გასული წლის 30,3%-იანი ვარდნის შემდეგ უკრაინის ცენტრალური ბანკი მიმდინარე წელს ქვეყნის ეკონომიკის 0,3% იან ზრდას პროგნოზირებს. - ამის შესახებ ინფორმაციას reuters ავრცელებს. მათივე  ცნობით 2024 წელს ეკონომიკური  ზრდა 4,1% -იან მაჩვენებელს  დაუბრუნდება. ქვეყანაში  ინფლაციის  მაღალი მაჩვენებლის გამო ცენტრალურმა  ბანკმა  რეფინანსირების განაკვეთი, რომელიც 25% -ს  შეადგენს  უცვლელად  დატოვა.

ცენტრალური ბანკი მიმდინარე წელს ნელ ეკონომიკურ ზრდას და უფრო დიდ სავაჭრო დეფიციტს ელოდა, რადგან ეკონომიკა ადაპტირებულია  ომის  რეალობასთან რაც  ელექტროენერგიის რეგულარულ  გათიშვას, მიწოდების ჯაჭვებისა და ლოგისტიკის შეფერხებას გულისხმობს.

„ეკონომიკური ზრდის პროგნოზი ჩვენ ორი მიზეზის, რუსული სარაკეტო შეტევების გაძლიერებისა და ინფრასტრუქტურის  სერიოზული დაზიანების გამო შევამცირეთ“- განაცხადა ბანკის  ხელმძღვანელმა ანდრეი პიშნიმ ონლაინ პრესკონფერენციაზე.

უსაფრთხოების  ნორმებიდან გამომდინარე კონფერენციის  ადგილმდებარეობა  არ  სახელდება, პიშნიმ ასევე  აღნიშნა, რომ უკრაინაში  ბიზნესის  გამძლეობა, ომზე ადაპტირება,  მთავრობის  პოლიტიკის  ზომები და საერთაშორისო პარტნიორების მხარდაჭერა სიტუაციის  კონტროლს  ხელს  უწყობს. მისივე  თქმით რეფინანსირების 25% იანი განაკვეთი სულ მცირე 2024 წლის კვარტლის ბოლომდე შენარჩუნდება.

ცენტრალური ბანკის ოფიციალური შეფასებით 2023 წლის ბოლოს ინფლაცია შენელდება და 18,7%-ს შეადგენს.

პიშნი ვარაუდობს, რომ უკრაინა  წელს  პარტნიორებისგან 38 მილიარდზე მეტს მიიღებს. სავალუტო ფონდის გასული თვის შეფასებით, მიმდინარე წელს უკრაინას მინიმუმ $39.5-მილიარდის მოცულობის გარე მხარდაჭერა სჭირდება.