ტურიზმის ეროვნული ადმინისტრაციის ორგანიზებით მაიკლ ბენგმა სფეროს წარმომადგენლებისთვის მასტერკლასი გამართა

ტურიზმის ეროვნული ადმინისტრაციის ორგანიზებით მაიკლ ბენგმა სფეროს წარმომადგენლებისთვის მასტერკლასი გამართა

access_time2022-11-24 10:00:53

ტურიზმის სფეროს წარმომადგენლებისთვის საერთაშორისო სპიკერმა მაიკლ ბენგმა მასტერკლასი „ოქროს სამეული სტუმარმასპინძლობისთვის“ გამართა. ღონისძიება ტურიზმის ეროვნული ადმინისტრაციის ორგანიზებით ჩატარდა.
ტრენინგის დაწყებამდე მონაწილეებს სიტყვით მიმართა ტურიზმის ეროვნული ადმინისტრაციის ხელმძღვანელის მოვალეობის შემსრულებელმა მედეა ჯანიაშვილმა.
„დღეს განსაკუთრებით მნიშვნელოვანია მსოფლიო ტურისტულ ბაზარს შევთავაზოთ მაღალი სტანდარტის ტურისტული პროდუქტი და მომსახურება, შესაბამისად მსგავსი ტიპის ტრენინგი ჩვენს სექტორს ეხმარება გაეცნოს საერთაშორისო, ევროპულ სტანდარტებს. ამ მიზნით ძალიან გამოგვადგება მაიკლ ბენგის გამოცდილება, რომელიც მრავალ წელს ითვლის. აღსანიშნავია, რომ კერძო სექტორის მზაობა ძალიან დიდია შეიტყოს სიახლეები ამ მიმართულებით, რაც ძალიან გვახარებს და იმედს გვაძლევს, რომ მსოფლიო სტანდარტების გამოყენებით უფრო მეტი ვიზიტორი მოვიზიდოთ“,-განაცხადა მედეა ჯანიაშვილმა.

მასტერკლასში ტურიზმის სფეროს 300 წარმომადგენელი მონაწილეობდა.
ღონისძიებას განთავსების ობიექტების, ტურისტული ასოციაციების, კვების ობიექტების, საქმიანი ტურიზმის კომპანიების წარმომადგენლები, ტურ-ოპერატორები და გიდები ესწრებოდნენ.
მაიკლ ბენგის მასტერკლასი გუნდურ მუშაობას, გაყიდვებსა და მომსახურებას მოიცავდა. ტრენინგის მიზანია ტურიზმის სფეროში სერვისისა და გაყიდვების გაუმჯობესება, მომსახურების სფეროში ადამიანური რესურსის შენარჩუნება და მართვა.

„საქართველოში პირველად რამდენიმე წლის წინ ვიყავი, პანდემიის დროს ონლაინ ტრენინგი გავმართეთ, თუ როგორ გადარჩენილიყო სექტორი კრიზისის დროს. ახლა ვხედავთ ინდუსტრიას დიდი ზრდა აქვს და უფრო მეტი შესაძლებლობებიც გაჩნდა. დღეს ტურისტულ სექტორში მნიშვნელოვანია იყო უფრო აქტიური, უფრო კრეატიული და კარგად იზრუნო კლიენტზე. განსაკუთრებით მნიშვნელოვანია თბილი დახვედრა, რომ საქართველოდან წასულმა ტურისტმა სხვას გაუზიაროს აქ მიღებული დადებითი შთაბეჭდილებები“,-ამბობს მაიკლ ბენგი.

ტრენინგის მნიშვნელობაზე საუბრობს კერძო სექტორის წარმომადგენელი.


„ ტურიზმის ეროვნული ადმინისტრაცია ყოველთვის ატარებს ჩვენთვის საინტერესო ტრენინგებს, რაც ყველაზე მეტად გვჭირდება. პანდემიის შემდეგ განსაკუთრებით მნიშვნელოვანია, რომ ჩვენს სფეროში უფრო მეტი სემინარი გაიმართოს, რომ უფრო მეტი ტურისტი მოვიზიდოთ, კარგი გუნდი ჩამოვაყალიბოთ და ჩვენი ქვეყანა უფრო ტურისტული გახდეს, ეს ხელს შეუწყობს ეკონომიკის გაძლიერებას“,-აცხადებს ქეთევან ძიძიგური „ვილა მოსავლის“ წარმომადგენელი.

მაიკლ ბენგმა ტურიზმის ეროვნული ადმინისტრაციის მოწვევით კერძო სექტორის წარმომადგენლებისთვის მასტერკლასი 2019 წელსაც გამართა.
მაიკლ ბენგს მრავალწლიანი გამოცდილება აქვს გაყიდვების, მოლაპარაკებების, მომსახურებისა და ინვესტიციების მოზიდვის სფეროში. ბენგი ცნობილია საავტორო პროგრამებით, რომელიც უკავშირდება აქტიურ გაყიდვებს დროის ეფექტურ მართვას და კლიენტთა მომსახურებას. მაიკლ ბენგს ჩატარებული აქვს ტრენინგები მსოფლიოს ერთ-ერთ ყველაზე უმსხვილეს კომპანიებში: Panasonic,Toyota,Volvo,Nestle,Unilever,Heineken.





მოგების გადასახადი ბანკებისთვის 15%-ის ნაცვლად 20% იქნება

მოგების გადასახადი ბანკებისთვის 15%-ის ნაცვლად 20% იქნება
access_time2022-12-05 14:12:49
ბანკები და საფინანსო სექტორი მოგების გადასახადების ე.წ ესტონურ მოდელზე აღარ გადადიან, მათთვის შევინარჩუნებთ მოგების გადასახადის არსებულ სისტემას და 15%-ის ნაცვლად 20%-ს გადაიხდიან- ამის შესახებ საქართველოს პრემიერ-მინისტრმა ირაკლი ღარიბაშვილმა მთავრობის სხდომაზე განაცხადა.      პრემიერ-მინისტრმა განმარტა, რომ ბანკების სუფთა მოგება წლის ბოლოსთვის 2 მილიარდი ლარი იქნება, რაც გაუმართლებელია.     ირაკლი ღარიბაშვილმა...

მთავრობამ კლიმატური და ბალნელოგიური კურორტების ნაწილის პროვატიზება გადაწყვიტა

მთავრობამ კლიმატური და ბალნელოგიური კურორტების ნაწილის პროვატიზება გადაწყვიტა
access_time2022-12-05 14:15:05
საქართველოს მთავრობამ კლიმატური და ბალნელოგიური კურორტების არსებული მდგომარეობა შეაფასა და ნაწილის პროვატიზება გადაწყვიტა. როგორც მთავრობის სხდომაზე ირაკლი ღარიბაშვილმა განაცხადა, მთავრობა აღნიშნული კურორტების მაქსიმალური პოტენციალის ათვისებას აპირებს, ღარიბაშვილის თქმით,  300-ზე მეტი კლიმატური და ბალნელოგიური კურორტიდან 100-ის მდგომარეობა შეფასდა და საბოლოო ჯამში ნაწილის გასხვისების გადაწყვეტილება იქნა მიღებული.

საერთაშორისო არბიტრაჟებში საქართველოს ჯამში 2.81 მლრდ აშშ დოლარს ედავებიან

საერთაშორისო არბიტრაჟებში საქართველოს ჯამში 2.81 მლრდ აშშ დოლარს ედავებიან
access_time2022-12-05 14:20:10
2022 წლის 23 სექტემბრის მდგომარეობით საერთაშორისო არბიტრაჟებში 7 მიმდინარე დავის ფარგლებში სადავო თანხის პოტენციური მაქსიმალური ოდენობა შეადგენს დაახლოებით 2.81 მლრდ აშშ დოლარს (7.87 მლრდ ლარს), რაც 2021 წლის მშპ-ს 13%-ს შეადგენს. ამის შესახებ ფინანსთა სამინისტროს მიერ გამოქვეყნებულ ანგარიშშია აღნიშნული. „საერთაშორისო არბიტრაჟებში დავების ფარგლებში, განსაკუთრებით იმ დავების, რომლებიც მასშტაბურია დავის თანხის თვალსაზრისით და უკავშირდებიან მსხვილ პროექტებს,...

როგორი იყო 2022 წელი საავტომობილო ბაზრისთვის - ავტოიმპორტიორები მომავალ წელს ფასების ზრდას ელიან

როგორი იყო  2022 წელი  საავტომობილო  ბაზრისთვის - ავტოიმპორტიორები მომავალ წელს ფასების ზრდას ელიან
access_time2022-12-05 15:10:11
„2022 წელს მეორეულ ავტომობილებზე ფასები 30-40% ით არის  გაზრდილი , რაც წლის ბოლომდე აღარ გაიზრდება, რადგან ავტომობილების ნაწილი კვლავ გზაშია“-  ამის  შესახებ  „კომერსანტის“ გადაცემაში „კომერსანტის დილა“ საქართველოს ავტო იმპორტიორთა ასოციაციის დამფუძნებელმა ალექსი ნონიაძემ ისაუბრა. მისი  თქმით, სავარაუდოდ  მომავალ წელს ფასების 10-15% იანი ზრდა  იქნება.  რაც შეეხება მოთხოვნას, ნონიაძე ამბობს, რომ როდესაც ავტომობილებზე  ფასები იზრდება, მოთხოვნა...

საქართველოს ბიზნეს ასოციაციის წევრი კომპანია „ტრანსპორტერი“ გახდა

საქართველოს ბიზნეს ასოციაციის წევრი კომპანია „ტრანსპორტერი“ გახდა
access_time2022-12-05 12:25:03
საქართველოს ბიზნეს ასოციაცია განაგრძობს აქტიურ ზრდას, ამჯერად ასოციაციას კომპანია „ტრანსპორტერი“ შემოუერთდა, რომელიც 2015 წელს დაფუძნდა და მას შემდეგ, რეკრეაციული ტექნიკის, მოტოტექნიკის, სამებაღეო-სატყეო და აგრო ტექნიკის მიმართულებით მსოფლიოს წამყვანი 100-მდე ბრენდის ექსკლუზიური დისტრიბუტორია ამიერკავკასიის რეგიონში. აღსანიშნავია, რომ ტექნიკასთან ერთად, ტრანსპორტერი ბრენდირებულ აქსესუარებსა და ტექნიკურ სერვისს სთავაზობს მომხმარებელს. ტრანსპორტერი ოფიციალურად...


მსგავსი სიახლეები

up