„თუ მივიღებთ ევროპული ხარისხის რეგულაციებს ქართული ბიუჯეტით, რა ეკონომიკაც გვაქვს იმასაც დავანგრევთ“

„თუ მივიღებთ ევროპული ხარისხის რეგულაციებს ქართული ბიუჯეტით, რა ეკონომიკაც გვაქვს იმასაც დავანგრევთ“

access_time2021-05-04 21:00:00

საქართველოს ბიზნესასოციაციის იურიდიული დირექტორი შრომის კანონმდებლობით განხორციელებულ ცვლილებებს აკრიტიკებს. ნიკა ნანუაშვილი ფიქრობს, რომ ვალდებულება, რომლის მიხედვით ეკონომიკური საქმიანობის ყველა სფეროს ობიექტზე შრომის უსაფრთხოების ინსპექტორი უნდა ჰყავდეს, ბიუროკრატიაა.


„ბიზნსპარტნიორთან“ ნანუაშვილი განმარტავს, რომ ასეთი სახის რეგულაციები ევროკავშირის ქვეყნებშიც არაა.


„როდესაც შრომის უსაფრთხოების კანონში ცვლილებები განიხილებოდა, საუბარი შეეხებოდა შემდეგ საკითხს; ისეთ სამუშაოებს, რაც არ იყო დაკავშირებული მომეტებულ საფრთხეებთან, მაგალითად, ოფისს, უნდა ჰყოლოდა თუ არა შრომის უსაფრთხოების სპეციალისტი. ერთ-ერთი ოპონენტისგან ასეთი კონტრარგუმენტი მოვისმინე: ჩვენთან, ოფისში, წიგნების თარო სახიფათოდ ჰკიდია, ის შეიძლება ჩამოვარდეს, დაეცეს ადამიანს, რომელიც მის ქვეშ ზის და დააზიანოსო. ეს აზროვნება არის უბედურება. ჩვენ ვხედავთ, რომ რაღაც არასწორად არის და ველოდებით, სანამ შეიქმნება შრომის ინსპექციის სამსახური, სანამ დაგვევალება, რომ შრომის უსაფრთხოების სპეციალისტი ავიყვანოთ, რომელიც გვეტყვის, რომ თარო არასწორად არის დაკიდებული, ან გვეტყვის იმას, რაც ისედაც ვიცით. ესაა პრობლემა და ამ პრობლემის გამო მზად ვართ, გადავიხადოთ ძალიან დიდი ფული. ფული სჭირდება შრომის უსაფრთხოების სპეციალისტის აყვანას, კანონის აღსრულებას, იმ აღმასრულებელ სტრუქტურას და ფული სჭირდება იმასაც, ვინც შემდეგ ეს აღმასრულებელი სტრუქტურა უნდა აკონტროლოს. ჩაკეტილია წრეა. ეს ფული კი უბრალოდ არ გვაქვს.


ევროკავშირის ერთ-ერთი ყველაზე განვითარებული ქვეყანაა გერმანია. ვერავინ იტყვის, რომ იქ შრომის უსაფრთხოების საკითხები ვინმეზე ნაკლებად ადარდებთ. გერმანელს რომ აუხსნა და უთხრა, რომ სჭირდება შრომის უსაფრთხოების სპეციალისტი ოფისში, პატარა საყვავილე მაღაზიაში, პატარა აფთიაქში, პატარა მარკეტში, ან ისეთ ობიექტში, რომლის საქმიანობაც არანაირ მეტ საფრთხესთან არაა დაკავშირებული, ვიდრე თითოეული ჩვენგანის სამზარეულოში საქმიანობაა, ის ამას ვერ გაიგებს. იქ ამ ტიპის ობიექტებში დამსაქმებლები არ არიან ვალდებულები, რომ ჰყავდეთ შრომის უსაფრთხოების სპეციალისტი. კი, სახანძრო უსაფრთხოების წესები, შენობის ტექნიკური უსაფრთხოება უნდა იყოს დაცული. ამას ჩვენც ვაკონტროლებთ. თუ რაღაც არ მუშაობს, მოდი, ჯერ ის მოვიძიოთ, რატომ არ მუშაობს. გავარკვიოთ და მერე მივიღოთ გადაწყვეტილებები. ჩვენ ველოდებით, რომ კანონს მივიღებთ, მაკონტროლებელი შეიქმნება და ყველაფერი კარგად იქნება. არა, არ იქნება ყველაფერი კარგად“,- ამბობს იურისტი.



საქართველოს ბიზნესასოციაციის იურიდიული დირექტორი აქვე სამუშაო საათების აღრიცხვის, ე.წ ტაბელის სისტემასაც აკრიტიკებს.


„ევროდირექტივა ასე პირდაპირ არ გვავალდებულებს, რომ ნებისმიერმა დამსაქმებელმა უნდა აღრიცხოს ნებისმიერი დასაქმებულის ნამუშევარი დრო ამხელა ვეფხისტყაოსნის ზომის ფორმაში. დირექტივაში წერია ძალიან მარტივი რაღაც: აღრიცხეთ იმ დასაქმებულების ნამუშევარი დრო, ვინც მუშაობს ზეგანაკვეთურად. რა თქმა უნდა, ეს იმასაც გულისხმობს, რომ ყველა დასაქმებულმა უნდა იცოდეს თავისი სამუშაო გრაფიკი. ამ დროის ზევით თუ მუშაობს ადამიანი, კი, ის უნდა აღვრიცხოთ. მაგრამ ადამიანი რამდენს მუშაობს მან ხომ კარგად იცის, მეც კარგად ვიცი, როგორც დამსაქმებელმა. ჩვენ თუ ამაზე შევთანხმდით, ეს შეთანხმება უნდა დავიცვათ და ეს შეთანხმება თუ დაირღვევა, შრომის ინსპექცია აგერ არის, მივა დასაქმებული და ეტყვის, რომ ზედმეტს მამუშავებენ და მეუბნებიან, რომ თუ ზედმეტს არ იმუშავებ, სამსახურიდან გაგიშვებო. ამის შემდეგ შრომის ინსპექცია მოვა და მაჯარიმებს. ეს დარღვევაა და ამ დარღვევის პრევენციისთვის არ არის საჭირო ამხელა ბიუროკრატიის შემოღება“,- განაცხადა ნანუაშვილმა.


მისივე თქმით, პასუხისმგებელმა უწყებებმა უნდა იზრუნონ იმაზე, რომ რეგულაციები მორგებული იყოს საქართველოს ბიუჯეტზე და არა ევროკავშირის ქვეყნების ეკონომიკაზე.


„როდესაც ვუყურებთ, რომ ევროკავშირის რაღაც რეგულაცია არის კონკრეტული ფრომით ჩამოყალიბებული, ის რეგულაცია მიესადაგება ევროკავშირის ეკონომიკას. ჩვენ შეიძლება ყველა ვთანხმდებით, რომ ახალთახალი „მერსედესი“ არის საუკეთესო და ყველას მოგვწონს, მაგრამ ახალთახალ „მერსედესს“ სჭირდება შესაბამისი ბიუჯეტი. მე არ მაქვს იმის თანხა, რომ წავიდე და ვიყიდო ახალთახალი „მერსედესი“. იმის მიუხედავად, რომ ძალიან კარგად ვიცი მისი ფასი, სიკეთე და სიკარგე. მეტ რეგულაციას, მეტ ხარისხს სჭირდება მეტი ბიუჯეტი. ჩვენ დღეს ეს ბიუჯეტი არ გვაქვს. თუ მივიღებთ ევროპული ხარისხის რეგულაციებს ქართული ბიუჯეტითა და ეკონომიკით, რაც გვაქვს იმ ეკონომიკასაც დავანგრევთ. ეს მარტივი ფორმულაა“,- აღნიშნა იურისტმა.


business-partner.ge



თეგები:
ეკონომიკა



კრისტალმა responsAbility Investments AG-ის მხარდაჭერით 5 მლნ აშშ დოლარის ფინანსური რესურსი მოიზიდა

კრისტალმა responsAbility Investments AG-ის მხარდაჭერით 5 მლნ აშშ დოლარის ფინანსური რესურსი მოიზიდა
access_time2021-05-13 11:55:32
შვეიცარულმა ფონდმა კრისტალს 5 მილიონი აშშ დოლარის მოცულობით ფინანსური რესურსი გამოუყო, რომელიც საქართველოს მასშტაბით მიკრო მეწარმეებისა და ფერმერებისთვის  ინოვაციური ფინანსური სერვისების შეთავაზებას მოხმარდება, რაც ხელს შეუწყობს კომპანიის მომხმარებლების მიერ პოსტპანდემიური გამოწვევების დაძლევას.   კრისტალსა და responsAbility Investments AG-შ შორის პარტნიორობას ჯერ კიდევ 2014 წელს ჩაეყარა საფუძველი.  მას შემდეგ კი არაერთი წარმატებული...

„თუ მოსახლეობას შემოსავალი არ ექნება გაძვირებული ბინები მალევე ფასის პირვანდელ ნიშნულს დაუბრუნდება“

„თუ მოსახლეობას შემოსავალი არ ექნება გაძვირებული ბინები მალევე ფასის პირვანდელ ნიშნულს დაუბრუნდება“
access_time2021-05-13 12:00:08
„ბინაზე ფასის ზრდა შეიძლება დაფიქსირდეს, მაგრამ თუ შემოსავალი არ იქნება და შემოსავლისუნარიანობა არ ამაღლდება მოსახლეობაში, ვინ იყიდის ამ გაძვირებულ ბინას?  ბევრი ვიცი, რომელსაც უნდა ბინის შეძენა, მაგრამ ფინანსრურად ვერ სწვდება. უნდა გაიზარდოს მოსახლეობის რაოდენობა ვინც შეძლებს ამ ბინების ყიდვას, წინააღმდეგ შემთხვევაში ჩამაოვა ისევ იმ ფასის ნიშნულზე, რაც აქამდე იყო,“ - "კომერსანტი"  უძრავი ქონების სააგენტოს kibe.ge- ს  დირექტორს ნელი გოგუაძეს უძრავი...

სილქფესტის აქციის ფარგლებში აბონენტები ინტერნეტ და სასაუბრო პაკეტებს შეუზღუდავად გაიაქტიურებენ!

სილქფესტის აქციის ფარგლებში  აბონენტები ინტერნეტ და სასაუბრო პაკეტებს  შეუზღუდავად გაიაქტიურებენ!
access_time2021-05-13 09:55:53
მხოლოდ 13 მაისს, სილქნეტი მობილური ქსელის მომხმარებლები ოთხ სააქციო პაკეტის გააქტიურებას შეძლებენ 30 დღით.   კომბინაციით *202# მომხმარებელი  ჩაირთავს:   2 GB უსწრაფეს ინტერნეტს  - 3 ლარად   300 ლოკალური წუთი - 5 ლარად   8 GB უსწრაფეს ინტერნეტს  - 8 ლარად   3 GB + 500 ლოკალური წუთი - 10 ლარად   პაკეტების გააქტიურება შესაძლებელია შეუზღუდავად - ერთად და...

ქვეყანას არ ესმის რას ნიშნავს საგამომცემლო ბიზნესი, დახმარება გვჭირდება - წიგნის სფერო მილიონიან ზარალზე საუბრობს

ქვეყანას არ ესმის რას ნიშნავს საგამომცემლო ბიზნესი, დახმარება გვჭირდება - წიგნის სფერო მილიონიან ზარალზე საუბრობს
access_time2021-05-13 11:00:51
„საფრანგეთმა ბიუჯეტიდან 3 მილიარდი ევრო გამოჰყო ავტორებისა და გამომცემლობების დასახმარებლად, ამ ქვეყანას ესმის რას ნიშნავს საგამომცემლო ბიზნესი. ჩვენ რაც გვაქვს, ისიც არ წაგვართვან,“ - გამომცემლობა „ინტელექტის“ დამფუძნებელი კახა კუდავა „კომერსანტთან“  საგამომცემლო ბიზნესის კრიზისულ პერიოდზე საუბრობს და აღნიშნავს, რომ ამჟამად ბიზნესის შემოსავალი პანდემიამდე არსებული პერიოდის მაქსიმუმ 5 პროცენტი შეიძლება იყოს. კახა კუდავას თქმით, წიგნის სფერო...

ისრაელის კრიზისის რეალური მიზეზები - მზერა საქართველოდან

ისრაელის კრიზისის რეალური მიზეზები - მზერა საქართველოდან
access_time2021-05-12 21:00:37
ახლო აღმოსავლეთში გამწვავებული ვითარების ანალიზისას ყველაზე მნიშვნელოვანია იმის გარკვევა, თუ რამ განაპირობა დაძაბულობა - ისრაელში არსებულმა პოლიტიკურმა კრიზისმა თუ საგარეო პოლიტიკურმა ფაქტორებმა და ახლო აღმოსავლეთის შეცვლილმა გეოპოლიტიკურმა ლანდშაფტმა.ისრაელში განვითარებული მოვლენები ორი კვირის წინ დაწყებული მასობრივი არეულობების - ღაზას სექტორიდან განხორციელებული სარაკეტო დამბობვების გაგრძელებაა. საბედნიეროდ, ორი კვირის წინ განხორციელებულ დაბომბვებს, რომლებიც ასევე,...


მსგავსი სიახლეები

up