინისტრად დანიშვნამდე 13 დღით ადრე.



თუმცა, გამოდის, რომ ეკონომიკური საბჭოს მდივანი და ბიზნესომბუდსმენი იყო რუსეთის მოქალაქის სტატუსით.



საქართველოს კონსტიტუცია  უშვებს ორმაგ მოქალაქეობას მხოლოდ გამონაკლისის სახით. და ეს გამონაკლისი აღმოჩნდა გიორგი გახარიაც - „ლიბერალის“ ინფორმაციით, სააკაშვილმა მიანიჭა მას მეორე, საქართველოს მოქალაქეობა 2012 წლის 18 სექტემბერს.



რუსული მიმართულება


სავარაუდოდ, საგარეო ვექტორის მკვეთრი შეცვლა არაა მოსალოდნელი, მათ შორის რუსულ მიმართულებაზე. მოსკოვს და თბილისს შორის დიპლომატიური ურთიერთობების არ არსებობა ართულებს ორმხრივ თანამშრომლობას, თუმცა სრულად არ გამორიცხვას მას.



დღეისათვის, ჰუმანიტარული, ეკონომიკური და სატრანსპორტო საკითხები განიხილება აბაშიძე-კარასინის რეგულარული შეხვედრების დროს, თანაც, როგორც აღიარა რუსეთის საგარეო საქმეთა მინისტრმა სერგეი ლავროვმა, საქართველოში რუსეთის საელჩო დაიხურა ფორმალურად   - ფაქტობრივად, არავინ არსად წასულა - თანამშრომლები რჩებიან თავიანთ ადგილებზე, უბრალოდ შეიცვალა აბრა. იგივე ეხება საქართველის საელჩოს რუსეთში.



თუმცა გახარიას, რომელმაც მიიღო განათლება რუსეთში და რომელსაც გააჩნია გარკვეული კავშირები მოსკოვში, შეძლებს მოსკოვთან ურთიერთობებში დაძაბულობის გრადუსის დაწევას  - რის სასარგებლოდაც მეტყველებს ისიც, რომ მას არ სურს ანტირუსული პროტესტების გაღვივება და მათი გაზრდა უკრაინული მაედნის დონემდე.



საქართველოს კონსტიტუციის მიხედვით, ქვეყნის საგარეო პოლიტიკას განსაზღვრავს პრეზიდენტი, ხოლო მან ბოლო თვეების მანძილზე გააკეთა რამდენიმე ურთიერთსაწინააღმდეგო განცხადება რუსეთთან დაკავშირებით.



მაგალითად, 21 ივნისს სალომე ზურაბიშვილმა უწოდა რუსეთს მტერი და ოკუპანტი, 23 ივნისს კი, პუტინის მიერ დაწესებული სანქციების შემდეგ, ტურისტული ბიზნესის დანაკარგების გაცნობიერების შემდეგ, მის ტონი შერბილდა - მან მოუწოდა რუს ტურისტებს საქართველოში დაბრუნებისკენ და განაცხადა რომ  პოლიტიკოსებმა უნდა გადაწყვიტონ პრობლემები, რომლებმაც გამოიწვიეს მორიგი კრიზისი.



29 აგვისტოს კი სალომე ზურაბიშვილმა ისევ გაამკაცრა რიტორიკა და განაცხადა, რომ საქართველომ უნდა შეამციროს ეკონომიკური დამოკიდებულება რუსეთზე.



გახარიას წამოყენებით პრემიერ-მინისტრის პოსტზე, „ქართული ოცნების“ ლიდერმა ბიძინა ივანიშვილმა მოუწყო სერიოზული გამოცდა ოპოზიციას  - თუ მისი მოწინააღმდეგეები ვერ შეძლებენ მასობრივი საპროტესტო აქციების ორგანიზებას, ისინი დაკარგავენ ავტორიტეტს მოსახლეობის თვალში. დღეს კი რეიტინგების ძალზე მნიშვნელოვანია ყველა პარტიისთვის - 2020 წლის შემოდგომაზე საპარლამენტო არჩევნები ჩატარდება მხოლოდ პროპორციული სისტემით და ბარიერის გარეშე, შესაბამისად, პარლამენტში მოხვდება მეტი პარტია ვიდრე დღეს არის, მმართველი ძალა კი დაკარგავს მანდატების ნაწილს.


Ukraina.ru





დღის Top 10 საინტერესო ამბავი

დღის Top 10 საინტერესო ამბავი
access_time2020-08-14 21:00:21
დღის Top 10 საინტერესო ამბავი 1.გაყიდვები დაახლოებით 80%-ით შემცირდა - ღვინის მაღაზიები დახურვის პირას არიან გლობალური პანდემიის შედეგად, ტურისტების გარეშე დარჩენილი ბიზნეს სექტორი ყველაზე მძიმე მდგომარეობაში აღმოჩნდა. მსოფლიო ლოქდაუნმა ღვინის მაღაზიები დახურვის პირას...

პანდემიის დროს ბორჯომის მხარეთმცოდნეობის მუზეუმმა 6000 ლარამდე იზარალა

პანდემიის დროს ბორჯომის მხარეთმცოდნეობის მუზეუმმა 6000 ლარამდე იზარალა
access_time2020-08-14 16:30:58
ბორჯომის მხარეთმცოდნეობის მუზეუმმა კორონავირუსის პანდემიის გამო 5000-დან 6000 ლარამდე იზარალა. როგორც „კომერსანტს“ მუზეუმის დირექტორმა თინათინ მამასტარაშვილმა უთხრა, სხვა მუზეუმების მსგავსად ივნისის თვეში მუშაობის განახლება  ვერ შეძლეს, რადგან ფინანსების არქონის გამო რეგულაციებით გათვალისწინებული ნივთები ვერ  შეიძინეს. „ბორჯომის მხარეთმცოდნეობის მუზეუმი კულტურული მემკვიდრეობის დაცვის ეროვნული სააგენტოს დაქვემდებარებაშია და...

„სმარტმა“ „ხაჭაპურის ფესტივალი“ გამართა

„სმარტმა“ „ხაჭაპურის ფესტივალი“ გამართა
access_time2020-08-14 12:55:34
„სმარტმა“ ზესტაფონსა და ქუთაისს შორის, სოფელ არგვეთას მონაკვეთზე მდებარე „ვისოლ ჯგუფის“ დასვენებისა მომსახურების კომპლექსში „ხაჭაპურის ფესტივალი“ გამართა და ამიერიდან მომხმარებლებს „სმარტის“ ქსელში ყველაზე გემრიელი „დედა ხაჭაპურის“ დაგემოვნება გამარჯვებული ხაჭაპურის ავტორის რეცეპტით შეეძლებათ. „დედა ხაჭაპური“ იგივე იმერული ხაჭაპურია, რომელიც კონკურსის მონაწილე „სმარტის“ თანამშრომლემა კომპეტენტური ჟიურის რეკომენდაციებით და წინასწარ განსაზღვრული კრიტერიუმების მიხედვით მოამზადეს. „გასტრონავტის“...

რუსეთმა შესაძლოა, ვაშლისა და ქლიავის იმპორტზე კვოტები დააწესოს - რა რაოდენობის პროდუქტი გადის საქართველოდან

რუსეთმა შესაძლოა, ვაშლისა და ქლიავის იმპორტზე კვოტები დააწესოს - რა რაოდენობის პროდუქტი გადის საქართველოდან
access_time2020-08-14 14:10:52
რუსეთმა შესაძლოა, ვაშლისა და ქლიავის იმპორტზე კვოტები დააწესოს. სწორედ ამ მოთხოვნით მიმართეს ადგილობრივმა ფერმერებმა სოფლის მეურნეობის სამინისტროს. მათ აზრით, იმპორტირებული ხილის დიდი რაოდენობა, ადგილობრივი პროდუქციის ფასებს ამცირებს. ამის შესახებ ინფორამციას AgroTimes ავრცელებს. აღსანიშნავია, რომ საქართველოსთვის რუსეთი მთავარი სავაჭრო პარტნიორია. მეტიც, გასულ წელს იმპორტირებული ვაშლის 87,2 %, ხოლო ქლიავის 89,2% სწორედ რუსეთში...

„ლონდონის ბირჟიდან თავისი სურვილით არავინ გადის, GHG-ში სერიოზული ფინანსური პრობლემებია“ - სერგო ჩიხლაძე

„ლონდონის ბირჟიდან თავისი სურვილით არავინ გადის, GHG-ში სერიოზული ფინანსური პრობლემებია“ - სერგო ჩიხლაძე
access_time2020-08-14 13:00:41
„საქართველოს ჯანდაცვის ჯგუფი“ (GHG) არალიკვიდურობის გამო ლონდონის საფონდო ბირჟიდან ჩაიხსნა. კომპანიის ინფორმაციით, ბირჟიდან მოხსნის შემდეგ ლიკვიდურობა შენარჩუნებულ იქნა, GHG კერძო კომპანია გახდა და მისი აქციები Georgia Capital-მა გამოისყიდა, რომელიც აქამდე „საქართველოს ჯანდაცვის ჯგუფის“ 70.6%-იანი წილის მფლობელი იყო. ბოლო დღეებში ქართულ მედიაში საქართველოს საფონდო ბირჟის დირექტორი გიორგი ფარესიშვილის და რამდენიმე ექსპერტის მიერ გამოთქმული გამამართლებელი არგუმენტების...


მსგავსი სიახლეები

up