„ტვირთბრუნვა კიდევ უფრო შემცირდება“ - ვასო ურუშაძე ხელისუფლებას სატრანსპორტო პოლიტიკის შემუშავებას ურჩევს

„ტვირთბრუნვა კიდევ უფრო შემცირდება“ - ვასო ურუშაძე ხელისუფლებას სატრანსპორტო პოლიტიკის შემუშავებას ურჩევს

access_time2018-01-12 09:40:28

საქართველოს დერეფანში ტვირთბრუნვა კვლავ შემცირებულია. 2017 წლის 11 თვეში სატრანსპორტო დარგებმა ჯამში 37,4 მლნ ტონა ტვირთი გადაზიდეს, რაც 0,9 მლნ ტონით ნაკლებია 2016 წლის ანალოგიურ მაჩვენებელზე. საზღვაო ნავსადგურებმა და საზღვაო ტერმინალებმა საანგარიშო პერიოდში ჯამში 14,9 მლნ ტონა ტვირთი გადაამუშავეს, რაც წინა წლის ანალოგიურ პერიოდზე 1,2 მლნ ტონით ნაკლებია.


სატრანპორტო პოლიტიკის ხარვეზებზე სფეროს წამრომადგნლები ხშირად საუბრობენ და აღნიშნავენ, რომ სახელმწიფო უნდა გააქტიურდეს, რათა სფერო მეტად ეფექტური გახდეს. ამასთან, სატრანსპორტო დერეფნის კვლევის ცენტრი ინიციატივით გამოდის, რომ საკითხი საკანონმდებლო დონეზე დარეგულირდეს. მათი განცხადებით, კარგი იქნება, თუ „ტრანზიტის ხელშეწყობის კანონი“ შემუშავდება, რათა პრობლემების აღმოფხვრა მოხდეს.


პარლამენტის დარგობრივი ეკონომიკისა და ეკონომიკის პოლიტიკის კომიტეტის თავმჯდომარე რომან კაკულია კი „კომერსანტთან“ საუბრისას განმარტავს, რომ ტრანზიტის ხელშეწყობის კანონის მიღებამდე სპეციალური კვლევა ჩატარდება.


როგორც ტრანსპორტის საკითხებზე მომუშავე პლატფორმა HUB Georgia-ს აღმასრულებელი დირექტორი ვასო ურუშაძე „კომერსანტთან“ საუბრისას აცხადებს, ტვირთების შემცირების ტენდენცია მომავალშიც გაგრძელდება.


„თუ მდგომარეობა და ხელისუფლების დამოკიდებულება არ შეიცვალა, საბოლოო ჯამში, გაკოტრებულ რკინიგზას და ისეთ პრობლემებს მივიღებთ, რაც ქვეყნის ეკონომიკურ განვითარებას დიდი რისკის ქვეშ დააყენებს. ტვირთბრუნვა კიდევ უფრო შემცირდება. ძლიერი სატრანსპორტო სფერო შექმნის ძლიერ სოფლის მეურნეობას, ძლიერ ეკონომიკას, ჯანდაცვის სექტორს, სავაჭრო და ინდუსტრიულ ჰაბს. ეს არის საერთაშორისო პრაქტიკა“, - აცხადებს ურუშაძე.



მისი თქმით, მთავარი პრობლემა ის არის, რომ სახელმწიფოს ხედვა არ აქვს, სიტუაცია როგორ გამოსწორდეს.


„ხუთი წელია ტვირთბრუნვის შემცირებამ შეუქცევადი ხასიათი მიიღო, რადგანაც ქვეყანას დიდი პრობლემები აქვს, როგორც შიდა პოლიტიკის დონეზე, ასევე საერთაშორისო ურთიერთობების მხრივაც. სახელმწიფოს არ აქვს ხედვა, როგორ უნდა განვითარდეს სატრანსპორტო სისტემა და რეგიონულ სატრანსპორტო ლოჯისტიკურ  ჰაბად ჩამოყალიბდეს. პრობლემის მოგვარება შეუძლებელია იმ დამოკიდებულებით, რომელიც სახელმწიფოს დღეს დარგის მიმართ გააჩნია“, - აღნიშნავს ვასო ურუშაძე.


მისივე თქმით, მას შემდეგ, რაც სამინისტროების ოპტიმიზაცია მოხდა, ეს სატრანსპორტო სფეროსთვის უარყოფითი შედეგების მომტანი იქნება.


 „გვქონდა შეხვედრა პარლამენტში, დარგობრივი ეკონომიკისა და ეკონომიკის პოლიტიკის კომიტეტის წევრებთან. ჩვენს ორგანიზაციას პრეზენტაციაც ჰქონდა. შევთავაზეთ, რომ პირველ ეტაპზე პრობლემა გადაიჭრას პოლიტიკური გადაწყვეტილებების შეცვლით, სხვა სამინისტროების ოპტიმიზაციით. ეკონომიკის სამინისტრო პასუხს აგებს ტრანსპორტის პოლიტიკაზე. იქ არის ტრანსპორტისა და ლოჯისტიკის დეპარტამენტი. თუმცა მას შემდეგ, რაც ენერგეტიკის სამინისტრო შეუერთდა, დეპარტამენტების და სააგენტოების ნაწილი გაიზარდა. ვფიქრობ, რომ ამით სამინისტრო არაეფექტური გახდა და ტრანსპორტის პოლიტიკა ადრე თუ მეათეხარისხოვანი იყო, ახლა პრიორიტეტებს  მიღმა დარჩება“, - აცხადებს ურუშაძე.


მისივე თქმით, კარგი იქნება, თუ ინფრასტრუქტურის სამინისტროს სატრანსპორტო უწყებები შეუერთდება და ერთ სამინისტროდ ჩამოყალიბდება: „ინფრასტრუქტურის სამინისტრო იმდენად დატვირთული არ არის, როგორც ეკონომიკის სამინისტრო. ბევრი მნიშვნელოვანი დეპარტამენტია, რომელიც ტრანსპორტთან არის დაკავშირებული. მარტივად შესაძლებელია, მოხდეს ოპტიმიზაცია და ეკონომიკის სამინისტროდან სატრანსპორტის უწყებები ინფრასტრუქტურაში გადავიდეს“, - აღნიშნავს ვასო ურუშაძე.


რაც შეეხება საკანონმდებლო ინიციატივას, მისი თქმით, მსგავსი კანონის მიღება აუცილებელია, თუმცა უფრო მნიშვნელოვანი მისი აღსრულება იქნება: „ასეთი კანონი არაერთ ქვეყანაში არსებობს, მაგრამ თუ მას აღმასრულებელი ორგანო არ ეყოლება, კანონი კანონად დარჩება. პასუხისმგებელი უწყება საჭიროა, რომელიც ყველა ნორმის შესრულებას გააკონტროლებს“, - აცხადებს ურუშაძე.


ავტორი: თეონა კენჭიაშვილი




„Covid 19-ის მართვაში დაშვებული შეცდომები ამირან გამყრელიძის ერთპიროვნული გადაწყვეტილებების შედეგია“

„Covid 19-ის მართვაში დაშვებული შეცდომები ამირან გამყრელიძის ერთპიროვნული გადაწყვეტილებების შედეგია“
access_time2020-10-21 11:00:29
ხელისუფლება კორონავირუსის მართვის სადავეებს კარგავს, რასაც „კომერსანტის“ მიერ ექსკლუზიურად მოპოვებული დოკუმენტიც ადასტურებს. დაავადებათა კონტროლისა და საზოგადოებრივი ჯანრთელობის ეროვნული ცენტრის გენერალური დირექტორის, ამირან გამყრელიძის სახელით ჰოსპიტალური სექტორის წერილი გაეგზავნა, სადაც საუბარია ახალი კორონავირუსის რეგისტრაციის დაგვიანების ფაქტებზე, რა დროსაც მოქალქეებისთვის პასუხების მიწოდების პროცესი ფერხდება. წერილით ირკვევა, რომ არეულია ტესტების აღების და დიაგნოზის დასმის დღეები....

20 ოქტომბერი - რეგიონში ქართული ლარი და სომხური დრამი გაუფასურდა

20 ოქტომბერი - რეგიონში ქართული ლარი და სომხური დრამი გაუფასურდა
access_time2020-10-20 18:15:11
კორონავირუსის უარყოფითი ეფექტი რეგიონში ყველაზე მკვეთრად ქართული ლარის კურსზე აისახა. 2020 წლის განმავლობაში, ქართული ლარი აშშ დოლართან მიმართებაში დაახლოებით 12%-ით გაუფასურდა. შედარებისთვის, დაახლოებით 11%-ით არის შემცირებული თურქული ლირა, სომხური დრამი და აზერბაიჯანული მანათი კი 2%-ის ქვემოთ მერყეობს. ეროვნული ბანკის მიერ გამოქვეყნებული 20 ოქტომბრის ვაჭრობის შედეგად, ქართული ლარის კურსი გაუფასურდა და ერთი აშშ დოლარის ღირებულებამ 3.2222 ლარი შეადგინა. ქართული ლარის...

დღის Top 10 საინტერესო ამბავი

დღის Top 10 საინტერესო ამბავი
access_time2020-10-20 21:30:45
დღის Top 10 საინტერესო ამბავი: 1. როგორ უნდა მოიქცეთ, თუ Covid-19 დაგიდასტურდათ - ამერიკაში მოღვაწე ქართველი ექიმების რჩევები როგორ უნდა მოიქცეს ადამიანი, თუ მას კორონავირუსის სიმპტომები გამოუვლინდა? როდის უნდა მიმართოს სიმპტომიანმა ოჯახის ექიმს და როდის გადაუდებელი დახმარების ცენტრს? საჭიროა თუ არა მედიკამენტოზური მკურნალობა? ...

მსხვილი სასტუმრო ქსელები დისტანციურად მომუშავეთა მოზიდვას ცდილობენ

მსხვილი სასტუმრო ქსელები დისტანციურად მომუშავეთა მოზიდვას ცდილობენ
access_time2020-10-20 20:45:26
მსხვილი სასტუმრო ქსელები, ისეთები, როგორც InterContinental Hotels Group, Marriott დ Accor-ი ახალი სისტემის - გამოწერის -  ამუშავებას გეგმავენ იმისთვის, რომ დისტანციურად მომუშავეებმა მოგზაურობა და სხვადასხვა ქალაქებში ერთი და იგივე ქსელის სასტუმროებში ცხოვრება შეძლონ.   მაგალითად, სექტემბერში ტურისტულმა ჯგუფმა Inspirato-მ განაცხადა, რომ მთლიანად გამოწერაზე  გადავიდა და აქცენტს სწორედ ამ სერვისზე გააკეთებს. ქსელის კლიენტები შტატებში,...

Bloomberg: ჩინეთის ეკონომიკა ზრდის კრიზისამდელ მაჩვენებელს უახლოვდება

Bloomberg:  ჩინეთის ეკონომიკა ზრდის კრიზისამდელ მაჩვენებელს უახლოვდება
access_time2020-10-20 19:00:20
2020 წლის დასაწყისიდან პირველი 6 თვის ვარდნის შემდეგ ჩინეთის ეკონომიკა 0,7%-ით გაიზარდა.   ჩინეთი შესაძლოა მსოფლიოში ერთადერთი ქვეყანა გახდეს, რომლის ეკონომიკაც წელს გაიზრდება და ამას საფუძვლად კორონავირუსის აგრესიული შეკავება დაედება.   2020 წლის მე-3 კვარტალში ჩინეთის ეკონომიკა 2019 წლის ანალოგიური პერიოდთან შედარებით 4,9%-ით გაიზარდა, წლიურ ჭრილში კი 0,9%. შესაძლოა ეს რიცხვები მოკრძალებულად მოგეჩვენოთ, თუმცა, საუბარია ზრდაზე იმ დროს, როდესაც...


მსგავსი სიახლეები

up