თურქეთიდან ექსპორტის მოცულობა იანვარ-მაისში 20%-ით შემცირდა

თურქეთიდან ექსპორტის მოცულობა იანვარ-მაისში 20%-ით შემცირდა

access_time2020-07-01 18:00:04

თურქეთში იანვარ-მაისის პერიოდში ექსპორტის მოცულობამ $61.6 მილიარდს მიაღწია, რაც წინა წლის ანალოგიურ პერიოდთან შედარებით 20%-ით ნაკლებია. ინფორმაციას თურქული მედია ქვეყნის სტატისტიკის სამსახურზე დაყრდნობით ავრცელებს.


კორონავირუსის პანდემიის გამო, კლებაა იმპორტის მიმართულებითაც, რამაც 5.2% შეადგინა გასულ წელთან შედარებით, თანხაში კი ეს მაჩვენებელი $82.6 მილიარდია. შედეგად სავაჭრო სხვაობა ექსპორტისა და იმპორტის მაჩვენებელს შორის გაორმაგდა და წლის პირველ 5 თვეში $21 მილიარდი შეადგინა.


თურქეთის ექსპორტის მაჩვენებელი მაისში დაახლოებით $10 მილიარდი იყო, რაც 2019 წლის მაისთან შედარებით 41%-ით ნაკლებია. იმპორტმა კი მაისში 28%-იანი კლება აჩვენა წინა წლის ანალოგიურ პერიოდთან შედარებით და $13.4 მილიარდი შეადგინა.


TurkStat-ის მონაცემებით, ექსპორტის 93.8% წარმოების სექტორზე მოდის, ხოლო სოფლის მეურნეობის, თევზრეწვისა და მეტყევეობის სექტორზე მხოლოდ 3.7%, სამთომოპოვებით სექტორზე კი 1.9%.



ამასთან, თურქეთის სტატისტიკური სამსახურის ინფორმაციით, მაღალტექნოლოგიური პროდუქტის წილი საწარმოო ინდუსტრიის 3.8% იყო. ნახევარფაბრიკატებს კი მთლიან ექსპორტში ლომის წილი უკავია (76.7%).


რაც შეეხება თურქეთის უმსხვილეს სავაჭრო პარტნიორებს: გერმანია თურქული პროდუქციის მთავარი იმპორტიორია. მაისში თურქეთიდან გერმანიაში $919 მილიონის ღირებულების პროდუქტი გავიდა ექსპორტზე. მას მოჰყვება აშშ $882 მილიონით, ერაყი $603 მილიონით, დიდი ბრიტანეთი $560 მილიონით და საფრანგეთი $416 მილიონი.


შეგახსენებთ, თურქეთის ეკონომიკა პანდემიამ მნიშვნელოვნად დააზარალა. ეროვნული ვალუტა რეკორდულად გაუფასურდა და მაისის თვეში დოლართან მიმართებით 7.49 შეადგინა. თურქეთში პრობლემად რჩება მიმდინარე მაღალი ინფლაცია და ექსპერტების პროგნოზით, ქვეყნის ეკონომიკა მიმდინარე წელს დაახლოებით 3.5%-ით შემცირდება.


forbes.ge


თეგები:
თურქეთი



„გალფს“ ზესტაფონის ავტოგასამართი სადგური ჩამოერთმევა - კომპანია საავტომობილო გზების დეპარტამენტთან ვერ შეთანხმდა

„გალფს“ ზესტაფონის ავტოგასამართი სადგური ჩამოერთმევა - კომპანია საავტომობილო გზების დეპარტამენტთან ვერ შეთანხმდა
access_time2020-10-28 18:45:59
საქართველოს საავტომობილო გზების დეპარტამენტი „სან პეტროლიუმ ჯორჯიას“ ზესტაფონის მუნიციპალიტეტის სოფელ ძირულაში მდებარე არასასოფლო-სამეურნეო დანიშნულების 1476.00 კვ.მ მიწის ნაკვეთს და მასზე მდგომ შენობა-ნაგებობას იძულებით ჩამოართმევს.   ეკონომიკის მინისტრმა გზების დეპარტამენტს ექსპროპრიაციის უფლება უკვე მიანიჭა. ბრძანება "საკანონმდებლო მაცნეზე" გამოქვეყნდა. დოკუმენტიდან ირკვევა, რომ „დასახელებული უძრავი ქონების ნებაყოფლობით გამოსყიდვაზე დეპარტამენტსა და მესაკუთრეს...

28 ოქტომბერი - რეგიონში მხოლოდ ქართული ლარი და თურქული ლირა გაუფასურდა

28 ოქტომბერი - რეგიონში მხოლოდ ქართული ლარი და თურქული ლირა გაუფასურდა
access_time2020-10-28 18:10:22
კორონავირუსის უარყოფითი ეფექტი რეგიონში ყველაზე მკვეთრად ქართული ლარის კურსზე აისახა. 2020 წლის განმავლობაში, ქართული ლარი აშშ დოლართან მიმართებაში დაახლოებით 12%-ით გაუფასურდა. შედარებისთვის, დაახლოებით 11%-ით არის შემცირებული თურქული ლირა, სომხური დრამი და აზერბაიჯანული მანათი კი 2%-ის ქვემოთ მერყეობს. ეროვნული ბანკის მიერ 28 ოქტომბრის ვაჭრობის შედეგად, ეროვნული ვალუტა აშშ დოლართან მიმართებით გაუფასურდა, რის შედეგადაც ერთი დოლარის ოფიციალური ღირებულება...

დღის Top 10 საინტერესო ამბავი

დღის Top 10 საინტერესო ამბავი
access_time2020-10-28 21:00:16
დღის Top 10 საინტერესო ამბავი:   1. „ქართული ოცნების“ ეკონომიკური საქმიანობის TOP 20 ნეგატიური შედეგი „კომერსანტმა“ გადაწყვიტა შემოგთავაზოთ „ქართული ოცნების“ ეკონომიკური საქმიანობის ნეგატიური შედეგები, რომლებმაც ქვეყანის განვითარება  შეაფერხა   2. საქართველოს ეროვნული ბანკი მონეტარული პოლიტიკის განაკვეთს უცვლელად, 8.0...

ცხინვალის არაღიარებულ რესპუბლიკაში საავადმყოფოები ინფიცირებულთა მზარდ რაოდენობას ვეღარ იტევს

ცხინვალის არაღიარებულ რესპუბლიკაში საავადმყოფოები ინფიცირებულთა მზარდ რაოდენობას ვეღარ იტევს
access_time2020-10-28 20:00:37
გასულ დღე-ღამეში ცხინვალის არაღიარებულ რესპუბლიკაში კიდევ 64 ადამიანი დაინფიცირდა - ეს ძალიან ბევრია ცხინვალისთვის, სადაც 30 000 ადამიანი ცხოვრობს.   15 სექტემბერს რუსეთს და ე.წ. სამხრეთს ოსეთს შორის საზღვარი გაიხსნა და ამის შემდეგ რესპუბლიკაში ინფიცირების...

მსოფლიო ავიაციაში სამუშაო ადგილები 40%-ით შემცირდება

მსოფლიო ავიაციაში სამუშაო ადგილები 40%-ით შემცირდება
access_time2020-10-28 17:30:17
IATA-ს შეფასებით, 2021 წელს სასურველი საოპერაციო შედეგების მისაღებად და ფინანსური რესურსების შემცირების გასანეიტრალებლად, საჭირო იქნება, ხარჯების კიდევ 30%-ით შემცირება.   ”კრიზისის პირობებში ყოველდღიურად სამუშაო ადგილების დაკარგვის და ეკონომიკური შეფერხების ალბათობა იზრდება. თუ კი სახელმწიფოები სწრაფად არ იმოქმედებენ ავიაციაში 1.3 მლნ სამუშაო ადგილი საფრთხის ქვეშ დადგება. ამას კი დომინოს ეფექტი ექნება, რაც საავიაციო სექტორში დამატებით 3.5 მლნ სამუშაო ადგილს შეუქმნის...


მსგავსი სიახლეები

up