მცირე უბნის მაღაზიებსა და ქსელურ მარკეტებს შორის კონკურენციის საკითხი დიდი ხანია პრობლემატურია. პირველი იმიტომ, რომ გარკვეული პირობების გათვალისწინებით უბნის მაღაზიებს არ აქვთ შესაძლებლობა ისეთივე ხელმისაწვდომ ფასებში მოახდინონ პროდუქციის რეალიზება, როგორც ეს ქსელური მაღაზიების შემთხვევაში ხდება. სადისტრიბუციო კომპანიებთან კომუნიკაციის დროს კი, როგორც ქართულ მაღაზიათა ასოციაციის იურისტი თათია ნანობაშვილი განმარტავს, თანაბარი პირობები ჯერ კიდევ მიუღწეველია. მისივე თქმით, ამჟამად ნიკორა და ორი ნაბიჯი უწევენ ყველაზე დიდ კონკურენციას უბნის მაღაზიებს.
„უბნის პატარა მაღაზიების ერთ-ერთი მთავარი პრობლემაა ქსელურ მაღაზიებთან კონკურენციაა. ჩვენ მუდმივად გვაქვს მათ პრობლემებზე შეხვედრები და მსჯელობები. პრობლემატურია ფასების სხვაობა, როდესაც სადისტრიბუციო კომპანიებს შემოაქვთ ისეთი პროდუქცია , რომელიც რეალურად ქსელურ მაღაზიებთან შედარებით არის უფრო მაღალ ფასებში. ეს გამოწვეულია იმით, რომ ქსელურები უფრო დიდი რაოდენობით იღებენ პროდუქციას ან ისეთი პირობები აქვთ, რომელიც აწყობთ სადისტრიბუციო და მწარმოებელ კომპანიებს. ეს პრობლემა აქტუალურია რომელიც დიდ ტვირთად აწევს პატარა მაღაზიებს. პატარა მაღაზიებს ნაკლებად აქვთ დატვირთვა და ინარჩუნებენ ფასებს, ქსელურ მაღაზიებს უწევთ ფასების გაზრდა სხვადასხვა ვალდებულებების გამო. მესმის პოლიტიკა რაც ბაზარზეა შექმნილი, რომ ქსელურ მაღაზიებს თავიანთი ძალაუფლების ფონზე დაბალ ფასებში აქვთ შესაძლებლობა მიიღონ პროდუქცია, მაგრამ ჩვენ აქტიურად ვთანამშრომლობთ დისტრიბუორებთან და ვცდილობთ გაგებით მიუდგნენ ამ საკითხს, რომ არ მოხდეს პატარა მაღაზიების ჩაძირვა. ქსელურ მაღაზიებს აქვთ ფინანსური სიძლიერე, განიცდიან იურისტების სიუხვეს. თანაბარი პირობები არ არის ქსელურსა და უბნის მაღაზიებს შორის, თუმცა მაქსიმალურად ცდილობენ ასე იყოს. ამჟამად ნიკორა და ორი ნაბიჯი უწევენ ყველაზე დიდ კონკურენციას უბნის მაღაზიებს,“ - განმარტავენ ასოციაციაში.
უბნის მაღაზიები
