ტურიზმის ეროვნული ადმინისტრაცია წელს 1500 პირის გადამზადებას გეგმავს

ტურიზმის ეროვნული ადმინისტრაცია წელს 1500 პირის გადამზადებას გეგმავს

access_time2019-02-26 17:00:55

ტურიზმის ეროვნული ადმინისტრაცია 2019 წელს 1500 პირის გადამზადებას გეგმავს, რაშიც ჯამში 325 000 ლარი დაიხარჯება. ამის შესახებ ტურიზმის ეროვნული ადმინისტრაციის ხელმძღვანელმა მარიამ ქვრივიშვილმა “ინტერპრესნიუსთან” საუბარში განაცხადა.


მისი განმარტებით, სახელმწიფოს მიერ შეთავაზებული გადამზადების პროგრამა განთავსების ობიექტების თანამშრომლებს, კვების ობიექტების თანამშრომლებს, სამთო გამყოლებსა და გიდებს შეეხებათ, რომელთაც სურთ, რომ კვალიფიკაცია აიმაღლონ ან ტურიზმის სფეროში დასაქმდნენ.


გადამზადების პროგრამის განხორციელება მიმდინარე წლის მარტიდან დაიწყება. ამასთან, ტურიზმის ეროვნული ადმინისტრაცია, საგარეო საქმეთა სამინისტრო და განათლების სამინისტრო სპეციალურად გიდებისთვის ქმნიან კურსებს, რომლის ფარგლებშიც ისინი როგორც პოლიტიკური, ისე სხვა მიმართულებით ტურისტების მიერ ყველაზე ხშირად დასმული შეკითხვების შესახებ სახელმწიფოს ერთიან პოზიციას მოისმენენ და პროფესიული საქმიანობის განხორციელებაში გამოიყენებენ.



როგორც მარიამ ქვრივიშვილი განმარტავს, სტრატეგია არის ის, რომ ბევრ ადამიანს მივცეთ საშუალება, რომ ჩვენს სექტორში დასაქმდეს, ამასთანავე, დასაქმდეს ისე, რომ ჩვენ 2025 წლის ტურიზმის სტრატეგიის მიზნების მიღწევა შევძლოთ, ანუ გვქონდეს საერთაშორისო მომსახურების შესაბამისი მომსახურება.


„ეს არ არის მოკლევადიანი მიზანი. ჩვენ ვისაუბრეთ იმის შესახებ, რაც ტურიზმის ეროვნულ ადმინისტრაციას აქვს დასახული. ის ინვესტიციას დებს იმისთვის, რომ ჩვენი ქვეყნის მოქალაქეებს უფასოდ მიეცეთ საშუალება, გიდის პროფესიის მიმართულებით კვალიფიკაცია აიმაღლონ. ეს პროექტი იწყება ახლა და იქნება არამხოლოდ თბილისში, არამედ რეგიონებშიც და გადის მთელი საქართველოს მასშტაბით. ძალიან სასიხარულოა, რომ განათლების სამინისტრო ამ პროექტში უდიდესი მხარდამჭერი სტრუქტურაა. ამასთან, გიდების გადამზადება მოხდება კონკრეტული მიმართულებით და ძალიან სწორი და კარგი ინიციატივაა, რომელიც კერძო სექტორისგან მიიღო როგორც ტურიზმის ადმინისტრაციამ, ისე საგარეო საქმეთა სამინისტრომ. ჩვენთან ძალიან გამოცდილმა გიდებმა ხაზი გაუსვეს, რომ მათ სურვილი აქვთ, იცოდნენ, რა კითხვაზე როგორი პასუხი გასცენ. ეს შეეხება თუნდაც ოკუპირებულ ტერიტორიებს ან რაიმე სახის სხვა კითხვებს. ორივე სტრუქტურა შევთანხმდით იმაზე, რომ გიდებისთვის მსგავსი ტრენინგ-კურსი იქნება და მათთვის, ვინც ვერ შეძლებენ, რომ ამ კურსებს ვერ დაესწრონ, გავაკეთებთ ხშირად დასმული კითხვების ჩამონათვალს და იქნება უკვე განსაზღვრული პასუხები, რასაც გავასაჯაროებთ”,- განაცხადა მარიამ ქვრივიშვილმა.


IPN.GE 






საზმაუს შენობას აუქციონზე მესამედ 23 მლნ ლარის ფასდაკლებით გაიტანენ

საზმაუს შენობას აუქციონზე მესამედ 23 მლნ ლარის ფასდაკლებით გაიტანენ
access_time2020-08-03 15:15:25
საქართველოს საზოგადოებრივი მაუწყებლის ძველი შენობის გასაყიდად გამოცხადებული ელექტრონული აუქციონი კვლავ ვერ შედგა. ის 16 ივლისს დაიწყო და 31 ივლისს უშედეგოდ დასრულდა. ქონების საწყისი ფასი 110 343 600 ლარი იყო. შენობის გასაყიდად ახალი აუქციონი დღეს, 3 აგვისტოს გამოცხადდა. მაუწყებლის ფინანსების და ადმინისტრაციის ბლოკის დირექტორმა ნოდარ ჭიჭინაძემ აღნიშნა, რომ ქონების ფასი 10%-ით შეამცირეს ისევე, როგორც ეს პირველი აუქციონის დასრულების შემდეგ...

„ჩიკორი“ ხეხილის ბაღების გაშენებას გეგმავს

„ჩიკორი“ ხეხილის ბაღების გაშენებას გეგმავს
access_time2020-08-03 16:30:23
კომპანია „ქარელის ხილი“, რომელიც ბაზარზე „ჩიკორის“ ბრენდით არის წარმოდგენილი, სამომავლოდ საკუთარი ბაღების გაშენებას გეგმავს, - განუცხადა „ბიზნესპარტნიორს“ კომპანიის დირექტორმა ანანო ბეჟანიშვილმა. მისი ინფორმაციით, ამ დროისთვის კომპანია ხილს ადგილობრივი ფერმერებისგან იბარებს, პროდუქციის 10% კი საკუთარი ბაღებიდან მიღებული მოსავალია. „ჩვენს საკუთრებაში არსებული ბაღებიდან მაქსიმალურ მოსავალს ვერ ვიღებთ, რადგან ხეხილი ჯერ პატარაა. რამდენიმე წელიწადში მათი მსხმოიარობა...

რე|ბანკი 1 წლის აღსანიშნავად განვადებაზე უპრეცედენტო აქციას აანონსებს

რე|ბანკი 1 წლის აღსანიშნავად განვადებაზე უპრეცედენტო აქციას აანონსებს
access_time2020-08-03 10:15:13
რე|ბანკი აგვისტოში 1 წლის ხდება. ბანკმა გასულ წელს მომხმარებლებს სრულიად ინოვაციური საბანკო პროდუქტი შესთავაზა – ტოპ|ქარდი, განვადების შოპინგ ბარათი. ეს რეალურად ეფექტური 0%-იანი განვადების ბარათია, თუკი მყიდველი რე|ბანკის პარტნიორების დაწესებულ ვადებს დაიცავს. ტოპ|ქარდის განვადებით სარგებლობა მხოლოდ რე|ბანკის პარტნიორ ობიექტებში არ არის შესაძლებელი. მომხმარებელს ასევე შეუძლია, 45 დღემდე უპროცენტო გადავადებით, ეფექტური 0%-დან, ივაჭროს ყველგან, მათ შორის, ადგილობრივ და...

საქართველოში უმუშევრობის დონე კორონავირუსის პანდემიის გამო 12%-ით გაიზარდა

საქართველოში უმუშევრობის დონე კორონავირუსის პანდემიის გამო 12%-ით გაიზარდა
access_time2020-08-03 17:40:10
თვითდასაქმებულებზე კომპენსაციის სახით ჯამურად 48 048 300 ლარი, ხოლო დასაქმებულებზე 68 771 800 ლარია გაცემული. ციფრებით ადასტურებს, რომ პანდემიამ, უმუშევრობის დონე 12%-ით გაზარდა. სპეციალისტები ,,რეზონანსთან“ აღნიშნავენ, რომ ეს არ არის სრული სურათი და რეალურად უფრო მძიმე ვითარებაა ქვეყანაში. დასაქმების ხელშეწყობის სახელმწიფო სააგენტოს ინფორმაციით, 31 ივლისის მდგომარეობით, ჯანდაცვის სამინისტროს სარეგისტრაციო პორტალის მეშვეობით სულ დარეგისტრირდა კომპენსაციის მიმღები...

Lufthansa-მ საქართველოს მიმართულებით რეგულარული ფრენები განაახლა

Lufthansa-მ საქართველოს მიმართულებით რეგულარული ფრენები განაახლა
access_time2020-08-03 13:15:58
3 აგვისტოს, გერმანულმა ავიაკომპანია Lufthansa-მ საქართველოს მიმართულებით რეგულარული ფრენები განაახლა. ამის შესახებ ინფორმაციას, თბილისისა და ბათუმის აეროპორტების მართველი კომპანია TAV Georgia ავრცელებს. მიუნხენიდან თბილისში 188 მგზავრი ჩამოფრინდა, ხოლო თბილისიდან მიუნხენის მიმართულებით 156 მგზავრი გაფრინდა.  აღსანიშნავია, რომ...


მსგავსი სიახლეები

up