თუ მართლა გაინტერსებთ, სინამდვილეში, სამართლებრივად რა მოხდა 20 ივნისის ღამეს, არსებობს ერთი ჯადოსნური წიგნი და იქ ყველაფერი წერია  - თინათინ ხიდაშელი

თუ მართლა გაინტერსებთ, სინამდვილეში, სამართლებრივად რა მოხდა 20 ივნისის ღამეს, არსებობს ერთი ჯადოსნური წიგნი და იქ ყველაფერი წერია - თინათინ ხიდაშელი

access_time2019-07-12 11:36:42

ძალიან გრძელი პოსტი გამოვა. მაგრამ თუ მართლა გაინტერსებთ სინამდვილეში სამართლებრივად რა მოხდა 20 ივნისის ღამეს, წაიკითხეთ.
არსებობს ერთი ჯადოსნური წიგნი და იქ ყველაფერი წერია. ეს წიგნია ‼️სისხლის სამართლის კოდექსი‼️ — თავდაცვის ყოფილი მინისტრი თინათინ ხიდაშელი შს მინისტრის გიორგი გახარიას მიერ ტვ პირველის გადაცემა “რეაქციაში“ გაკეთებულ განცხადებებს სოციალურ ქსელში გამოეხმაურა, რომელსაც უცვლელად გთავაზობთ:


სისხლის სამართლის კოდექსის ყველა მუხლს თავისი აზრი აქვს, ზოგი წინასწარ განზრახვას ითხოვს, ზოგი საბოლოო მიზნის დადასტურებას, ზოგი დანაშაულის სპონტანურობას ადგენს და ზოგი ამბობს, რომ რაღაც ერთი მიზნით იწყება და მერე შეიძლება დანაშაულში გადაიზარდოსო. ამ მოცემულობოთ:


ერთმნიშვნელოვნად უნდა ითქვას, რომ ქმედება რომელიც 20 ივნისის, სრულიად მშვიდობიანი მიტინგის დროს, ერთ მონაკვეთში, მომიტინგეთა ერთი ნაწილის მიერ განხორციელდა (პოლიციელების გადმოთრევა კორდონიდან, სახელმწიფო ქონების დაზირება და გატაცება ფარები და ჩაფხუტები, პარლამენტის შენობაში შესვლის მცდელობა პოლიციელების კორდონის გარღვევით) ერთმნიშვნელოვნად ეტევა სისხლის სამართლის კოდექსით გათვალისწინებული მოცემულობის ფარგლებში, აკრძალული და დასჯადი ქმედებაა.


ჩემი აზრით, ყველა ვინც ამას უარყოფს და ცდილობს ვითარების ისე წარმოჩენას, რომ საერთოდ არაფერი მომხდარა ადგილზე მთელი ღამის განმავლობაში, უბრალოდ ეხმარება გახარიას, რომ დააიგნოროს ყველა შემდეგი, სრულიად სამართლიანი მოთხოვნა.


ამასობაში, სრულიად არალეგიტიმური, დაუსაბუთებელი და ტყუილია ხელისუფლების, მათ შორის ინგასთან გახარიას მიერ წარმოდგენილი კვალიფიკაციები (სახელმწიფო გადატრიალება, ინსტიტუციების ჩამოშლა, ამბოხი, ხელისუფლების ძალადობით შეცვლა). არ არსებობს მათი დადასტურების საჯაროდ ცნობილი ფაქტები (არადა ამაზე აპელირებს ყველა ხომ ერთად ვუყურებდითო) და, შესაბამისად, პოლიტიკურ ხასიათს სძენს მთელს გამოძიებას.


 ზუსტად ისე, როგორც ისინი ამბობენ არაფერი მომხდარა, შსს მინისტრი არარსებულ დანაშაულზე აპელირებით თავად ეწევა სახელმწიფო სისტემის, ინსტიტუტების, გამოძიების ინსტიტუციურ ჩამოშლას, ნდობას აკარგვინებს და პოლიტიკური ანგარიშსწორების ინსტრუმენტად აქცევს.


მთავარი ფაქტები მძიმედან მსუბუქისკენ:


 315-317-ე მუხლები. ეს არის სამართლებრივად ის რაზეც ხელისუფლება საუბრობს:


შეთქმულება საქართველოს კონსტიტუციური წყობილების ძალადობით შესაცვლელად, სახელმწიფო ხელისუფლების დასამხობად ან ხელში ჩასაგდებად;
მოწოდება საქართველოს კონსტიტუციური წყობილების ძალადობით შეცვლისაკენ ან სახელმწიფო ხელისუფლების დამხობისაკენ;


შეთქმულება - წინასწარ განზრახული, ქმედებაა, ის გამორიცხავს სპონტანურობას და აფექტის მდგომარეობაში განხორციელებას რაც 20 ივნისის თანმდევი იყო. არადა შეთქმულების გარეშე ეს დანაშაული არ არსებობს.


ჯერ ჯერობით არავის უნახავს არც მოწოდებები კონსტიტუციური წყობილების ძალადობით შეცვლის ან ხელისუფლების დამხობისკენ. ისევ და ისევ ეს არ არის ემოციური კატეგორია, ასეთ მოწოდებები ძალიან კონკრეტული, დადასტურებული საფრთხის მატარებელი უნდა იყოს და მათ განხორციელების და მიზნის მიღწევის დადასტურებული მტკიცებულებები უნდა არსებობდეს.



მაგალითად 2007 წელს, მაშინ პროკურორი ნიკა გვარამია იმედის ეთერში მეუბნებოდა, რომ აუცილებლად აღძრავდა საქმეს ჩემს წინააღმდეგ ზუსტად ამ მუხლით იმიტომ, რომ მე 7 ნოემბრის აქციაზე გამოსვლის ვთქვი "გამოდით ხალხო და დავამთავროთ ეს ხელისუფლება". არც საქმე აღძრულა და არც არაფერი, იმიტომ რომ სრულიან ნათელი იყო ყველასთვის რომ სასაცილო იქნებოდა ჩემს ამ მოწოდებაზე სამართლებრივი რეაგირება, როდესაც არ არსებობდა დადასტურებული მტკიცებულება რომ ამგვარი შედეგის მიღწევის შესაძლებლობა მქონდა, ბევრი ხალხის გამოსვლის პირობებშიც კი.


  • მუხლი 222 რომელსაც არ ახსენებს ხელისუფლება. ვინაიდან ეცოტავება, პოლიტიკური დრამისთვის, დათხრილი თვალების და დასისხლიანებული მოქალაქეების წინაშე.


  •  "სტრატეგიული ან განსაკუთრებული მნიშვნელობის ობიექტის ხელში ჩაგდება ან ბლოკირება, რამაც შეაფერხა ან შეეძლო შეეფერხებინა ამ დაწესებულების ან ობიექტის ნორმალური მუშაობა".



  •  მუხლი 225 ( წაყენებული აქვს მელიას)


  •  ჯგუფური ძალადობის ორგანიზება, ხელმძღვანელობა ან მასში მონაწილეობა.


შსს მინისტრი თავადაც აცხადებს რომ საღამოს 10 საათამდე მიტინგი იყო


- სრულიად მშვიდობიანი,


- სამართლიანი,


- გულწრფელი პროტესტის გამოვლინება


- მე იქ არ ვყოფილვარო, იმიტომ რომ მშვიდობიანი იყო


არადა ამ მუხლს სჭირდება წინასაწრი განზრახვის დადასტურება. ანუ გამოძიებამ უნდა დაადასტუროს რომ გავრილოვის დანახვით აღშფოთებული ქართველების ორგანიზებას ძალადობრივი მიზნით ახდენდა მელია მთელი დღე და დაგეგმილი ქონდა გაგრძელებები. არადა აქაც არსებობს სხვა მუხლი,


  • მუხლი 226, ჯგუფური მოქმედების ორგანიზება, რომელიც არღვევს საზოგადოებრივ წესრიგს, ან მასში აქტიური მონაწილეობა
    რომელიც სწორედ იმაზეა რომ ამბავი რომელიც ერთ მიზნით დავიწყეთ შესაძლოა სხვა ამბებში გადაიზარდოს.


‼️‼️სწორედ ამ ორი 222 და 226 მუხლების ერთობლიობით შეიძლება ვისაუბროთ დანაშულის გამოძიებაზე 20 ივნისის ღამეს. ‼️‼️ მაგრამ კიდევ ერთხელ, ხელისუფლების მიერ მომზადებულ სცენარში დრამას არ ყოფნის როგორც ჩანს და შესაბამისად სრულად ანგრევს დამოუკიდებელი გამოძიების შესაძლებლობას, და გვარწმუნებს, რომ განაჩენი წინასწარ დაწერილია.


 ამასობაში, იმ ჯადოსნურ წიგნში, არსებობს კიდევ ერთი მუხლი, მუხლი 31: მართლზომიერი რისკი


"მართლსაწინააღმდეგოდ არ მოქმედებს ის, ვინც საზოგადოებრივად სასარგებლო მიზნის მისაღწევად გამართლებული რისკის პირობებში დააზიანებს სამართლებრივ სიკეთეს. "


ხელისუფლებას ბრალის დამტკიცებისთვის ასევე მოუწევს უტყუარი მტკიცებულებები წარმოადგინოს რომ სწორედ ამ შემთხვევასთან არ გვქონდა საქმე, ვინაიდან დარქმუნებული ვარ იმ პოლიტიკოსების ადვოკატები ამ მუხლს ინტენსიურად გამოიყენებენ.


ამასობაში, მე ვითხოვ ბრძანებების საჯაროდ გამოქვეყნებას. ამას ძალიან კონკრეტული მიზანი და მიზეზი აქვს. ბრძანებაში უნდა ჩანდეს:


რა იყო მიზეზი ოპერაციის დაწყების. (კიდევ ერთხელ შეგახსენებთ, მინისტრმა გვითხრა თავიდან არც კი მივსულვარ არაფერი ხდებოდაომ ანუ რაღაც მოხდა რის გამოც მივიდა. დიახ მეც ვადასტურებ რომ მოხდა. მაგრამ რა მოხდა? რა ჩაწერა იმ პირველ ბრძანებაში მინისტრმა? )


  • იმის მიხედვით რა ჩაწერა მიზეზად დგინდება

  • რომელი/რამდენი ძალა უნდა გამოვიდეს

  •  რა ტიპის შეიარაღებით, და სხვა

  • რომელიც პროცედურის/ინსტრუქციის გამოყენებაზე მიუთითა მინისტრმა, სროლის, სპეც საშუალებების გამოყენების თანმიმდევრობის და სხვა შესახებ

  •  რამდენჯერ მოუწია ახალი ბრძანების გაცემა და რა შეცვალა

  • და ბოლოს როდის და რა გარემოებებზე დაყრდნობით გასცა საპოლიციო ნაწილების უკან, დისლოკაციის ადგილზე დაბრუნების ბრძანება.


რაში გვჭირდება ბრძანება? რომ დადგიდეს:


 პოლიციელები / სპეცრაზმელები მოქმედებდნენ თვითნებურად


თუ მინისტრმა გასცა უკანონო ბრძანება\


PS. ბოლოს ასეთი დეტალური იურიდიული განმარტება შსს მინისტრის საჯარო განცხადებებსა და თუ ქმედებებზე  კახა თარგამაძის პასუხად დავწერე . არ მეგონა თითქმის 16 წლის შემდეგ იგივეს დაწერა თუ მომიწევდა.





რატომ არის StopCov ფონდი გაუმჭვირვალე, რაში ხარჯავთ ჩარიცხული თანხას? - გოცირიძე გახარიას

რატომ არის  StopCov ფონდი გაუმჭვირვალე, რაში ხარჯავთ  ჩარიცხული თანხას? - გოცირიძე გახარიას
access_time2020-05-27 16:20:02
„დაასახელეთ მსოფლიოში ერთი ქვეყანა მაინც გარდა საქართველოსი, რომელმაც კორონავირუსის პანდების პერიოდში საკუთარ მოქალაქეებს არ გაუწია არც ერთი თეთრი ფულადი დახმარება“ - ამ კითხვით მიმართა პარლამენტში ანგარიშის წარსადგენად მისულ საქართველოს პრემიერ მინისტრ გიორგი გახარიას „ნაციონალური მოძრაობის“ წევრმა რომან გოცირიძემ. ოპოზიციონერმა დაპუტატმა თავის გამოსვლაში ყურადღება  StopCov ფონდში ჩარიცხული თანხაზე გაამახვილა. „ბ.ნ პრემიერო დაასახელეთ...

აპირებთ თუ არა გადახედოთ 520-ე დადგენილებას, რომელმაც ჯანდაცვის სისტემის ფინანსურ მდგრადობას უზარმაზარი ზარალი მიაყენა- ჭაბერაშვილი გახარიას

აპირებთ თუ არა გადახედოთ 520-ე დადგენილებას, რომელმაც  ჯანდაცვის სისტემის ფინანსურ მდგრადობას უზარმაზარი ზარალი მიაყენა-  ჭაბერაშვილი გახარიას
access_time2020-05-27 15:50:33
„აპირებთ თუ არა გადახედოთ 520-ე დადგენილებას, რომელმაც პანდემიამდე უზარმაზარი ზარალი მიაყენა  ჯანდაცვის სისტემის ფინანსურ მდგრადობას“, - ამ კითხვით მიმართა პარლამენტში ანგარიშის წარსადგენად მისულ საქართველოს პრემიერ მინისტრ გიორგი გახარიას „ევროპული საქართველოს“ წევრმა ზურაბ ჭიაბერაშვილმა. ოპოზიციონერმა დაპუტატმა თავის გამოსვლაში ყურადღება ჰოსპიტალურ სექტორში შექმნილ პრობლემებზე გაამახვილა. „ბ.ნ გიორგი, თქვენ თქვენი დროის უდიდესი ნაწილი დაუთმეთ იმაზე საუბარს...

საქართველოს ბიზნეს ასოციაცია მიესალმება ეკონომიკის გახსნის ტემპების დაჩქარებას

საქართველოს ბიზნეს ასოციაცია მიესალმება ეკონომიკის გახსნის ტემპების დაჩქარებას
access_time2020-05-27 15:00:56
„საქართველოს ბიზნეს ასოციაცია“ ეკონომიკის გახსნასთან დაკავშრიებით სპეციალურ განცხადებას ავრცელებს,რომელსაც „კომერსანტი“ უცვლელად გთავაზობთ: `ასოციაცია მიესალმება ეკონომიკის გახსნის მორიგ ეტაპს, რომლის მიზანია, აღდგეს ეკონომიკური აქტივობა და ბიზნესი დაუბრუნდეს ცხოვრების ჩვეულ რიტმს. საბედნიეროდ, საქართველოში გვაქვს ვითარება, როდესაც სამედიცინო პერსონალისა და ეპიდემიოლოგების ძალისხმევით, საქართველოს მთავრობის აქტიური მუშაობის, ბიზნეს სექტორისა და მოქალაქეების...

რატომ ვერ მოხერხდა, რომ დღეს თქვენ ამ მოხსენების ფონზე გქონოდათ წარმოდგენილი ბიუჯეტი - კაკულიას კითხვები პრემიერს

რატომ ვერ მოხერხდა, რომ დღეს თქვენ ამ მოხსენების ფონზე გქონოდათ წარმოდგენილი ბიუჯეტი - კაკულიას კითხვები პრემიერს
access_time2020-05-27 15:00:24
„რატომ ვერ მოხერხდა, რომ დღეს თქვენ ამ მოხსენების ფონზე გქონოდათ წარმოდგენილი ბიუჯეტი“, - ამ კითხვით მიმართა პარლამენტში ანგარიშის წარსადგენად მისულ საქართველოს პრემიერ მინისტრ გიორგი გახარიას დარგობრივი ეკონომიკისა და ეკონომიკური პოლიტიკის კომიტეტის თავმჯდომარემ რომან კაკულიამ. ამასთან მმართველი გუნდის წევრმა საქართველოს პრემიერს ჰკითხა როგორ დაიხარჯება StopCov ფონდში ჩარიცხული თანხა. „რატომ ვერ მოხერხდა რომ დღეს თქვენ ამ მოხსენების ფონზე გქონოდათ წარმოდგენილი ბიუჯეტი...

ვაკის საცურაო აუზი 6 ივლისს გაიხსნება

ვაკის საცურაო აუზი  6 ივლისს გაიხსნება
access_time2020-05-27 15:30:39
„ვაკის საცურაო აუზი” და მასში შემავალი სხვა სერვისები  6 ივლისიდან იხსნება“-ამის შესახებ „კომერსანტს“  საცურაო აუზის ადმინისტრაციაში განუხადეს.„მოგეხსენებათ,საერთო მსოფლიო პანდემიამ უდიდესი გავლენა მოახდინა გლობალურ ეკონომიკაზე, გამონაკლისი არც ჩვენი ქვეყანაა. დაწესებულმა შეზღუდვებმა კი ყველა კომპანია თავისი გავლენის ქვეშ მოაქცია, თუმცა უსაფრთხოების ნორმების დაცვით, ბიზნესი ჩვეულ სამუშაო პროცესს უბრუნდება. შეიცვალა,  “ვაკის საცურაო...


მსგავსი სიახლეები

up