პრეზიდენტი ერდოღანი შეპირდა ქვეყანას, რომ ძალიან სასიხარულო ინფორმაციას მიაწვდიდა. აღმოჩნდა, რომ, თურმე, შავ ზღვაში 320 მლრდ. კუბური მეტრის მოცულობის გაზის საბადო იქნა აღმოჩენილი. რა თქმა უნდა, ეს კარგია, თუმცა, არის კი ეს ნამდვილად სასიხარულო სიახლე? — ეს მოვლენა დეტალურად რომ გავაანალიზოთ, მალე მივხვდებით, რომ უკეთეს შემთხვევაში ეს მხოლოდ ეკონომიკური იმედია, უარესში კი - ჩვეულებრივი პიარი.

12 წლის წინ რუმინეთმა გაზის საბადო ზუსტად იქ აღმოაჩინა, სადაც ერდოღანმა 60 მლრდ. კუბური მეტრი. თუმცა მისი მოპოვება დღემდე არ დაწყებულა, რადგანაც ეს არც თუ ისე ადვილია.

ეკონომიკური იმედი ოპტიმიზმის საფუძველია, თუმცა, ილუზიები საჭირო არაა. განსაკუთრებით ისეთი გადაჭარბებული სიტყვები, როგორებიც ენერგეტიკის მინისტრმა წარმოთქვა - „ ეს აღმოჩენა თურქეთის ღერძს შეცვლის“.

ჯერ არავითარი კონკრეტიკა არაა და მინიმუმ 6-7 წელი არ იქნება. ბუნებრივი აირის მოპოვება ისეთი მარტივი ამოცანა არაა, რომლიც შესრულებას სწრაფად არის შესაძლებელი. იმისთვის კი, რომ გაზის მოპოვება 2023 წლისთვის გახდეს შესაძლებელი საჭიროა ჯადოქრობა.

კიდევ ერთიც - საჭირო ინფრასტრუქტურა რომც შეიქმნას, მოპოვება წელიწადში 8-9 მლრდ. კუბომეტრს ვერ გადააჭარბებს, ეს კი თურქეთის გაზზე მოთხოვნის მეხუთედია.და ამ გაზის საბადოს წვლილი ქვეყნის ეკონომიკაში საკმაოდ მოკრძალებული იქნება. რა თქმა უნდა, ეს უკეთესია, ვიდრე არაფერი, თუმცა, გაუგებარია, ისეთი განწყობა რატომ ინერგება, თითქოს ქვეყანა ამით ყველა თავის ეკონომიკურ პრობლემას დაძლევს?

საქმე იმაშია, რომ 2023 წელს არჩევნებია. მოსახლეობას გაზი უნდა მისცე, ოცნება მიყიდო, ასე არაა?

ყოველი არჩევნების წინ ახალი სასიკეთო ინფორმაცია გაზის ან ნავთობის მორიგი საბადოს აღმოჩენის შესახებ ყოველთვის ისმის. 2002 წლიდან „სამართლიანობის და განვითარების“ პარტიის მმართველობის პერიოდში, მთელი თურქეთი სასიხარულო ამბებით იღვიძებდა - „აღმოჩენილია ნავთობის დიდი საბადო“.

საგულისხმოა, რომ გაზის და ნავთობის უზარმაზარი საბადოები გამსკდარი საპნის ბუშტივით ქრებოდა არჩევნების შემდეგ. ახლაც ასე იქნება - სიხარული აღმოჩენილი გაზის გიგანტური საბადოს გამო, ძალიან მალე გაქრება.

ჯერ კიდევ 65 წლის წინ იმდროინდელი დემოკრატიული პარტიის ლიდერმა არჩევნების წინ განაცხადა - „ფრაკიის რეგიონში ნავთობის დიდი მარაგია აღმოჩენილი!“. გავიდა 65 წელი, მაგრამ ნავთობი როგორც არ იყო, ისე არ არის.

sozcu.com

თენგიზ აბლოთია