„ძალიან ბევრი რესტორანია გაჩერებული, საღამოს რომ გაიაროთ დედაქალაქის ქუჩებში, უამრავ ჩაბნელებულ რესტორანს დაინახავთ, სწორედ ესაა ამ ბიზნესის დღევანდელი მდგომარეობის კოეფიციენტი. ჭავჭავაძეზე თუ გაივლით და წაიკითხავთ ბევრ „ქირავდება“-ს. თბილისში კი არა რეგიონებშიც მაღაზიები და რესტორნები ყოველდღიურად იხურება,“ - ამის შესახებ „კომერსანტს“ რესტორატორთა ასოციაციის დამფუძნებელმა კოტე გაბრიჩიძემ განუცხადა.
მას შემდეგ რაც ჰორეკა ბიზნესმა მუშაობის უფლება მიიღო, რესტორნებისა და კაფეების დიდი ნაწილი ან ვერ იწყებს ფუნქციონირებას, ან რამდენიმე დღიანი გახსნის შემდეგ იხურებიან. რესტორატორითა ასოციაციის დამფუძნბეელი კოტე გაბრიჩიძე განმარტავს, რომ ბიზნესებს, ვინც ამჟამად მუშაობის განახლებას ვერ ახერხებს, არც სესხის აღება შეუძლიათ. ამ ტემპით კი ჰორეკას სექტორი უახლოესი 2 წლის განმავლობაში ძალების მოკრებას ვერ შეძლებს.
„არანაირი სუბსიდია არ გაცემულა რესტორნის ბიზნესისთვის. სახელმწიფოს თუ უნდა, რომ გადაარჩინოს თავისი ქვეყანა, უნდა იმომქედოს. ყველაზე გაჭირვებული ქვეყნებიც კი ეხმარებიან თავის ბიზინესებს და ჩვენთან ერთი ლარიც კი არ გაცემულა. უახლოესი ორი წელიწადი ამ სექტორში არაფერი საინტერესო არ მოხდება და ბიზნესი აბსოლუტურად მკვდარია. უამრავია ასეთი დახურული რესტორანი, რომელსაც სესხსაც არ აძლევენ და ეს ძალიან დიდი პრობლემაა,“— აცხადებს კოტე გაბრიჩიძე.
კოტე გაბრიჩიძემ დაასახელა რესტონები და კაფეებიც, რომლებიც ამჟამად დახურულია, მათ შორისაა „შეფის ძმები“, გალერია თბილისის კაფეები და აღმაშენებლის გამზირზე „დაუნთაუნი“.
მარიამ მორგოშია