თუ ტრამპმა შეასრულა დაპირებები ინფსტრუქტურაში თანხების ხარჯვაზე ამერიკის სამშენებლო ინდუსტრია 30%–ით გაიზრდება

თუ ტრამპმა შეასრულა დაპირებები ინფსტრუქტურაში თანხების ხარჯვაზე ამერიკის სამშენებლო ინდუსტრია 30%–ით გაიზრდება

access_time2016-11-18 19:19:00

"მთელი წინასაარჩევნო კამპანიის მსვლელობაში, დონალდ ტრამპი ჰპირდებოდა ამერიკელებს რომ ქვეყნის ინფრასტრუქტურულ მშენებლობაზე იგი ორჯერ მეტს დახარჯავდა ვიდრე მისი დემოკრატი მეთოქე- ჰილარი ქლინტონი". ასე იწყება გაზეთ "ფაინენშალ თაიმსის" სტატია, რომლის ავტორი ემი უილიამსი სწერს:

 

 


"ეს იყო ერთადერთი წინასაარჩევნო დაპირება, რომელიც დონალდ ტრამპმა ახსენა არჩევნებში გამარჯვების შემდეგ თავის საჯარო გამოსვლაში. აი რა თქვა მან: "ჩვენ გავაუმჯობესებთ ჩვენი ქალაქების ცენტრალურ რაიონებს, აღვადგენთ ავტოტრასებს, ხიდებს, ტუნელებს, აეროპორტებს, სკოლებს, ჰოსპიტალებს. ჩვენ აღვადგენთ ჩვენს ინფრასტრუქტურას რომელიც ხარისხობრივად არავის ჩამოუვარდება. ამ მასიურ მშენებლობაში ჩვენ მილიონობით ჩვენს თანამოქალაქეს დავასაქმებთ" - დასძინა დონალდ ტრამპმა.

 

 


მისი არჩევა და გამარჯვების შემდეგ წარმოთქმული სიტყვა საკმაოდ დამაჯერებელი გამოდგა ბაზრებისთვის. კერძოდ, ეკონომიკის ფისკალური სტიმულირება, ანუ საბიუჯეტო ხარჯები უფრო ქმედითი ზომა იქნება, ვიდრე მხოლოდ ცენტრალური ბანკების მონეტარული პოლიტიკის იმედზე ყოფნა. ინფრასტრუქტურა, როგორც სახარჯო პროექტი, ეკონომიკისთვის რა თქმა უნდა, მართებული რამ არის. წლების განმავლობაში, შეერთებული შტატების ინფსტრუქტურა ინვესტიციების ნაკლებობას განიცდიდა.

 

 


უნდა ითქვას, რომ დონალდ ტრამპი არაა პირველი პოლიტიკოსი, რომელიც ინფრასტრუქტულ მშენებლობაზე ხარჯების გაწევას პირდება ამომრჩეველს. ანალოგიურ დაპირებებს იძლევიან პოლიტიკოსები დიდ ბრიტანეთშიც. ორივე ქვეყანაში მთავრობას დახმარება დასჭირდება კერძო სექტორიდან, რაც თავის მხრივ იძლევა კარგ პერსპექტივას ინვესტორებისთვის.

 

 


ინფრასტრუქტურა ფარავს ძირითად ფიზიკურსა და ორგანიზაციულ სტრუქტურებსა და ობიექტებს - შენობებს, გზებს, ელექტრო-მომარაგებას, ანუ იმას, რაც საზოგადოებას სჭირდება მოხმარებისა და ოპერირებისთვის. თუმცა, ინვესტორები, როგორც წესი, დამატებით მოთხოვნებს უყენებენ ინფრასტრუქტურას და ესაა პირველ რიგში, მომგებიანობა.

 


 

იმ ინვესტორებისთვის რომლებიც ამერიკის ეკონომიკურ ზრდას ელოდებიან, ჯერჯერობით ცნობილი არაა თუ რომელი კლასის აქტივებს მიანიჭებს პრიორიტეტს დონალდ ტრამპის ინფრასტრუქტურული მშენებლობის პროგრამა" - ნათქვამია გაზეთის სტატიაში.

 

 


"ამ ეტაპზე, ინვესტორებისთვის ძნელი წარმოსადგენია კონკრეტული ასპექტები ინფსტრუტურისა, რომელსაც მშენებლობა შეეხება. როგორც ცნობილია, იფრასტრუქტურა წარმოადგენს არალიკვიდური კლასის აქტივს, რომელიც გრძელვადიან ფლობას მოითხოვს დამფინანსებლისგან. ამგვარად, იგი შესაძლოა გამოსადეგი იყოს საპენსიო ფონდებისთვის, რომლებმაც გრძელვადიანი ვალდებულებები უნდა დაფარონ.

 

 


თუმცა, სკეპტიკოსები იმ აზრისანი არიან, რომ საპენსიო ფონდებისთვის ხშირად ხელსაყრელი არაა ისეთ ინფრასტრუქტურულ პროექტებში ინვესტირება, რომლებიც ჯერ არ არის აშენებული, რამეთუ სწორედ მშენებლობის პროცესში მოსალოდნელია გაუთვალისწინებელი პრობლემები, რომლებმაც შესაძლოა მეტად გააძვიროს პროექტი და ზარალი მოუტანოს ინვესტორებს. ისე, რომ საპენსიო ფონდებისთვის შეიძლება უკვე დასრულებული ინფრასტრუქტურული აქტივების შეძენა და შემდგომში გაყიდვა უფრო ხელსაყრელი გამოდგეს. როგორც ამბობენ, დღეს-დღეობით კაპიტალს უფრო მეორადი აქტივები იზიდავს.

 

 


არსებული აქტივებისთვის მძაფრი კონკურენციის ნათელი მაგალითია ლონდონ-სიტი აეროპორტი, რომლის ღირებულებამ ბოლო 20 წლის განმავლობაში იმატა &1.8 (ერთი მილიარდ რვაასი მილიონი) ფუნტით. 1995 წელს, ერთმა ირლანდიელმა ფინანსიტმა 22 მილიონი ფუნტი გაიღო აეროპორტისთვის. წელს, კანადურმა კონსორციუმმა ეს განახლებული ობიექტი 2 მილიარდ ფუნტად შეიძინა.

 

 


უნდა აღინიშნოს, რომ ენერგომომარაგების, ნედლეულის მოპოვებისა და სამშენებლო კომპანიები ასევე მოელიან ბიზნესის მნიშვნელოვან ზრდას ინფრასტრუქტურაზე გაწეული საბიუჯეტო ხარჯების გამო. ეს რა თქმა უნდა, ყურადღების მიღმა არ რჩება ინვესტორებისთვის, რომლებიც უკვე დღეს უმიზნებენ ხსენებულ ინდუსტრიებში მომუშავე კომპანიების აქციებს.

 

 


თუ დონალდ ტრამპმა შეასრულა თავისი წინასააჩევნო დაპირებები რომ იგი ჰილარი ქლინტონზე 2-ჯერ მეტს დახარჯავს ინფსტრუქტურულ მშენებლობაზე, მაშინ, როგორც ამას ინვესტორები ვარაუდობენ, ამერიკის სამშენებლო ინდუსტრია 30 პროცენტიან აღმავლობას განიცდის. თუმცა, იმის გამო რომ ინფსტრუქტურული მშენებლობა გრძელვადიან ინვესტიციას ითხოვს, მომგებიანობასაც რამდენიმე წელიწადი მოთმინებით ლოდინი დასჭირდება" - ნათქვამია გაზეთ "ფაინენშალ თაიმსის" სტატიაში.

 

 

 

საერთაშორისო მიმომხილველი გიორგი ჩხუბიანიშვილი

 



„USAID-ი საქართველოს ეხმარებოდა, რომ მცირე და საშუალო ჰიდროელექტროსადგურების ფუნქციონირება კომერციულად გამრთლებული გამხდარიყო“ - ნიკა ოყრეშიძე

„USAID-ი საქართველოს ეხმარებოდა, რომ მცირე და საშუალო ჰიდროელექტროსადგურების ფუნქციონირება კომერციულად გამრთლებული გამხდარიყო“ - ნიკა ოყრეშიძე
access_time2020-07-16 19:00:08
რადიო „კომერსანტის“ გადაცემაში „პროფესიონალები“ USAID-ის ეკონომიკის ოფისის ენერგეტიკის სექტორის მრჩეველმა ნიკა ოყრეშიძემ და სემეკის ელექტროენერგეტიკის დეპარტამენტის დირექტორის მოადგილემ ზვიად გაჩეჩილაძემ საქართველოში...

#ლიბერთიგულით პროგრამა პენსიონერებისთვის ზაფხულის დღეებში გრძელდება

#ლიბერთიგულით პროგრამა პენსიონერებისთვის ზაფხულის დღეებში გრძელდება
access_time2020-07-16 14:00:39
დღეიდან, მთელი ქვეყნის ტერიტორიაზე პენსიონერებისთვის ლიბერთი ბანკისა და კომპანია „აქვა გეო"-ს ერთობლივი საზაფხულო აქცია იწყება. ლიბერთი ბანკის სპეციალურად შერჩეულ 25, ყველაზე მეტად დატვირთულ ფილიალთან, ბანკის მომხმარებლებს სასმელი და გაზირებული მინერალური წყლებით გაუმასპინძლდებიან.   პანდემიის გამო, ჯანდაცვის რეკომენდაციების  გათვალისწინებით, ბანკის სერვისცენტრებში მხოლოდ განსაზღვრული ადამიანების თავშეყრაა დასაშვები. გარეთ კი ცხელა, და მომხმარებლებისთვის კომფორტის...

თუ კანონპროექტში ცვლილება არ შევა ჯანდაცვის სამინისტრო დაკარგავს თავის რეალური ფუნქციას და კლინიკების წინაღმდეგ სადამსჯელო რაზმად გადაიქცევა - კობერიძე გაბუნიას

თუ კანონპროექტში ცვლილება არ შევა ჯანდაცვის სამინისტრო დაკარგავს თავის რეალური ფუნქციას და კლინიკების  წინაღმდეგ სადამსჯელო რაზმად გადაიქცევა -  კობერიძე გაბუნიას
access_time2020-07-16 15:45:09
„თუ კანონპროექტში ცვლილება არ შევა, ჯანდაცვის სამინისტრო გაიზიარებს იმ ტენდენციას, რაც მარეგულირებლებს აქვს, რომ მაქსიმალურად გააკონტროლოს ბიზნესი“, - ამის შესახებ დამოუკიდებელმა დეპუტატმა ლევან კობერიძემ სესიის პლენარული სხდომაზე განაცხადა. მისი თქმით, მარეგულირებელს რეალურად ეძლევა  საშუალება, რომ თავისი შეხედულების მიხედვით, ცუდი განზრახვების პირობებში კლინიკის საქმიანობა შეაჩეროს. დამოუკიდებელი დეპუტატმა კითხვები ჯანდაცვის მინისტრის მოადგილეს, თამარ გაბუნიას...

იპოთეკაზე განაცხადების რაოდენობა 10-ჯერ გაზრდილია - საბანკო ასოციაციის პრეზიდენტი

იპოთეკაზე განაცხადების რაოდენობა 10-ჯერ გაზრდილია - საბანკო ასოციაციის პრეზიდენტი
access_time2020-07-16 18:00:33
„იპოთეკურ სესხებზე განაცხადების რაოდენობა მკვეთრად,დაახლოებით 10-ჯერ გაზრდილია,“ - ამის შესახებ „ბიზნესპარტნიორთან“ „საქართველოს საბანკო ასოციაციის“ პრეზიდენტი ალექსანდრე ძნელაძე საუბრობს.   მისი ინფორმაციით, წინასწარი შედეგების მიხედვით, ზრდაა როგორც სუბსიდირებულ სესხებზე, ისე იმ კრედიტებზე, რომლებიც სუბსიდირების პროგრამაში ვერ მოხვდებიან.შედარება ხდება პანდემიამდე პერიოდთან.   ძნელაძეს უჭირს იმაზე საუბარი ეს ეფექტი გრძელვადიანი იქნება თუ არა, თუმცა,...

კობა გვენეტაძე - „ფულადი გზავნილების 17.8%-იანი გაზრდა, ეკონომიკურ აქტივობას გამოაცოცხლებს“

კობა გვენეტაძე - „ფულადი გზავნილების 17.8%-იანი გაზრდა, ეკონომიკურ აქტივობას გამოაცოცხლებს“
access_time2020-07-16 14:00:33
„ივნისში ფულადი გზავნილები წინა წელთან შედარებით გაიზარდა. როგორც ამავე საკითხთან დაკავშირებულ წინა პოსტში აღვნიშნე, დადებითი ტენდენციები ამ მაჩვენებლის დინამიკაში მნიშვნელოვანი და კარგი ფაქტია, რადგან ეს იმას ნიშნავს, რომ მიმდინარე ანგარიშის დეფიციტი იმდენად გაუარესებული არ გვექნება, როგორც ეს პანდემიის დასაწყისში ჩანდა. ეს კი, თავის მხრივ, ეკონომიკური აქტივობის გამოცოცხლებასა და პანდემიის დასაწყისში მოსალოდნელთან შედარებით უფრო მყარ ლარსაც ნიშნავს“, — ამის...


მსგავსი სიახლეები

up