ტურინში გამართულ შეხვედრაზე ევროსაბჭოს ქვეყნების საგარეო საქმეთა მინისტრებმა მოუწოდეს რუსეთს, გაიყვანოს ჯარები უკრაინიდან

ტურინში გამართულ შეხვედრაზე ევროსაბჭოს ქვეყნების საგარეო საქმეთა მინისტრებმა მოუწოდეს რუსეთს, გაიყვანოს ჯარები უკრაინიდან

access_time2022-05-20 23:30:00

ევროპის საბჭოს წევრი ქვეყნების საგარეო საქმეთა მინისტრებმა ტურინში გამართულ შეხვედრაზე კიდევ ერთხელ დაადასტურეს მხარდაჭერა უკრაინის მიმართ, ასევე მოუწოდეს რუსეთს, დაუყოვნებლივ შეწყვიტოს აგრესია და გაიყვანოს თავისი ჯარები.


„მინისტრებმა კიდევ ერთხელ დაგმეს რუსეთის მიერ ადამიანის უფლებათა და საერთაშორისო სამართლის ყველა დარღვევა, მათ შორის თავდასხმები მშვიდობიან მოსახლეობაზე და სამოქალაქო ინფრასტრუქტურაზე უკრაინაში, ისევე, როგორც კულტურულ და რელიგიურ მემკვიდრეობაზე და მოუწოდეს რუსეთს, დაუყოვნებლივ შეწყვიტოს აგრესია, გაიყვანოს საოკუპაციო ჯარები უკრაინის ტერიტორიიდან და გაათავისუფლოს ყველა გატაცებული მშვიდობიანი მოქალაქე, მათ შორის რუსეთის ფედერაციის ტერიტორიაზე იძულებით გადაყვანილი“, – ნათქვამია განცხადებაში.


მინისტრთა კომიტეტმა კიდევ ერთხელ დაადასტურა სრული მხარდაჭერა და სოლიდარობა უკრაინის მიმართ და ურყევი ერთგულება უკრაინის დამოუკიდებლობის, სუვერენიტეტისა და ტერიტორიული მთლიანობისადმი მის საერთაშორისოდ აღიარებულ საზღვრებში. განცხადების მიხედვით, მინისტრთა კომიტეტი განახორციელებს ევროსაბჭოს ხელთ არსებული შესაძლებლობების მობილიზებას, რათა უზრუნველყოს რუსეთის ფედერაციის სრული პასუხისმგებლობა ადამიანის უფლებების დარღვევისთვის.



გარდა ამისა, შეხვედრის მონაწილეებმა აღნიშნეს ევროპის საბჭოს პრიორიტეტების გადახედვის აუცილებლობა ახალი რეალობის გათვალისწინებით და ორგანიზაციის ღირებულებების გაძლიერება მთელ ევროპაში, განსაკუთრებით სამოქალაქო საზოგადოებასთან თანამშრომლობით, მათ შორის რუსეთსა და ბელარუსში.


„მინისტრთა კომიტეტმა დღევანდელ სხდომაზე სამი რეკომენდაცია მიიღო: ქალი ემიგრანტების, ლტოლვილებისა და თავშესაფრის მაძიებელთა უფლებების დაცვის შესახებ; სიძულვილის ენის გამოყენების წინააღმდეგ ბრძოლის შესახებ; გლობალური გამოწვევების გადაჭრის კუთხით კულტურის, კულტურული მემკვიდრეობისა და ლანდშაფტის როლის შესახებ“, – ნათქვამია განცხადებაში.


1tv.ge


თეგები:
უკრაინა



„მომავალ შაბათს რომ საპარლამენტო არჩევნები ტარდებოდეს – ოცნება 19%, ენმ 14%, გახარია 3%“ – IRI

„მომავალ შაბათს რომ საპარლამენტო არჩევნები ტარდებოდეს – ოცნება 19%, ენმ 14%, გახარია 3%“ – IRI
access_time2023-04-25 14:00:33
საერთაშორისო რესპუბლიკური ინსტიტუტი (IRI) საზოგადოების აზრის კვლევას აქვეყნებს. კითხვაზე, ვის მისცემდნენ ხმას, საპარლამენტო არჩევნები მომავალ შაბათს რომ ტარდებოდეს, 19% ქართულ ოცნებას ასახელებს, 14% ერთიან ნაციონალურ მოძრაობას.  მოქალაქეებს დაუსვეს კითხვა - საპარლამენტო არჩევნები რომ მომავალ შაბათს ტარდებოდეს, რომელ პარტიას მისცემდით ხმას? (თუ მისცემდით) / თქვენ მიერ არჩეული პარტია რომ ბიულეტენზე არ ყოფილიყო, სანაცვლოდ ვის მისცემდით ხმას? (თუ...

IRI-ის კვლევის მიხედვით, გამოკითხულთა 91%-ს ყველაზე მეტად პატრიარქი, 52%-ს კახა კალაძე, ხოლო 48%-ის სალომე ზურაბიშვილი მოსწონს

IRI-ის კვლევის მიხედვით, გამოკითხულთა 91%-ს ყველაზე მეტად პატრიარქი, 52%-ს კახა კალაძე, ხოლო 48%-ის სალომე ზურაბიშვილი მოსწონს
access_time2023-04-25 13:30:40
„საერთაშორისო რესპუბლიკური ინსტიტუტის (IRI)“ ახალი კვლევის თანახმად, გამოკითხულთა 91%-ს ყველაზე მეტად საქართველოს პატრიარქი ილია მეორე მოსწონს.   ამავე კვლევის თანახმად, რეიტინგში მეორე ადგილს თბილისის მერი კახა კალაძე იკავებს, რომელიც გამოკითხულთა 52%-ს მოსწონს, 48%-ით მესამე ადგილზეა საქართველოს პრეზიდენტი, სალომე ზურაბიშვილი, რომელსაც მოსდევს პრემიერ-მინისტრი ირაკლი ღარიბაშვილი 43%-ით.   ცნობისთვის, IRI-ის კვლევა 2023 წლის 4-23 მარტის პერიოდში...

უკრაინამ სუდანიდან 138 ადამიანის ევაკუაცია წარმატებით განახორციელა, მათ შორის არიან საქართველოს მოქალაქეებიც

უკრაინამ სუდანიდან 138 ადამიანის ევაკუაცია წარმატებით განახორციელა, მათ შორის არიან საქართველოს მოქალაქეებიც
access_time2023-04-25 12:50:16
უკრაინამ წარმატებით ჩაატარა სამაშველო ოპერაცია სუდანის ტერიტორიიდან მოქალაქეების ევაკუაციის მიზნით. სულ გამოიყვანეს 138 ადამიანი, მათ შორის უცხოელები. ამის შესახებ უკრაინული მედია თავდაცვის სამინისტროს მთავარი სადაზვერვო სამმართველოს პრესსამსახურზე დაყრდნობით იუწყება. აღნიშნულია, რომ ოპერაცია უკრაინის პრეზიდენტის აპარატთან და საგარეო საქმეთა სამინისტროსთან კოორდინაციით დაზვერვის მთავარმა დირექტორატმა განახორციელა. „წარმატებული...

რომელ პარტიას არ მისცემდით ხმას: 39% „ნაციონალურ მოძრაობას“, 34 % კი „ქართულ ოცნებას“ ასახელებს“ - IRI

რომელ პარტიას არ მისცემდით ხმას: 39% „ნაციონალურ მოძრაობას“, 34 % კი „ქართულ ოცნებას“ ასახელებს“ - IRI
access_time2023-04-25 13:15:07
IRI-ს კვლევის მიხედვით, გამოკითხულთა 39 პროცენტი აცხადებს, რომ ნებისმიერ გარემოებაში ხმას არ მისცემდა „ერთიან ნაციონალურ მოძრაობას“.   კითხვაზე რომელ პარტიას არ მისცემდით ხმას, ნებისმიერ გარემოებაში, შედეგები შემდეგნაირად გადანაწილდა, „ერთიანი ნაციონალური მოძრაობა – 39%; „ქართული ოცნება“ – 34%; „კონსერვატიული მოძრაობა – ალტ-ინფო“ -16%; „გირჩი მეტი თავისუფლება – ზურაბ გირჩი ჯაფარიძე“ – 13%; „პატრიოტთა ალიანსი, დავით თარხან-მოურავი და ირმა ინაშვილი“ – 13%; „გირჩი“ -13%;...

მიხეილ ლომთაძის Kaspi.kz-მა აშშ-ში ფასიანი ქაღალდების განთავსებისთვის მზადება დაიწყო

მიხეილ ლომთაძის Kaspi.kz-მა აშშ-ში ფასიანი ქაღალდების განთავსებისთვის მზადება დაიწყო
access_time2023-04-25 12:30:09
მიხეილ ლომთაძის Kaspi.kz-მა შეერთებულ შტატებში შესვლისთვის მზადება დაიწყო. ამის შესახებ ნათქვამია კომპანიის 2023 წლის პირველი კვარტლის ანგარიშში, რომელიც გამოქვეყნდა ორშაბათს, 24 აპრილს. ანგარიშის მიხედვით, ყაზახური ფინტექი მომზადების „ადრეულ ეტაპზეა“, „რადგან ნებისმიერი ტრანზაქცია, რა თქმა უნდა, ბაზრის პირობებზეა დამოკიდებული. ჩვენ ვხედავთ ბევრ პოტენციურ სარგებელს აშშ-ს სიაში, მათ შორისაა გაფართოება, უფრო მრავალფეროვანი აქციონერთა ბაზა და გაზრდილი სავაჭრო ლიკვიდობა“, -...


მსგავსი სიახლეები

up