ცოტა ხნის წინ, Tsikolia Watches-ის ოფიციალურ გვერდზე გამოქვეყნდა მამაკაცის ახალი Seven-ის დიზაინი.  

როგორც ქვეყნის ყველაზე ცნობილი საათების დიზაინერი ზვიად ციკოლია კომერსანტთან აღნიშნავს, ეს  Tsikolia Watches-ის ყველაზე ძვირადღირებული საათი იქნება.

„ ეს მამაკაცის Seven-ის ავტომატური მექანიზმით აღჭურვილი ვერსიაა. უფრო მაღალი საფასო სეგმენტი ვიდრე კვარცის საათებია. დიზაინი ერთი შეხედვით თითქოს იგივეა თუმცა რომ დააკვირდეთ მიხვდებით რომ 90% განსხვავდება წინამორბედი მოდელისგან და სწორედ ის 10%-ია რომელიც მასთან ასოციაციას იწვევს. გამოყენებულია უჟანგავი ფოლადი, საფირონის მინა,  მანათობელი ისრები და ETA 2824-2 კალიბრის ავტომატური მექანიზმი.

ამ ეტაპზე დაზუსტებით ფასზე საუბარი გვიჭირს, თუმცა სავარაუდოდ,  ჩვენს საათებში, ყველაზე ძვირადღირებული მოდელი იქნება,“- განმარტავს ზვიად ციკოლია.

წარმოებაში ჩაშვებულია „pilot watch“-ც, თუმცა შეცვლილი ზომებით.  შეგახსენებთ, რომ ზვიად ციკოლია ცნობილი ქართველი სამრეწველო დიზაინერია, რომლის პორტფოლიოში მრავალი პროექტია. . მისი ნამუშევრები გამოქვეყნებულია: Carstyling, Auto&Design, Auto Bild, Auto review, Super cars, GQ, Le, Style, Really Good Packaging, Big Book of Packaging, Design and Design და სხვა ჟურნალებში. ხოლო „Tsikolia Watches“, ქართული საათების ბრენდია, რომელიც განსაკუთრებული დიზაინით შვეიცარიაში მზადდება და უკვე წლებია ბაზარზე საკუთარ ნიშას ინარჩუნებს.

მარიამ მორგოშია