„უცხოელ ინვესტორებს საქართველოში სჭირდებათ პროგნოზირებადი გარემო“ - გიორგი კაჭარავა

„უცხოელ ინვესტორებს საქართველოში სჭირდებათ პროგნოზირებადი გარემო“ - გიორგი კაჭარავა

access_time2020-12-28 12:00:45

ახლო მომავალში მთავრობა სპეციალური დადგენილების გამოცემას გეგმავს, რომელიც უცხოელი ინვესტორისათვის სასოფლო სამეურნეო მიწის საკუთრების საკითხებს განსაზღვრავს.


2019 წელს საქართველოში მიწის შესახებ ახალი კანონი ამოქმედდა, რომლის მიხედვითაც უცხოელი ინვესტორებისთვის მიწის ფლობა გარკვეულწილად შეიზღუდა. კერძოდ, უცხოელი ინვესტორი მხოლოდ მინორიტარი აქციონერი უნდა იყოს იმ კომპანიაში, რომელიც საქართველოში სასოფლო სამეურნეო მიწას ფლობს. სწორედ ამ კანონის დახვეწაზე მუშაობს დღეს ინვესტორთა საბჭოში შექმნილი სპეციალური ჯგუფი, რომელიც განსაზღვრავს იმ კრიტერიუმებს, რა შემთხვევაში შეძლებენ ინვესტორები საქართველოში სასოფლო-სამეურნეო მიწის ნაკვეთზე საკუთრების უფლების მოპოვებას.


ცვლილების განხორციელების შემთხვევაში პრიორიტეტი მიენიჭება ისეთ საინვესტიციო შეთავაზებებს, რომელიც მსხვილი კაპიტალის მოზიდვას შეუწყობს ხელს, ასევე ის პროექტები რომლის განხორციელების შედეგად საქართველო მცირე დროში დაუახლოვდება ევროპულ შესაძლებლობებს. დოკუმენტის პირველადი ვერსია უკვე მომზადებულია და განხილვებს სამთავრობო სტრუქტურებში გადის.

 

საქართველოს სოფლის მეურნეობის მინისტრის მოადგილის გიორგი ხანიშვილის განმარტებით, იმ შემთხვევაში თუ ინვესტორი  შეთავაზებას მთავრობის მიმართ გააკეთებს და ახსნის რისი გაკეთება და რა მასშტაბის ინვესტიციის განხორციელება სურს, მთავრობა  ცალკე გადაწყვეტილებას მიიღება ამ კონკრეტულ ინვესტორთან დაკავშირებით.


 

„აქ არის საუბარი იმპორტის ჩანაცვლებაზე, საექსპორტო პროდუქციის შექმნაზე, ევროკავშირის მოთხოვნების დაკმაყოფილებაზე, ამ ყველაფრისთვის კი ჩვენ გვჭირდება არა ათეული, არამედ ასეულობით მილიონობის ინვესტიცია და სოფლის მეურნეობაში ჩადება. სამწუხაროდ, ქართულ ბიუჯეტს და ქართველ ფერმერებს ამის შესაძლებლობა არ აქვთ, ამიტომ მნიშვნელოვანია გაიხსნას კარები ისეთი ცოდნისთვის და ტექნოლოგიებისთვის რომელიც სწრაფად მოგვცემს საშუალებას, რომ მსოფლიო წარმოების ფერხულში ჩავებათ. თუკი დღეს ჰექტარზე გვაქვს 10 ტონა ბოსტნეული და ინვესტორი შემოგვთავაზებს თუ როგორ მივიდეთ 80 ტონამდე, რა თქმა უნდა ამ შემთხვევაში საქართველოს ხელისუფლება იქნება ხელშემწყობი ასეთი ინვესტიციებისთვის“, - განმარტავს გიორგი ხანიშვილი.

 

ცვლილებების აუცილებლობაზე საუბრობს „კომერსანტთან“ ევროკავშირი საქართველოს ბიზნეს საბჭოს აღმასრულებელი დირექტორი გიორგი კაჭარავა, თუმცა აღნიშნავს, რომ ცვლილებებთან ერთად აუცილებელი ინვესტორებთან სწორი კომუნიკაცია. მისი თქმით, ბოლო პერიოდში იყო შემთხვევები, როდესაც ინვესტორს კონკრეტული საინვესტიციო პროექტის განხორციელებაზე უარი ეთქვა, თუმცა მისთვის უარის თქმის მიზეზები დეტალურად არ იყო დასაბუთებული, ეს კი საქართველოს საერთაშორისო იმიჯზე ნეგატიურად აისახება.


„ეს ცვლილება კარგია, თუმცა ნებისმიერ უცხოელ ინვესტორს სჭირდება პროგნოზირებადობა. ზუსტად ეს არის განმაპირობებელი რომ ზოგიერთ შემთხვევაში ინვესტორები თავს იკავებენ ინვესტიციებისგან და შემდეგ უკვე ძნელია მათი უკან მობრუნება. ქვეყანაში შემოსულ თითოეულ ინვესტორს განსაკუთრებული მოფრთხილება უნდა და ნებისმიერი მიზეზი უნდა იყოს გამოკვლეული იმასთან დაკავშირებით ესა თუ ის ინვესტორი რატომ წავიდა საქართველოდან და მაქსიმალურად უნდა შევუწყოთ ხელი მსგავსი შედეგების არ განმეორებას.


ჩვენი ინტერესი უნდა იყოს რაც შეიძლება მეტი ინვესტორი შემოვიდეს დიდი გამოცდილებით, რაც უკეთესია ქვეყნისთვის. ყველა ინვესტორისთვის საჭიროა პროგნოზირებადი გარემო და ის მოლოდინები რომ რა დახვდება აქ ინვესტიციების ჩადების შემთხვევაში“,- განმარტავს გიორგი კაჭარავა.


ნინო თამაზაშვილი

თეგები:
ინვესტორი



Samsung Galaxy A52 - პოპულარული საფასო სეგმენტის ყველაზე მოთხოვნადი სმარტფონი

Samsung Galaxy A52 - პოპულარული საფასო სეგმენტის ყველაზე მოთხოვნადი სმარტფონი
access_time2021-04-23 09:55:25
Galaxy A სერია წლების განმავლობაში ინარჩუნებს ყველაზე მოთხოვნადი და გაყიდვადი სმარტფონის სტატუსს სამსუნგის ბიუჯეტური მოდელების კატეგორიაში; დღეს მინდა დეტალურად გაგაცნოთ Galaxy A52, რომელიც სამსუნგმა 2021 წლის მარტში წარუდგინა მსოფლიოს;   Galaxy A52 აღჭურვილია თანამედროვე უსაზღვრო O ტიპის 6.5’’ ინჩიანი, FHD+ რეზოლუციის Super  AMOLED ეკრანით. A52-ის ეკრანის ყველაზე შთამბეჭდავი პარამეტრი მისი განახლების სიხშირეა. A52-ს 90 ჰერციანი ეკრანი აქვს და გადმოსცემს დინამიურ და გლუვ...

ტვირთბრუნვის 7.3%-იანი ზრდის მიუხედავად საქართველოს რკინიგზა პოტენციალის მხოლოდ 1/3-ს იყენებს

ტვირთბრუნვის 7.3%-იანი ზრდის მიუხედავად საქართველოს რკინიგზა პოტენციალის მხოლოდ 1/3-ს იყენებს
access_time2021-04-23 10:00:58
დიდი ვარდნის შემდეგ საქართველოში სარკინიგზო გადაზიდვებში ზრდა ფიქსირდება. 2021 წლის პირველ კვარტალში რკინიგზით 2.917 მლნ ტონა ტვირთი გადაიზადა, რაც გასული წლის ანალოგიურ პერიოდთან შედარებით 7.3%-ით მეტია. კიდევ უფრო მეტად, 14%-ით 86.9 მლნ-მდე გაიზარდა სატვირთო გადაზიდვებით მიღებული შემოსავალი. 2012 წელს რკინიზის ტვირთბრუნვა 20.1 მლნ ტონას შეადგენდა. 2018 წელს ის 10 მლნ ტონამდე შემცირდა. 2019 წელს 8 წლიანი მუდმივი კლების შემდეგ ბრუნვა 8%-ით 10.8 მლნ ტონამდე...

Reuters - მსოფლიომ შესაძლოა მშპ-ს მეხუთედი დაკარგოს - კვლევა

Reuters - მსოფლიომ შესაძლოა მშპ-ს მეხუთედი დაკარგოს - კვლევა
access_time2021-04-22 20:00:21
გლობალურმა ეკონომიკამ შესაძლოა 2050 წლისთვის მსოფლიოს შემოსავლების მეხუთედი დაკარგოს, თუ კლიმატის ცვლილების შესწავლის პროგრამამ კრახი განიცადა. განსაკუთრებული რისკის ქვეშ აზია იმყოფება - კვლევა  Swiss Re-მ გამოაქვეყნა.   მოხსენება, რომელიც ინსტიტუტმა გაავრცელა, ხაზს უსვამს, რომ შემოსავალი შესაძლოა 18 პროცენტით დაბალი იყოს ვიდრე მსოფლიოში, სადაც კლიმატის ცვლილება არაა მოსალოდნელი.   აღმოჩნდა, რომ თუ პარიზის შეთანხმების...

რუსეთ-ჩეხეთის კრიზისი - დააწესებს თუ არა რუსეთი ჩეხურ ლუდზე ემბარგოს?!

რუსეთ-ჩეხეთის კრიზისი - დააწესებს თუ არა რუსეთი ჩეხურ ლუდზე ემბარგოს?!
access_time2021-04-22 19:00:26
რუსეთის ფედერაციის საზოგადოებრივი პალატის „ფხიზელი რუსეთის“ წევრმა სულთან ჰამზაევმა რუსული რადიოსადგურის ეთერში ჩეხური ლუდის აკრძალვის აუცილებლობაზე ისაუბრა, ეს ყველაფერი კი ჩეხეთის ქმედებების პასუხად.   მისი აზრით ასეთ შემხთევვაში ჩეხეთის პოლიტიკური ჯგუფები გაიაზრებენ, რომ მათი განცხადებები შეიძლება ეკონომიკური შედეგების მომტანი იყოს მთელი ქვეყნისთვის. ჰამზაევის თქმით, რუსები შეძლებენ სასმლის გარეშე არსებობას , ხოლო აკრძალვა კი მოსახლეობაში ალკოჰოლის პოპულარობას...

22 აპრილი - რეგიონში თურქული ლირა ყველაზე მეტად გაუფასურდა

22 აპრილი - რეგიონში თურქული ლირა ყველაზე მეტად გაუფასურდა
access_time2021-04-22 18:15:54
კორონავირუსის უარყოფითი ეფექტი ქართული ლარის კურსზე მკვეთრად აისახა. 2021 წლის 22 აპრილის ოფიციალური კურსების მიხედვით, წლის დასაწყისიდან ქართული ლარი აშშ დოლართან მიმართებაში დაახლოებით 16 პუნქტით გაუფასურდა. შედარებისთვის, დაახლოებით 62 პუნქტით არის გაუფასურებული თურქული ლირა, სომხური დრამი მცირედით გამყარდა და აზერბაიჯანული მანათი კი პრაქტიკულად უცვლელია. ეროვნული ბანკის მიერ 22 აპრილის ვაჭრობის შედეგად (რომლის ოფიციალური კურსი 23 აპრილისთვისაა) ეროვნული...


მსგავსი სიახლეები

up