თურქეთი “სპეციალიზებულ თავისუფალ ზონებში“ ბევრ შესაძლებლობას და სტიმულს უზრუნველყოფს ინოვაციებსა და ტექნოლოგიებზე ორიენტირებული ინვესტიციებისთვის, – ამის შესახებ თურქეთის ვაჭრობის მინისტრმა რუჰსარ პეკჯანმა განაცხადა და მოუწოდა ინვესტორებს აღნიშნულ ზონებში ფულის დაბანდებისკენ.
„ჩვენ ვგეგმავთ სპეციალიზებული თავისუფალი ზონების მოდელი, რომელიც თავდაპირველად პროგრამული უზრუნველყოფისა და ინფორმაციის სექტორებისთვის შევქმენით, სხვა მაღალტექნოლოგიური სექტორებისთვის გავაფართოვოთ. გიწვევთ ამ ზონებში ინვესტირებისთვის“, – განაცხადა მინისტრმა.
მისივე თქმით, თურქეთის დინამიკურობა ქვეყანას ინვესტირებისთვის მიმზიდველს ხდის. ვაჭრობის მინისტრი ასევე აცხადებს, რომ სხვადასხვა აქტივების გარდა, თურქეთის უპირატესობა ისაა, რომ მას კარგი პოზიციები აქვს ლოგისტიკაში, ჰყავს ასევე კვალიფიციური ახალგაზრდა მოსახლეობა, კონკურენტუნარიანია წარმოებაში, ევროკავშირის სტანდარტების შესაბამის ინფრასტრუქტურას ფლობს და ა.შ.
როგორც მინისტრი ამბობს, მიუხედავად იმისა, რომ ბევრ განვითარებად ქვეყანას აქვს პოტენციალი მიიზიდოს ინვესტიციები, თურქეთი განსხვავდება იმით, რომ ძალიან პოზიტიური კურსი აქვს ამ მხრივ აღებული.
გარდა ამისა, რუჰსარ პეკჯანმა განაცხადა, რომ თურქეთის მიზანია გახდეს ერთ-ერთი სტრატეგიული მიმწოდებელი მსოფლიოსთვის უფრო მეტი უცხოური ინვესტიციების მოზიდვით, მან ხაზი გაუსვა იმას, რომ ქვეყანა მუშაობას, რათა გააძლიეროს საინვესტიციო გარემო.
თურქეთის ვაჭრობის მინისტრის თქმითვე, სამინისტრო მუდმივად აწარმოებს მოლაპარაკებებს ქვეყნებთან და რეგიონებთან ორმხრივი და მრავალმხრივი შეთანხმებების შესახებ. პარალელურად კი დგამს ნაბიჯებს, რათა ადგილობრივი მწარმოებლების პროდუქცია უცხოურ ბაზრებზე უფრო კარგად იყოს წარმოჩენილი.
forbes.ge