„თუ გადასახადების ზრდისთვის რეფერენდუმის საჭიროება გაუქმდება, საქართველოში ბიზნესის დაწყებაზე ბევრი ინვესტორი იტყვის უარს"

„თუ გადასახადების ზრდისთვის რეფერენდუმის საჭიროება გაუქმდება, საქართველოში ბიზნესის დაწყებაზე ბევრი ინვესტორი იტყვის უარს"

access_time2017-01-31 17:00:04

კონსტიტუციიდან იმ ჩანაწერის შესაძლო ამოღებას, რის მიხედვითაც გადასახადების განაკვეთის ზედა ზღვრის ზრდისთვის და ახალი ტიპის გადასახადების შემოღებისათვის რეფერენდუმის ჩატარება არის საჭირო, დარგის სპეციალისტები „უკან გადადგმულ ნაბიჯად აფასებენ". მათი განცხადებით, თუ ეს მოხდება ქვეყანაში ინვესტიციებს არა მარტო უცხოელი, არამედ ქართველი ბიზნესმენებიც აღარ განახორციელებენ.

 

 

გადასახადის გადამხდელთა კავშირის ვიცე-პრეზიდენტის, გიგლა მიქაუტაძის განცხადებით, იმ შემთხვევაში, თუ კონსტიტუციიდან ამოიღებენ ჩანაწერს, რომელიც გადასახადების ზედა ზღვრის ზრდისთვის რეფერენდუმის საჭიროებას ითვალისწინებს, ეს ბიზნესზე საგადასახადო წნეხს გაზრდის. მისი თქმით, ეს გამოიწვევს იმას,რომ მთავრობა გაზრდის გადასახადებს და გადასახადების გაზრდა გავრცელდება უკვე საერთო სახელმწიფოებრივ გადასახადებზე, რაც დღევანდელი კონსტიტუციით შეზღუდულია.

 

„მთავრობამ, იმის მაგივრად,რომ იფიქროს ხარჯების შემცირებაზე, მეტ აქცენტს გააკეთებს შემოსავლების გაზრდაზე, რაც ძალიან არასწორი იქნება. ეს სტაბილურობის განცდას შეარყევს და ინვესტორებს შესაძლოა, კიდევ ერთი კითხვა გაუჩინოს - ჩადოს თუ არა ფული ამ ქვეყანაში", - განაცხადა მიქაუტაძემ.

 

მისივე განცხადებით, ეს ჩანაწერი კონსტიტუციაში ერთი მხრივ კარგია, რადგან მთავრობას ზღუდავს ხარჯების გაზრდაში, მაგრამ მეორე მხრივ, უცხოელი ინვესტორებისთვის არის გარკვეული გარანტია, რომ ნებისმიერი მთავრობის პირობებში გადასახადები არ გაიზრდება, ისე რომ მათი ინვესტიციები წამგებიანი გახდეს. „ამიტომ ასეთი ტიპის ჩანაწერი ჩვენ ტიპის ქვეყნისთვის უმნიშვნელოვანესია, რადგან ჩვენ ინვესტორებს ვერ ვაძლევთ უსაფრთხოების გარანტიას. ეს კი არის გარანტია მათი ბიზნესისთვის. ამიტომ ამ ჩანაწერით საქართველო მისაბაძი მაგალითი შეიძლება გახდეს. მსგავსი მუხლი შვეიცარიაშიც მოქმედებს და რატომ უნდა გავაუქმოთ ჩვენ, არ მესმის.


 

ამიტომ ეს ჩანაწერი არის მართლაც უნიკალური. მე ვიყავი მსოფლიოს გადამხდელთა ფორუმზე, სადაც საქართველო ამ კუთხით გამორჩეული იყო და ყველა აღნიშნავდა, თუ რამდენად თამამი ნაბიჯი გადადგა საქართველომ. ფაქტობრივად, სახელმწიფომ შეიზღუდა საკუთარი თავი ამ მიმართულებით და ძალაუფლება გადასცა ხალხს. ამის შეცვლა იქნება დაბრუნება წარსულში", - განუცხადა „კომერსანტს" მიქაუტაძემ.

 


ბიზნეს სამართლის სპეციალისტი აკაკი ჩარგეიშვილი მიიჩნევს, რომ კონსტიტუციიდან ამ მუხლის ამოღება პირდაპირი ხელის შეშლა იქნება, როგორც ბიზნესისათვის, ასევე ეკონომიკური აქტიურობისთვის.
„მიჩნეული იყო ის, რომ ინვესტორებს სრული საინვესტიციო-საკანონმდებლო, თავისუფალი ბაზა და საინვესტიციო გარემო ჰქონდათ საქართველოში, ვგულისხმობ, როგორც უცხოელ, ასევე ადგილობრივ ინვესტორს. ბიზნესმენებს ჰქონდათ გარანტია იმისა, რომ ბიზნესის წარმოების შემთხვევაში არაფერი შეიცვლებოდა. ეს ჩვენი ქვეყნის ეკონომიკის განვითარების ღერძია.

 

კონსტიტუციიდან ამ მუხლის ამოღება პირდაპირი ხელის შეშლა იქნება ბიზნესისათვის და მიმდინარე ეკონომიკური აქტივობისთვის. შემდგომი საფრთეხეები პირდაპირ გადასახადის გადამხდელს და ბიზნესს შეეხება. ეს მუხლი ინვესტორისთვის გარანტია და დაცვაა. თუ გადასახადების ზრდისთვის რეფერენდუმის საჭიროება გაუქმდება, საქართველოში ბიზნესის დაწყებაზე ბევრი ინვესტორი უარს იტყვის", - აცხადებს ბიზნეს სამართლის ექსპერტი აკაკი ჩარგეიშვილი.

 

დღეს სოციალ-დემოკრატიული პარტიის თავმჯდომარის, უმრავლესობის წევრმა გია ჟორჟოლიანმა განაცხადა, რომ კონსტიტუციაში არსებული ის ჩანაწერი, რომელიც გადასახადების ზედა ზღვრის ზრდაზე რეფერენდუმის საჭიროებას გულისხმობს, უნდა გაუქმდეს. მისი განცხადებით, ის არსებითაც ზღუდავს პარლამენტის, როგორც წარმომადგენლობითი ორგანოს უფლებას, განსაზღვროს ქვეყნის განვითარება და ინსტიტუციურ დემოკრატიას აზიანებს.

 


ავტორი: "კომერსანტი"



დღის Top-10 საინტერესო ამბავი

დღის Top-10 საინტერესო ამბავი
access_time2020-07-07 21:30:29
დღის Top-10 საინტერესო ამბავი 1.ტამანის პორტი საქართველოს კონკურენტი ვერ გახდება - ბათუ ქუთელია „ამ ხელისუფლების პირობებში ანაკლიის პორტი არ აშენდება იმ მარტივი მიზეზის გამო, რომ ეს არის გეოპოლიტიკური პროექტი.როგორც ჩანს, „ქართული ოცნების“ ხელისუფლებისთვის რუსული გეოპოლიტიკური ინტერესები უფრო ანგარიშგასაწევია...

დამოუკიდებელი საქართველოს ისტორიაში სტრატეგიული პარტნიორისგან პირველი სანქცია მივიღეთ - ბათუ ქუთელია

დამოუკიდებელი საქართველოს ისტორიაში სტრატეგიული პარტნიორისგან პირველი სანქცია მივიღეთ - ბათუ ქუთელია
access_time2020-07-07 16:00:47
„ღიად და პირდაპირ,  „ქართული ოცნების“ მთავრობამ მიიღო პირველი სანქცია, რომელიც თავისი მასშტაბით არ არის დიდი, მაგრამ მნიშვნელობით არის კატასტროფული, — ასე აფასებს საერთაშორისო ურთიერთობების ექსპერტი ბათუ ქუთელია აშშ-ს კონგრესის კანონპროექტს საქართველოსთვის განკუთვნილი დახმარების 15 პროცენტის გაყინვის შესახებ.  ცოტა ხნის წინ ცნობილი გახდა, რომ აშშ-ის წარმომადგენელთა პალატამ ასიგნებების კომიტეტის მიერ წარდგენილი კანონპროექტი გამოაქვეყნა,...

მსოფლიო ბანკის მიერ დაფინანსებული პროექტი გორის მუნიციპალიტეტში 4 წლის განმავლობაში ვერ დასრულდა

მსოფლიო ბანკის მიერ დაფინანსებული პროექტი გორის მუნიციპალიტეტში 4 წლის განმავლობაში ვერ დასრულდა
access_time2020-07-06 16:00:47
მსოფლიო ბანკის მიერ მხარდაჭერილი პროექტის დასრულება ხიდისთავი-ატენი-ბოშურის 10 კმ-იან მონაკვეთზე ისევ გადაიდო. ამჯერად მისი განმახორციელებელი უწყება ვარაუდობს, რომ პროექტი, რომელიც ტენდერში გამარჯვებულმა უცხოურმა კომპანიამ 2016 წელს დაიწყო შემოდგომამდე დასრულდება. ხელშეკრულებით გათვალისწინებული პირობების დარღვევისთვის კი სამუშაოების განმახორციელებელ კომპანიას ჯარიმა დაეკისრა. ეს გადაწყვეტილება დამკვეთმა უწყებამ 2019 წლის 31 ოქტომბრის შემდეგ...

Handelsblatt: უკრაინას გაკოტრება ემუქრება

Handelsblatt: უკრაინას გაკოტრება ემუქრება
access_time2020-07-07 20:00:58
უკრაინის ეროვნული ბანკის პრეზიდენტი იაკოვ სმოლი მოულოდნელად გადადგა. ეს იმ დროს მოხვდა, როდესაც მთავრობამ 1, 7 მლრდ. დოლარის სახელმწიფო ობლიგაციების გამოშვება დაიწყო.უკრაინა, როგორც სახელმწიფო, ისევ გაკოტრების წინაშე დგას.მხოლოდ 2020 წელს კიევმა 17 მლრდ. დოლარის ოდენობის საგარეო დავალიანება ან უნდა დაფაროს, ან მისი რესტრუქტურიზება მოახერხოს.ამ მიზნით გამოშვებული ობლიგაციების გაყიდვა ლონდონის საფონდო ბირჟაზე იგეგმებოდა. თუმცა, ეროვნული ბანკის პრეზიდენტის...

ტურისტების გარეშე Hilton-ის გახსნას აზრი არ აქვს - ლაშა პაპაშვილი

ტურისტების გარეშე Hilton-ის გახსნას აზრი არ აქვს - ლაშა პაპაშვილი
access_time2020-07-07 13:30:27
თბილისში Hilton-ის ბრენდის პირველი სასტუმროს გახსნა კიდევ ერთხელ გადაიდო. პროექტი ბიზნესმენ ლაშა პაპაშვილის კომპანია „რედიქსს“ ეკუთვნის. ამის შესახებ ბიზნესმენმა „კომერსანტს“ თავად განუცხადა. მისი განმატებით, თბილისში, ჭავჭავაძის გამზირზე Hilton-ის ბრენდის პირველი სასტუმროს გახსნამ ტურისტების არარსებობის გამო, კიდევ ერთხელ გადაიწია. „Hilton-ის გახსნა გადადებულია. ფანჯარაში ვიხედებით, როდესაც მსოფლიოში კარგი სიტუაცია იქნება ანუ როცა ტურისტები შემოსვლას დაიწყებენ,...


მსგავსი სიახლეები

up