უცხოელი ტურისტების შემოსვლის ტენდენცია ზრდადია - „ამბასადორი ჯგუფი“

უცხოელი ტურისტების შემოსვლის ტენდენცია ზრდადია - „ამბასადორი ჯგუფი“

access_time2021-06-10 16:10:00

სასტუმრო ბიზნესი მიმდინარე ტურისტულ სეზონს იმედით უყურებს და მიიჩნევს, რომ საზღვრების გახსნის, რეგულაციების შემსუბუქებისა და ავიარეისების ზრდის ფონზე საქართველოს მეტი უცხოელი ტურისტი ეწვევა. 


„ამბასადორი ჯგუფში“ ამბობენ, რომ უცხოელი ტურისტების შემოსვლის ტენდენცია ზრდადია.


„ჩვენი სასტუმროების ქსელი რამდენიმე სასტუმროს აერთიანებს. Ambassadori Tbilisi Hotel-ი სრულად გათვლილია უცხოელ ტურისტებზე, ხოლო Ambasadori Kachreti გათვლილია, როგორც უცხოელ ასევე ადგილობრივ ტურისტებზე. რაც შეეხება მოლოდინებს, თუ კი არსებულ ტენდენციებს დავაკვირდებით, რეგულაციების შემსუბუქების, საზღვრების ეტაპობრივი გახსნისა და ავიარეისების რაოდენობის ზრდის ფონზე უცხოელი ტურისტების შემოსვლის ტენდენცია ზრდადია. იმედი გვაქვს, რომ ტურისტული ნაკადები კიდევ გაიზრდება და ზაფხულის ტურისტული სეზონის შუაპერიოდში ძალიან აქტიური სეზონი და მაღალი დატვირთულობა გვექნება.


თუ კი არსებულ მონაცემებს 2020 წელის ანალოგიური პერიოდის მაჩვენებლებთან შევადარებთ, ზრდა მართლაც რომ თვალშისაცემია. თუმცაღა პანდემიის ფონზე შედარების ნიშნულად 2020 წლის მაჩვენებლები არ უნდა მივიღოთ. შარშან ამ დროს სასტუმროები ფაქტობრივად გაჩერებული იყო და ცხადია 2020 წელთან შედარებით კი ბატონო მაღალი ნიშნული ფიქსირდება.


ჩვენთვის ამოსავალი წერტილი მაინც 2019 წლის ანალოგიურ პერიოდთან შედარებაა, რადგანაც 2019 წელის ამ პერიოდში სრული დატვირთვით ვმუშაობდით და ძალიან ბევრი უცხოელი დამსვენებელი გვყავდა. ჯერჯერობით 2019 წლის ნიშნულს არ მივახლოებულვართ, თუმცა მოლოდინები საკმაოდ იმედის მომცემია“, აცხადებს „ამბასადორი ჯგუფის“ მარკეტინგის მენეჯერი ნინო ნადიბაიძე.


როგორც ნადიბაიძე ამბობს, COVID-პანდემიამ ტურისტების ქცევები მნიშვნელოვნად შეცვალა.



„პანდემიამ ძალიან შეცვალა ადამიანის ჩვევები მოგზაურობასთან დაკავშირებით. თუ ადრე ადამიანები მოგზაურობას წინასწარ გეგმავდნენ და სასტუმრო ნომრებს 4-5 თვით ადრე ჯავშნიდნენ, დღეს ეს ყველაფერი შეცვლილია. ეპიდემიოლოგიური ვითარების არასტაბილურობის გამო სიტუაცია არაპროგნოზირებადია. ქართველების მსგავსად უცხოელებიც ერიდებიან ხანგრძლივვადიანი გეგმების დასახვას და ჯავშნები ძირითადად 1 კვირით ადრე შემოდის, რადგანაც 1 კვირით ადრე მარტივია იმის პროგნოზირება რაიმე შეიცვლება თუ არა, ვიდრე 4-5 თვით ადრე.


იმედი გვაქვს, რომ არსებული ტენდენცია შენარჩუნდება და რეგულაციების შემსუბუქებისა და ავიარეისების ზრდის ფონზე, მალე დავუბრუნდებით ძველ ნიშნულს. თუმცა არც ძველ ნიშნულზე დაბრუნება არაა მთავარი მიზანი - მთავარი მიზანია ზრდა და განვითარება“, აცხადებს ნინო ნადიბაიძე.


„ამბასადორი ჯგუფის“ მარკეტინგის მენეჯერის თქმით, გარდა იმისა, რომ ამბასადორის ჯგუფის სასტუმროებში ყველა რეგულაცია დაცულია და ყველა არსებულ თუ პოტენციურ სტუმარს უსაფრთხო გარემოს სთავაზობენ, იმავდროულად აქტიური მუშაობა მიდის არსებული თუ ახალი ბაზრების ათვისებაზე.


„აქტიურად ვთანამშრომლობთ შემომყვან ტუროპერატორებთან და საერთაშორისო კუთხითაც აქტიურები ვართ, რომ საერთაშორისო ბაზარზე კარგი პარტნიორები გვყავდეს და აქტიური რეკლამა გვქონდეს“. ამბობს ნადიბაიძე.


Ambassadori Tbilisi Hotel-ი ​5 ვარსკვლავიანი სასტუმროა და აქცენტი მაღალშემოსავლიან ტურისტებზე კეთდება.


„ძველ პერიოდს თუ შევხედავთ Ambassadori Tbilisi Hotel-ში სტუმრების ძირითადი რაოდენობა მოდიოდა გალფის ქვეყნებიდან, ისრაელიდან და სხვა. ამჟამინდელი დინამიკითაც ამ ქვეყნებიდან იგივე მოთხოვნაა.


Ambasadori Kachreti-ს მაგალითზე კი გეტყვით, რომ ჩაკეტილი საზღვრების პირობებში, ადგილობრივი ტურისტები უფრო აქტიურად დაინტერესდნენ ჩვენი სერვისებით. საზღვარგარეთ წასვლის შეუძლებლობის გამო უფრი აქტიურად მოგზაურობდნენ ქვეყნის შიგნით. საკმაოდ დატვირთვით ვიმუშავეთ მთელი წელი.


თუ ადრე ზამთრის სეზონი შედარებით დაბალი დატვირთულობით ხასიათდებოდა, წელს ეს შეიცვალა და ზამთრის სეზონიც საკმაოდ დატვირთული გვქონდა“ - ამბობს „ამბასადორი ჯგუფის“ მარკეტინგის მენეჯერი ნინო ნადიბაიძე.


NS





500 რუსი მილიარდერი ქვეყნის სიმდიდრის 40%-სფლობს

500 რუსი მილიარდერი ქვეყნის სიმდიდრის 40%-სფლობს
access_time2021-06-12 20:00:05
...

Newsweek: რაზე ისაუბრებენ 16 ივნისს ბაიდენი დაპუტინი?

Newsweek: რაზე ისაუბრებენ 16 ივნისს ბაიდენი დაპუტინი?
access_time2021-06-12 20:47:32
...

ლევან სილაგავა – სუბსიდირება ფქვილს გააიაფებს

ლევან სილაგავა – სუბსიდირება ფქვილს გააიაფებს
access_time2021-06-12 19:55:08
მომავალი კვირის ოთხშაბათ-ხუთშაბათს გადაწყდება, გაგრძელდება თუ არა ფქვილის სუბსიდირების პროგრამა. „კომერსანტი“ სუბსიდირების პროგრამის და პურის ბაზარზე არსებული სიტუაციის შესაფასებლად ხორბლისა და ფქვილის მწარმოებელთა ასოციაციის ხელმძღვანელს ლევან სილაგავას დაუკავშირდა. სილაგავა ფიქრობს, რომ დღევანდელი ტენდენცია უფრო დამაიმედებელია და ამის პასუხი არის ის, რომ დღეს ერთი ტონა ხორბლის ფასი 280 $— დან...

აპრილ-მაისში ტურისტული ვიზიტების რაოდენობა 222.8%-ით გაიზარდა

აპრილ-მაისში ტურისტული ვიზიტების რაოდენობა 222.8%-ით გაიზარდა
access_time2021-06-12 18:07:39
...

ვახტანგ კალოიანი: ვერ მივაღწიეთ დოკუმენტის შექმნას, რომელიც კლინიკურ სექტორში არსებულ ვითარებას შეაფასებდა

ვახტანგ კალოიანი: ვერ მივაღწიეთ დოკუმენტის შექმნას, რომელიც კლინიკურ სექტორში არსებულ ვითარებას შეაფასებდა
access_time2021-06-12 12:00:02
„საქართველო სრულიად სხვა  ქვეყნების კეთილ ნებაზე და  საჩუქრებე დამოკიდებული გახდა, ხელისუფლებამ კი ვაქცინების  შეძენის  პროცესის  დაორგანიზება ვერ  შეძლო“ – ამის შესახებ „ანესთეზიოლოგიისა და კრიტიკული მედიცინის ასოციაციის“ დამფუძნებელმა, ვახტანგ კალოიანმა ქვეყანაში მიმდინარე ვაქცინაციის პროცესის შფასებისას განაცხადა. მისივე თქმით, ამ ეტაპზე ქვეყანას ვაქცინები პრაქტიკულად არ აქვს. კალოიანმა აღნიშნა, რომ  მეოთხე...


მსგავსი სიახლეები

up