ტყიბულის შახტებზე ინფრასტრუქტურის განახლების პროცესი წარმატებით მიმდინარეობს

ტყიბულის შახტებზე ინფრასტრუქტურის განახლების პროცესი წარმატებით მიმდინარეობს

access_time2020-10-29 20:55:07

„საქნახშირში“ სამუშაო პირობების გაუმჯობესებისა და უსაფრთხო სამუშაო გარემოს შექმნის მიზნით, „მინდელისა“ და „ძიძიგურის“ სახელობის შხტებში არაერთი მნიშვნელოვანი ცვლილება განხორციელდა. სამუშაოები უსაფრთხოების დაცვის საერთაშორისო კომპანია DMT-სთან თანამშრომლობით და მათი რეკომენდაციების სრული დაცვით მიმდინარეობს.


DMT სპეციალისტებთან ერთად შემუშავდა მოპოვების ტექნოლოგიური სქემა, რომელიც დასაქმებულების უსაფრთხოებას უზრუნველყოფს და წარმოების დროს ამცირებს. უსაფრთხოების ინჟინერიის, მტვრისა და გაზის კონტროლის უწყვეტი მონიტორინგის პროცესში უცხოეული სპეციალისტები აქტიურად იყვნენ ჩართულები. უსაფრთხო სამუშაოების ორგანიზების მიმართულებით მოხდა საწარმოს ყველა თანამშრომლის გადამზადება და მათი ცოდნის შემოწმება. „საქნახშირის“ ხელმძღვანელობამ ფეთქითი სამუშაოების ორგანიზების პრინციპებში ცვლილებები DMT-ს რეკომენდაციების შესაბამისად შეიტანა. სავენტილაციო სისტემის გაუმჯობესებისთვის საჭირო რეკომენდაციების მისაღებად კვლევები უცხოელმა ექსპერტებმა ჩაატარეს. შრომის უსაფრთხოებისა და ხარისხის გასაუმჯობესებლად ჩამოყალიბდა ტექნოლოგიური პროცესის მართვის ახალი მიდგომა. აღნიშნული ცვლილებების განხორციელება და მიმდინარე სამუშაოები 24 საათიან რეჟიმში კონტროლდება (მათ შორის ვიდეო მეთვალყურეობის სისტემების გამოყენებით).


ქვა-ნახშირის გამამდიდრებელი ფაბრიკა აღიჭურვა შესაბამისი ახალი მოწყობილობებით. გარემონტდა და დამზადდა ახალი სახალხო ვაგონები; განხორციელდა მიწისქვეშა გვირაბების გაყვანითი, სარეაბილიტაციო და გადამაგრებითი სამუშაოები. „ძიძიგურის“ შახტაში, თანამშრომლების გადაადგილებისა და მასალების გადატანის პროცესის გასაუმჯობესებლად, მთის გზაჯვარედინზე (+350 ჰორიზონტზე) 900 სიგრძივი მეტრის მოცულობის სარკინიგზო ლიანდაგი აღდგა; ჩატარდა საველე გზის აღდგენითი სამუშაოები; მოხდა გამოუყენებელი მასალების გატანა; საწარმო აღიჭურვა ჰაერისა და გაზის უწყვეტი კონტროლის ხელსაწყოებით (რომლებიც მანამდე არ გამოიყენებოდა). სამთო განვითარების პროგრამის შესაბამისად, დაიწყო ახალი ველების მომზადების სამუშაოები.


გამყოლებისა და გამბრჯენების შესაცვლელად სარემონტო სამუშაოები მიმდინარეობს დამხმარე და სასკიპე ჭაურებში (სამუშაოები დაიწყო გრაფიკის შესაბამისად). „ძიძიგურის“ უბანზე, დამხმარე ჭაურში გამოიცვალა მზიდი ბაგირები და მიმდინარეობს გრაფიკით შედგენილი სარემონტო სამუშაოების წარმოება. ყველა ელექტრო, სტაციონარულ დანადგარებზე და კომპრესორზე ჩატარდა რიგი კაპიტალური სარემონტო სამუშაოები. შეკეთდა ამწე მანქანის სამუხრუჭე სისტემა.



კეთილმოწყობის სამუშოები ჩატარდა ზედაპირულ კომპლექსზეც: კაპიტალური რემონტი ჩაუტარდა სასადილოს. დამზადდა წყლის გამაცხელებელი ქვაბი (რომელიც 2018 წლიდან აღარ მუშაობდა) და ამჟამად მიმდინარეობს მისი ინსტალაცია. ადმინისტრაციულ-საყოფაცხოვრებო კომბინატში სარემონტო სამუშაოები ჩაუტარდა აბანო-გარდერობებსა და დამხმარე სათავსოებს. მიმდინარეობს თანამშრომლების პირადი აღჭურვილობისა და საჭირო ეპიკირების სრულად განახლების პროცესი. გარდა ამისა, დამტკიცდა ახალი საშტატო განაკვეთი და 20-35%-ით გაიზარდა ხელფასები.


შახტების სრული რეკონსტრუქციის გეგმის ფარგლებში შემუშავებული პროგრამის მიხედვით, 2021 წლისთვის წარმოება თვეში 30 000 ტონამდე გაიზრდება. გარდა ამის, ზედაპირიდან +175 ჰორიზონტამდე იგეგმება დახრილი ჭაურის გაყვანა.


ინფრასტრუქტურის განახლებისა და რეკონსტრუქციის სამუშაოები უსაფრთხოების ყველა წესის დაცვით, უწყვეტ რეჟიმში ხორციელდება.


(NS)






საქართველოში კორონავირუსი კიდევ 4426 ადამიანს დაუდასტურდა

საქართველოში კორონავირუსი კიდევ 4426 ადამიანს დაუდასტურდა
access_time2020-11-29 11:00:07
საქართველოში კორონავირუსი კიდევ 4426 ადამიანს დაუდასტურდა, 3721 კი გამოჯანმრთელდა. ამის შესახებ ინფორმაცია მთავრობის ადმინისტრაციამ გაავრცელა. ბოლო 24 საათის განმავლობაში საქართველოში 35 კოვიდინფიცირებული...

საქართველოს ნაკრებმა ფინეთიც დაამარცხა და ჯგუფის ერთპიროვნული ლიდერია

საქართველოს ნაკრებმა ფინეთიც დაამარცხა და ჯგუფის ერთპიროვნული ლიდერია
access_time2020-11-28 23:51:10
ევრობასკეტის საკვალიფიკაციო ეტაპზე ერთმანეთს საქართველოსა და ფინეთის ნაკრებები დაუპირისპირდნენ. ვინაიდან მომდევნო წელს ევრობასკეტს საქართველო მასპინძლობს, ჩვენი ნაკრები ამ ტურნირზე ავტომატურად მოხვდა. მატჩი თანაბარ ბრძოლაში მიდიოდა. პირველი ტაიმი საქართველოს ნაკრებმა მინიმალური ანგარიშით მოიგო. მესამე მეოთხედში ფინეთმა მოგვიგო და ბოლო მეოთხედის წინ სიტუაცია დაძაბა.თუმცა საქართველოს ნაკრებმა ბოლო მეოთხედში ძალები მოიკრიბა, დალაგებულად ითამაშა და საბოლოოდ, 91:85...

27 ნოემბერი - რეგიონში მხოლოდ ქართული ლარი გაუფასურდა

27 ნოემბერი - რეგიონში მხოლოდ ქართული ლარი გაუფასურდა
access_time2020-11-27 18:15:54
კორონავირუსის უარყოფითი ეფექტი რეგიონში ყველაზე მკვეთრად ქართული ლარის კურსზე აისახა. 2020 წლის განმავლობაში, ქართული ლარი აშშ დოლართან მიმართებაში დაახლოებით 12%-ით გაუფასურდა. შედარებისთვის, დაახლოებით 11%-ით არის შემცირებული თურქული ლირა, სომხური დრამი და აზერბაიჯანული მანათი კი 2%-ის ქვემოთ მერყეობს. ეროვნული ბანკის მიერ 26 ნოემბრის ვაჭრობის შედეგად, ეროვნული ვალუტა აშშ დოლართან მიმართებით გამყარდა, რის შედეგადაც ერთი დოლარის ოფიციალური ღირებულება 3.3164 ლარი გახდა....

დღის Top 10 საინტერესო ამბავი

დღის Top 10 საინტერესო ამბავი
access_time2020-11-27 21:00:33
დღის Top 10 საინტერესო ამბავი: 1.„მარტში რესტორნების სასაფლაოს მივიღებთ, მათი 90% ვეღარ გაიხსნება“ - რესტორატორთა ასოციაცია მთავრობის გადაწყვეტილებით, 28 ნოემბერი - 31 იანვრის ჩათვლით რესტორნები და კვების ობიექტები მთლიანად გატანის სერვისზე გადადიან. „რესტორატორთა ასოციაციის” ხელმძღვანელი კოტე გაბრიჩიძე „კომერსანტთან“...

„ყოველი დაკეტილი დღე 10 მილიონიანი ზარალია“ - სავაჭრო ცენტრები ფუნქციონირების შეზღუდვის 15 დეკემბერიდან მოხსნას ითხოვენ

„ყოველი დაკეტილი დღე 10 მილიონიანი ზარალია“ - სავაჭრო ცენტრები ფუნქციონირების შეზღუდვის 15 დეკემბერიდან მოხსნას ითხოვენ
access_time2020-11-27 16:15:35
თბილისში არსებული დიდი სავაჭრო ცენტრების ხელმძღვანელების განცხადებით, მთავრობის მიერ გამოცხადებულმა ე.წ. ლოკდაუნმა ისინი მწარე რეალობის წინაშე დააყენა, ყოველი დაკეტილი დღე 6 ცენტრისთვის 10 მილიონი ზარალია. თბილისში არსებული დიდი სავაჭრო ცენტრების წარმომადგენლები პრემიერმინისტრსა და ანტიკრიზისულ საბჭოს მიმართავენ. ეს სავაჭრო ცენტრებია: გალერეა თბილისი;თბილისი მოლი;ისთ ფოინთი;თბილისი ცენტრალი;ქარვასლა;სითი...


მსგავსი სიახლეები

up