„Tsikolia Watches“ 2020 წლის ბოლომდე საათების ოთხ ახალ მოდელს გამოუშვებს. ამის შესახებ „კომერსანტს თავად ცნობილმა ქართველმა სამრეწველო დიზაინერმა ზვიად ციკოლიამ განუცხადა. დიზაინერი მედიაჰოლდინგთან დეტალურად განმარტავს, თუ როგორი იქნება ცნობილი და პოპულარული ქართული ბრენდის ახალი მოდელები:

„დაგეგმილი გვაქვს, რომ წლის ბოლომდე 4 მოდელი  გამოვიდეს. ოთიხვე საათის რეალური პროტოტიპი არსებობს, უბრალოდ ახლა ველოდები აწყობას, როგორც კი ეწყობა, გაიტესტება და დავრწმუნედბით რომ ყველაფერი კარგადაა და არანაირი პრობლემა არ არის მოდელებს წარმოებაში ჩავუშვებთ.

დღეს მივიღებთ, ქალის საათის ახალ მოდელს,რომელიც აბსოლუტურად განსხვავებულია, ასევე ჩაშვებულია მამაკაცის მოდელი, „seven“ არის ავტომატურ მექანიზმზე, რომელიც  განსხვავებულია დიზაინით იქნება,  „seven“ არის ჩვენი ფლაგმანი და გადავწყვიტეთ ამ ფლაგმანს ავტომატურ მექანიზმი შევმატოთ.  წარმოებაში ჩაშვებულია „pilot watch“-ც, თუმცა შევცვალეთ ზომები და გადავდივართ უფრო უნივერსალურ ზომებზე სადღაც 40-დან 42 მმ-მდე იქნება ბუდეები, მათ ვისაც პრეტენზიები აქვს, რომ თხელი მაჭა აქვს და დიდი საათებს ვერ ატარებენ მათვისაც იქნება ეს საათები მორგებული“- განმარტავს დიზაინერი.

შეგახსენებთ, რომ ზვიად ციკოლია ცნობილი ქართველი სამრეწველო დიზაინერია, რომლის პორტფოლიოში მრავალი პროექტია. . მისი ნამუშევრები გამოქვეყნებულია: Carstyling, Auto&Design, Auto Bild, Auto review, Super cars, GQ, Le, Style, Really Good Packaging, Big Book of Packaging, Design and Design და სხვა ჟურნალებში. ხოლო „Tsikolia Watches“, ქართული საათების ბრენდია, რომელიც განსაკუთრებული დიზაინით შვეიცარიაში მზადდება და უკვე წლებია ბაზარზე საკუთარ ნიშას ინარჩუნებს.

ბაჩო ადამია