„თუ ამერიკაში ნეგატიური დამოკიდებულება ჩამოყალიბდა საქართველოს ეკონომიკურ მიმზიდველობასთან დაკავშირებით, ეს ეფექტი მთელ სამყაროზე გადავა“

„თუ ამერიკაში ნეგატიური დამოკიდებულება ჩამოყალიბდა საქართველოს ეკონომიკურ მიმზიდველობასთან დაკავშირებით, ეს ეფექტი მთელ სამყაროზე გადავა“

access_time2020-01-23 14:30:56

ოთხი ამერიკელი კონგრესმენი – ადამ კინზინგერი, ჯერი კონოლი, ელიოტ ენგელი და მაიკლ მაკაული საქართველოს პრემიერ-მინისტრ გიორგი გახარიას წერილით მიმართავენ. როგორც წერილშია აღნიშნული, ისინი შეშფოთებას გამოთქვამენ დაპირებული დემოკრატიულ რეფორმებზე უარისა და ამასთან დაკავშირებით მშვიდობიანი დემონსტრანტების წინააღმდეგ ძალადობის, ასევე ანაკლიის ღრმაწყლოვანი პორტის პროექტის პოლარიზაციის გამო. გარდა ამისა, მათი თქმით, ეკონომიკური ინდიკატორები საქართველოში პირდაპირი უცხოური ინვესტიციების მკვეთრ შემცირებას აჩვენებს.


ამერიკელი კონგრესმენების წერილს ეხმაურება „კომერსანტთან“ საუბრისას ანალიტიკოსი გია ხუხაშვილი. მისი თქმით, მსგავსი შეფასებები არა მარტო ამერიკასთან ურთიერთობას ურთულებს ქვეყანას, არამედ ზოგადად სახელს უფუჭებს საერთაშორისო ასპარზეზე.


„საქართველოში არ გვაქვს ეკონომიკის რელური სექტორი, არ გვაქვს საექსპორტო პროდუქცია, რომელიც კონკურენტული იქნება ამერიკულ ბაზარზე, შესაბამისად მათთან ვაჭრობა აქტიური არ არის. თუმცა, მარტო ამაში არ არის საქმე, XXI საუკუნეში ეკონომიკა და პოლიტიკა გადაჯაჭვულია ერთმანეთთან, ამიტომ შესაძლოა ამერიკა-საქართველოს სავაჭრო ურთიერთობები დიდად აქტიური არ იყოს, მაგრამ თუ აშშ-ში ნეგატიური დამოკიდებული ჩამოყალიბდა, ჩათვალეთ რომ, ამ ტიპის გადაწყვეტილებები ტრანსნაციონალურ ხასიათს ატარებს და დომინოს პრინციპით სხვა ქვეყნებსაც გადაეცემა.  დღეს უკვე არის საკმაოდ შემაშფოთებელი ვითარება და ისეთი ტენდენციაა, რომ ხვალ ალბათ უფრო დამძიმდება“, - აცხადებს გია ხუხაშვილი.


გია ხუხაშვილი მიიჩნევს, რომ თავისუფალი ვაჭრობის ხელშეკრულების არსებობის მიუხედავად აშშ-სთან საქართველოს რაიმე განსაკუთრებული ვაჭრობა არ აქვს, თუმცა მათი ნეგატიური დამოკიდებულება სხვა ქვეყნებთან სავაჭრო ურთიერთობაზეც  იმოქმედებს.



„ამერიკული კომპანიების მხრიდან საქართველოთი დაინტერესება ადრეც არ იყო დიდი, მაგრამ ბოლო მოვლენების ფონზე, კიდევ უფრო გაუარესდა სავაჭრო ურთიერთობები.  ამერიკული პოლიტიკა ძალიან აქტიურად იცავს მათი კომპანიების ინტერესებს ნებისმიერ ქვეყანაში და მტკივნეულად აღიქვამს ამ საკითხს, ბოლო მაგალითია „ფრონტერა“, არ ვიცი ამ შემთხვევაში ვინ არის მტყუანი და ვინ მართალია, მაგრამ თვითონ ფაქტია არასახარბიელო. არსებობს მეორე ინდიკატორიც - „ანაკლიის პორტი“, რომელიც აგრეთვე საერთაშორისო უსაფრთხოების თემა გახდა და ამ დროს როდესაც ამერიკაში უყურებენ რომ საქართველოში ხელოვნური პროცესები მიდის, მინიმუმ პროექტის ოპერატორის დისკრედიტაციის კუთხით, შესაბამისად ცუდი დამოკიდებულება ყალიბდება. საბოლოოდ ჩვენ უნდა გვესმოდეს, რომ თუ ამერიკაში ნეგატიური დამოკიდებულება ჩამოყალიბდა საქართველოს ეკონომიკურ მიმზიდველობასთან დაკავშირებით, ეს ეფექტი მთელ სამყაროზე გადავა, რადგან მათ შეხედულებებს მთელი მსოფლიო იზიარებს“, - განმარტავს გია ხუხაშვილი.


წერილში ნათქვამია, რომ გასული სამი ათწლეულის განმავლობაში წარმოდგენილი დაპირების მიუხედავად, ბოლო დროინდელი დემოკრატიული და ეკონომიკური ტენდენციები უარყოფითად აისახება საქართველოს იმიჯზე აშშ-ში. გია ხუხაშვილის თქმით, მსგავსი განცხადებები საქართველოს მიმართებაში ბოლო პერიოდის განმავლობაში აქტიურად კეთდება.


„თვეების განმავლობაში ჩვენ უკვე გამოხმაურების მთელი კასკადი ვიხილეთ, როგორც აშშ-დან, ისე ევროპიდან და სხვადასხვა საერთაშორისო ინსტიტუტებიდან. უკუსვლა გვაქვს საერთაშორისო დემოკრატიის ინდექსში, ასევე კორუფციაში ანუ მთელ სურათს, რომ შევხედოთ - სამწუხაროდ ძალიან სავალალო და დრამატულია. ეს ყველაფერი იმას ნიშნავს, რომ მთლიანად დასავლეთში და არა მარტო 4 კონგრესმენისთვის,  საქართველოში ჩრდილოვანი ავტორიტარიზმია. ამ წერილის ადრესატი ფორმალურად გახარიაა, მაგრამ ბიძინა ივანიშვილის მისამართით არის დაწერილი. სერიოზული პრობლემები გვაქვს, დასავლეთში იმაზე აპელირებენ რაც ჩვენ ისედაც ვიცით, უბრალოდ ისე მოხდა რომ რაც მხოლოდ ჩვენ ვიცოდით, სხვებმაც გაიგეს“, - ამბობს გია ხუხაშვილი.


ნინო თამაზაშვილი




სილქნეტი განცხადებას ავრცელებს კომპანიის ყოფილ თანამშრომელთა მცირე ჯგუფის მიერ პროვოცირებული ბოლოდროინდელი ქმედებების შესახებ

სილქნეტი განცხადებას ავრცელებს კომპანიის ყოფილ თანამშრომელთა მცირე ჯგუფის მიერ პროვოცირებული ბოლოდროინდელი ქმედებების შესახებ
access_time2020-09-30 18:55:13
ბოლო პერიოდში, სილქნეტის აბონენტთა მომსახურების მიმართულების ყოფილთანამშრომელთა მცირე ჯგუფის მიერ ხდება სხვადასხვა არხებით მცდარი ინფორმაციის გავრცელება კომპანიასთან დაკავშირებით, თითქოს კომპანიაში მიმდინარეობს გაფიცვა, სამუშაო პირობების გაუმჯობესების მოთხოვნით. ეს ინფორმაცია სინამდვილეს არ შეესაბამება და შეცდომაში შეჰყავს მედია საშუალებები და საზოგადოება. კომპანიის აბონენტთა მომსახურების მიმართულება გამართულად მუშაობს და სრული დატვირთვით...

30 სექტემბერი - რეგიონში მხოლოდ ქართული ლარი გამყარდა

30 სექტემბერი - რეგიონში მხოლოდ ქართული ლარი გამყარდა
access_time2020-09-30 18:05:31
კორონავირუსის უარყოფითი ეფექტი რეგიონში ყველაზე მკვეთრად ქართული ლარის კურსზე აისახა, მარტის თვეში, ლარი რეკორდულად 22%-ით გაუფასურდა. წლის განმავლობაში, ქართული ლარი აშშ დოლართან მიმართებაში - 12%-ით გაუფასურდა. შედარებისთვის, დაახლოებით 16%-ით არის შემცირებული თურქული ლირა, სომხური დრამი და აზერბაიჯანული მანათი კი 2%-ის ქვემოთ მერყეობს. ეროვნული ბანკის მიერ გამოქვეყნებული 30 სექტემბრის ვაჭრობის შედეგად, ქართული ლარის კურსი 8 თეთრით გამყარდა და ერთი აშშ...

საქართველოში მზის პირველ ელექტროსადგურს ახალი ინვესტორი ააშენებს

საქართველოში მზის პირველ ელექტროსადგურს ახალი ინვესტორი ააშენებს
access_time2020-09-30 16:00:57
საქართველოში მზის პირველ ელექტროსადგურს ახალი ინვესტორი ააშენებს. "უდაბნოს მზის ელექტროსადგურის“ პროექტისთვის ინვესტორის შერჩევა წლის ბოლომდე დაიწყება. თითქმის, 1 მლნ დოლარით შემცირდა პროექტის საინვესტიციო ღირებულება და 5 მგვტ-იანი ელექტროსადგურის აშენებას ინვესტორი 3,5-4 მლნ დოლარად შეძლებს. "უდაბნოს მზის ელექტროსადგური“ საგარეჯოში, სოფელ უდაბნოს მიმდებარე ტერიტორიაზე აშენდება და მისი წლიური გამომუშავება დაახლოებით, 7 მლნ კვტ/სთ...

COVID-19-ის რეგულაციების დარღვევისთვის საქმიანობა 5-ს შეუჩერდა,10 000 ლარით კი 100-მდე ობიექტი დაჯარიმდა - ბექა ფერაძე

COVID-19-ის რეგულაციების დარღვევისთვის საქმიანობა 5-ს შეუჩერდა,10 000 ლარით კი 100-მდე ობიექტი დაჯარიმდა - ბექა ფერაძე
access_time2020-09-30 15:00:44
შრომის ინსპექციამ, Covid 19-ის საპრევენციოდ არსებული პროტოკოლის დარღვევის გამო ჯარიმასთან ერთად საქმიანობა 5 ობიექტს შეუჩერა. ამასთან, ინსპექციამ 100-მდე ობიექტი 10 000 ლარით დააჯარიმა. ამის შესახებ, ,,ბიზნესპრესნიუსს“ შრომის პირობების ინსპექტირების დეპარტამენტის ხელმძღვანელმა განუცხადა. ბექა ფერაძე იმ კრიტიკულ შეუსაბამობებზე საუბრობს, რის გამოც, ინსპექციამ გაზრდილი მანდატის პირობებში, ობიექტის მიმართ ჯარიმის უმაღლესი ფორმა...

13:00 საათის მონაცემებით, Bloomberg-ზე ერთი დოლარი 3.2069 ლარად ივაჭრება, ბანკებში კი 1 დოლარი 3.3000 ლარი ღირს

13:00 საათის მონაცემებით, Bloomberg-ზე ერთი დოლარი 3.2069 ლარად ივაჭრება, ბანკებში კი 1 დოლარი 3.3000 ლარი ღირს
access_time2020-09-30 13:30:28
Bloomberg-ის სავაჭრო პლატფორმაზე 13:00 საათისთვის ერთი დოლარი 3.2069 ლარად ივაჭრება. პლატფორმაზე ვაჭრობა დღეს 3.2537 კურსით დაიწყო. საქართველოს ეროვნული ბანკის მიერ გუშინ დადგენილი კურსით, ერთი აშშ დოლარის ოფიციალური ღირებულება 3.2878 ლარია. შედარებით განსხვავებულია კომერციულ ბანკებში არსებული კურსი. „თიბისი ბანკში“ 1 აშშ დოლარის ყიდვა 3.3000 ლარადაა შესაძლებელი, ხოლო მისი გაყიდვა - 3.2200 ლარად. „საქართველოს ბანკში“ 1 დოლარის ყიდვა...


მსგავსი სიახლეები

up