თურქეთმა დატოვა ე.წ სტამბოლის კონვეცია, რომლის მიზანია ძალადობისგან ქალების დაცვა.

ხელშეკრულების დატოვების შესახებ პრეზიდენტ რეჯეპ ტაიპ ერდოანის განკარგულება შაბათს გამოქვეყნდა.

საერთაშორისო ხელშეკრულება ევროსაბჭომ შეიმუშავა 2011 წელს და მისი მიზანია ძალადობისგან ქალების დაცვა და მასთან ბრძოლა.

ევროსაბჭოს გენერალურმა მდივანმა, მარია რაიჩინოვიჩ ბურიჩმა, გადაწყვეტილებას უწოდა „გამანადგურებელი“. მისი თქმით, „ეს ნაბიჯი უდიდესი უკუსვლაა და განსაკუთრებით სამწუხაროა ის, რადგან საფრთხეს უქმნის ქალთა დაცვას თურქეთში, ასევე ევროპასა და მის გარეთ“.

ხელშეკრულებაზე ხელისმომწერ ქვეყნებს დოკუმენტი ავალდებულებს, წინ აღუდგნენ ოჯახში ძალადობას, ასეთი ქმედება ისჯებოდეს და ამასთან, ამკვიდრებდეს გენდერულ თანასწორუფლებიანობას.

ქალთა დაცვის სტამბოლის კონვენციას თვითონ ერდოანმა მოაწერა ხელი დოკუმენტზე საბოლოო შეთანხმების ქალაქში, სტამბოლში, როცა ის პრემიერ-მინისტრი იყო. ხელშეკრულება თურქეთმა დაამტკიცა, მაგრამ არასოდეს გამოუყენებია.

თურქეთში წელს 77 ქალი იქნა მოკლული, აცხადებს პლატფორმა, ჭე ჭილლ შტოპ Fემიციდე. მის თანახმად, შარშან 409 ქალი იმოკლეს ამ ქვეყანაში.

ოჯახის, შრომის და სოციალური პოლიტიკის სამინისტროს მინისტრმა, ზეჰრა ზურმუთ სელჩუქმა განაცხადა ტვიტერით, რომ ქალთა უფლებები გარანტირებულია თურქეთის კანონებით და თურქეთის კონსტიტუციით და ისინი საკმარისია.

ევროსაბჭო ევროპის კავშირისგან დამოუკიდებელი ორგანიზაციაა, რომელსაც 47 წევრი ჰყავს, მათ შორის საქართველო და იგივე თურქეთი.

radiotavisupleba.ge