სახმელეთო საზღვრების გახსნა, ვაქცინაცია, კურორტების დარეკლამება — კერძო სექტორის რეკომენდაციები ტურიზმის სწრაფად აღსადგენად

სახმელეთო საზღვრების გახსნა, ვაქცინაცია, კურორტების დარეკლამება — კერძო სექტორის რეკომენდაციები ტურიზმის სწრაფად აღსადგენად

access_time2021-03-03 13:00:06

ტურიზმის სექტორში მომუშავე კომპანიებმა, მათ შორისაა სტუმროების ქსელი „ინნ ჯგუფი“, ტურ კომპანია კლარკ რობინსონი, სასტუმროების ფედერაცია, „კა მენეჯმენტ გრუპი“, ტურ. კომპანია „კამერტონ თრეველი“, ტურ. კომპანია „იბერია ტურს პლიუსი“ და რამდენიმე სხვა,  ტურიზმის დარგის სწრაფი აღდგენისთვის საჭირო რეკომენდაციები ჩამოაყალიბეს.

 


„მოგმართავთ ტურიზმის სფეროში მოღვაწე კერძო სექტორის რამდენიმე წარმომადგენელი, რომელიც პანდემიის პერიოდში აქტიურად იყო და არის ჩაბმული ტურიზმის სფეროს გადარჩენასთან დაკავშირებულ დისკუსიებში. გვინდა წარმოგიდგინოთ ჩვენს მიერ ჩამოყალიბებული რამდენიმე პუნქტიანი გეგმა, რომელიც ჩვენი აზრით დააჩქარებს ქვეყანაში ტურიზმის აღდგენის პროცეს და ხელს შეუწყობს ეკონომიკის სწრაფი ტემპით გაჯანსაღებას.

 


პირველ რიგში მიგვაჩნია, რომ ტურისტების ნაკადის გაზრდის მიზნით, აუცილებელია სახმელეთო საზღვრების გახსნა. საქართველოს ტურისტების უმრავლესობა სწორედ ამ გზით შემოდიოდა ქვეყანაში და შესაბამისად მთავარი გზის ჩაკეტვა პირდაპირ ურტყამს ტურიზმის სფეროს. რა თქმა უნდა, ეს უნდა მოხდეს ეტაპობრივად, ხოლო პირველი ეტაპისთვის შეგვიძლია სახმელეთო საზღვრები იგივე წესებითა და რეგულაციებით გავხსნათ რაც საჰაერო.




აგრეთვე, ყველასთვის ნათელია, რომ ვაქცინაციის დაწყების გარეშე ზედმეტია ეკონომიკის აღორძინებასა და ტურიზმის აღდგენაზე საუბარი. გვესმის, რომ სახელმწიფოს მიერ შეკვეთილი ვაქცინების ჩამოტანა საკმაოდ რთული პროცესია, რის გამოც ეს საქმე დროშიც იწელება. ამიტომ ალტერნატიულ გზად შეგვიძლია, რომ შემოვიღოთ კომერციული ვაქცინა რომელსაც კერძო კომპანიები ჩამოიტანენ. ამისთვის კი საჭიროა სახელმწიფოს მიერ გაცემული ნებართვა.  კომერციული ვაქცინა იქნება ნებაყოფლობითი და ფასიანი. მსურველები კი თავისი ხარჯით გაიკეთებენ მას. ეს სახელმწიფოს შეუმცირებდა ხარჯს და ამავე დროს დააჩქარებდა ვაქცინაციის პროცესს. მნიშვნელოვანია, რომ ეს იყოს ის ვაქცინა რომელსაც ოფიციალურად იკეთებენ სხვა სახელმწიფოებში. აღსანიშნავია, რომ ეს არ იქნება სახელმწიფო ვაქცინა და შესაბამისად პასუხისმგებლობაც თვითონ კომპანიასა და მოქალაქეზე იქნება დაკისრებული.

 


მესამე პუნქტი, რაზეც გვინდა გავამახვილოთ თქვენი ყურადღება არის საქართველოს ისეთი უნიკალური გამაჯანსაღებელი კურორტების დარეკლამება, როგორიცაა ბახმარო, ბაკურიანი, აბასთუმანი და სხვა, კოვიდ გადატანილების მოსაზიდად, როგორც ქვეყნის შიგნით ისე საზღვრებს გარეთ. ეს კურორტები ოდითგანვე პოპულალური იყო ფილტვების სამკურნალოდ, ხოლო მსოფლიოში არსებული მდგომარეობის გათვალისწინებით გვეძლევა შესაძლებლობა, რომ მათ დავუბრუნოთ ძველი სიდიადე. შეგვიძლია აგრეთვე მოვაწყოთ ეგრეთ წოდებული მწვანე ზონები სადაც კოვიდ გადატანილები (მათ ვისაც ექნებათ ანტისხეულები) შეძლებენ იმუნიტეტის გაძლიერებასა და ჯამრთელობის რეაბილიტაციას.

 

გთხოვთ გაითვალისწინოთ ეს რეკომენდაციები. ჩვენ, როგორც ყოველთვის, მზად ვართ ვითანამშრომლოთ საჯარო სექტორთან რომ ერთიანი ძალისხმევით შევძლოთ ტურიზმის დროული აღდგენა,“ - ნათქვამია განცხადებაში


თეგები:
ტურიზმი



LEFIGARO: გლობალურ პოლიტიკაში საზღვრების მნიშვნელობა ბრუნდება

LEFIGARO: გლობალურ პოლიტიკაში საზღვრების მნიშვნელობა ბრუნდება
access_time2021-04-10 20:00:49
ბოლო 5 წლის მანძილზე ქვეყნებს შორის საზღვრების გახსნილობამ 3 მძიმე დარტყმა მიიღო - ტერორიზმი, მიგრანტები და პანდემია.ამ სამმაგმა შოკმა ის მოიტანა, რომ განვითარებული ქვეყნების მრავალწლიანი მცდელობები საზღვრები ფაქტიურად წაეშალათ, აშკარად ჩავარდა - ფაქტი კი ისაა, რომ საზღვრები არსად არ გამქრალა, და მათ კონტროლი სჭირდებათ.ცივი ომის დასრულებიდან 30 წლის შემდეგ, ჩვენ მორიგი ციკლის დასასრულის მოწმეები ვართ -...

Daily Express: ევროკავშირში განხეთქილების 5 მთავარი ფაქტორი

Daily Express: ევროკავშირში განხეთქილების 5 მთავარი ფაქტორი
access_time2021-04-10 18:05:44
ევროკავშირის ლიდერთა სოლიდარობა და ერთიანობა პანდემიის მთელი პერიოდის მანძილზე დიდი გამოცდის წინაშე დგას, რაც ნათლად ადასტურებს, რამდენად სუსტი და არამყარია ეს გაერთიანება.თანაც კორონავირუსი ერთადერთი მიზეზი არაა, რომლის გამოც ევროკავშირის ერთიანობა კითხვის ქვეშ დგას. ევროპის ქვეყნების ლიდერები შესაძლოა ერთმანეთს შეეჯახონ რამდენიმე საკითხის გამო, რომელმაც მათ შორის უთანხმოება უკვე წარმოქმნა.საკვანძო პრობლემებია - კონსენსუსის არარსებობა...

4-11 მაისი საქართველოს მასშტაბით უქმე დღეებად ცხადდება

4-11 მაისი საქართველოს მასშტაბით უქმე დღეებად ცხადდება
access_time2021-04-09 20:11:02
უწყებათაშორისი საკოორდინაციო საბჭო დამსაქმებლებს თანამშრომელთა დისტანციურ სამუშაო რეჟიმში გადაყვანის რეკომენდაციით მიმართავს, 4-11 მაისი კი საქართველოს მასშტაბით უქმე დღეებად ცხადდება, - აღნიშნული გადაწყვეტილებები უწყებათაშორისი საკოორდინაციო საბჭოს სხდომაზე მიიღეს, რომელიც პრემიერ-მინისტრ ირაკლი ღარიბაშვილის ხელმძღვანელობით დღეს ვიდეოკონფერენციის ფორმატში გაიმართა. ინფორმაციას მთავრობის ადმინისტრაციის პრესსამსახური ავრცელებს. „საკოორდინაციო საბჭომ დღევანდელ სხდომაზე...

ჩინეთი საკუთარ ეკონომიკას თავად აზარალებს - Project-syndicate

ჩინეთი საკუთარ ეკონომიკას თავად აზარალებს - Project-syndicate
access_time2021-04-09 20:30:09
      2021 წლის მარტში ჩინეთის ხელმძღვანელობამ ქვეყნის განვითარების 14-წლიანი გეგმა ოფიციალურად დაამტკიცა, რომლის ძირითადი არსია შიდა მოხმარების სტიმულირება და ტექნოლოგიური დამოუკიდებლობის მიღწევა.თუმცა, ამ დოკუმენტზე ჯერ მელანი არ გამშრალა და პეკინი თავისივე სტრატეგიას თავად არღვევს იმით, რომ მნიშვნელოვან სავაჭრო პარტნიორებთან ურთიერთობებს იფუჭებს.კერძოდ, ჩინეთი რამდენიმე ბრიტანელი და კანადელი პოლიტიკოსის, ასევე...

აშშ-მ “ჩრდილოეთ ნაკადი-2“-ს წინააღმდეგ ახალი სანქციები დაამტკიცა

აშშ-მ “ჩრდილოეთ ნაკადი-2“-ს წინააღმდეგ ახალი სანქციები დაამტკიცა
access_time2021-04-09 19:00:28
აშშ-ს იუსტიციის სამინისტრომ როგორც მინიმუმ სანქციების 2 პაკეტი - „ჩრდილოეთ ნაკადი-2“-ს და მისი ოპერატორი-კომპანიის გენერალური დირექტორის მატიას ვარინგის წინააღმდეგ - დაამტკიცა - იტყობინება საიტი Politico.თუმცა, ეს შეზღუდვები ჯერ ძალაში არ შესულა და ამ დროისთვის თეთრი სახლი კონსულტაციებს აწარმოებს ახალი სპეცწარმომადგენლის დანიშვნის თაობაზე - სწორედ მას მოუწევს რუსული გაზსადენის წინაამღდეგ საერთაშორისო ძალისხმევის...


მსგავსი სიახლეები

up