უიტნი ჰიუსტონი გარდაცვალების შემდეგ 9,5 მლნ. დოლარით გამდიდრდა

უიტნი ჰიუსტონი გარდაცვალების შემდეგ 9,5 მლნ. დოლარით გამდიდრდა

access_time2019-11-03 20:00:04

სიკვდილიდან 7 წლის შემდეგ უიტნი ჰიუსტონი შევიდა ყველაზე მაღალანაზღაურებად გარდაცვლილ მომღერალთა რეიტინგში, რომელიც შეადგინა ჟურნალ Forbes-მა.

 

როგორ მოხდა ეს და რატომ უსმენენ კვლავ ადამიანები ლეგენდარული მომღერლის სიმღერებს?

 

კომპოზიცია Higher Love გახდა ძალიან პოპულარული შტატებში იმის შემდეგ, რაც 1985 წელს სტივ უინვუდმა მიიღო „გრემი“ მისი შესრულებისთვის. ამ სიმღერას მღეროდნენ საუნივერსიტეტო გუნდები, წყვილები ქორწილებზე, თანაც მის ქავერ-ვერსიებს ასრულებდა ძალიან ბევრი ცნობილი მუსიკოსი.

 

ერთ-ერთი ვერსია ეკუთვნის სწორედ უიტნი ჰიუსტონს, და ის გახდა ბევრად უფრო პოპულარული და ცნობილი მთელს მსოფლიოში, ვიდრე ორიგინალი.

 

კომპოზიცია ჩაიწერა მის 1990 წლის ალბომზე I'm Your Baby Tonight, ისიც მხოლოდ როგორც ბონუს-ტრეკი იაპონიისთვის განკუთვნილი ვარიანტისთვის.

 

და აი, 39 წლის შემდეგ ნორვეგიელმა დიჯეი და პროდიუსერმა კიგომ გამოუშვა უიტნი ჰიუსტონის ამ ლეგენდარული ქავერის თავისი ვერსია, და ამით ერთგვარად გააცოცხლა მომღერალი, რომელიც გარდაიცვალა 7 წლის წინ.

 

Higher Love-ს წყალობით ყველას ისევ გაახსენდა უიტნი ჰიუსტონი.

 

„სწორედ ამის მიღწევა გვსურდა ჩვენც, და სწორედ მუსიკის მეშვეობით. ეს არის უიტნი ჰიუსტონის ბრენდის გადატვირთვის, და რაღაც მნიშვნელოვანის გაკეთების საშუალება“ - ამბობს ლარი მესტელი - სწორედ მის საპროდიუსერო კომპანია Primary Wave-ს ეკუთნის გარდაცვლილი მომღერლის მუსიკალური მემკვიდრეობის საკუთრების 50%, რომელიც მან შეიძინა 7 მლნ. დოლარად.

 

ამ კომპანიის აქტიურობის წყალობით, ბოლო 12 თვის მანძილზე გარდაცვლილი ვარსკლავის შემოსავლებმა შეადგინა 9,5 მლნ. დოლარი.

 

სიმღერის ახალმა ვარიანტმა უკვე მიიღო ოქროს სტატუსი აშშ-ში, კანადაში, გერმანიაში, ბრიტანეთში, ავსტრალიაში და ა.შ., ირლანდიაში ის ორჯერ გახდა პლატინის.


 

Spotify-ზე სიმღერა მოისმინეს 175 მლნ.-ჯერ, ხოლო ბოლო 12 თვის მანძილზე ჰიუსტონის სიმღერებმა მხოლოდ შტატებში მიიღეს ჯამურად 800 მლ. მოსმენა, მაშინ როდესად 2018 წელს  - 500 მლნ.

 

„ის გარდაიცვალა მრავალი წლის წინ, თუმცა, Higher Love-ის გამოცემით ჩვენ გავახსენეთ ფანებს მის შესახებ“ - ამბობს Nielsen Media Research-ის ვიცე-პრეზიდენტი დევიდ ბაკულა.

 

„სტრიმინგ-სერვისებზე სიმღერის განთავსებით, ჩვენ გავახსენეთ ფანებს, რატომ უყვარდათ მათ უიტნი ასე ძლიერად. ახლა მათ შეუძლიათ უსასრულოდ უსმინონ მისი ლეგენდარული კომპოზიციის ქავერ-ვერსიას“ - დაუმატა მან.

 

Higher Love-ის უიტნი ჰიუსტონისეული ქავერის ისტორია დაიწყო 1990 წელს - მაშინ ხმის ჩამწერი სტუდია Arista Records-ის მფლობელმა და პროდიუსერმა კლაივ დევისმა გადაწყვიტა ამ სიმღერის შეტანა ალბომის მხოლოდ იაპონურ გამოცემაზე, რადგანაც არ სურდა მომღერლის გამოყვანა როგორც სხვისი სიმღერების შემსრულებლის.

 

ლარი მესტელიც მუშაობდა იმ  კომპანიაში, იცნობდა ჰიუსტონის ოჯახის წევრებს, და სწორედ ის აწარმოებდა მოლაპარაკებებს მის სიმღერებზე საავტორო უფლებების შესყიდვის თაობაზე.

 

მანამდე მესტელმა სთხოვა გარდაცვლილი მომღერლის ნათესავებს მისთვის დარჩენილი ჩანაწერების მოტანა და მათ შორის ერთ-ერთი იყო სწორედ Higher Love.

 

უიტნი ჰიუსტონის ვოკალმა მოხიბლა ის, თუმცა პროდიუსერმა ჩათვალა, რომ მთლიანობაში სიმღერა ჟღერდა ძველმოდურად, ამიტომაც, მან შესთავაზა ნორვეგიელ დიჯეი კიგოს მისი განახლება.

 

Primary Wave-ის წარმომადგენლებმა გაუგზავნეს ახალგაზრდა დიჯეის ჩანაწერი, და მეორე დღესვე მან გამოაგზავნა რემიქსი.

 

„ამ სიმღერას ჰქონდა ყველა შანსი წარმატებისთვის, რადგანაც ის იდეალურად შეეფრებოდა ზაფხულს. მოკლედ, ეს ვარიანტი ყველას მოეწონა, და ძალიან მალე ის გამოჩნდა რადიოზე“   - ყვება მესტელი.

 

Higher Love გამოვიდა ივნისის ბოლოს და მხოლოდ 2 კვირაში დაიკავა 63-ე ადგილი

 Billboard Hot 100.  ის ასევე იკავებდა მაღალ ადგილებს ჩარტებში მთელს მსოფლიოში.

 

„დღევანდელ ახალგაზრდობას მოსწონს პოზიტიური და შთაგონების მიმცემი სიმღერები, და ვინ შეიძლება იყოს შთაგონების უკეთესი წყარო, ვიდრე უიტნი?“ - განაცხადა მომღერლის რძალმა პეტ ჰიუსტონმა.

 

2020 წლის დასაწყისში უიტნი ჰიუსტონის ჰოლოგრამა გაემგზავრება მსოფლიო ტურნეში. პირველი კონცერტები სახელად „საღამო უიტნისთან“ ჩატარდება ევროპაში, შემოდგომაზე - შტატებში. ჰოლოგრამის გარდა, სცენაზე გამოვლენ მომღერლები და მოცეკვავეები, რომლებიც შეასრულებენ უიტნი ჰიუსტონის ყველაზე პოპულარულ სიმღერებს.

 

სავარაუდოდ, ახლო მომავალში გარდაცვლილი მომღერლის შემოსავლები გაიზრდება რამდენიმეჯერ.

 

-

ყველაზე მაღალანაზღაურებად გარდაცვლილ ვარსკლავთა რეიტინგში ასევე მოხვდნენ  - მაიკლ ჯექსონი - 2018 წელს მისმა შემოსავალმა შეადგინა  60 მლნ. დოლარი,  ელვის პრესლი - 39 მლნ, ბობ მარლი - 20 მლნ., ჯონ ლენონი - 14 მლნ., მერილინ მონრო - 13 მლნ.,  პრინსი - 12 მლნ., ჯორჯ ჰარისონი - 9 მლნ.

 

Forbes





თბილისის შუაგულში არსებულ ყველა ბიზნეს ცენტრზე დაბალი ფასები გვაქვს-„ქარვასლას“ გენერალური დირექტორი

თბილისის შუაგულში არსებულ ყველა ბიზნეს ცენტრზე დაბალი ფასები გვაქვს-„ქარვასლას“ გენერალური დირექტორი
access_time2020-07-03 16:30:44
„კომერსანტი“ გთავაზობთ ინტერვიუს სავაჭრო და ბიზნეს ცენტრ “ქარვასლა’’-ს გენერალურ დირექტორ ზურაბ შავლაყაძესთან -რა კვადრატულობის საოფისე ფართების ქირავნობა არის შესაძლებელი სავაჭრო და ბიზნეს ცენტრ “ქარვასლა’’-ში? -“ქარვასლა’’-ში მეორე...

დღის Top-10 საინტერესო ამბავი

დღის Top-10 საინტერესო ამბავი
access_time2020-07-03 21:30:18
დღის Top-10 საინტერესო ამბავი 1.თუ ღვინო ყურძნისგან გაკეთდება და ხარისხის პრობლემა მოგვარდება, რთველის სუბსიდირება საჭირო აღარ იქნება - ირაკლი იაშვილი კომპანია „ისთ გეით ჯგუფის“ სამეთვალყურეო საბჭოს თავმჯდომარე და ღვინის მწარმოებელი კომპანია „ვაზიანის“...

„დაჩეხილი კოდექსი“: რა აზრი აქვს ახალ კანონს, თუ შრომის ინსპექცია სუსტი დარჩება?

„დაჩეხილი კოდექსი“: რა აზრი აქვს ახალ კანონს, თუ შრომის ინსპექცია სუსტი დარჩება?
access_time2020-07-03 18:00:58
იმედი, რომ ახალი „შრომის კოდექსი“, რომელზეც ახლა პარლამენტში მსჯელობენ, არსებულზე გაცილებით სრულყოფილი და ევროპულ სტანდარდარტებთან მიახლოებული იქნებოდა, ნელ-ნელა უქრებათ მშრომელთა უფლებებზე მომუშავე არასამთავრობო ორგანიზაციებს.კომიტეტებში კანონპროექტის განხილვისას გამოჩნდა, რომ უმრავლესობაში არსებობს წინააღმდეგობა კანონში არაერთი ჩანაწერის მიმართ.კანონპროექტის თავდაპირველი ვერსია უკვე საგრძნობლად შეცვლილი და როგორც სამოქალაქო სექტორი ამბობს, „დაჩეხილია“. თუმცა მთავარი...

მობილური ბაზრის კვლევა : ევროპასთან შედარებით ჩვენთან ტარიფები ორჯერ უფრო დაბალია-„გრანთ თორნთონი“

მობილური ბაზრის კვლევა : ევროპასთან შედარებით ჩვენთან ტარიფები ორჯერ უფრო დაბალია-„გრანთ თორნთონი“
access_time2020-07-03 13:50:14
გადაცემაში „ჩემი აუდიტორი“ გრანთ თორნთონ საქართველოს ბიზნეს საკონსულტაციო მიმართულების ხელმძღვანელმა გიორგი უსანეთაშვილმა საქართველოს მობილური ბაზრის კვლევის შედეგებზე ისაუბრა. ჩვენ შევაფასეთ მობილური ბაზრის მთავარი ინდიკატორები : აბონენტთა რაოდენობა ,შეღწევადობა, რაც გულისხმობს, აქტიური სიმბარათების ჯამურ რაოდენობას, შეფარდებული მოსახლეობასთან,ასევე საშუალო შემოსავალი ერთ აბონენტზე. აბონენტთა რაოდენობით, საქართველო ევროპაში 26-ე ადგილზეა. 2019 წლის...

სამტრედია-გრიგოლეთის გზა სურამის ციხესავით ვერ აშენდა

სამტრედია-გრიგოლეთის გზა სურამის ციხესავით ვერ აშენდა
access_time2020-07-03 16:00:19
სამტრედია-გრიგოლეთის გზის მონაკვეთის საერთო სიგრძე 51.5 კმ-ია, პროექტი 4 ლოტად ხორციელდება და დაფინასების წყარო ევროპის საინვესტიციო ბანკია (EIB). აღნიშნული გზის მშენებლობა 2014 წელს დაიწყო. უნდა აღინიშნოს, რომ სამტრედია-გრიგოლეთის გზის ოთხივე მონაკვეთის მშენებლობა შეფერხებით მიმდინარეობდა. განსაკუთრებით პრობლემური გზის მეორე მონაკვეთი აღმოჩდა, სადაც პროექტის დასრულების შემდეგ გზაზე ჯდენები წარმოიშვა, რამაც გზის საფარის მოწყობა შეაფერხა და შესაბამისად,...


მსგავსი სიახლეები

up