თურნავა ქობულიას საპასუხოდ აცხადებს, რომ ანაკლიის პორტის კომერციულ მომგებიანობას კვლევები ადასტურებს

თურნავა ქობულიას საპასუხოდ აცხადებს, რომ ანაკლიის პორტის კომერციულ მომგებიანობას კვლევები ადასტურებს

access_time2019-06-18 23:14:55

ოთხი კომერციული ტიპის კვლევა იყო, რომ ტვირთი არის და სულ მცირე ერთი ტექნიკური ტიპის კვლევა, რომ სწორედ ანაკლიაშია უპრიანი ღრმაწყლოვანი პორტის მშენებლობა, - ამის შესახებ ეკონომიკისა და მდგრადი განვითარების მინისტრმა ნათია თუნრნავამ „პალიტრანიუსის“ გადაცემაში „360 გრადუსში“, ეკონომიკის ყოფილი მინისტრის გიორგი ქობულიას მიერ გაკეთებული განცხადების საპასუხოდ განაცხადა, რომლის მიხედვითაც, ანაკლიის პორტის პროექტის ეკონომიკური დასაბუთების ანალიზი არ არსებობდა.


„მე ჯერ კიდევ საპარტნიორო ფონდში მუშაობის პერიოდიდან მომიწია ანაკლიის პროექტში, მის სტრუქტურირებაში ჩართვა. აქედან გამომდინარე, გეტყვით, რომ რაც კი რამე დასაბუთება შეიძლებოდა ამასთან დაკავშირებით, რამდენიმე წლის მანძილზე იყო შესრულებული. 2012 წლიდან მოყოლებული, 2016 წლის ჩათვლით, ანაკლიის პორტთან დაკავშირებით არაერთი კვლევა ჩატარდა. აქედან ოთხი კვლევა, მათ შორის ძალიან ცნობილი საკონსულტაციო კომპანიების, ადასტურებდნენ პორტის კომერციულ მომგებიანობას და იმას, რაც სტატისტიკურადაც დასტურდება, რომ კონტეინერების ნაკადი საქართველოში განუხრელად იზრდება. ეს ფაქტია და წლებმა დაადასტურა ამ კვლევების სიზუსტე,“ - აცხადებს ნათია თურნავა.


მისივე თქმით, თავად მონაწილეობდა კვლევაში, რომელიც ღრმაწყლოვნაი პორტის ლოკაციის შერჩევას უკავშირდებოდა.



„მე უშუალოდ ვმონაწილეობდი, 2015-2016 წელს სხვადასხვა ალტერნატიული ლოკაციების შედარების კვლევაში, როდესაც ჯერ კიდევ იყო მსჯელობა, სად ჯობია ღრმაწყლოვნი პორტის აშენება. ანუ ეჭვგარეშე იყო, რომ ღრმაწყლოვანი პორტი სჭირდება საქართველოს, ეჭვგარეშე იყო არა მარტო სტრატეგიული, უსაფრთხოების და ეკონომიკური თემებიდან გამომდინარე, არამედ ტვირთი არსებობდა და პროგნოზი იყო დადებითი, რაც გამართლდა, მაგრამ დამატებით დასაბუთება დაგვჭირდა, არის თუ არა ანაკლია საუკეთესო მდებარეობა. მაშინ ჩვენ ავიყვანეთ იაპონელი კონსულტანტები, რომლებიც ჩამოვიდნენ და შავი ზღვის აკვატორიაში ათამდე სხვადასხვა ლოკაცია მოიკვლიეს და ერთ-ერთ საუკეთესო ადგილად, სხვადასხვა ტექნიკური მახასიათებლით მიჩნეული იყო ანაკლია,“ - განაცხადა ნათია თურნავამ.


როგორც ეკონომიკის ყოფილმა მინისტრმა გიორგი ქობულიამ „პალიტრანიუსის“ გადაცემა „360 გრადუსში“ განაცხადა, მან თავისი მინისტრობის პირველივე დღიდან მოსთხოვა მთავრობას და სამინისტროს ანაკლიის პროექტთან დაკავშირებით ეკონომიკურად დასაბუთებული ანალიზი, თუმცა მისივე თქმით, „ასეთი ანალიზი არ არსებობდა“.


ipn.ge






რუსთავი 2-ის საქმეზე სტრასბურგმა დარღვევა არ დაადგინა, დროებითი ღონისძიება გააუქმა

რუსთავი 2-ის საქმეზე სტრასბურგმა დარღვევა არ დაადგინა, დროებითი ღონისძიება გააუქმა
access_time2019-07-18 12:06:43
18 ივლისს გამოქვეყნებულ გადაწყვეტილებაში ადამიანის უფლებათა ევროპულმა სასამართლომ არ დაადგინა „რუსთავი 2“-ის საქმეზე ადამიანის უფლებათა ევროპული კონვენციის არცერთი მუხლის დარღვევა. ამასთან, სტრასბურგის სასამართლომ აღარ დატოვა ძალაში დროებითი ღონისძიება, ანუ საქართველოს უზენაესი სასამართლოს აღსრულების შემჩერებელი მექანიზმი აღარ იარსებებს. რუსთავი 2 სტრასბურგის ადამიანის უფლებათა ევროპულ სასამართლოში საქართველოს...

აზიის განვითარების ბანკი - აზიასა და წყნარი ოკეანის რეგიონში მსოფლიო სავაჭრო დაძაბულობის ფონზე ზრდა სტაბილურია

აზიის განვითარების ბანკი - აზიასა და წყნარი ოკეანის რეგიონში მსოფლიო სავაჭრო დაძაბულობის ფონზე ზრდა სტაბილურია
access_time2019-07-18 12:00:27
აზიასა და წყნარი ოკეანის რეგიონში მსოფლიო სავაჭრო დაძაბულობის ფონზე ზრდა სტაბილურია, - ნათქვამია აზიის განვითარების ბანკის (ADB) მიერ დღეს გამოქვეყნებულ ახალ ანგარიშში. ანგარიშის თანახმად, 2019 და 2020 წლებში განვითარებადი აზია შეინარჩუნებს მძლავრ, მაგრამ შენელებისკენ მიდრეკილ ზრდას, რადგან გლობალური სავაჭრო დაძაბულობის ფონზე ფიქსირდება ხელსაყრელი შიდა მოთხოვნა. რაც შეეხება ეკონომიკური ზრდის პროგნოზს, ADB 2019 წელს აზიის განვითარებადი ქვეყნებისათვის...

“HUB Georgia მიმართავს საქართველოს მთავრობას, არ წამოეგოს რუსეთის მხრიდან გადმოგდებულ ანკესს, რომელიც მიზნად ისახავს საქართველოს ეკონომიკურ ანექსიას“

“HUB Georgia  მიმართავს საქართველოს მთავრობას, არ წამოეგოს რუსეთის მხრიდან გადმოგდებულ ანკესს, რომელიც მიზნად ისახავს საქართველოს ეკონომიკურ ანექსიას“
access_time2019-07-18 10:00:00
 „კატეგორიულად მიუღებელია რუსეთის საგარეო საქმეთა მინისტრის,  სერგეი ლავროვის უტიფარი განცხადება, რომელიც ულტიმატუმის ენით ესაუბრება დამოუკიდებელი სახელმწიფოს.  ფრენების აღდგენის სანაცვლოდ, ის საქართველოს მთავრობისგან გაურკვეველ დათმობებზე წასვლას და კაპიტულანტური პოლიტიკის გატარებას ითხოვს. ეს, სხვა არაფერია, თუ არა საქართველოსა და მთლიანად რეგიონზე, რუსეთის პოლიტიკური გავლენების საერთაშორისო საზოგადოებისთვის დემონსტრირება, — აცხადებს...

ათასობით მშენებლობა მიმდინარეობს და ყველა მათგანი ვერ იქნება შემოწმებული - შრომის ინსპექტირების დეპარტამენტის უფროსი 16 წლის მუშის გარდაცვალებაზე

 ათასობით მშენებლობა მიმდინარეობს და ყველა მათგანი ვერ იქნება შემოწმებული - შრომის ინსპექტირების დეპარტამენტის უფროსი 16 წლის მუშის გარდაცვალებაზე
access_time2019-07-17 20:30:58
16 ივლისს, თბილისში მშენებლობაზე  16 წლის გიორგი ბეშკენაძე გარდაიცვალა. ის თბილისში სამუშაოდ ლაგოდეხის მუნიციპალიტეტის სოფელ გვიმრიანიდან იყო ჩამოსული. მიმდინარე კვირს  კიდევ ერთი მუშა გარდაიცვალა, შემთხვევა თუშეთი-ომალოს გზაზე, ჰესის მშენებლობაზე მოხდა. მომხდარ ფაქტებზე, ისევე როგორც მანამდე სამუშაო პროცსის დროს გარდაცვლილ ათობით მუშის საქმეზე,  გამოძიება მიმდინარეობს, მაგრამ წინასწარი ინფორმაციით, ორივე შემთხვევაში ტრაგედიის მიზეზად შრომის უსაფრთხოების წესების...

აშშ-ს მთავრობა - Facebook-ის კრიპტოვალუტის წინააღმდეგ

აშშ-ს მთავრობა - Facebook-ის კრიპტოვალუტის წინააღმდეგ
access_time2019-07-17 19:30:46
აშშ-ს ხელისუფლების უკმაყოფილება Facebook-ის მიერ გამოშვებული კრიპტოვალუტის - ლიბრას - გამო,  ახალ დონეზე ავიდა- ამჯერად მის წინააღმდეგ აშშ-ს ფინანსთა მინისტრი სტივენ მნუჩინი გამოვიდა. მისი თქმით,...


მსგავსი სიახლეები

up