„თუ სანქციები გატარდება, ეს საქართველის იმიჯზე გავლენას მოახდენს, მაგრამ ეკონომიკას არ დაარტყამს“

„თუ სანქციები გატარდება, ეს საქართველის იმიჯზე გავლენას მოახდენს, მაგრამ ეკონომიკას არ დაარტყამს“

access_time2020-02-14 19:00:05

საქართველოსთვის სანქციების დაწესებას კიდევ ერთი ამერიკელი კონგრესმენი, შეუერთდა. რესპუბლიკური პარტიის წევრი, ჩარლზ ფლეიშმანი უკვე მეხუთე ამერიკელი კანონმდებელია, რომელმაც კონგრესმენ მარკვეინ მალინის ინიციატივას მხარი დაუჭირა.

 

მალინმა საქართველოს სამართლიანი ბიზნესპრაქტიკის სანქციების აქტი 2019 წელს შეიმუშავა, თუმცა, მისმა თანაპარტიელმა კონგრესმენებმა აქტის მხარდაჭერა ერთი წლის თავზე დაიწყეს. რესპუბლიკელი კონგრესმენი ქვეყნის დემოკრატიული ღირებულებებისგან გადახვევისა და ეკონომიკური მდგომარეობის გაუარესების გამო თავის შეშფოთებას გამოხატავს. ბიზნესის შევიწროების ერთ-ერთ მაგალითად მას ნავთობისა და გაზის კომპანია Frontera Resources მოჰყავს, რომელთაც საქართველო საერთაშორისო არბიტრაჟში დაობს.


„კომერსანტი“ დაინტერსდა სანქციების შესაძლო დაწესება რა გავლენას მოახდენს ქვეყნის ეკონომიკურ სიტუაციაზე? 

 

პოლიტოლოგი გია ხუხაშვილი ამბობს, რომ უკვე გადალახულია ის ზღვარი, როდესაც ცალკეული წერილები უნდა განიხილონ. მისი თქმით, პრობლემა სისტემურია და დასავლეთში ჩამოყალიბდა გარკვეული აზრი თუ რა ტიპის მმართველობის სისტემაა საქართველოში და რამდენად შეუსაბამოა ის დასავლეთის სტანდარტებთან. პოლიტოლოგი აცხადებს, რომ ხელისუფლებას არჩევნებამდე კიდევ აქვს დრო დამოკიდებულება დააკორექტიროს.

 


„მნიშვნელოვანია, როგორი იქნება სანქციების ანატომია. როდესაც სანქცია უწესდება ქვეყანას, როგორც წესი  ეს კონკრეტული პირების ან ორგანიზაციების მიმართაა გამოყენებული. ამის უამრავი მაგალითი არსებობს, რუსეთის მიმართ გატარებული სანქციები შეეხება კონკრეტული ფიზიკურ ან იურიდულ პირებს. ჩვენ თუ გავითვალისწინებთ იმას, რომ საქართველოს მოდელი ძალიან ჰგავს მოლდოვისადმი დამოკიდებულებას. ვგულისხმობ, პლახატნიკის პრეცენტდენტს, უნდა ვივარაუდოთ, რომ სამიზნე შეიძლება ბიძინა ივანიშვილი აღმოჩნდეს. სანქციები საბოლოო ჯამში სახელმწიფოს აზიანებს, რადგან ეს მეტყველებს ეკონომიკურ ურთიერთობებზე, მაღალ საინვესტიციო რისკებზე, რაშიც ბუნებრივია კარგი არაფერია“, - განაცხადა გია ხუხაშვილმა.

 

ეკონომისტი ზვიად ხორგუაშვილი აცხადებს, რომ თუ სანქციები გატარდება, ეს საქართველის იმიჯზე გავლენას მოახდენს, მაგრამ ეკონომიკას არ დაარტყამს. მისვე თქმით, სანქციებზე საუბარი ჯერჯერობით ადრეა.

 

„არ მგონია სანქციებმა ეკონომიკაზე ცუდი ზეგავლენა მოახდინოს. სანქციებით დამუქრება პირიქით დადებით ეფექტს მოიტანს, ან მთავრობა გადადგამს ღირსეულ ნაბიჯებს რაც ეკონომიკას წაადგება ან დაეხმარება ოპოზიციას მთავრობის გასტუმრებაში რაც ასევე ეკონომიკას წაადგება იქედან გამომდინარე, რომ მთავრობის ეკონომიკური პოლიტიკა პირდაპირ დამღუპველია ქვეყნისთვის. ვთვლი, რომ სანქციების საშიშროება არ არსებობს. საკითხი, რომ დღის წესრიგში დადგეს კიდევ უფრო მეტი საშინელებები უნდა გააკეთონ, მაგრამ სანქციის დაწესებას მომწიფება სჭირდება. სანქციებს წინ ბევრი გაფრთხილება უძღვის, მათ შორის კონკრეტული პერსონების მიმართაც. ამ ეტაპზე არ მგონია ივანიშვილის აქტივებს საფრთხე დაემუქროს, ამაზე საუბარი შესაძლებელია უფრო ელჩთან, დახურულ კარს მიღმა და არ მგონია საჯარო განცხადება მოჰყვეს“, - განაცხადა ზვიად ხორგუაშვილმა.

 

ეკონომიკის ექსპერტი აცხადებს, რომ საქართველოს მთავრობა უკვე გადალახა ყველა წითელი ხაზი საერთაშორისო ბიზნესთან მიმართებაში. მისი თქმით ეს ხაზი გადალახა როდესაც ანაკლიის პორტის პროექტი აიღო და მოკლა.

 

„როდესაც საქმე ეხება კონგრესმენების განცხადებას საქართველოში „ქართული ოცნების“ წარმომადგენლები ისე აყალიბებენ მესიჯბოქს, რომ გეგონება 10 ლარს თუ გადაუხდი ყველაფერს იტყვიან, ეს ესე არ არის. ლობისტური საქმიანობა არ ნიშნავს, რომ შეუკვეთო სიმღერა და იმღერონ. ეს ადამიანები როდესაც განცხადებას აკეთებენ თავიანთ იმიჯზე ზრუნავენ, თავიანთი ამომრჩევლებიდან გამომდინარე საუბრობენ და ბრალდებები საერთაშორისო კომპანიის მიმართ არასწორია. რაც უფრო მივუახლოვდებით საარჩევნო თარიღს ,კიდევ უფრო მეტი კონგრესმენი ალაპარაკდება“, - განაცხადა ზვიად ხორგუაშვილმა.

 


ბაჩო ადამია 




„დამოუკიდებელი საქართველოს ისტორიაში სტრატეგიული პარტნიორისგან პირველი სანქცია მივიღეთ“ - ბათუ ქუთელია

„დამოუკიდებელი საქართველოს ისტორიაში სტრატეგიული პარტნიორისგან პირველი სანქცია მივიღეთ“ - ბათუ ქუთელია
access_time2020-07-07 16:00:47
„ღიად და პირდაპირ,  „ქართული ოცნების“ მთავრობამ მიიღო პირველი სანქცია, რომელიც თავისი მასშტაბით არ არის დიდი, მაგრამ მნიშვნელობით არის კატასტროფული, — ასე აფასებს საერთაშორისო ურთიერთობების ექსპერტი ბათუ ქუთელია აშშ-ს კონგრესის კანონპროექტს საქართველოსთვის განკუთვნილი დახმარების 15 პროცენტის გაყინვის შესახებ.  ცოტა ხნის წინ ცნობილი გახდა, რომ აშშ-ის წარმომადგენელთა პალატამ ასიგნებების კომიტეტის მიერ წარდგენილი კანონპროექტი გამოაქვეყნა,...

მსოფლიო ბანკის მიერ დაფინანსებული პროექტი გორის მუნიციპალიტეტში 4 წლის განმავლობაში ვერ დასრულდა

მსოფლიო ბანკის მიერ დაფინანსებული პროექტი გორის მუნიციპალიტეტში 4 წლის განმავლობაში ვერ დასრულდა
access_time2020-07-06 16:00:47
მსოფლიო ბანკის მიერ მხარდაჭერილი პროექტის დასრულება ხიდისთავი-ატენი-ბოშურის 10 კმ-იან მონაკვეთზე ისევ გადაიდო. ამჯერად მისი განმახორციელებელი უწყება ვარაუდობს, რომ პროექტი, რომელიც ტენდერში გამარჯვებულმა უცხოურმა კომპანიამ 2016 წელს დაიწყო შემოდგომამდე დასრულდება. ხელშეკრულებით გათვალისწინებული პირობების დარღვევისთვის კი სამუშაოების განმახორციელებელ კომპანიას ჯარიმა დაეკისრა. ეს გადაწყვეტილება დამკვეთმა უწყებამ 2019 წლის 31 ოქტომბრის შემდეგ...

ტურისტების გარეშე Hilton-ის გახსნას აზრი არ აქვს - ლაშა პაპაშვილი

ტურისტების გარეშე Hilton-ის გახსნას აზრი არ აქვს - ლაშა პაპაშვილი
access_time2020-07-07 13:30:27
თბილისში Hilton-ის ბრენდის პირველი სასტუმროს გახსნა კიდევ ერთხელ გადაიდო. პროექტი ბიზნესმენ ლაშა პაპაშვილის კომპანია „რედიქსს“ ეკუთვნის. ამის შესახებ ბიზნესმენმა „კომერსანტს“ თავად განუცხადა. მისი განმატებით, თბილისში, ჭავჭავაძის გამზირზე Hilton-ის ბრენდის პირველი სასტუმროს გახსნამ ტურისტების არარსებობის გამო, კიდევ ერთხელ გადაიწია. „Hilton-ის გახსნა გადადებულია. ფანჯარაში ვიხედებით, როდესაც მსოფლიოში კარგი სიტუაცია იქნება ანუ როცა ტურისტები შემოსვლას დაიწყებენ,...

ამერიკამ საქართველოს ხელისუფლებას ყვითელი შუქი აუნთო - გია ხუხაშვილი

ამერიკამ საქართველოს ხელისუფლებას ყვითელი შუქი აუნთო - გია ხუხაშვილი
access_time2020-07-07 12:30:56
„ამერიკის შეერთებული შტატები საქართველოს სტიმულირების პოლიტიკიდან იძულების პოლიტიკაზე გადადის“, - ასე აფასებს პოლიტოლოგი გია ხუხაშვილი აშშ-ის კონგრესის წარმომადგენელთა პალატის საბიუჯეტო კომიტეტის მიერ დარეგისტრირებულ კანონპროექტს, რომელიც 2021 წელს საქართველოსთვის დახმარების სახით მისაღები თანხის 15 პროცენტის გაყინვას გულისხმობს. დოკუმენტის მიხედვით, შესაძლოა დაახლოებით 20 მლნ დოლარის გაცემა შეჩერდეს იქამდე, სანამ სახელმწიფო დეპარტამენტი არ დაადგენს, რომ საქართველოში...

ამერიკის კონგრესი ითხოვს საქართველოს შეუჩერდეს დახმარების 15%, სანამ არ შემცირდება კორუფცია და არ იქნება დაცული უცხოური ინვესტიციები

ამერიკის კონგრესი ითხოვს საქართველოს შეუჩერდეს დახმარების 15%, სანამ არ შემცირდება კორუფცია და არ იქნება დაცული უცხოური ინვესტიციები
access_time2020-07-07 11:35:54
აშშ-ის წარმომადგენელთა პალატამ ასიგნებების კომიტეტის მიერ წარდგენილი კანონპროექტი გამოაქვეყნა, რომელშიც 2021 ფისკალური წლისთვის სახელმწიფო დეპარტამენტის, საგარეო ოპერაციებისა და მასთან დაკავშირებული პროგრამების დაფინანსების პრიორიტეტებზეა საუბარი. დოკუმენტში აღნიშნულია, რომ საქართველო 2021 წელს დახმარების სახით არანაკლებ 132 025 000 აშშ დოლარს მიიღებს, თუმცა აღნიშნულია, რომ აღნიშნული დახმარების 15 პროცენტის საქართველოსთვის გადაცემა შესაძლოა, შეჩერდეს იქამდე, ვიდრე აშშ-ის...


მსგავსი სიახლეები

up