„თუ ბახტაძემ ენმ-ს სხვისი თანხა შესწირა, 40 ათასით უნდა დაჯარიმდეს“

„თუ ბახტაძემ ენმ-ს სხვისი თანხა შესწირა, 40 ათასით უნდა დაჯარიმდეს“

access_time2018-06-20 11:53:28

„საერთაშორისო გამჭვირვალობა საქართველოს“ (TI) უფროსი იურისტი გიგი ჩიხლაძე აცხადებს, რომ იმ შემთხვევაში, თუ პრემიერობის კანდიდატმა მამუკა ბახტაძემ 2012 წელს მართლაც სხვისი თანხა შესწირა ერთიან ნაციონალურ მოძრაობას, ამით მან კანონი დაარღვია და შესაბამისი ჯარიმის გადახდაც მოუწევს.

 

იურისტის თქმით, ქართული კანონმდებლობით მესამე პირის მეშვეობით შემოწირულობის განხორციელება იკრძალება. შესაბამისად, თუ მსგავსი დარღვევა დადგინდა, დაჯარიმდება რეალური შემომწირველი (ამ შემთხვევაში, ვინც სავარაუდოდ გადასცა ბახტაძეს ეს თანხა) და შემოწირულობის განმახორციელებელი (თავად პრემიერ-მინისტრობის კანდიდატი) შემოწირულობის ორმაგი ოდენობით. ხოლო პარტიამ, რომელმაც შემოწირულობა მიიღო, მიღებული თანხა ბიუჯეტში უნდა დააბრუნოს:

 

„ეს, ჩვენი შეფასებით, არის კანონდარღვევა იმიტომ, რომ მესამე პირის მეშვეობით შემოწირულობის გნახორციელება ჩვენი კანონმდებლობის მიხედვით იკრძალება და გულისხმობს პირველ რიგში დაჯარიმებას რეალური შემომწირველისაც და შემოწირულობის რეალური განმახორციელებლისაც. ეს ჯარიმა გულისხმობს შემოწირულობის ორმაგ ოდენობას, ამ შემთხვევაში, 40 000 ლარისა და ასევე, თითონ არსებული შემოწირულობის ბიუჯეტში გადარიცხვას“, - უთხრა ჩიხლაძემ „ნეტგაზეთს“.


TI-ს უფროსი იურისტის განმარტებით, ამ შემთხვევაში დარღვევის ხანდაზმულობის ვადა 6 წელია. ვინაიდან მამუკა ბახტაძემ ენმ-ს სავარაუდოდ სხივის თანხა 2012 წლის 2 აგვისტოს შესწირა, ხანდაზმულობის ვადა 2018 წლის 2 აგვისტოს გადის.

 

TI-ში გეგმავენ, რომ ამ საკითხის შესწავლის მოთხოვნით აუდიტის სამსახურს დღეს, 20 ივნისს, მიმართონ.

 

პრემიერობის კანდიდატმა მამუკა ბახტაძემ 19 ივნისს ენმ-ის დეპუტატებთან შეხვედრისას განაცხადა, რომ საკუთრი თანხა ერთიანი ნაციონალური მოძრაობისთვის არასოდეს შეუწირავს. რაც შეეხება 2012 წლის აგვისტოში ენმ-სთვის მისი სახელით შეწირულ 20 000 ლარს, ბახტაძე ამბობს, რომ მისი ანგარიში მხოლოდ ტექნიკურად იქნა გამოყენებული:

 

თქვენ თუ გაინტერესებთ ის, რამდენად გადავრიცხე ჩემი თანხა ენმ-ის მხარდასაჭერად, მე ამაზე მაქვს მარტივი პასუხი - არა, მე ჩემი თანხა არასოდეს არ გადამირიცხავს ერთიანი ნაციონალური მოძრაობისთვის. თქვენ 2012 წელს იმიტომ, რომ არ ჰქონოდა საშუალება ქართულ ოცნებას დაეფინანსებინა პარტია ადეკვატურად,შეცვალეთ კანონი და იურიდიულ პირებს აუკრძალეთ პარტიების დაფინანსება. ამას მოჰყვა შემდეგ უკვე ცვლილება კანონში საბანკო საქმიანობის შესახებ.


 

აქედან გამომდინარე, ჩემი პირადი ფიზიკური ანგარიში იქნა გამოყენებული მხოლოდ ტექნიკურად. მე 2011 წლიდან ვიყავი და ვარ ქართული ოცნების მხარდამჭერი, 2012 წელს ვიყავი დაკავებული ძალიან მნიშვნელოვანი საორგანიზაციო საკითხებით ქართულ ოცნებაში და 2012 წლის 1 ოქტომბერს მთელ ქართველ ერთან ერთად ვიზეიმე თქვენი გასტუმრება საქართველოს ხელისუფლებიდან - თქვა პრემიერობის კანდიდატმა ერთიანი ნაციონალური მოძრაობის დეპუტატებთან შეხვედრაზე.

 

ბახტაძის თქმით, მასზე არავითარი ზეწოლა არ ყოფილა.

 

მამუკა ბახტაძემ 2012 წლის 2 აგვისტოს, ანუ ორი თვით ადრე, სანამ თავისივე სიტყვებით, ნაცმოძრაობის წაგებას იზეიმებდა, ერთიან ნაციონალურ მოძრაობას 20 000 ლარი შესწირა.

 

რეესტრის მიხედვით, ამ პერიოდში ბახტაძე საქართველოს საერთაშორისო ენერგეტიკული კორპორაციის დირექტორი იყო, რომლის 100%-იანი წილის მფლობელი საქართველოს ინდუსტიული ჯგუფია. ინდუსტრიული ჯგუფი კორპორაციას იმ პერიოდშიც ფლობდა, როდესაც მამუკა ბახტაძე მისი დირექტორის თანამდებობას იკავებდა.

 

საქართველოს ინდუსტრიული ჯგუფი ის კომპანიაა, რომელიც ტყიბულის მინდელის სახელობის შახტს მართავს. ინდუსტრიული ჯგუფის დირექტორთა საბჭოს თავმჯდომარე დავით ბეჟუაშვილია.

 

დავით ბეჟუაშვილი მერვე მოწვევის პარლამენტში (2012 წელს) თეთრიწყაროს მაჟორიტარი იყო ერთიანი ნაციონალური მოძრაობიდან. ბეჟუაშვილი საქართველოს მეხუთე, მეექვსე და მეშვიდე მოწვევის პარლამენტის წევრიც იყო.

 

2013 წლის ნოემბერში დავით ბეჟუაშვილმა საპარლამენტო უმცირესობა დატოვა და უპარტიო დამოუკიდებელ მაჟორიტართა ფრაქციას შეუერთდა.

 

საქართველოს ინდუსტრიული ჯგუფის დირექტორთა საბჭოს აღმასრულებელიდირექტორია- გელა ბეჟუაშვილი (ყოფილი საგარეო საქმეთა მინისტრი ერთიანი ნაციონალური მოძრაობის მთავრობაში.), ფინანსური დირექტორი- ზურაბ გელენიძე, კომერციული დირექტორი- ზურაბ გოზალიშვილი, გენერალური დირექტორის მრჩეველი სტრატეგიულ საკითხებში - ლევან ვეფხვაძე (ყოფილი ქრისტიან-დემოკრატი) და გენერალური დირექტორი - ჯამბულ ჯაყელი.

 

„ნეტგაზეთი“

 

 




უნივერსიტეტებს უცხოელი სტუდენტების დაკარგვის ეშინიათ

უნივერსიტეტებს უცხოელი სტუდენტების დაკარგვის ეშინიათ
access_time2020-09-19 12:00:34
საქართველოს უმაღლეს სასწავლებლებში 13 000-ზე მეტი უცხოელი სტუდენტი სწავლობს. ახალი სასწავლო წელი მათთვის და მათი სასწავლებლებისთვის გამკაცრებული რეგულაციებით და გაზრდილი ხარჯით იწყება....

„ლარი გარბის“ - ეკონომიკის ყველა მინისტრი კი 2013 წლიდან ერთსა და იმავეს ლაპარაკობს - „ლარი სტაბილურად მოძრაობსო“

„ლარი გარბის“ - ეკონომიკის ყველა მინისტრი კი 2013 წლიდან  ერთსა და იმავეს ლაპარაკობს - „ლარი სტაბილურად მოძრაობსო“
access_time2020-09-19 10:00:49
ლარი გარბის“ - ეკონომიკის ყველა მინისტრი კი 2013 წლიდან ერთსა და იმავეს ლაპარაკობს - „ლარი სტაბილურად მოძრაობსო“, - ამის შესახებ ბიზნესმენმა, პარტიის „პროგრესი და თავისუფლების“ ერთ-ერთმა ლიდერმა ცეზარ ჩოჩელმა „პალიტრანიუსის“ გადაცემაში „360 გრადუსი“...

დღის TOP 10 საინტერესო ამბავი

დღის TOP 10 საინტერესო ამბავი
access_time2020-09-18 21:00:58
დღის TOP 10 საინტერესო ამბავი:   1. რესპუბლიკური საავადმყოფო - საპარტნიორო ფონდის მორიგი ჩავარდნილი პროექტი ქვეყნის ერთ-ერთმა ყველაზე მაღალანაზღაურებადმა მენეჯერმა დავით საგანელიძემ ამორტიზებული და უმძიმესს მდგომარეობაში მყოფი კლინიკების განვითარებისთვის არაფერი...

ფინანსთა მინისტრის ყოფილი მოადგილე აგრობიზნესში წავიდა

ფინანსთა მინისტრის ყოფილი მოადგილე აგრობიზნესში წავიდა
access_time2020-09-18 19:30:26
ფინანსთა მინისტრის ყოფილი მოადგილე აგროსექტორით დაინტერესდა. გიორგი თაბუაშვილი10 ჰექტარ მიწის ფართობზე გაშენებული ქლიავის ბაღებიდან პირველი მოსავალი უკვე მიიღო.   როგორც გიორგი თაბუაშვილმა ბიზნესპარტნიორს განუცხადა, ქლიავის ბაღები კასპშია გაშენებული. მისი თქმით,  რაოდენობა მცირეა, თუმცა მომავალში ბევრად მეტის მოლოდინი აქვთ.   „მეოთხე წელს სტენლის ჯიშის ქლიავის პირველი მოსავალი მივიღეთ, რაც დაახლოებით 4 ტონა იყო. მომავალ წელს, ამ დროს უკვე ემპრესის...

პანდემიამ ევროპის ქვეყნებს შორის საზღვრები დააბრუნა

პანდემიამ ევროპის ქვეყნებს შორის საზღვრები დააბრუნა
access_time2020-09-18 19:00:47
ევროპელებს ათწლეულების მანძილზე საზღვრების არსებობო თითქმის დაავიწყდათ - თუმცა, 2020-ში საკითხი ისევ რეალობად იქცა. ზოგი საზღვარი გაიხსნა, ზოგი არა, ზოგი ღიაა მხოლოდ გარკვეული ქვეყნებს მოქალაქეებისთვის, სხვებისთვის კი - ჯერაც დახურულია. სულ რამდენიმე კვირაში შენგენის ზონის არსებობა კითხვის ნიშნის ქვეშ დადგა. „ევროპელებს დაავიწყდათ, რომ ცალკეულ სახელმწიფოებს საზღვრების დახურვის უფლებამოსილება აქვთ. შენგენის შეთანხმებაში შავით...


მსგავსი სიახლეები

up